ArchieDeacon

الجهااااز ده وهم بما تحمله الكلمة من معني .. أداء خرافي ، شاشة وكاميرا رهيبة جدا مشاء الله أوبو أبدعت ىفي التصميم بلمسات جمالية ممتازة جدااااا ، السعر عالي شوية لأنه طبعا فلاج شيب ويعيبه فقط ضعف بطاريته قليلا ، كنا نتمني أن البطارية تكون أكبر من كدة قليلا .. ولكن بشكل عام أدي تقييم للجهاز ده 92% ، حظ موفق لكل مقتنييه .. واللي هايشتريه إطلاقا مش هايندم أبدا

تحياتي ،،

بصفتي مراجع قديم ، وبشتغل في مجل ال Smart Phones من سنين مانصحش حد بالجهاز ده إطلاقا يا جماعة الجهاز أنا جربته وأشتغلت عليه فاااشل بكل المقاييس وهايوضح فشله ده للجميع قريبا .. سعره أغلي بكتير من أمكانياته وللأسف جهاز محبط بكل المقاييس حقيقي ، لا شاشة ولا بصمة ولا معالج ولا أي حاجة تستاهل أنك تدفع 3000 جنيه في موبايل زي ده .. المميز فيه بس هو شكله وتصميمه وماعتقدش إن في حد ممكن يشتري جهاز ب 3000 جنيه علشان شكله أو تصميمه وللا حتي علشان هو براند سامسونج .

تحياتي ،،

نوكيا 225 .. الهاتف الجديد من الفئة المتوسطة .....

الموبايل ده بإختصاااار شديد رااااااااائع جدا ، من حيث الشكل الإنسيابى الشيك جدا ، وأيضا الخامة الجيدة مع حجم الشاشة المناسب للرؤيا خصوصا للناس الكبيرة سنا واللى بتحتاج موبايل شاشته كبيرة وكلماته كبيره ومرئية ومايكونش تاتش وصوته عالى .، والشاشة بيأتى عليها لزقة حماية جاهزة ملزوقة على الموبايل ...

صوت الموبايل .. عالى ونقى جدا ، وفيه كل تطبيقات النت من فيس بوك وتويتر وسكايب وماسنجر ....... إلخ
جاية مع الجهاز برامج ثابته ، بس طبعا للأسف الموبايل مافيهوش 3G ...

الموبايل سرعته جميلة جدا فى الفتح والقفل وباقى المهمام من تسجيل الأسماء حتى 1000 إسم متاح على ذاكرة الهاتف ، وأيضا ممكن تركبله كارت ميمورى حتى 32 جيجا بدون أى قلق ،،

صوت سماعة المكالمات الداخلية للموبايل عالى ونقى وواضح جدا ..

أيضا بطارية الموبايل راااااااائعة حدا ، تدوم من 3 ل 4 أيام عمل مكالمات و MP3 ( نسبة مرضية جدا )

الموبايل متوفر بعدة ألوان ( الأسود - الأحمر - الأصفر - الأخضر ) وسعر الموبايل فى مختلف المحلات من 390 حتى 425 ( طبعا بيختلف السعر من تاجر ﻵخر )

السلام عليكم ،،
لمن يفكر فى إقتناء هذا الهاتف الشيك جدا والأنيق من سامسونج ...

الموبايل بإختصار يا جماعة .. صاحب شاشة قوية السطوع وإلى حد ما وسط لا هى كبيرة قوى ولا صغيرة ..
صوته عالى جدا ولكن مش نقى قوى وده للأمانة ..
بيدعم شريحتين ولو واحدة عليها مكالمة التانية بتدى إنتظار للمتصل أثناء مكالمتك من الشريحة أو الخط الأول ..
البطارية عملااااااااااااااقة بدوم بال 5 و 6 أيام كحد أقصى لو شغل مكالمات كتيييييير ، و 4 أيام لو مكالمات مع MP3 برده بكثافة ..
الجهاز عموما قمة فى الروعة والجمال الهيكلى ( شكله شيك شيك جدا ) لكنه ضعيف شوية لكونه فلاته فممكن لو وقع جامد يتكسر ، هو معايا وقع كذا مرة والحمد لله ماجراش له حاجة ، بس وقع وهو مقفول مش والفلاتة مفتوحة تفرق طبعا ..
العلبة معاها سماعة الأذن + الشاحن + كابل ال USB والكاتلوجات ..
الشاشة بتاعة الجهاز بتيجى بإسكرينة عليه جاهزة من المصنع على قد شاشته تماما ..
سماعة المكالمات الداخلية صوتها عالى جدا جدا ، ويتسمع فى أزحم وأكثر الأماكن ضوضاء ( أنا عن نفسى بوطى صوتها عشان قوى على أذنى ) ..
الجهاز بيجى ببعض ال Games بإمتداد Java طبعا ، وممكن تحطله ألعاب .. بس بالنسبة للأندرويد والويندوز فون ماتعتبرش ألعاب
( قديمة قوى ومش مسلية بالمرة ) ياعنى ألعاب على قد الفون كدة وقدراته ..
الكاميرا برده للأسف مش قد كدة .. صورتها متوسطة مش حلوة قوى ..

