Bindestrek er eit skriftteikn (-). Ein bindestrek er kortare enn ein tankestrek, og blir brukt til andre føremål.
Bindestrek blir brukt i fleire samanhengar i norsk:
- for å markere orddeling, til dømes når eit ord må delast over to liner
- mellom delar av dobbeltnamn, til dømes Wedel-Jarlsberg
- i enkelte samansetningar av samnamn, til dømes dansk-norsk eller blå-blå
- i samansetningar med føreledd av fleire ord, til dømes berg-og-dal-bane eller munn-til-munn-metoden
- i samansetningar av forkortingar og samnamn, til dømes A4-ark eller EU-motstandar
- i samansetningar av tal og samnamn, til dømes 1900-talet eller 30-årsdag.
- i samansetningar av samnamn og særnamn, til dømes Stor-Ola, Aust-Agder, Kyoto-avtalen.
- for å vise utelatingar, til dømes Arbeids- og sosialdepartementet eller høgskule-/universitetsutdanning
Bindestrek liknar på fleire andre teikn, mellom anna:
- – tankestrek
- − minusteikn
- ⸗ gotisk bindestrek
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må vere logga inn for å kommentere.