English
Shqip
Dr. Blerina Banushi
| GRADË DHE POZICION AKADEMIK | Dr. / Lektor |
|---|---|
| STATUSI AKADEMIK AKTUAL DHE FORMIMI | Doktore e Shkencave Ekonomike në Financë, me formim të plotë akademik ndërkombëtar dhe mbi 15 vite përvojë të konsoliduar në mësimdhënie. Formimi i saj akademik kombinohet me angazhim aktiv në kërkim shkencor, sigurimin e cilësisë në arsimin e lartë dhe ekspertizë në financat e ndërmarrjes dhe menaxhimin financiar. Zotëron tre diploma universitare dhe veprimtaria e saj akademike mbështetet në një qasje ndërdisiplinore, e ndërtuar mbi integrimin e shkencave të financës me menaxhimin financiar, qeverisjen publike, auditimin e performancës me bazë riskun dhe teknologjitë financiare, duke adresuar në mënyrë analitike çështje që lidhen me funksionimin e institucioneve financiare, menaxhimin e riskut, vendimmarrjen financiare dhe vlerësimin e performancës institucionale. |
| POZICIONI | Lektore me kohë të plotë pranë departamentit të ekonomisë, sipërmarrjes dhe financës dhe koordinatore e këtij Departamenti. Përveç angazhimit të saj akademik dhe administrativ, ka një rol aktiv në sigurimin e cilësisë së arsimit universitar, në pozicionin e anëtares së grupit të sigurimit të cilësisë të Universitetit “Barleti” dhe eksperte e vlerësimit të jashtëm të Bordit të Akreditimit pranë ASCAL. Gjithashtu, koordinon aktivitete kërkimore dhe programe, duke përfshirë edhe programet e doktoraturës në Universitetin “Barleti”. |
| KONTRIBUTET | Dr. Banushi ka një aktivitet të gjerë shkencor, me botime në revista ndërkombëtare të indeksuara (përfshirë Scopus) dhe pjesëmarrje të rregullt në konferenca shkencore kombëtare dhe ndërkombëtare. Punimet e saj fokusohen veçanërisht në performancën e institucioneve publike, qeverisjen e mirë, auditimin e performancës, transparencën dhe politikat financiare, duke kontribuar në debatin akademik dhe institucional në Shqipëri, Ballkanin Perëndimor dhe më gjerë. Autore e 8 publikimeve shkencore dhe 6 konferencave shkencore. |
| VEPRIMTARIA AKTIVE DHE FUSHAT E INTERESIT ZHVILLIMOR | Është aktive në rrjete akademike dhe profesionale kombëtare, duke kontribuuar në zhvillimin e kapaciteteve institucionale, përmirësimin e performancës institucionale, dhe zhvillimin e qëndrueshëm të sistemit ekonomik dhe arsimor. |
Lidhjet e shpejta: Politikat e privatësisë | Matura Shtetërore | Portali E-Albania | Ministria e Arsimit dhe Sportit | Portali U-Albania
© Copyright 2026 - Fakulteti i Ekonomisë, Qeverisjes dhe Drejtësisë - Universiteti "Barleti" - Tiranë. Të gjitha të drejtat të rezervuara.