AshrafAshry

محدش يدفع زيادة عن 1500 جنيه فى الموبايل دة جديد وفى الضمان

النسخة الجديدة منه ملهاش لزمة واغلى 300 جنيه يعنى ب 1800 جنيه

محدش يدفع زيادة عن كده جنيه اللهم بلغت اللهم فشهد

للترفية :)

البوست دة تجميع للاسئله اللى جاوبنا عليها هنا كلنا انا و الاعضاء المحترمين اعداد AshrafAshry اللى هو انا يعنى :D و AhmedGamal و ArchieDeacon طووووووووويب يا جماعه هننزل البوست تانى عشان فى ناس بتسئلنى على الرسايل الخاصه اسئله كنت مجاوب عليها قبل كده فقولت انزل البوست تانى هنا وياريت اللى يستفاد يدعيلى بس يلا نقول كمان :D

هاااااااااااااااااام جداااااااااااااااااااااااا للجمييييييييييع ومش هنزل البوست دة تانى

بصوا يا جماعه عشان محدش يجيي يقولنا انتوا السبب و انتوا اللى حببتونا فى الموبايل وطلع مش كويس

من الاخر هتاخدوا بالكم من كلامى دة وهتعملوا بيه إستحاله تندموا أبدا

اولا حضرتك هتشترى الموبايل من ستورز سامسونج نفسة !!! تقدر تسئل وتستفسر عن اماكن وجود و أفرع ستورز سامسونج عن طريق الاتصال ب الدليل 140 او تتصل ب الخط الساخن وده رقمهم 19759

دة رابط سامسونج مصر على الفيس بوك الصفحة الرسمية



ومن علي صفحة الفيس بوك بردة تقدر تشوف اقرب فرع ليك ولبيتك عند طريق الرابط الخاص ل سامسونج على الفيس بوك من هنا بردة



وحضرتك هناك فى سامسونج هتطلب منه الفاتورة الضريبية وهى عبارة عن ورقتين ورقة بيضة و ورقة صفرا مكتوب فيها اسمك و نوع الموبايل ولون الموبايل و الفلوس اللى حضرتك دفعتها هيبقى معاك و ورقة الضمان اللى معايا سكاى

قبل ما تمشى هتجرب تكتب الكود دة مكان ما بتتصل منه بالترتيب كده جنب بعض مش زي منا كاتب انا كاتب كده عشان مش تتلغبطوا

*
#
0
*
#

لو ظهر قائمه بيضاء يبقى الموبايل دة اصلى

خلاص جبنا الموبايل اتطمنا معانا حاجتنا كلها سليمة العلبة بتحتوى على شاحن و هاند فرى و وصلة يو اس بي عشان توصل الموبايل ب الكمبيوتر روحتوا البيت خلاص حمدلله على سلامتكم طيب نعمل ايه بقى

هتركب كارت الميمورى و الشريحة الخاصه ب الموبايل وبعدين تركب البطارية هتخلص البطارية لغايه ما تكون صفر فى الميه وتفصل منك خاااااالص بعدين هتسيبها على الشاحن من 8 ل 12 ساعه وياريت تبطلوا نكش ومتقولش فرحان ب الموبايل وابص عليه و الكلام دة عشان محدش يجيي يشتكى من البطارية بعد كده خلصنا ال12 ساعه الحمدلله !!

تمام هنبدأ نوصل الموبايل ب الواى فاى وصل تمام؟ هندخل على الضبط و هنبدأ نعمل تحديث ل الاندرويد و الكرينال بيفيد فى الاتى

- يقلل استهلاك البطارية


- يسرع النظام


- يحل مشاكل الصوت


- يقلل حرارة الجهاز


- ينظم اداء البروسسر

تمام ؟ كده الموبايل بقى زي الفل تبدأ تدخل بقى على ال جوجل بلاى وتعيش حياتك سطب Avg عشان الفيروسات وكل فترة اعمله تحديث و سكان طيب

البطارية لو شغال نت متواصل و رافع اضائه الشاشه و كفائتها ل اعلى حاجه و العاب هتاخد معاك 7 ساعات متواصله !! لو شغلك متوسط هتاخد من 12 ل 14 ساعه لو شغلك نت ومقلل اضائه الشاشه خالص هيبقى 20 ل 24 ساعه


اخر حاجه لو لقدر الله الشاحن اتقطع متروحش تجيب شاحن ب 50 جنيه عشان واحد اعرفة عمل كده بوردة الموبايل طارت يعنى اتحرق نهائى محدش يقولك اعملك روت و تنقل الالعاب و البرامج على كارت الميمورى لان الموبايل هيهنج وهيطلع برة الضمان

