وسـعـوا لي خط من نقطة طويق وورا
وأبعدوني عن ضجيج الرياض وزحمته
ابـدويـن مـايـهـمـه جـنـيـف سويسرا
لـو يـزيـد الـعـمـر فيها دبــل ماهمته
دوره عـنـد المـزايـن ومـن بـاع وشـرا
ودوره عـنـد الفـجـوج الوسـاع ولمته
#عطاءالله
ليت قلبي من حـجـر ليتني بلا شعور
كان قلبي ما شكى كان عيني ما بكت
اخ من همن تــوارث عـيـاله دور دور
كل ماخلص هـذا جات عشره وأتكت
والله ان حالي دبــورً دبــورً في دبـور
لو عيوني تنطق الحكْي يمديها حكت
#عطاءالله
متعبن رجـلـي وراه ووين ما وجهت عـلـه
مالقيت الا جفاء ينطح جفاء وصده بصده
ان بغى درب المواصل يعرف الدرب ويدله
وان بغى درب القطاعه يذلف الله لا يــرده
#عطاءالله