Правила за цена на превоз

Цените на превоз прикажани погоре се однесуваат на едно лице за еднонасочна маршрута и опфаќаат даноци, административна такса и други задолжителни давачки. Поради резервациите што се прават истовремено, достапноста на цените на превоз може да се промени во текот на резервирањето. Цената на превоз е загарантирана кога ќе завршите со резервирањето и ќе добиете потврда со број на резервација.

Од 1 ноември 2018 година, сите патници имаат право да носат една бесплатна рачна торба во кабината на авионот, со максимални димензии 40x30x20 cm, што треба да се смести под седиштето пред Вас. Патниците што купиле WIZZ Priority може да носат дополнителна торба со тркалца со максимални димензии 55x40x23 cm. Покрај тоа, Wizz Air воведува нов тип пријавена торба со дозволена тежина до 10 kg, заедно со веќе достапните опции од 20 и 32 kg.

Купувањата може да се извршат согласно новата политика за кабински торби од 10 октомври 2018 година, за патувања по 1 ноември 2018 година. За корисниците што патуваат по 1 ноември 2018 година што веќе купиле билети пред 10 октомври без WIZZ Priority, нивните резервации ќе се надградат со бесплатна пријавена торба од 10 kg, што мора да се остави на шалтерот за пријавување. За корисниците што веќе купиле пријавена торба од 20 или 32 kg, нивните резервации ќе се надградат со WIZZ Priority, што ќе им овозможи да носат торба со тркалца во кабината на авионот заедно со бесплатна рачна торба.

Бројот на торби што сакате да ги пријавите треба да се наведе и плати во текот на постапката на резервирање. Подоцна може да се додадат дополнителни парчиња багаж, на интернет или преку Центарот за поддршка на Wizz Air. Ќе треба да платите повисоки такси за багаж ако додадете голема кабинска торба и/или пријавен багаж на веќе постојна резервација.
Ако за дополнителни парчиња багаж се плати на аеродромот, ќе важат повисоки такси за багаж.
Ако патникот пријави помалки парчиња багаж од платените, таксата за багаж нема да се врати.

Маршрутата, времето и датумот на летот може да се променат најдоцна 3 часа пред поаѓањето со плаќање на такса за промена. Ако достапната цена на билетот и даноците, таксите и давачките за новите датум и време на летот се повисоки од тие на првичниот лет, мора да се плати разликата во цените.

Со плаќање такса за промена на име, може да се промени и името на патникот.

Бројот на седиштата што се нудат по оваа цена е ограничен и може да не е достапен на последователните резервации на овој или други летови.
Сѐ додека не се купи билетот, сите цени се предмет на промена.

Пријавувањето на аеродром започнува 2 часа и завршува 40 минути пред поаѓањето согласно распоредот на аеродромот на местото на поаѓање. Ако не се пријавите во рокот за пријавување или не се појавите на шалтерот за пријавување или на портата за влегување во авионот навреме поради некоја причина, ќе ја откажеме Вашата резервација, нема да Ви дозволиме да влезете во авионот и ќе Ви го вратиме износот што сте го платиле, со одбивање на соодветните такси, како и таксата за заштита на седиштето.

Резервирајте директни и евтини летови со Wizz Air

Преземете ја апликацијата на Wizz Air

Следете нѐ

Ви треба помош?