لو الموبايل مش موجود فى ستورز سامسونج ودة استحاله حضرتك تقدر تشترية من تاجر بس على شرط تاخد الفاتورة الضريبية قبل ما تدفع الفلوس

دي اكواد السامسونج للي هيشتري اي موبيل سامسونج عامتا
عشان يعرف يفرق بين الكوبي والاصلي :


ومش كل الاكواد هتشتغل لان فيه اكواد للجيلي بين واكواد للجنزبيل واكواد للايس كريم
وفيه اكواد للكل .. يعني بالعربي اي كود مش هيشتغل عندك مش معنى كده انه مش اصلي
اهم كود فيهم ولازم يكون شغال : #*0#*
بعد ما تحط الكود هيفتح قائمه عشان تعمل اختبار للالوان والسينسور والتاتش والكاميرا
وكود السيريال برضه مهم .. قارن بينه وبين المكتوب خلف البطاريه وعلى علبه الموبيل : #06#*


ودي مقارنه من ديكون بين الاس سرى ميني وبين الدوس

1. الأس ثرى مينى يمتاز فى نوع الشاشة عن الأس دوس فى المينى سوبر أموليد بينما الدوس TFT وهى مش وحشة ولا حاجة بس السوبر أموليد أحسن منها فى الألوان ودقتها وفى زوايا رؤيتها وفى توفيرها للطاقة ولها سطح مضاد للبقع وكدة عن ال TFT

2. الأس ثرى مينى ذاكرته الداخلية 8 جيجا بينما الدوس ذاكرته 4 جيجا بس ..

3. الأس ثرى مينى راماته 1 جيجا بينما الأس دوس راماته 768 ميجابايت .، وكل ما الرام بتقل فى الأندرويد كل لما التهنيج يزيد والعكس صحيح ..

4. الأس ثرى مينى الواى فاى فيه أحدث شبكته ثنائية التردد والحزمة يعنى بيلقط أشارة من على بعد ومش بيقطع نهائى على عكس الأس دوس .. لازم معاه ماتبعديش عن راوتر الواى فاى عشان الأشارة وكده
ده غير أن الأس ثرى مينى يمتاز بسرعة نقل بيانات الداتا الخاصة به أسرع من الأس دوس 14.4 ميجا للمينى و7.2 للدوس الضعف يعنى ..

5. أصدار البلوتوث فى الأس ثرى مينى أحدث من الأس دوس فى المينى V4 بينما فى الدوس V3

6. الكاميرا فى المينى أوضح وأجمل ولها خواص كتير عن كاميرا الأس دوس زى خاصية أفضل صورة وهكذا .، ده غير أنها بتصور فيديو بجودة أتش دى 720 بيكسل بخلاف الأس دوس طبعا وكل ده واضح فى المقارنات اللى فوق اللى بعتها لحضرتك ..

7. أهم نقطة طبعا .. وهى البروسيسور فى الأس ثرى مينى أعلى وأقوى طبعا 1 جيجا ثنائى النواة من معمارية أحدث من معمارية بروسيسور الأس دوس ال 1 جيجا أيضا ولكن أحادى النواة وهنا الأداء بيقل والسرعة أيضا بتقل وهكذا ..

8. كارت الشاشة ومعالج الرسوميات للأس ثرى مينى أعلى من اللى فى الأس دوس وهو نفسه المستخدم فأجهزة عملاقة مثال الأس ثرى الأوريجنال والنوت 2 وغيرهم ..

9. البطارية واحد فى الجهازين 1500 ميللى أمبير .، ولكن الأداء بيختلف فى أستنفاذ الطاقة وهو أقل فى الأس ثرى مينى عن الأس دوس لأن الدوس بخطين وبيسحب بطارية أكتر طبعا عشان الخطين ده غير كثرة التهنيج اللى موجودة فى الأس دوس بسبب قلة الرامات مع البروسيسور الضعيف والخطين .. أذن المحصلة ستكون تهنيج شديد جدا وهذا ما يعانى منه أصحاب الأس دوس حتى لو حضرتك دخلتى صفحة الأس دوس هاتشوفى ده بنفسك ..

ودي مقارنة بين الاس سرى ميني و الايس سرى

دي مقارنه بالمواصفات :
مقارنه الكاميرا :
مقارنه الفيديو :


بالنسبه لمقارنه الصور والفيديو .. اتحرك بالماوس ف الصوره الشمال ..وع اليمين هتلاقي نفس الصوره ف الace3 وتحتها الmini3 وقارن انت بقى من حيث جوده الالوان والوضوح وطبعا الاس سرى ميني يكسب بمراحل وخصوصا فى الضغط عليه وعلى الالعاب

