ՌԴ նախագահ Վլադիմիր Պուտինը Հաղթանակի օրվա՝ Հայրենական մեծ պատերազմում տարած հաղթանակի 81-ամյակի կապակցությամբ շնորհավորական ուղերձներ է հղել նախկին ԽՍՀՄ հանրապետությունների առաջնորդներին, ինչպես նաև Աբխազիայի ու Հարավային Օսիայի ղեկավարներին, Գրաստանի և Մոլդովայի ժողովուրդներին։
Ինչպես նշվում է Կրեմլի հրապարակած հաղորդագրությունում, ուղերձներ են հղվել Ադրբեջանի, Հայաստանի, Բելառուսի, Ղազախստանի, Ղրղզստանի, Տաջիկստանի, Թուրքմենստանի, Ուզբեկստանի, ինչպես նաև Աբխազիայի և Հարավային Օսիայի առաջնորդներին։
Պուտինը իր ուղերձում ընդգծել է, որ այս օրը հարգանքի և երախտագիտության տուրք է մատուցվում այն մարդկանց, ովքեր Հայրենական մեծ պատերազմի տարիներին կռվել են ռազմաճակատում և աշխատել թիկունքում՝ ծանր զոհողությունների և կորուստների գնով մոտեցնելով հաղթանակը նացիստական զավթիչների նկատմամբ։
Նա նաև ջերմ շնորհավորանքներ և երախտագիտության խոսքեր է փոխանցել պատերազմի վետերաններին և թիկունքի աշխատողներին՝ մաղթելով նրանց առողջություն, ուժ և երկար կյանք։
Գրաստանի և Մոլդովայի ժողովուրդներին ուղղված ուղերձներում Պուտինը կոչ է արել պահպանել պատերազմի ծանր տարիների հիշողությունը և փոխանցել հաջորդ սերունդներին ժողովուրդների միջև պատմական բարեկամության և փոխօգնության ավանդույթները։
