Kif tirrapporta u timblokka l-messaġġi ta' host jew ta' klijent
Għinna nżommu l-komunità tagħna sigura billi tirrapporta l-messaġġi suspettużi jew mhux xierqa. Tista' wkoll timblokka lill-host jew lill-klijent milli jkompli jibgħatlek il-messaġġi.
Kif tirrapporta messaġġ bl-għażla li timblokka l-utent
Kif tirrapporta messaġġ b'kompjuter
- Ikklikkja fuq Messaġġi u agħżel il-konverżazzjoni li fiha l-messaġġ li tixtieq tirrapporta
- Sib il-messaġġ li tixtieq tirrapporta u kklikkja fuq it-tliet tikek ta' ħdejh
- Ikklikkja fuq
Irrapporta dal-messaġġ - Agħżel ir-raġuni għaliex qed tirrapporta l-messaġġ u agħfas fuq Ok
- Agħti iktar dettalji (jekk ikunu meħtieġa) u mbagħad ikklikkja fuq Ibgħat
Wara li tirrapporta l-messaġġ, taf ikollok l-għażla li timblokka l-utent. Biex tagħmel hekk, agħfas fuq Imblokka dil-persuna u wara agħfas fuq Imblokka. X'jiġri meta timblokka l-utent jiddependi mis-sitwazzjoni.
X'jiġri meta timblokka host jew klijent
Jekk timblokka lil xi ħadd, mhux se jkun jista' jibgħatlek iktar messaġġi, jibbukkja l-listing tiegħek jew jilqa' t-talbiet għall-booking tiegħek. Biss, x'jiġri meta timblokka l-utent jiddependi mis-sitwazzjoni.
Kif jaħdem l-imblukkar għall-bookings fis-seħħ jew għall-bookings mistennija
Jekk timblokka host jew klijent li għandek booking mistenni miegħu jew waqt booking li għaddej bħalissa, il-messaġġi ta' qabel il-booking jew ta' waqt il-booking u dawk li jintbagħtu sa ġimagħtejn wara tmiem il-booking xorta jafu jibqgħu jaslulek biex niżguraw li l-messaġġi kollha li għandek tirċievi jibqgħu jaslulek.
Għall-messaġġi tal-grupp, il-konverżazzjoni tingħalaq għal kulħadd awtomatikament wara li jgħaddu ġimagħtejn mill-booking.
Jekk tikkanċella l-booking, l-utent jiġi mblukkat minnufih. Dejjem tista' tikkuntattjana biex nidħlu għalik u ngħinuk.
Kif jaħdem l-imblukkar għat-talbiet
Jekk timblokka host jew klijent wara li tkun tressqet talba, l-ebd naħa ma tkun tista' tkompli tibgħat il-messaġġi lin-naħa l-oħra.
Artikli relatati
- Istruzzjonijiet
Kif tirrapporta host jew klijent għal imġiba mhux xierqa
Hemm xi problema bl-istampa li host jew klijent qed jagħti tiegħu nnifsu fuq il-profil ta' Airbnb tiegħu? Irrapporta l-profil tiegħu. - Istruzzjonijiet • Klijent
Meta se tirċievi l-ħlas lura tiegħek
Għalkemm jintbagħtu kważi minnufih, il-biċċa l-kbira tal-ħlasijiet lura jaslu fi żmien 15-il jum – għalkemm għal ċerti metodi ta' pagament u reġjuni jafu jdumu iktar. - Politika tal-komunità
Niġġieldu kontra d-diskriminazzjoni
Aħna nitolbu lil kulħadd jimxi mal-Politika ta’ Nondiskriminazzjoni tagħna u jaqbel mal-Impenn tal-Komunità tagħna, li jitlob li kull min juża Airbnb jirrispetta, ma jiġġudikax u ma jkunx preġudikat kontra l-oħrajn.