أحمد محمد

مفيش جديد
و نفس الموضوع ده حصل مع كل الاجهزة الرائدة
ال m9 و ال g4 و الz4 و النوت4 و الs6
الشركات كلها مبقاش عندها حاجة تقدمها
التطور في السنوات اللي فاتت كان سريع جدا و ملحوظ
لكن دلوقتي بقا بطيئ جدا او تقريبا وقف
لدرجة الشركات بدأت تسحب بعض المواصفات عشان يبقو يرجعوها تاني و يعتبروها اوبشن جديد :)
الشركات خلاص غلب حمارها .. مبقاش عندهم حاجة يقدموها
و الناس مبقتش مهتمة كتير بالموبايلات حتى ان التفاعل في مواقع الموبايلات و قنوات اليوتيوب قل جدا و قليلين اللي بيستنو الاجهزة الجديدة و مبقاش في مقارنات و تعصب و خناقات زي زمان و حتى مبقيناش حافظين اسماء الاجهزة و مواصفاتها زي زمان ... المجال كله برد و هدي
و اتوقع ان الوضع هيفضل كده و الناس هتزهق من الأندرويد في المستقبل القريب
و ده هيكون في مصلحة ابل لأنها هتكون الملجأ الوحيد إذا أحسنت استغلال الوضع
إلا لو جوجل عوضت النقص في تطور الهارد وير بالزيادة في تطور السوفت وير
و أنا عن نفسي مظنش ده هيحصل لأن حتى اصدارات الأندرويد الجديدة بقت زي القديمة مفيش جديد
و بصراحة يا جماعة .. فعلا مفيش جديد
الموبايلات بقا فيها كل حاجة ممكن تكون موجودة
باقي فقط التليفزيون يكون موجود "بدون نت" و يجيب المحطات الفضائية
اظن ده أقصى حاجة ممكن تتعمل تاني

اللي بيحصل ده زي بالضبط اللي حصل مع اللابتوب
لما وقف تطورها و مبقاش فيها جديد .. فقدت جاذبيتها و اتنست و الناس بقت بتستخدم نفس اللاب بالخمس سنين و اكتر بدون ما يغيروه
المفروض الشركات تبدأ تنزل الflagship device كل سنتين

وزير الاتصالات: تخفيض أسعار الإنترنت هدية الحكومة للمواطنين فى العيد

قال المهندس خالد نجم وزير الاتصالات وتكنولوجيا المعلومات، إن هدية الحكومة ممثلة فى وزارة الاتصالات، للمواطنين بمناسبة عيد الفطر المبارك، هى الإعلان عن أسعار الإنترنت الجديدة، لافتاً إلى أن الشركة المصرية للاتصالات انتهت من خطة أسعار تأجير البنية التحتية لشركات الإنترنت، وستعلن عن خطتها اليوم، تمهيداً لتطبيقها وتخفيضها للمواطنين.

سلام عليكم .. موضوع للنقاش
انا ملاحظ من فترة ان الاقبال على الموبايلات بدأ يتغير
الوضع اختلف عن السنة اللي فاتت و اللي قبلها
مجال السمارت فون بدأ يفقد تفاعله و جاذبيته
في حاجات كتير تدل على كدا
مثلا في الموقع هنا
رغم ان الموقع فيه 57 ألف عضو
الناس مبقتش تدخل كتير و لما بيدخلو مش بيتفاعلو .. و اذكر ان ذروة تفاعل الموقع كانت في 2012 و 2013
وقت نزول الاس3 و الاس4 و الايفون 5 و النوت 3 و الزد و الOne
كنا نستنا الأجهزة يتم الأعلان عنها و نبقا كلنا مترقبين .. و لما الجهاز ينزل كنت تكتب التعليق الصبح و بليل تلاقيه بعديه صفحتين تعليقات و كنا دايما نتخانق في صفحات الهواتف الرائدة
الموضوع كان شبه فرق الكورة .. كل واحد بيشجع موبايل و بيدافع عنه
و كان كل خناقة بيتوقف فيها عضو ولا اتنين

