Amazingly powerful pic from Gaza ! A brother and sister proud to save their goldfish after their home was turned to rubble…
Hany Ragy
368.5K posts
Hany Ragy
@Hragy
Cardiologist from Egypt, trying to keep up with “State of the Heart” ..
Egypt
Joined July 2009
- سواق مرتبه ٢٥٠٠ جنيه(شغال نصف وقت) اكتشفت انه بيدي منه ٥٠٠ جنيه كل شهر لارملة سواق زميله مات في حادثة وعنده طفلين! فيه حاجات لازم تهزك.
- ابني خرم فانلة ومسافر بره ، عديت علي الحاج هاني، قلب الفانلة وخد فتلة من خياطتها هي نفسها من جوة عشان اللون، صلح بها الخرم بجودة لدرجة اني رجعت لابني قلت له ياعم ملقيناش الخرم وفعلا مش لاقيينه! كنوز بشرية في حواري وشوارع مصر، تنقرض! محدش عنده زيهم! عشت محظوظ بمعرفتهم.
- طيب بما اني عايش في المطبخ بتاع الطب أبلغكم أنني حل مصر الوحيد هو المنع عن طريق الانعزال، لا نملك عدد اجهزة تنفس صناعي كافي ولا اجهزة ايكمو، لو عيينا بالالتهاب الرئوي بتاع الكوفيد١٩-هنموت
- توكتوك جايب عيانة عجوزة معهد القلب عمالة تدعيله، باضحك مع موظف البوابة باقوله ده ولا الدعوة للدكتور اللي هيعالجها! رد: اصل الواد ده بيوصل العيانين ببلاش! ❤️
- توفي الي رحمة الله منذ دقائق زميل العمر د محمد فريد الجندي رئيس قسم القلب السابق بمعهد القلب، متأثرا بالمضاعفات التنفسية الكوفيد ١٩، الفقيد زاملني يوميا في العمل منذ تعيينه بمعهد القلب في منتصف الثمانينات، كان ملاكا يمشي علي قدمين،لم يرفع صوته في ثلاثين عاما، وطبيبا خبيرا بارعا.
- امبارح انا وسائق لقينا سيارة ڤيرنا عطلانة علي كوبري ، تقودها شابة معها طفلتين. وقفنا، لقينا العربية سليمة،مفيهاش بنزين،الام راجعة بالعيال من مستشفي ٥٧ بعد جرعات علاج الاثنين، اتلخمت فيهم، مبصتش في عداد البنزين،جبنا صفيحة-اصرت تدفعها، شكرتنا وابتسمت وقالت للبنات اشكروا جدو، ومشيت.
- ذهبت مع منظمة خيرية غير دينية لعمل قافلة طبية بقرية من قري الصعيد الفقيرة، لن ادخل في اي تفاصيل، لكن الفقر الذي رأيته مستحيل ان يصدقه احد لم يراه،رأيت حجرات خالية من عفش،واطفال في شدة الجوع يعانوا من امراض سوء تغذية،رضيع لا تري عينيه من كثر الذباب عليها،حياتي مختلفة بعدها/قبلها.
- كنت معدي في مكان بجوار سد اسوان واقوم بالتصوير من شباك السيارة، وقفني مجند صعيدي شهم يؤدي واجبه ونبهني ان التصوير ممنوع، ونزلت من السيارة ومسحت الصور امامه،واستأذنته وفرجته علي صور جوجل مابس لنفس المكان من الفضاء، هو ذهل فعليا! وقال لي: معلش يا حاج،دي الاوامر، يمكن مشافوش ده لسه.
- امبارح عملنا اجتماع في المستشفي مع الادارة والحسابات ، بسبب ارتفاع متوقع في سعر مستلزمات طبية لبحث كيفية وقاية المرضي من زيادة الاسعار، واتفقنا علي تخفيض اتعاب الاطباء ، وتخفيض هامش ربح المستشفي مناصفة لوقاية المرضي من عدم زيادة الاسعار، اشكر كل الزملاء لتفهمهم هذه الفترة.
- مراتي زرعت شجرة خوخ، و لا نستعمل اي مبيدات، دائما الطيور والدود بياكل كل ما نزرعه، في سباق معهم تمكننا من الحصول علي هذا المحصول اليوم، هو طعمه حلو جدا، بس بجد عشان هي شجرتنا طعمه احلي. لو لم اكن طبيب كنت اتمني ان اكون فلاح، المهنة الام ، الفلاحين فوق رأسنا جميعا، بجد.
