قبل أبدأ أقسم بالله العظيم إن كل حرف بكتبه اليوم حقيقي، وأنا صاحبة القصة، والله الشاهد علي وعلى كل كلمه بقولها وبحط بعد مايثبت كلامي وبقولكم قصتي كملوا تحت
أنا نشئت في أسرة متواضعة مادياً بس ماكنا نمد يدنا للناس كنا لاقين اللي نلبسه ونأكله وحالنا مستور الحمدلله بس كنت أشوف معاناة أمي ورغباتها اللي م تقدر تلبيها لأنها وببساطة عندها بنات واحتياجاتهم كثير ويكبرون بسرعه وهي بالعافيه تلحق عليها
فما كانت تشتري شيء لنفسها ولا تطلع من البيت لانها ماعندها احد يساعدها كبرت وانا احس بشعور تجاهها ودي أشوفها مبسوطة وسعيده ودي أشوفها زيها زي مجتمعها وكنت واعيه جداً لمعاناتها اللي ماذكرت لكم منها ولاشيء أهمها انها ماعاشت طفولتها 💔 لأنها تزوجت بعمر صغير جداً وعانت كثير كثير
وفعلاً بدأت اشتغل على الموضوع ورحت بحثت عن شركات تقنية وحرصت تكون سعودية عشان الثقة وعشان انه خايفه من النصب والإحتيال وياسبحان الله! طحت في واحد ماعمري واجهت نصاب مثله! اقسم بالله يستاهل الأوسكار على التمثيل اللي سواه كان جداً يدعي الأمانه وحريص يظهر لي هذا الجانب جداً جداً
استمرّت المماطلة والتجاهل منه وكنت جداً محترمه معه وبنفس الوقت خايفه يكون نصاب حسيت بس حاولت أتجاهل إحساسي وقتها لأن ابوي كبير ولا يعرف بالأمور هاذي وبنفس الوقت هاذي شقاه وتعبه مابي اعلمه ويصير له شيء خفت عليه وخفت منه بعد جلست انتظره يخلص لين جاء قال ادفعي آخر دفعه وابشري بسلمك
لكن خلونا بقصتي فكانت معاناتها هي الدافع الحقيقي اني كنت احاول في التجاره وليتني ماحاولت
صرت اتابع وابحث انتبهت فيه هبة مشاريع تقنية وصرت مهتمه في هذا الموضوع لين جات في بالي فكرة جديدة وقتها ماكانت موجوده
ماكان عندي هذا المبلغ وكنت متفائله في المشروع وقلت خلاص بحقق أمنيات امي واخواتي وتحمست وياليتني ماتحمست رحت كلمت ابوي وشرحت له وقلت له يبه بترتاح من التعب هذا كله وبإذن الله ارجع لك فلوسك وفوقها بعد أريحك من الشقى هذا وابتسم وهو يسمعني 💔💔 وقال الفجر برد عليك وأعلمك وراح ينام
خلال اسبوع وانا مخلص وفعلاً رحت دفعت آخر دفعه وبعدها ؟؟ فص ملح وذاب مر اسبوع اسبوعين ثلاثه مختفي انهرت تماماً ولا قلت لأحد وابوي كان مواصل يسألني ايش صار معك وش صار على مشروعك وانا ؟ خفت ماقلت له .. قلت له كل شيء تمام اصبر اصبر ومرت السنين وهو ساكت وصابر ويحسب اني اشتغل
لأني مو قادره أصارحه وخفت عليه وهو كان اموره مستوره لين خلاص وصل لمرحله مو قادر يصرف على بيته وبيت عياله من طليقته وبيت عيال اختي المطلقه اشتدّت حاجته لفلوسه وجاني وضغط علي ضغط قوي وجلس يحقق معي وبعد ايش اعترفت باللي صار…
أنا أرفقت كل شيء بالصور موجود نزلته غطيت اسم النصاب عشان مايجيني يقاضيني تشهير!
ماتطلع لكم الصور؟ أنا نزلتها حتى الحكم نزلته
م حطيت بس كلام وبس لا حطيت صور ومقطع وكل شيء بدون تشهير
أنا حطيت جميع مايثبت كلامي بدون التشهير في أحد عشان محد يجيني يقول نصابه!
الله حسيبك ياللي تقولين تحت كلامي اني نصابه وان زوجك رجع له حقه الله حسيبك والله لا يسامحك ولا يسامح أي أحد يتهمني بالكذب حطيت حتى صورة الحكم وكل شيء بالتواريخ موجود
حسبي الله ونعم الوكيل
أنا ابغاه يشوف قضيتي ويرد على الناس انه صادقه أو لا اما بالنسبة لرفع القضية من جديد لو معي وقت وفلوس سويتها
الحكم موجود وواضح قدامكم توقفت بسبب ندب الخبير
أنا سعيت بكذا سبب ولعل وعسى تنحل مشكلتي
ومحمد أنا ماراح احلله ولا اسامحه حتى لو رجع حقي والله ما احلله في اللي راح كله