Varhaug

Varhaug er administrasjonssenter i Hå kommune, og ligg på Sør-Jæren, ved Varhaug stasjon på Sørlandsbanen. Varhaug har trevare- og møbelindustri, ferdigmatproduksjon og mølle. Gjennom tettstaden går fylkesveg 504.

Nordaust for Varhaug ligg Åna fengsel, tidlegare Opstad tvangsarbeidshus, populært kalt «Jæderen». Åna fengsel er i dag eit av dei største fengsla i landet, og til institusjonen høyrer ein av dei største gardane i landet. Like sør for tettstaden ligg Varhaug kyrkje frå 1904.

Namnet er opprinneleg eit gardsnamn, siste ledd siktar til ein stor gravhaug på garden Nordvarhaug; fyrste ledd er truleg norrønt vǫr, 'steinsetting, steinsett grav' eller 'banke av sand eller grus, morene'.

• Varhaug – tidlegare kommune
• Hå