دلوقتي الوضع اختلف تماما
يعني مثلا الاس 6 .. بقاله 4 شهور عالموقع ... و 3 صفحات تعليقات فقط
ال M9 .. بقاله 3 شهور عالموقع ... و 9 تعليقات فقط
الناس مبقتش تستنى الموبايلات الرائدة و مبقاش في تحيز و جدال و مقارنة زي زمان

ما السبب برأيكم

سلام عليكم
اشتريت الG3 من ايام و ده تقييمي للجهاز
الشاشة :
الشاشة فعلا ممتازة فوق الوصف
و اول مرة اصدق الناس اللي بتقول ان الtrue-hd-ips احسن من السوبر اموليد
انا بقالي اكتر من سنتين بستخدم سامسونج و فعلا الشاشة دي احسن من السوبر اموليد في كل حاجة عدا اللون الاسود
و بالنسبة للدقة كنت قريت في مواقع زمان ان العين متقدرش تفرق بين كثافة البيكسل الاعلي من 400 مهما زادت
بس انا حاسس بفرق عن كثافة الاس4 رغم ان الاتنين ممتازين
بس الفرق باين بصراحة و تقدر تحس بيه كويس
و حجم الشاشة ممتاز في الكتابة و كل حاجة
الشاشة 10/10 بأمانة

الذاكرة :
النسخة اللي معايا 32 جيجا
مش عارف متاح منها قد ايه لان الجهاز مش بيكتب غير اللي باقي بعد ما حطيت برامجي و ملفاتي
بس هو تقريبا كان متاح منها 26 جيجا قبل ما احط ملفاتي والله اعلم
الذاكرة اكتر من كافية لاي جهاز 32 جيجا لذلك 10/10
و الجهاز بيقبل كارت ميموري

الرام :
النسخة اللي معايا رام 3GB المتاح منها بعد الكلير بيوصل 1800 علي اللولي بوب
و طبعا ده رقم ممتاز و يعتبر اكتر من ضعف رام النوت 3
الرام 10/10

الكاميرا الخلفية :
في الاضاءة القوية و الخلفيات الفاتحة بتكون الكاميرة ممتازة
لكن عدا ذلك بتكون جيدة جدا و في الضلمة جيدة فقط
و اوضاع التصوير قليلة جدا و ده اللي فاجئني
بس ليها حل انك تستخدم برامج تصوير خارجية و دي موجودة كتير
الفلاش ثنائي قوي و اضاءته لونها مش ابيض
هو مصمم بحيث يديك اضاءة طبيعية شبه نور الشمس يعني مش نور ابيض ولا اصفر
الكاميرا 8/10 و الفلاش 10/10

الكاميرا الامامية :
جيدة جدا هي احسن من الاس4 و اقل شوية من الاس5
7/10

الواي فاي قوية عن الاس4 و قريبة من واي فاي اللاب توب
9.5/10

الراديو و البولوتوث و الusb كل دول 10/10

البطارية :
بصراحة جيدة مش ممتازة لكنها تقضي الغرض
بالاستخدام المتواصل 7 ساعات
و الاستخدام العادي يوم كامل
بس الشحن سريع في ساعة ونص فقط يشحن كامل
7.5/10

السخونة :
الجهاز بيسخن في الاستخدام التقيل
بس سخونة مقبولة .. زي اجهزة السامسونج
7.5/10

الاداء :
الاداء قوي جدا و مفيش اي مشاكل خصوصا مع الرام 3GB
بس الواجهة بتاعة الجهاز فيها لاج خفيف خالص بسبب ال2K
9/10

الصوت :
الصوت قوي ماشاء الله و نقي خصوصا في الموسيقى
9/10

الخلاصة
الجهز بدون عيوب تقريبا و مش هتلاقي فيه حاجة مضايقاك
ممكن فقط تلاقي حاجات مش بيرفكت زي البطارية و الكاميرا
انصح اي حد بالجهاز لكن نسخة ال 32 جيجا ، 3 جيجا رام
و الجراب السينسور الاصلي مخلي الجهاز اجمل
هو جاي مع الجهاز بتاعي من بره
و جاي بنفس لون الجهاز (جولد) و مش بيخلي الجهاز سميك ولا بيخفي اللون الجولد

