جالسه مع البنات وثنتين منهم يسولفون عن نظرة الناس وارائهم وماكنت مهتمه الصدق لين سمعت "المشكلة مب في أفكار الناس عنك المشكلة أنتي وش سويتي عشان تشكّين و تهتمين مره لصورتك في عقولهم؟" لحظه لحظه خل اعدل جلستي عيدوا السالفه!!!!- اليوم سمعت مصطفى حسني يقول من أسباب ذبول الشخص بالحياة هو عدم الانتماء لأحد، وانعدام طعم الحياة بسبب انعدام الأُنس.. اعرف أن هالكلام يجرح تمجيدي للوحدانية؛ لكني كبرت ونضجت النضج الي يخليني استوعب أهمية البشر حولك قد أهمية فردانيتك..
- لقيت موقع رهيببببببببب كله مقالات بالعربي، ويطلّع لك مدة قراءة المقال، وفيه تنوّع ممتتتتعععع، ومجالات مختلفة اسمه -منصة كتابة-
- للحين مبهورة من تعريف الشجاعة الي يقول الشجاعة مب عدم الخوف الشجاعة أنك تقدم و أنت أصلًا تتراعد وفيك أم الركب، الشجاعة هي الإقدام رغم الخوف..
- حصيلة Ted اليوم: تعرف تلصق يدك أذا انقطعت عشان ما يتلوث الجرح، وتعرف تنظف اسنانك بعد الأكل، وتعرف تتروش بعد يوم مُتعب.. بس وش تعرف عن النظافة العاطفية؟ Emotinal hygiene عجبتني كلمة
- يقول تصرفاتك السامة هي عكس لغة الحب حقتك مستحيل تقبل مساعده من احد؟ يعني تحب تقدم خدمة للي تحبهم تحب تنعزل ومحد يقرب مساحتك؟ يعني تحب تعطي الناس من وقتك واهتمامك تحب تتجنب الناس وماتقرب؟ يعني تحب التلامس الجسدي
- صح على الطاري تدري متى يبدأ ألمك الوجودي وتضيق فيك الوسيعة؟ أذا كنت كومبارس في قصة حياتك بمجرد ماتكون البطل وتصير أنت محور حياتك وتكتب السيناريوهات وتأديها بكل رضا فأنت هنا تتحرر من ألم كونك تنساق بدال ما تسوق
- نسيت اقولكم لقيت هالتطبيق جوي جويي جووويييييي حطيت فراشي فيه وبنام لحد يصحيني يخليك تقرأ بمتعة صدق ما تحس نفسك ملتزم بكتاب أو موضوع معين لوقت طويل مقالات شخصية وعلمية ونفسية وطبية ومالية الي ودك طب وتخيّر ومعظمها فيه صوت عشان لو ماتبي تقرأ وودك بس تسمع
- اه ياراسي قريت معلومة تقول أن الأشخاص الي يعانون من القلق المفرط يخافون من المشاعر وما يتعاملون معها بشكل مباشر ولا حتى يعالجونها لأنهم مشغولين بالقلق الناتج عنها فيدورون حول المعنى والقلق عليه بدال الخوض في حلّه والعبور من خلاله وتجاوزه
- كنت أظن الحب أسهل شي بالدنيا حبك للناس الي يقدمون لك التواجد والأُنس و الاستمتاع يزعّل شوي إني بديت افقد إيماني بهذي الفكرة قريت مقال اسمه "محد مننا سهل التعايش معه" قريته عشان القى الثغرات بالناس حولي الي تصعّب علي التعايش معهم لكني لقيت ثغراتي
- صدمتي اليوم تو ادري التوتر يخرب الدماغ ويغيّر الجينات!! يبدأ التوتر بسلسلة تفاعلات في المحور الوطائي النخامي الكظري HPA، تكون بين الغدد الصماء بالدماغ وعلى الكلية
- فيه دكتورة تقول القلق الإجتماعي مع الوقت ينسيّك من أنت لأن قلقك على نظرتك ومحبتك بعيون الناس تخليك تتشكل زي مايحبون فمع الوقت تحب الي يحبونه وتكره الي يكرهونه وتنسى لو كان عندك راي مختلف إتجاه كل شي