المجمل / الجهاز سريع جدا فى فتح وقفل الأسماء ، وإستقبال وإرسال الرسائل سواء بلوتوث أو غيرها .. سريع فى إجراء العمليات الداخلية
ماستخدمتهوش للنت بصراحة .. هو مافيهوش واى فاى .. لكن بيدعم 3G لنت الداتا ( الشريحة ) ..

ده كان تقرير بسيط عن الجهاز ، ماعرفتوش غير لما إشتريت الجهاز بنفسى .. ﻷنى سألت قبل كدة ، وماحدش جاوبنى .. فقررت إنى أشتريه للمكالمات وكدة .. جهاز عملى وشيك وأنيق .. أنصح أى حد بيفكر يجيبه مايترددش ، ويتوكل على الله ..

بعتذر على الإطالة ،، تحت أمركم فى أى إستفسارات أخرى ..

تحياتى لكم -:)

كل سنة ، وحضراتكم طيبين وبالصحة والسلامة ، رمضان كريم على أحلى أعضاء فى أروع منتدى -:)

أى حاجة أنا فى خدمتكم دايما ..

♡ Greetings ♡

سلامى ﻷحلى أعضاء وإخوات فى الموقع المحترم ده -:)

إيه رأيكم لو عملنا مقارنة كدة بين العمالقة دول ال M8 ، وال G Pro 2 وال G3 ونحط معاهم كمان ال Xperia Z2 تفتكروا مين فيهم بحسب خبرة الجميع هنا هو اللى يكسب ، وهو الحقيقى الأفضل ولو بفرق ضئيل جدا فى السرعة والبطارية ، ودول أهم إتنين ؟

عاوز أقرأ تعليقاتكم وآرائكم فى الموضوع ده ؟

♥ Greetings ♥

تقرير عن سامسونج جلاكسى نوت 8 بعد إستخدام مدة 7 شهور متواصلة .، ولازال الجهاز معى .. للرد على أى إستفسار عن أداء الجهاز أو مميزاته ..
نبدأ التقرير :

الحقيقة النوت 8 هو هو النوت 2 فى أداء الهارد وير وكذلك أيضا السوفت وير والرام .، خلينا نتكلم عن الأداء :

1. الأداء ممتاز جدا فى كل شئ من نت أو Games أو ....... أو ...... كل شئ خاص بالأداء ممتاز ومافيش أى تهنيج نهائى فى أى تطبيق أو أى شئ خاص بأداء الجهاز

2. نتكلم عن الشاشة : الحقيقة شاشة الجهاز نقية جدا وسطوعها عالى جدا جدا جدا ، بيشتغل عليها أى فيديو Full HD ولكن مشكلتها الحقيقة إنها نوعها TFT وده الحقيقة العيب الوحيد مش فى الدقة أو السطوع أو الرزيليوشن لكن فى الإستهلاك الشديد جدا جدا للطاقة وللبطارية .، لو كانت من نوع سوبر كلير أو حتى أموليد بلاش سوبر أموليد لأنها كانت هاترفع من سعر الجهاز قوى كانت بقت أفضل كتييييير ﻷن ال TFT من عيوبها الشديدة إنها غير موفرة للطاقة بالمرة غير إنها غير مزودة بسطح مضاد للبقع وليست قوية كالأموليد أو السوبر أموليد

3. القلم : القلم ممتاز جدا وله إستخدامات كتير .، وفيه سينسور للتصفح من غير مايلمس الشاشة على بعد 2 سم كدة عن الشاشة .

4. الصوت : الصوت عالى ونقى .، ولكن صوت التاب 3 8 أنقى وأعلى حاجة بسيطة .، وده عن أداء تجربة بين الإتنين

5. حجم الجهاز مثالى جدا .، ووزنه مش تقيل ، لا هو تكبير قوى فى حمله ، ولا صغير ( حجمه مثالى )

6. الرام : الحقيقة إستهلاك الرام أصبح ممتاز جدا بعد تحديث جيلى بين 4.2.2 ، كان فى الأول فى الإصدار القديم 4.1.2 ممكن توصل الرام ل 1.22 جيجا من أصل 1.79 جيجا ، لكن حاليا الرام لا يزيد عن 850 ميجا فى أشد الإستخدام من أصل 1.79 جيجا ، ياعنى حوالى 1300 ميجا بايت فرى رام .، ياعنى إنسى أى حاجة إسمها تهنيج حتى لو فتحت 10 تطبيقات وألعاب مع بعض ومش هاتحتاج تعمل كلير للرام كل شوية .

7. البروسيسور : طبعا من أقوى البروسيسورات لسامسونج وهو نفسه المستخدم فى النوت 2 .، سريع جدا ويشغل أى أمر بسرعة وبدون سخونية .

8. كارت الشاشة : من أفضل كروت الشاشة اللى أثبتت كفائتها فى أداء أعلى البرامج والالعاب جرافك مثل أسفلت 8 وغيرها .، بدون أى تهنيج أو لاج نهائى

9. التاتش : سريع وممتاز جدا جدا ، زى النوت 3 والنوت 2 تماما .، فالتاتش مافيهوش كلام .

