Հայաստանի Հանրապետության (ՀՀ) կենտրոնական բանկը տարածել է հաղորդագրություն, որում ասվում է․
«Հարգելի՛ քաղաքացիներ,
Եվս մեկ անգամ ցանկանում ենք զգուշացնել, որ վերջերս կատարված զեղծարարությունների սխեմաներում հաճախորդներից գումար կորզելու նպատակով զեղծարարները ներկայացել են Կենտրոնական բանկի անունից և կեղծ նամակների ու զանգերի միջոցով հորդորել իրենց ֆինանսական միջոցները փոխանցել այլ հաշիվների։
Տեղեկացնում ենք, որ ՀՀ կենտրոնական բանկը երբևէ նման հայտարարություններ և զանգեր չի իրականացնում, հաղորդագրություններ չի ուղարկում և չի իրականացնում ֆիզիկական անձանց բանկային սպասարկում»։
Այս մասին Iravaban.net-ը տեղեկանում է ՀՀ կենտրոնական բանկից։
