Tunataka kila mtu atumie Airbnb bila ubaguzi. Ndiyo maana tunamhitaji kila mtu azingatie Sera yetu ya Kutobagua na akubali Ahadi yetu ya Jumuiya, ambayo inahitaji kwamba kila mtu anayetumia Airbnb amheshimu mwenzake bila kumhukumu au kuwa na upendeleo.
Kukataa kutoa huduma au kutendewa kwa njia tofauti: Watu wanaotumia Airbnb hawapaswi kuwatendea wengine kwa njia tofauti au kukataa kutoa huduma kwa mtu kwa sababu ya sifa inayolindwa au mtazamo kwamba ana sifa inayolindwa, hii inajumuisha sifa kama vile mbari, dini, asili ya kitaifa, kabila, ulemavu, jinsia, utambulisho wa kijinsia, mwelekeo wa kingono, tabaka au umri.
Lugha ya kibaguzi: Watu wanaotumia Airbnb hawapaswi kutumia lugha inayohimiza kutengwa, ubaguzi au unyanyasaji dhidi ya wengine kulingana na sifa zilizolindwa. Kudhalilisha, kutukana, kuweka dhana potofu au kudokeza kwamba mtu ni duni kwa sababu ya sifa inayolindwa pia ni marufuku. Hii inajumuisha matumizi ya matusi, uhusiano hasi, kutambua jinsia isiyo sahihi au kutumia jina la zamani, uchokozi mdogo (ambao umetokana na dhana potofu za kijamii kulingana na sifa zilizolindwa) na matamshi ya chuki.
Alama, picha na vitu vya chuki na ubaguzi: Watu wanaotumia Airbnb hawapaswi kuonyesha alama, vitu, nembo, kauli mbiu au picha ambazo ni za chuki, zinawabagua watu kwa sababu ya sifa inayolindwa au zinazoonyesha maana ya kibaguzi. Hii inajumuisha picha zinazoonyesha alama za kibaguzi au ubaguzi wa rangi au viongozi wa makundi ya chuki.
Unaweza kusoma zaidi kuhusu kila moja ya mambo yaliyo hapo juu, pamoja na adhabu za ukiukaji, katika Sera yetu ya Kutobagua.
Tunachukulia ripoti za ubaguzi kwa uzito. Ikiwa unashuhudia au unakumbana na tabia ambayo inakiuka Sera yetu ya Kutobagua, tafadhali wasiliana nasi.