النهاردة جبت قلم تاتش للجهاز
اول مرة استخدمه بس بصراحة تحفة
دي صوره




ميزته انه شيك و عملي و وزنه خفيف و دقيق جدا في التاتش
و كمان سلس كأنك بتستخدم صباعك
و كمان الجلدة طرية و مستحيل تجرح الشاشة
و ممتاز في الكتابة على الكيبورد بإيد واحدة و انا كاتب الكلام ده بيه
و طبعا بيشتغل على زر ال menu و ال back عادي
و انا و الله بضغط بيه على زر الهوم عادي برضو
و كمان فيه قلم حبر ازرق .... يعني 2 × 1

المشكلة انه غالي شوية
ب 10 جنيه :D

نصائح للتعامل مع جهاز الأندرويد :

1- عدم ترك ال 3G (بيانات الهاتف) مفتوحة عند عدم إستخدامها
لأنها تقوم بإستهلاك باقة الإنترنت و طاقة البطارية

2- يجب إستخدام جراب للموبايل و لاصقة على الشاشة للحفاظ على الجهاز بدون خدوش أو كسور و زيادة عمره الإفتراضي
و لا أنصح بإستخدام الجرابات الفليب التي يتم تركيبها بإزالة غطاء الظهر و تركيبها مكانه
لأنها لا تغطي حواف الجهاز (الفريم) و مع الوقت ستخدش و تتقشر الطبقة اللامعة

3- يفضل إستخدام سطوع شاشة منخفض للحفاظ على النظر و عمر البطارية

4- يفضل إستخدام كروت الذاكرة عالية الجودة و المشهورة ... مثل كينجستون
لأن كارت الذاكرة التالف قد يسبب توقف الجهاز (تهنيج) و أيضا قد تفقد البيانات الموجودة فيه ولا يمكن إسترجاعها

5- أذا كنت تريد إرسال عدة ملفات بالبلوتوث لجهاز آخر
يفضل إستخدام ال Wi-Fi Direct لأن سرعتها عالية جدا و مداها كبير
(خاصية ال Wi-Fi Direct لها إستخدامات أخرى مثل اللعب الجماعي بين الأجهزة والطباعة اللاسلكية وغير ذلك )
يمكنك التعرف على خواصها من خلال الفيديو التالي

6- قبل إزالة كارت الذاكرة من الجهاز يجب إلغاء تحميله من خلال خيار unmount من إعدادات التخزين
و ذلك للحفاظ عليه و تتجنب فقد البيانات
و نفس الأمر عند توصيل فلاش ميموري للجهاز بإستخدام كابل USB OTG
لكن نضغط safe remove من ال notification bar

7- يفضل في الكاميرا جعل مكان حفظ الصور و الفيديو في الذاكرة الداخلية
لأن كروت الذاكرة التي تباع في السوق سرعتها قليلة في نقل البيانات و قد تؤثر سلبا على دقة و سرعة التصوير

8- يوجد وضع توفير الطاقة في معظم الأجهزة و أنصح بتشغيله بشكل دائم ..... و هو ليس له أي أضرار
و مميزاته إنه يطيل عمر البطارية و يقلل سخونة الجهاز بشكل كبير جدا

9- لا أنصح بضبط ال play store على تحديث التطبيقات تلقائيا
لأنه كثيرا ما ستجده يقوم بالتحديث و يستهلك سرعة الواي فاي أو باقة ال 3G الخاصة بك
الأفضل أن تقوم بتحديثها بنفسك عندما تريد

10- يعتبر الجهاز سخن إن وصلت حرارته ل 40 درجة
و يجب تركه للراحة إن وصلت الحرارة ل 45 درجة
و أي جهاز لا يصل لتلك للأرقام .... يبقى مبيسخنش :)
"يمكنك معرفة درجة حرارة الجهاز من خلال بعض البرامج مثل برنامج Battery "

11- يجب إعادة تشغيل الجهاز مرة على الأقل كل 100 ساعة تشغيل
"يمكنك معرفة عدد ساعات التشغيل من ... الإعدادات > حول الجهاز > الحالة"

