C. J. Hambros plass 2 C, 0164 Oslo
Lovdata er ei sjølveigande stifting som driv ein database som inneheld norske lover, forskrifter, rettsavgjerder, lovførebuande arbeid, administrative utsegner, traktatar, EØS/EU-rettskjelder, nyheitsbasar frå Stortinget med meir. Lovdata leverer teksten til Noregs lover.
Lovdata vart oppretta av Justisdepartementet og Det juridiske fakultetet ved Universitetet i Oslo. Store delar av databasen er gratis tilgjengeleg på nett, mellom anna ein oppdatert versjon av alle norske lover.
Nettstaden til Lovdata er todelt, der den eine delen (Norsk Lovtidend) er open tilgjengeleg for ålmenta (mellom anna Noregs lover, sentrale og lokale forskrifter), medan den andre delen (Lovdata Pro) er ei betalingsteneste som gjev tilgang til rettsavgjerder frå Høgsterett, Lagmannsrettane, tingrettane og Den europeiske menneskerettsdomstolen (EMD).
Europalov.no er Lovdatas nettstad for informasjon om EØS- og Schengen-saker.
Lovdata gjev òg ut tidsskrifta EuroRett og Lov&Data. EuroRett inneheld informasjon om den juridiske utviklinga i Europa. Lov&Data er Nordens leiande publikasjon innan rettsinformatikk. I tillegg tilbyr Lovdata abonnement på dei elektroniske tidsskrifta Norsk Retstidende og Lovdata Flaggsaker.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må vere logga inn for å kommentere.