Pinned
#يوم_الاب_العالمي
بالله قلّي .. رجعتك ما هي أوهام
عجزت اصدّق ليلة الحزن والموت!
هذا انا يابوي .. من عشرة أعوام
لازلت اعدّي غرفتك،واخفض الصوت
جمال الشمري
23.3K posts
جمال الشمري
@aljamal__
أنا مثل الهوى مثل العمر:مرّة •أنا مثل السنين الرايحة ما أعود !
- لو نويت أنزع من التحنان ساقي! ......... أي شي حولي يقول إنّي : يتيم كل ما ادخل بيتنا الشعبي ألاقي: .......ريح ابوي، وصمت ( رادوه القديم)!
- سلّم على الباب المشرّع وراعيه ………… تسليمة ٍ تملا عيون المحبّة هذاك بيته يدهلونه طراقيه ………… جبلة ٍ ما هي مدارى مسبّة واحيا عروق الصبح بنّه وشاهيه ..…… وادفى معاليق الليالي مشبّه إن غابت الضيفان حنّت زواليه …… وإن سرقت البيبان ... محدٍ تنبّه
- اشتقت ارجع طفل ، وارتّب العابي واصنع من الغيم والاحلام مرجيحة . واشم ريح الصباح البِكر بثيابي ويضمّني بشت ابوي،وعطر تسبيحه . في غدفة امي شذا الحنّا تمخلابي لا هوّد الليل واسترخت مصابيحه . اشتقت.. وانا الذي قلبي تسلابي طفلٍ غدا الحزن وضلوعي مراجيحه
- يا حوشنا ، حتى المساند مدانيق والفِرْش وجلا .. والزوايا حزينة ماقلت لك منّت عليك التشاريق عقب اتّقت هاك القلوب الرزينة! هم فارقوك وبيّن الضيق،والضيق: كانوا بْجمعات الضحى ساترينه
- يا ميمتي هذي عروقك عناقيد شفت السنين بظلّها مرجهنّة واللي على يدّيك ماهي تجاعيد هذي زخارف نور ، ودروب جنّة
- فزّ شعري فزّة الحر العديم واقتبس كرّاسة الغيم ونظم للملوك اللي تقل سيلٍ عميم يِنبت العنقود ويضمّ الرضم علّمونا نستجير المستضيم لين يقوى ويتسامى ويْعظم من يدّور ظلّنا : يبطي عظيم من يدوّر ذلّنا : يبطي عظم !
- حايل عليها غيم والغيم ذوّيق توشّح الثوب الركامي ..وجاها ما صيده يْهلّ الهتون المدافيق صيده يقبّلها … ويلمس ثراها
- كنّا .. نصفّ احلامنا لا صحينا ........ ونبخّر ثياب الذعاذيع .. بالشيح وابوي لا صوّت علينا "مشينا" ....... نلمس بياض الغيم ونجفّل الريح والحزن الاقشر لا تهايق علينا ....... يرقا على سقف المعاليق ويطيح كانت مراجيح الأماني.. يدينا ...... يوم افترقنا ....مرجحتها التلاويح !
- والهنوف اللي مرابيها شمال …تذبحك لاسولفت حب وحميّا كلما خدْرَت .. مفاويح الليال …قالت اقلط -يابعد حيي-هنيّا !
- اتغطّى « بشيلة أمي »..واستلف من رحاب الصبح وأنفاس الفياض شيلة أمي .. عن زماني .. تختلف ظلّها فردوس .. واسْوَدْها بياض !
