Spinat er ein eittårig, 20–30 centimeter høg grønsakplante i amarantfamilien, med rosettstilte, glatte, kjøtfulle blad som ein brukar rå i salatar eller til stuing og suppe. Han kan òg steikjast, gratinerast og smørdampast.
Faktaboks
- Uttale
-
spinat
- Vitskapeleg namn
- Spinacia oleracea
- Beskriven av
- Carl von Linné
- Årleg global produksjon
- 32,3 millionar tonn (2021)
Det finnes både hann-, ho- og tvekjønna individ, og hoplanten er mest verdifull. Spinat er kravfull med omsyn til jord og gjødsling, men rasktvoksende, og kan bli hausteferdig på 4–6 veker. Han går lett i frøstokk i den lysaste årstida, sidan det er ein langdagsplante. Spinat kan dyrkast over heile landet.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må vere logga inn for å kommentere.