10. الألوان أصبحت أكثر عمقا ووضوحا بعد تحديث السوفت وير ل 4.2.2 وأصبح الجهاز أسرع وأخف و إستهلاك الرام أصبح قليل جدا كما ذكرت لذلك أنصح الجميع بالتحديث ﻷنه أضاف كتير وفعلا أحلى من 4.1.2 بكتيييييييير

11. السرعة : الجهاز سريع جدا .، فى كل شئ سواء ألعاب أو برامج أو تصفح نت أو شات ......... إلخ

12. البطارية : هى دى الحقيقة اول عيب حقيقى فى الجهاز مقياسها مش بالميللى أمبير خالص الحقيقة ﻷن بطارية التاب 3 7،8 بوصة الإتنين بطاريتهم تفوقت بكتير على بطارية النوت 8 فى قلة أستهلاك الطاقة ، والحقيقة أنا مش عارف السبب ياعنى أخلى سطوع الجهازين على اعلى حاجة ، وأحطهم جانب بعض .، وتلاقى التاب 3 بينقص 1 % من البطارية والنوت 8 بينقص بال 2 % مع بعض مش عارف ليه مع إن الإتنين مش مفتوح هنا تطبيقات ولا هنا تطبيقات ياعنى فى الوضع العادى واحد للإتنين ، ولو جينا للكلام على الورق هاتلاقى إن النوت 8 أقوى بطارية فيهم من حيث الميللى امبير 4600 ميللى أمبير

ده بخلاف إن كارت الواى فاى اللى فى النوت 8 بيسحب اكتر من نت الباقة + الشاشة ال TFT زى ماقولنا فوق كل دول بيخلو النوت 8 يفضل شغل متواصل نت أو ألعاب 6 ساعات بالعافية .، ولو لعبة مثلا زى أسفلت 8 يبقى كبيرها على البطارية ساعتين وشكرا ..

أخيرا : الجهاز ممتاز جدا فى كل حاجة من صوت واداء وقوة هارد وير وسوفت وير وقلم وشاشة نقية ....... إلخ
لكن العيب الوحيد هو فى البطارية ، بتخلص بسرعة قوى وهاتضطر تمشى يا إما بالشاحن لو إستخدامك كبير أو تجيب باور بانك تشحن بيه الجهاز وإنت ماشى
غير كدة الاداء ممتاز جدا فى كل حاجة .

ده كان تقرير بسيط عن الاداء والجهاز ، وإنتظروا منى قريبا حل لمشكلة البطارية دى .، وﻷى مشكلة تواجهكوا
أخوكم : ArchieDeacon


G R EE TI NGS -:)

^_^ .. ^_^ .. ^_^

أستاذ / جيكووو .. إستفسار بسيط لو سمحت ،،

أنا معايا أيفون 3Gs بتاع واحد صاحبى ، ومش عارف ينزل عليه صور من الكومبيوتر خالص ، وهو مصور صور بالكاميرا ، موش عارف ينقلها برده على الجهاز ، ولا عارف يحط نغمات ، على الأيفون خالص .. أنا قولتله ينزل برنامج الأى تونز بس هو نزله ، وماعرفش يتعامل معاه إزاى ، ولا يعمل إيه .. أرجو الإفادة ، لو تكرمت ..


تحياتى ليك -:)

Waaaaawoooooooo الفابلت ده رااااااااائع ، خرافة بجد من إبداعات LG ،، للأمام دائما يا LG

الجهاز ده من أروع الأجهزة اللى مسكتها :)

هو تحديث لوميا بلاك نزل للجهاز ده يا جماعة ، وللا إيه ؟ وهل التحديث لو إتعمل هايمسح الأسماء والبيانات ، وللا نحفظها إزاى من الضياع ..

تحياتى ليكم ،

هى أبل ليه بتعمل كدة .. ليه برده مصممة فى جميع أجهزتها ماتزودش الرام .. هم بخلة وللا إيه -:) ماتزود وكله بتمنه ، ياعنى تخيلوا لو عملت جهاز برام 3 جيجا زى النوت برو كدة أو النوت 3 وعملة بروسيسور تردده 2.5 جيجا أو 2.3 ، والكاميرا خليها زى اللى فى أيفون 5s
8 ميجا وبفلاش كدة .. إيه اللى هايجرى ياعنى .. تخيل كل دول لو إتجمعوا فى آى باد من أبل بنفس جودة خامات التصنيع ، بيتهيألى كدة بجهاز زى ده تكسر الدنيا فعلا ويبقى مافيش مقارنة بينه وبين أى تابلت أندرويد أو حتى ويندوز فون على الساحة نهائى..

لكن حتى الكاميرا بدون فلاش والإمكانيات زادت حجات بسيطة .. شئ يحير

ترقبوا تقرير شامل منى عن النوت 8 قريبا .. Coming Soon ، -:)

أحلى مسا وأحلى سلام .، على أرجل وأجدع أخوات وأصحاب (أعضاء) .، وربنا يرجعلنا أخونا وحبيبنا أستاذ أشرف بالسلامة .، قولوا أمين .