PUNTUEUS BEHATOKIA
PUNTUEUS BEHATOKIAK INTERNETEN EUSKARAK DUEN EGOERA AZTERTZEA DU HELBURU, BAITA .EUS DOMEINUAREN EGOERA ETA BILAKAERA AZTERTZEA ERE. AZTERKETA HONI ESKER EUSKARA INGURUNE DIGITALEAN INDARTZEKO BEHAR DIREN ESTRATEGIA ETA POLITIKAK SUSTATZEKO BEHARREZKO DEN OINARRIA EZARTZEN DA.
1. EUSKARA EUSKAL INTERNETEN 2024
PUNTUEUS Behatokiak 2024an egindako azterketaren arabera, Euskal Herriko
webguneen %15,02k eskaintzen du edukiren bat euskaraz. Datu hori aurreko urteko
%14tik gora doa, eta joera positiboa erakusten du, nahiz eta hazkundea oraindik motela
izan. Horrek erakusten du euskararen erabilera digitalak aurrera egiten duela, baina
erronka nagusitzat mantentzen dela.
Gainera, nabigatzailearen hizkuntza-ezarpenetan ere joera gorakorra antzeman da:
erabiltzaileen %5ek dute euskara lehenetsita. Nahiz eta portzentaje hori txikia izan,
urtez urteko igoerak argi uzten du gero eta euskaldun gehiagok lehenesten dutela
nabigatzeko hizkuntza bezala.
Azterketak erakusten du, halaber, euskararen erabilera nabarmen handiagoa dela .EUS
domeinua duten webguneetan. Hain zuzen ere, .EUS domeinua darabilten webguneen
%74,38k euskarazko edukia eskaintzen dute, .COM edo .ES domeinuekin alderatuta
alde handia dagoela agerian utziz.
Euskararen presentzia digitala hazten ari da, baina erronka estrategiko gisa kokatzen da
oraindik: erakunde publikoek eta euskal komunitate digitalak elkarlanean jarraitu behar
dute euskararen bizitasun digitala sendotzeko.
.EUS DOMEINUAREN EBOLUZIOA 2024
2024an, .EUS domeinuak sendotzen jarraitu du eta urte amaieran 15.673 domeinu-izen
zituen. Horrek %6ko hazkunde-tasa adierazten du, aurreko urteko %4a gaindituz. Datu
horrek agerian uzten du .EUS domeinuaren erabilera eta interesa etengabe handitzen ari
direla.
Berritze-tasa %86koa izan da, komunitatearen fideltasun handia erakutsiz. Alde
horretatik, mundu mailako domeinuen berritze-tasak %73,9 inguruan daude (.COM eta
.NET domeinuetan), eta hazkunde-tasa globala %1,2koa da. Horren aurrean, .EUS
domeinuaren eboluzioa nabarmen hobea da.
Erabiltzaileen tipologia oso anitza da: nahiz eta gehiengoa enpresak izan, gizartearen
sektore guztiak daude ordezkatuta: kultura, erakunde publikoak, hezkuntza, kirola,
norbanakoak etab. Honek erakusten du .EUS domeinuaren erabilera zabala dela eta
euskal gizartearen sektore guztietan txertatuta dagoela.
Banaketa geografikoak irakurketa soziolingustikoa du: domeinuaren erabilera nagusiki
Gipuzkoan (%40) eta Bizkaian (%32) biltzen bada ere, Araba, Nafarroa, Ipar Euskal
Herria eta baita Euskal Herritik kanpoko erabiltzaileak ere badaude, guztira %10.
Euskararen erabilerari dagokionez, .EUS domeinua duten webguneen %74,38k
euskarazko edukia eskaintzen dute. Horrek berresten du .EUS domeinua
Babesleak
