Pinned
علي هشام
93.4K posts
علي هشام
@Ali_Hisham
على باب الله
- الرحمة على روح عمرو فهمي اللي فضل لآخر يوم في عمره يحارب الفساد في الاتحاد الأفريقي.
- امبارح فيه شاب انتحر من برج القاهرة. والنهاردة بنلاقي صحف ناشرة فيديو من كاميرات المراقبة للحظة انتحار الولد، مين سرب الفيديو؟ مين وافق على نشره؟ يا شوية رعاع، يا عديمي الإنسانية والإحساس.
- راية الجمدان انتقلت من الواد اللي مسقط البنطلون وبيشرب سجاير ومقضيها مخدرات وبنات، للشخص الهيلثي اللي قاطع كاربز و٢٤ ساعة في الچيم وعنده سيكس باكس. امتى العالم يدرك إن الجمدان الحقيقي هو البني آدم العادي المسالم اللي بياكل رز وبسلة وهو بيتفرج على الرجل العناب؟
- جدتي وأخوها كانوا صحاب مقربين ولهم ميعاد مكالمة تليفون ثابت كل يوم، بيخرجوا مع بعض يتغدوا ويتابعوا برامج تليفزيون مع بعض. جدتي وأخوها فارقوا الدنيا امبارح والفرق بينهم تِلت ساعة.
- "ماهو مش لدرجة إن الفن ينقل الواقع زي ماهو بقى" - شريف منير، أكتوبر ٢٠٢١
- يا جماعة موضوع إن الناس تبقى ذوق ده مش مكلف خالص بجد.
- صورة لأعلام فلسطين الحُرة في مدرجات استاد سلتك الاسكتلندي بمدينة جلازجو، تصويري دلوقتي حالًا.
- خبر وفاة المريض اللي خضع لزراعة قلب خنزير بعد شهرين من الجراحة خبر حزين جدًا. الحزين أكتر، ردود الأفعال على سوشيال ميديا المواقع الإخبارية، ريآكتس Haha كتير وتعليقات شديدة السخافة والتطرف. إيه القسوة دي؟
- ممكن ماشوفش حد بيسأل بعد كده إذا كان العالم مكان عادل وللا لأ؟يمهل ولا يهمل 💔🇵🇸
- كايروكي غنوا في الحفلة اثبت مكانك، ودي كانت واحدة من أحزن اللحظات اللي عدت عليا في ٢٠٢٢
