بعد سنه و نص .. امبارح كان اخر يوم ف خطوبتي .. عاوز اقول اني طول الفتره دي مشوفتش منها اي حاجه وحشه و لا عمرها حملتني فوق طاقتي
ربنا يسعدها و يوفقها ف حياتها اللي جايه معايا عشان كتبنا الكتاب امبارح!
islam!
6,888 posts
- راكب القطر جنب بنت قمر خالص فتحت معاها كلام و عرفت منها انها مخلصه السن اسباني! بتقولي و انت شغال فين .. بقولها مستشفي سيد جلال .. قالتلي شغال ايه هناك ف التمريض ولا الامن؟ معرفش ليه مخطرش ع بالها ان ممكن اشتغل دكتور .. هل عشان لابس تيشرت المنتخب الوطني و لا شكلي ميقولش اني طبيب!
- لما روحت مع اهلي عشان نطلب ايد يسرا .. كانت قمر اوي و من حلاوتها اتوترت .. ف عمي بيقولها ان شاء الله ي دكتوره اول م تيجي شقتك احنا هنشيل عداد الكهربا دا خالص! انا قولتله هنشيله ليه؟موضوع ان الرجالة بيصابوا بالغباء الشديد قدام الستات اللي عاجبينهم ده حقيقي جدا.
- ف طابور اللياقه اتعلقت شعر انا و عشر عساكر .. الظابط بيسألني محلقتش شعرك ليه؟ قولتله فرحي قرب و فيه سيشن و كدا سأل عسكري جنبي معرفوش و انت شعرك طويل ليه؟ قاله عندي فرح .. فرح مين؟ فرح اسلام!
- النهارده و انا جاي من التراويح العيال كالعاده مولعين ف سلكة المواعين و بيجرو ورا بعض و عبدالرحمن ابن عمي وقف اللعب و قالهم استنو الدكتور يعدي يبني انت و هو ي رب اجعللنا ف كل خطوه واسطه كدا
- انهارده ستي كانت بتحكيلي عن جارهم اللي جاله فيروس الكبد و بطنه كبرت و الدكاتره قالوله انه خلاص ف اخر ايامه و بعدين اتصاب ب فيروس تاني و الفيروسين دورو الضرب ف بعض لحد م موتو بعض و الكبد رجع سليم من تاني
- دا كلام نايب ليا عشان كنت ببات ف الاوضه معاهم اللي كان فيها ٨ سراير و هما كانو ٤ و انا الخامس و لسه فيه ٣ فاضيين!!
في نواب في المستشفي عندنا مرض نفسيين فكرين نفسهم ضابط ولا معاه كام عسكري يتصرف فيهم زي ما يحب. ربنا يبعدنا عن المكان دا. - كنت مخلص الشيفت و طالع من المستشفي بالاسكرب .. وقفني واحد تلاتيني قالي ازيك ي دكتور دا انت جيتلي من السما انا دكتور زميل ليك بس محفظتي وقعت و محتاج 50 جنيه اروح بيها و انت زميل و هتقدر كده .. قولتله انت دكتور يعني .. قالي اه .. قولتله طب العصب السابع اسمه ايه؟ سابني و مشي!
- لو طبيب مصري و فيرست جنيريشن و عندك جيش .. كدا انت بادئ مشوارك خسران تلاته صفر!
- الناس فاهمه i can do both غلط .. الموضوع مش فستان و سكراب مثلا مراتي دكتورة نيوتريشن الصبح و اخر اليوم بتعملي محشي و بط!
- خلصت شغل و روحت لقيت مراتي عملالي عيد ميلاد! انا اول مره احضر عيد ميلادي
- الطبيب حديث التخرج اللي عالج مريض من غيبوبة سكر حقق ف مجاله اكتر من اللي حققه صلاح ف الكوره و ممكن يكون انقذ بيت كامل من التشردمن مصري حقق في مجاله أكثر من ما حقق محمد صلاح في كرة القدم؟
- ف رمضان و انا ف كشك النسا كان فيه حالتين داخلين قيصري و كان معايا عصير ف بعزم عليهم قالو احنا صايمين ي دكتور .. قولتلهم المغرب لسه مأذن حالا! خدي بس فكي ريقكRound Two .
- ف الاستقبال امبارح الساعه ٢ ونص بالليل فيميل ٢٦ سنه .. بقولها خير ي ماما مالك .. قالتلي مفيش انا و جوزي متخانقين شويه! طب عاوزه مني ايه طيب .. نركبلك كانيولا عشان تثبتيله انك تعبانه بجد .. لا ي دكتور انا شويه كده و همشي روح شوف شغلك انت عشان معطلكش!
