بعد الملكه بشهر وبدون ما اذكر الاسباب ، صار بيننا موقف وقال لي :
انتِ محد يبيك ومحد داري عنك ، ابوك عايش حياته مع زوجته وامك عايشه حياتها مع زوجها، احمدي ربك اني خذتك.
انفصلت وقلت له وش شعورك وانا مستعده اعيش عند ظلم مرت ابوي ولا اني اقابل وجهك؟ استوعبت وش كثر انت سيء؟ وتركته
مره كنت طالعه مع اخوي ونزلت محل وهو ينتظرني برا وجوالي شابك بلوتوث على سيارته ، فتحت مقطع واحد يقول ( ليه مخليه دادي لحاله تعالي يابيبي اشتقت لك ) او شي زي كذا الزبده جاني هبوط وحفظت المقطع من الخرشه عشان يكون دليل برائتي قبل يدعسني اخوي 😭😭😭
اشرح لي كيف خساره لي تكفى ؟ وعلى فكره ماتركته عشان هالكلمه بس هذي القشه التي قصمت ظهر البعير ، والله اني غير ندمانه ولا ١٪ على قراري ندمي اني وافقت عليه من البدايه اصلاً.
ياحلوككككم ماتوقعت توصل لهالعدد كله الصراحه ، اسأل الله ان يرزق كل شخص دعى لي تحت التغريده هذي ب اضعاف ما دعى ويرزقكم من حيث لا تحتسبون ♥️ يعني لي الكثير والله.
ترا علم الغيب عند الله حتى الرسول صل الله عليه وسلم ماعنده علم الغيب عشان تجي انت وتقول الندم راح يجيك لا محاله ! الحمدلله ربي اجاز الاستخاره بهالاموره وشرّع الطلاق لتسريح المرأه بإحسان وامر بإمساكها بمعروف ، من وين جايب الثقه انك تتكلم بكلام جهل مثل كذا ابي افهم ؟؟؟
هو خلاص يعرف مرت ابوي ويعرف زوج امي ويعرف وش كانوا يسوون لي ، كنت ابيه يعرف اني راضيه اعيش بالحياة اللي ربي كتبها لي وخارج إرادتي وعندي القوه اتحملها ، لكن حياتي معه هي الحياة اللي بيدي القرار فيها وبيدي اقدر اقعد او امشي انا هنا بمشي ولا ألتفت له