اخر حاجه ازاى تعمل سكرين شوتس لاى مكان فى الجهاز

اضغط علي زرار القائمه و بعدين زرار الـlock ملحوظه لازم تعملهم فى نفس الوقت


اعتقد كده بنسبة كبيرة قدرت الم كل الاسئله اللى بتدور فى دماغكم

الموبايل دة افضل من الجراند و الدوس و الكور و الايس و الاس تو الادفانصد يعتبر زية زي الاس سرى ميني بس الميني بيتفوق على الادفانصد فى الرام لان الاس سرى ميني 1 جيجا لكن الادفانصد 750 و اى موبايل سونى او نوكيا جنب السامسونج ملوش لزمة كده خلصنا اذا استفدت اسئلكم الدعاء فقط السلام ختام <3

السلام عليكم ورحمة الله وبركاته

موضوعنا إنهردة على البطارية و إزاى نقدر نحافظ عليها بالصور و الدليل شوية نصايح كده ع الماشى ^^

اول ما تشترى الموبايل بتخلص الشحن اللى فى البطارية خالص لغايه ما يبقى صفر وتبدأ تشحنه لغايه ما يشحن البطارية ب الكامل دي اول خطوة خالص

يفضل اما تيجي تشحن الموبايل تشحنه وهو 20 فى الميه فقط ويستحسن تشحنة وهو مغلق خالص


بالنسبة للبطارية لو الاضائه عاليه على الاخر و شغال قرأن مثلا او العاب و واى فاى ونت هتقعد معاك من 5 ل 7 ساعات حسب عمر البطارية

بالنسبة لو الاضائه متوسطة و شغال نت بردة و العاب هتبقى معاك من 12 ل 15 ساعه

بالنسبة لو الاضائه على اقل حاجه و شغال واى فاى و العاب و شات سواء فيس او واتس اب او فايبر هتعدي ال 24 ساعه و الصور جايه هتوضح البطارية بتاعتى إمبارح :) بالمناسبه انا إتعمدت إنى مش اقفل نهائى الواى فاى خصوصا إمبارح

يلا نتفرج ع الصور بقى وبعدين فى اخر الموضوع هقولك نصيحة أخيرة هتفرق معاكم فى البطارية ^^

دي صورة البطارية وهو 22 فى الميه و شغاله بقالها 23 ساعه ونص فيس بوك و بيس 2012 !!



ودي تكملة باقى الصورة عشان الناس اللى بتقول مش مشغل حاجه ودة برنامج الكاكو زي الفايبر بكلم اصحابى صوت



تمام النصيحة الاخيرة و الهامه ان شاء الله

الغى الفايبريشن !!

خلى اضائه الشاشه 10 ثوانى !!

إلاغلاق اضائه لوحة المفاتيح !!

تفعيل خاصيه ال power Saving توفير الطاقة

بلاش تسطب اى برامج للبطارية لانها بتقلل البطارية لان طبيعي بتفضل مفتوحة وبتاخد من الرام !!

البي بي ام متفوح فوق 24 ساعه ولولا البرنامج دة موجود كان هيبقى أداء البطارية أفضل من كدة :)

بالتوفيق للجميع سلام :)

بسم الله الرحمن الرحيم

ورجعنا تانى :D

الناس اللى محتاجه موبايل ب خطين وفى نفس الوقت عايزة موبايل محترم ب شاشه قوية كفائه بيكسلات شاشه الوان خرافه قوة رهيبه نت العاب بروسيسور رااام بطارية محترمه شركة مضمونه

هى فكرة ليا طيب دلوقتى ناس بتشترى الايس 3 عشان عايزة خطين او الكور او اليونج بردة

طيب لية وقدامك الاس ثرى ميني أفضل كفائه شاشه سوبر اموليد أفضل بروسيسور ورام وبطارية من الانواع اللى قولتها عشان قولنا الشاشه ال TFT اللى موجودة سواء فى الايس كور يونج دوس او دوس تو بتسحب من استهلاك رام بروسيسور بطارية

الحل انا شايفة كويس جدا وانا فعلا عملته سامسونج كالعادة أبهرتنى انا شخصيا نزلت اشتريته موبايل بقى ايه بطارية بتقعد من 5 ايام ل 7 ايام :D فيس بوك و تويتر و نت و العاب جافا و بتقبل ملفات الجار و الجاد JAR JAD بجانب معاك كشاف :D و راديو و خطين و بيقبل كارت ميمورى و ام بي ثرى لا و صوتى عالى ونقى وغيرة وغيرة و الاهم من دة انه سامسونج أصلى الموبايل سعره 170 جنيه متوفر ب الاسود و الابيض و الازرق يلا نشوف الصور اللى مصورها انا بقى عشان يثبت كلامى :)

دي صورة للموبايل فى ايدي كنت قافل النور و مصور ب الفلاش :D



ودي صورة كمان تثبت انه عليه فيس بوك و تويتر لا وكمان العاب جافا ومش بس كده دة فيه متصفح اوبرا يعنى تقعد تتصفح على النت براحتك ودي الصورة التانيه بردة تصويرى



