Өмгөөллийн “Анта энд Партнерс” ХХН-ийг 2012 оны 08 дугаар сарын 15-ны өдөр хуульч Д.Түвшинтамир миний бие иргэд, аж ахуйн нэгж байгууллагуудад өмгөөлөл, хууль зүйн иж бүрэн үйлчилгээг мэргэжлийн түвшинд үзүүлэх зорилготойгоор үүсгэн байгуулсан.

Манай хамт олон өнгөрсөн 10 жилийн хугацаанд иргэн, захиргаа, эрүүгийн хэрэг маргаануудад өмгөөлөгч, итгэмжлэгдсэн төлөөлөгчөөр оролцохын сацуу Монгол улсад хэрэгжиж буй томоохон төсөл хөтөлбөрүүдэд хууль зүйн зөвлөх үйлчилгээг цогцоор нь үзүүлж, улс орныхоо хөгжил дэвшилд бодитой хувь нэмэр оруулахын зэрэгцээ үйлчүүлэгчдийнхээ хууль ёсны эрх, ашиг сонирхлыг тууштай хамгаалах мэргэжлийн үүргээ нэр төртэй биелүүлж ирсэн билээ.

Тус өмгөөллийн нөхөрлөлийн хуульчид нь мэргэжлийн өндөр ур чадвартай, ёс зүйтэй, үйлчлүүлэгчдийнхээ байнгын түнш, итгэл даасан зөвлөх болж чадсанд үүсгэн байгуулагчийн хувьд хамт олноороо бахархаж явдгаа энэ дашрамд илэрхийлье.

Эрхэм хүндэт үйлчлүүлэгч, байнгын харилцагч, хамтрагч та бүхэндээ чин сэтгэлийн мэндчилгээ дэвшүүлж, эрүүл энх, хөгжил цэцэглэлтийг хүсэн ерөөе.

Хүндэтгэсэн
Ерөнхий Захирал: Д.Түвшинтамир