IEGPS - O Instituto de Estudos Galegos Padre Sarmiento
O Instituto de Estudos Galegos Padre Sarmiento foi creado en 1943 como un centro de investigación propio do CSIC. Dende o ano 2000 é un centro de carácter mixto, ou titularidade compartida, do CSIC e da Xunta de Galicia.
Actualidade
Que facemos
O IEGPS conta con único grupo de investigación: “Historia Social do Poder desde a Idade Media”. No seu seo cultívanse varias liñas de investigación, centradas en vertentes temáticas diferentes, pero conectadas entre si: SEÑORÍO, IDENTIDADE E REDES DE PODER; PATRIMONIO E PAISAXES CULTURAIS; e HUMANIDADES DIXITAIS.
Neste marco, son obxecto de estudo o fenómeno das peregrinacións, as arquitecturas históricas, as paisaxes culturais e a construción identitaria, o parentesco e as redes de poder (incluíndo as reconstrucións xenealóxicas e as análises prosopográficos, a historia das mulleres e os estudos sobre os señoríos, as institucións ou os sistemas impositivos), ademais da contextualización do patrimonio monumental e a edición de fontes diplomáticas, epigráficas e heráldicas.
A iso súmase, como liña emerxente, a aplicación de técnicas de lingüística computacional para comprender a conexión entre pasado e presente, así como a caracterización e avaliación destas ferramentas no ámbito da minería de emocións a partir de fontes históricas.
