Albisteak
Euripetik aterpera, festak ez du hutsik egin
Eguraldiak lagundu ez duen arren, haurrek erruz gozatu dute danborradaz. Umeak apain-apain atera dira, eta festa Gurea pilotalekuan borobildu da. Han hainbat pieza jo dituzte eta amaitutakoan, meriendatzeko aukera izan dute. Gaurko protagonista, haurrez gain, Sahatsa Dantza Taldea izan da, dantzariei aitortza egin baitzaie jorratutako ibilbide oparoarengatik. Horren erakusle haurrek bidelagun izan dituzten bi dantzari-erraldoiak. Tamalez, dantza taldeari dedikatutako karroza ezin izan da atera. Edonola ere, Umore Onako eta Tata Elkarteko kideek kolorez bete dituzte bazterrak.
Iragarrita dagoen eguraldi txarrak planak aldatzera eraman ditu haurren danborradaren antolatzaileak
Eguraldi txarraren iragarpenaren aurrean, umeen danborradaren antolakuntzak bi aukera aurreikusten ditu. Umore Ona eta Tata elkarteak, Udalaren laguntzarekin, ilusioz ari dira danborrada prestatzen, baina badirudi eguraldiak ez duela gehiegi lagunduko. Hori horrela, antolatzaileek bihar arratsaldeko 15:00etan erabakiko dute zer egin. Aurreikusita bezala, 17:00etan abiatuko da danborrada Herriko plazatik, eta euriak ez badu atsedenik ematen, plazatik zuzenean pilotalekura joango dira konpainiak. Bigarren aukera da kale-buelta egitea. “Ahaleginduko gara kalez kale ohiko ibilbidea egiten, nahiz eta geldialdirik ez egin. Kasu horretan, taldeak Herriko plazatik Balda plazara iritsiko dira, eta handik, Ibaiondo kaletik barrena, eliza atarira joango dira, eta eliza paretik Gurea frontoira. Pilotalekuan pieza guztiak joko dituzte. Merienda ere bertan eskainiko zaie. Edonola ere, erabakia bihar 15:00etan hartuko dugu”, dio Tata elkarteko Joxan Mendizabalek.
“Hutsune handi bat” dokumentalaren emanaldia, heroinak eta HIESak sortutako minaren memoria kolektiboa
Udaleko Berdintasun eta Prebentzio arloak sustatua, asteartean, apirilaren 14an, 20:00etan, “Hutsune handi bat” dokumentala eskainiko da Baztartxo Antzokian. Sarrera doan da. Ikus-entzunezko lan honek Gipuzkoako historia berriko kapitulu latzenetako batean jartzen du arreta: heroinaren eta HIESaren eragina 80ko eta 90eko hamarkadetan. Epidemia soziosanitario horrek 115 gazte hil zituen soilik Zumarragan eta Urretxun, eta 16 eta 30 urte bitarteko milaka gazteren bizitza suntsitu zuen. Anne Zufiaurrenak dira ideia eta ahotsa, eta Aex Areizagak zuzendu du ikus-entzunezkoa.
Udalak irmoki gaitzesten du Basaurin gertaturiko ustezko erailket
Udalak irmoki gaitzesten du Basaurin gertatutako ustezko hilketa matxista. Udalak babesa eta elkartasuna adierazi nahi dizkio biktimaren familiari eta hurbilekoei.
Udalak bat egiten du antolatzen diren gaitzespen ekimen edo elkarretaratzeekin, eta herritarrak parte hartzera deitzen ditu.
Tragedia honek berriro dakarkigu gogora erakundeok eta gizarte osoak daukagun erantzukizuna, Berdintasuna eraginkor egiteko. Zentzu horretan, gure sentsibilizazio eta prebentzio ekintzak indartzen jarraituko dugu.
V. Hike eizan!
Bete galdetegia !
Informazio energetikoa
Azkoitiak 700 urte
Berdintasun saila: Ikastaroak
Bertako produktuak UDAZKENA
Bisita birtuala: tierraignaciana360.com
Udal aldizkaria
Lan egoera gurean
Botiken egutegia
Garai bateko Azkoitia
Kaito telebista
Azkoitian bertan grabatutako edo Azkoitiko herriarekin lotura zuzena duten 1.897 bideok osatzen dute altxorra.
Festak, pasarteak, jazoerak… finean, garai bateko Azkoitia.
Artxiboko funtsa
1950etik 1975era ateratako argazkiak dira. Ezkontzak, hiletak, festak… Nondik gatozen erakusten duten irudiak dira, zalantzarik gabe.