12- مهما حدث يجب عدم إستخدام الجهاز أثناء الشحن
لأن ذلك يقصر من عمر البطارية و يطيل من زمن الشحن عموما ..... حتى عند عدم إستخدامه
و مع الوقت قد يصل زمن الشحن ل 5 ساعات بدون إستخدام ! ... "عن تجربة شخصية"

13- أي برنامج يظهر رسائل إنه توقف فجأة أو إنه لا يستجيب
فمن الأفضل إزالته حتى يقوم المطور بتحديثه و حل المشكلة لأنه قد يتسبب بتوقف الجهاز "تهنيج"

14- لا تستخدم جرابات و إكسسوارات بها مغناطيس
و لا تضع الجهاز في أي مجال مغناطيسي .... لأنه قد يسبب إنحراف دائم للبوصلة "عن تجربة "

15- من الأفضل عدم تحديث الجهاز بإصدارات الأندرويد الجديدة فور توفرها له
حتى إن كانت رسمية ......... و الأفضل الإنتظار و الإستماع لتجارب المستخدمين الآخرين
لأن تحديثات الأندرويد غالبا ما تحمل معها المشاكل في البداية


16- إذا توقف الجهاز "هنج" يمكن عمل ريستارت من زر الباور .... إضغط عليه لمدة 15 ثانية
" غير متوفرة في بعض الأجهزة "

17- لا تستخدم widgets كتير .... لأنها تستهلك جزء كبير من شحن البطارية و الرام
خصوصا إن كانت وظيفتها عرض المعلومات و ليس فعل شيئ معين عند الضغط عليها
" مثل widget الطقس و الساعة "

18- يفضل عدم تحميل تطبيقات مكررة (لها نفس الإستخدام) ... أو تطبيقات لا تستخدمها
لأن زيادة عدد التطبيقات تؤثر سلبا على الأداء و البطارية

19- إحتفظ بنسخة إحتياطية من الأسماء و الرسائل الهامة

20- إستخدم برنامج أنتي فايرس لمقاومة برامج التجسس "برامج التجسس موجودة على المتجر أيضا "
برامج الأنتي فايرس مثل Dr.web أو Trust Go .......... و يعتبر الأفضل هو 360 mobile security

21- يفضل عدم زيادة عدد التطبيقات عن 150
و ال 150 منهم برامج السيستم .......... أي أن القائمة تحتوي على 150 أيقونة

22- إغلق الإتصالات التي لا تستخدمها
مثل الواي فاي و ال GPS و ال NFC و البلوتوث و بيانات الهاتف و ال Hotspot و S beam و المزامنة

23- حافظ على وجود مساحة خالية من الذاكرة الداخلية و لا تملؤها كلها

24- ستجد دائما مجلدات كثيرة لا تعرفها في ال file manager
لا تقوم بمسح مجلدات إلا بعد معرفة ما يحتويه

25- لا تستخدم الرومات المعدلة و الروت ........ إلا إذا كنت على قدر كبير من الخبرة بما تفعل

26- لا تستخدم شواحن و بطاريات غير أصلية

27- لا تتعامل مع مراكز صيانة غير مضمونة


بواسطة المشرف : أحمد محمد

بسم الله الرحمن الرحيم
التحديث حجمه 460.80 ميجا
ممكن يتحدث عن طريق الكيز أو من الهاتف نفسه
أنا حدثت من الهاتف

الفروق بسيطة جدا
دي تفاصيل التحديث بتظهرلك بعد إكتمال التحميل و قبل ما تضغط تثبيت


أول فرق هتلاحظه إن البار بقى لون واحد و هو الأبيض
ركز على ال notifications bar فوق
قبل التحديث

بعد التحديث


في ناس شايفة إن كده بقى شكله أحسن
لكن أنا رأيي إن قبل التحديث أحسن

شكل ال lock screen إتغير لما تكون مشغل ال music player
قبل التحديث


بعد التحديث


او لو الاغنية ليها صورة بيعرضها خلفية لل Lock


إستهلاك الرام إتحسن بعد التحديث بفارق بسيط
لما تعمل كلير بعد التحديث :


الأداء إتحسن عن الأول بفارق بسيط
على AnTuTu السكور زاد 1000 بعد التحديث


و البطارية إتحسنت لكن بفارق بسيط أيضا

و الثبات إتحسن كتير جدا

خاصية ال multi window شكلها لم يتغير لكن بقت قريبة جدا من النوت 3 في الخصائص بتاعتها