دة رابط قسم الموبايل الاعجوبة فى منتدانا الحبيب

ودة نوع الموبايل سامسونج E1282T

يبقى كده نشترى الاس ثري ميني سعره يتراوح بين 1600 جديد ضمان دولى

1800 ل 1950 ضمان محلى جديد

و نشترى موبايل ب خطين سامسونج E1282T ب 170 جنيه

بالمناسبه ياريت تجربوا كود نجمه شباك صفر نجمه شباك على الموبايل سامسونج E1282T هيظهرلك قائمه بيضاء بردة و الموبايل ليه كود وبيقرا على موقع IMEI

مش عايز شكرا بس دعاء بسيط اذا إستفدت مش اكتر تحياتى ونتقابل قريبا فى موضوعات أكبر و أقوى ان شاء الله ساااامسوونج توب فى جميع الاحوال <3 :)

Galaxy S3 Mini (Value Edition) GT-I8200 EGY I8200XXUANAC Android 4.2.2

البشاير بدأت تهل مبروك قريبا ان شاء الله التحديث 4.2.2 هينزل ل الاس ثرى ميني و الميزة الاكبر فيه انك ممكن تسطب الالعاب و البرامج على كارت الميمورى و أعتقد مافيش ميزة فيه زيادة عن ال 4.3

مبروك يا شباب وكده بقى تقدروا تشتروا كارت 16 جيجا او 32 جيجا و انقل براحتك العاب وبرامج من غير روت وزي منته عايز و التحديث دة هيسرع الموبايل اكتر مهو سريع اصلا :D و اى سخونة هتختفى نهائى بجانب انه هيزود قدرة البطارية بالتوفيق وبجد مبروك

محمود وصلت لفين فى لعبه Deux ?

;) <3 :D

يعنى اهل الخبرة فى الموبايل jobaz وهو اول واحد بينتقد الموبايل و هيشترى الزد 2 طيب ازاى !!

ياريت يا جماعه اللى يحدد ان دة موبايله او اهل الخبرة يكون معاه الموبايل عشان نقدر نحقق الرساله اللى بيقدمها السايت زي ما قال ليا الاخ المحترم احمد صاحب الموقع

5700 جنيه ك سعر أول خير يبقى هيبقى فى نفس رينج النوت 3

أرجو من الجميع المساعدة !

هو انا لو عملت الموبايل على وضع الطيران و ماطارش يبقى كدة باظ و لا ده سوفت وير ؟؟

انا عرفت معلومة الجميع هيستفاد بيها ف قولت اقولها ل اصحابى هنا لو معاك خط موبينيل اتصل ب

#12#

شباك 12 شباك وشوف عرض انهردة وحظك إيه ب جنيه واحد انا جالى 100 رساله ل موبينيل و 13 ميجا إنترنت !! بجنيه واحد بس .:)

ارجو الدعاء وياريت اللى هياخد البوست كوبى ويعدل عليه و ينسبة ل نفسه ياريت يكتب منقول من العضو كذا زي ما حصل فى عرض الانترنت المجانى من فودافون اما شخص سرق البوست و نسبة لنفسه تحياتى للجميع اسئلكم الدعاء تحياتى ...

انا عرفت معلومة الجميع هيستفاد بيها ف قولت اقولها ل اصحابى هنا لو معاك خط موبينيل اتصل ب

#12#

شباك 12 شباك وشوف عرض انهردة وحظك إيه ب جنيه واحد انا جالى 100 رساله ل موبينيل و 13 ميجا إنترنت !! بجنيه واحد بس

ارجو الدعاء وياريت اللى هياخد البوست كوبى ويعدل عليه و ينسبة ل نفسه ياريت يكتب منقول من العضو كذا زي ما حصل فى عرض الانترنت المجانى من فودافون اما شخص سرق البوست و نسبة لنفسه تحياتى للجميع اسئلكم الدعاء تحياتى .....

انا عرفت معلومة الجميع هيستفاد بيها ف قولت اقولها ل اصحابى هنا لو معاك خط موبينيل اتصل ب

#12#

شباك 12 شباك وشوف عرض انهردة وحظك إيه ب جنيه واحد انا جالى 100 رساله ل موبينيل و 13 ميجا إنترنت !! بجنيه واحد بس

ارجو الدعاء وياريت اللى هياخد البوست كوبى ويعدل عليه و ينسبة ل نفسه ياريت يكتب منقول من العضو كذا زي ما حصل فى عرض الانترنت المجانى من فودافون اما شخص سرق البوست و نسبة لنفسه تحياتى للجميع اسئلكم الدعاء تحياتى ...