Ընթացիկ իրավիճակը և խնդիրները

Անհրաժեշտություն է առաջացել վճարելու 2025 թվականի ձմեռային զորակոչի շրջանակում Հանձնաժողովի կողմից տրված եզրակացության հիման վրա ՀՀ արդարադատության նախարարի 2026 թվականի փետրվարի 2-ի N 42-Ա հրամանով այլընտրանքային աշխատանքային ծառայության ուղարկված 10 ծառայողների 2026 թվականի ծառայության 11 ամիսների և 1 ծառայողի 2026 թվականի ծառայության 10 ամսվա համար օրենքով նախատեսված դրամական բավարարման գումարները։

 Կարգավորման նպատակը

Այլընտրանքային աշխատանքային ծառայության անցած ՀՀ քաղաքացիներին «Այլընտրանքային ծառայության մասին» ՀՀ օրենքով սահմանված դրամական բավարարման գումարների տրամադրում։

 Նախագծի մշակման գործընթացում ներգրավված ինստիտուտները և անձիք

«Հայաստանի Հանրապետության 2025 թվականի դեկտեմբերի 25-ի N 1910-Ն որոշման մեջ փոփոխություն և լրացումներ կատարելու մասին» ՀՀ կառավարության որոշման նախագիծը մշակվել է ՀՀ տարածքային կառավարման և ենթակառուցվածքների նախարարության կողմից։

 Ակնկալվող արդյունքը

«Այլընտրանքային ծառայության մասին» ՀՀ օրենքով սահմանված գործառույթների իրականացում։

 Ֆինանսական միջոցների վերաբերյալ տեղեկատվություն

«Հայաստանի Հանրապետության 2025 թվականի դեկտեմբերի 25-ի N 1910-Ն որոշման մեջ փոփոխություն և լրացումներ կատարելու մասին» ՀՀ կառավարության որոշման նախագծի ընդունումը ՀՀ 2026 թվականի պետական բյուջեի տարեկան եկամուտների և ծախսերի փոփոխությունների չի հանգեցնում, ինչպես նաև լրացուցիչ ֆինանսական միջոցների անհրաժեշտություն չի առաջացնում։

 Ռազմավարական փաստաթղթերի հետ կապը

«Հայաստանի Հանրապետության 2025 թվականի դեկտեմբերի 25-ի N 1910-Ն որոշման մեջ փոփոխություն և լրացումներ կատարելու մասին» ՀՀ կառավարության որոշման նախագիծն առնչվում է Հայաստանի Հանրապետության կառավարության 2021-2026թթ. ծրագրի 5.2-րդ կետին՝ մարդու իրավունքների պաշտպանության ոլորտին, մասնավորապես օրենքի առջև բոլորի հավասարության երաշխավորմանը, խտրականության դրսևորումների կանխմանը, ինչպես նաև իրավունքների իրագործման ապահովմանը։