როგორც ჩანს, ის ამოღებული იქნა სინაპტიკიდან ახალ გამოსულ უბუნტუ 10.10-ში 😦 ეს ფუნქცია ძალიან მოსახერხებელია როცა ყენდება ბევრი პაკეტი ერთი გარკვეული ფუნქციისთვის. მაგალითად, ძალიან მოსახერხებელია გამოიყენოთ ის რათა დააყენოთ LAMP (Linux, Apache, MySQL და PHP) სერვერი. მის შესაძლებლობებში ასევე შედის ნაირ-ნაირი “ღრუბლური” სერვისების, OpenSSH, DNS სერვერის და სხვა პაკეტების დაყენება(LAMP სერვერის გარდა არც ერთი არ გამომიცდია).

მე პირადად მეწყინა რომ ეს ფუნქცია ამოიღეს, რადგან ის სულ რაღაც 300კბ-ს იწონის… დისკი გამოვიდა 693.2მბ, ასე რომ მასზე კიდე ძალიან ბევრი რამ დაეტეოდა, კანონიკალს რომ ძალიან ნდობოდა… 😦

მაშასადამე, ვაბრუნებთ აქედან გამქრალ ფუნქციას:

ტერმინალში:

sudo apt-get install tasksel

ეგაა რა 😉

პირველად რომ ჩართავენ უბუნტუს, ბევრს უჩნდება ეს კითხვა. 🙂

რა თქმა უნდა, ყოველთვის არსებობს რამდენიმე გზა. აქ შევეცდები აღვწერო რამდენიმე.

#1 – თუ გვჭირდება ერთი-ორი შრიფტის დაყენება

1. ორჯერ დავაწკაპოთ შრიფტის ფაილზე და გაიხსნება მისი დათვალიერების ფანჯარა.
2. ფანჯრის ქვედა მარჯვენა კუთხეში იქნება ღილაკი “Install Font”.

#2 – თუ საჭიროა რამდენიმე შრიფტის დაყენება

1. მოვნიშნოთ ყველა ის შრიფტი, რომლების ჩაყენება გვსურს.
2.ა. [მიმდინარე მომხმარებლისთვის] თუ უკვე არ არსებობს, საშინაო საქაღალდეში [home/{თქვენი_სახელი}/] ვქმნით საქაღალდეს სახელით .fonts
2.ბ. [ყველა მომხმარებლისთვის] ვხსნით ტერმინალს [Ctrl+Alt+T] და ვწერთ gksu nautilus . გაიხსნება ფაილების ფანჯარა. მივაგნოთ საქაღალდეს მისამართით /usr/local/share/fonts/
3. იქ ჩავაკოპიროთ მონიშნული შრიფტები.

#3 – თუ საჭიროა ბევრი შრიფტის დაყენება

1. შევდივართ ტერმინალში;
2. გადავდივართ იმ საქაღალდეში, სადაც გვიყრია შრიფტები [მაგ. Desktop/fontebi] :

cd ~/Desktop/fontebi

3.ა. და ვაყენებთ .ttf შრიფტებს მხოლოდ ამ მომხმარებლისთვის:

cp *.ttf ~/.fonts

3.ბ. ან ყველა მომხმარებლისთვის [მოგეთხოვებათ პაროლის შეყვანა] :

sudo cp *.ttf /usr/local/share/fonts/

საჭიროებისდაგვარად ჩაწერეთ ტერმინალში ბრძანება sudo fc-cache -f -v . ის განაახლებს შრიფტების ქეშს.

ახლახანს, გამოვიდა სახელმძღვანელო ქართულ ენაზე: “უბუნტუს მარტივი გზამკვლევი”… [ხელმისაწვდომია PDF ვერსიაც]

თუ თქვენ ან თქვენი ახლობელი აპირებთ Ubuntu ლინუქსზე გადასვლას, გირჩევთ წაიკითხოთ ეს მარტივი სახელმძღვანელო!

სხვა წიგნებისაგან განსხვავებით ის არ გიბურღავთ ტვინს გნუ/ლინუქსის ფილოსოფიის შესახებ და ა.შ… უბრალოდ ჩართავთ კომპიუტერს, გადაშლით წიგნს და მოგეწოდებათ საბაზო ინფორმაცია – საკმარისი იმისათვის, რომ შეხვიდეთ ინტერნეტში, შექმნათ დოკუმენტი, მოუსმინოთ მუსიკას… ამოხსნათ ერთი-ორი სუდოკუ… 🙂

აუცილებლად ეწვიეთ ოფიციალურ საიტს და გაუწიეთ მხარდაჭერა მშრომელ ხალხს 😉

გზამკვლევის ავტორი გახლავთ ქესიდი ჯეიმს[Cassidy James]. მას მოუვიდა აზრი შექმნას პატარა “ბუკლეტი”, რომლის მეშვეობით ადამიანი, რომელიც სრულიად ახალია უბუნტუს გარემოში, არ დაიკარგება და მიიღებს კარგი დასაწყისისთვის საკმარის ცოდნას…

თარგმანი წარმოგიდიგნათ გიორგი [DrAcid] მაღლაკელიძემ და მისმა ძვირფასმა შეყვარებულმა, თამარ მახარაშვილმა. თუ გაქვთ რაიმე სახის შენიშვნა, დაპოსტეთ ამ საიტზე ან დამიკავშირდით ელფოსტაზე: acidlabz[at]gmail[dot]com

ეს არ არის ტექნიკური ლიტერატურა. თუ თქვენ გსურთ შეისწავლოთ ლინუქსი, მოძებნეთ სხვა წიგნები… თუნდაც აქ: “უფასოდ გადმოტვირთეთ 20 საუკეთესო წიგნი ლინუქსის შესახებ”

ეს არის სამომხამრებლო დამხმარე მასალა, დასაწყისისთვის. შესაძლოა, მომავალში დაიწერება უფრო დახვეწილი და ვრცელი სახელმძღვანელო. 😉

ჩვენ არანაირ ოფიციალურ კავშირში (დადასტურება, დახმარება, სპონსირება) ვართ Ubuntu ან სხვა პროექტებთან. გზამკვლევი ექვემდებარება CC-BY-NC-SA ლიცენზიას, რომლის ხილვა შეგიძლიათ Creative Commons ვებ-საიტზე, მისამართზე: http://creativecommons.org/licenses/by-nc-sa/3.0/