الجهاز بقى يقرأ الذاكرة كده


لكن مفيش إختلاف فعلي في الذاكرة المتاحة

لما تفتح حاجة و تختار بين التطبيقات
بتلاقيه مظبوط على آخر تطبيق إختارته .... يعني فقط محتاج تضغط على "مرة واحدة فقط"
شوف الصورة دي هتفهم


لما تفتح الإعدادات تلاقيها على آخر صفحة كنت فيها


ده اللي أنا خدت بالي منه لحد دلوقتي
لكن نقدر نقول لو في فروق تانية هتبقى غير ملحوظة للمستخدم

بس أنا حاسس بـ تحسن في الكاميرا في الإضاءة المتوسطة و الضعيفة
و تحسن في قوة الفلاش !!!!!
مش عارف إزاي لكن بجد والله العظيم لاحظت كده و خصوصا الفلاش !

سبحان الله يا أخي ....... مفيش حاجة كبيرة على ربنا :D

اللي خايف من التحديث يتوكل على الله و يحدثه
هو مش هيعمل فروق كبيرة لكن في فروق صغيرة للأفضل إن شاء الله

هو جراب ال s view ممكن يعمل مشاكل في الجهاز ؟
زي تهنيج او مشاكل في التاتش

العضو qoqolata بيقول إن جهازة بيجيب شاشة سوداء و فيها ساعة ديجتال و هو بيستخدمه !!
و دي الشاشة بتاعة ال s view !!!

أنا إشتريت جراب جلد على اساس انه عادي مش s view
دي صورته



لكن لاحظت إني لما بفتحه .... الشاشة بتفتح لوحدها بدون اللوك
و لما أقفله ..... بفتح حته صغيرة و ابص الاقي الشاشة السودة و الساعة بتظهر لمدة 5 ثواني

و ده معناه انه بيستخدم نظام ال s view عشان يفتح الشاشة و يقفلها لوحده

فـ هل جراب ال s view اللي مش أصلي خطر على الجهاز ؟
لأن ده بـ 65 جنيه فـ أكيد مش أصلي

أجيب واحد غيره ولا مش مهم ؟!

حد يعرف برنامج راديو كويس ؟
يكون شبه الراديو العادي كده بدون تعقيدات

تقرير سهل و بسيط عن الهاتف على نفس نمط تقرير العضو المميز semsemSiR

"بسم الله الرحمن الرحيم"
الشكل :
الجهاز شكله تحفة و لو كان ملوش شبيه هيبقى افضل شكل في الهواتف الحالية كلها
لكن للأسف شكله شبه اللي قبله "اس 3" تماما مع بعض التعديلات البسيطة
لدرجة ان الناس كلها فاهمة اني لسة مغيرتش ال اس3 :D
لكن عموما الجهاز شكله تحفة و هيعجب اي حد
(8.5/10) فقط لأنه شبه معظم أجهزة سامسونج

التصميم :
الجهاز سمكه قليل و الحواف حول الشاشة صغيرة و عشان كده تصميمه ممتاز و حجمه مناسب جدا بالنسبة لشاشة 5 بوصة
لكن فقط مكان السماعة كان أفضل في الاس3
لكن بصراحة تغييره كان ضروري عشان ميبقاش نسخة من الاس3 ... مش ناقصة اصلها !
(9.5/10)

الشاشة :
رائعة جدا و دقتها عالية جدا و سطوعها عالي و كويسة جدا في الشمس
(10/10)

التاتش :
ممتاز و سلس و دقيق
(9.5/10)

الصوت :
السماعة الخارجية
صوتها عالي و لكنه تقريبا نفس صوت ال s3 مع زيادة في النقاء
و صوت النغمة أقل من صوت الموسيقى .... لكن كويس برضو و مفيش مشاكل
(9/10)

سماعة المكالمات
ممتازة و واضحة و عالية
(10/10)

ال headphones
صوتها ممتاز و أفضل من سماعة ال s3 بشكل ملحوظ
لكن مشكلتها إن فكرة الجلدة دي رخمة شوية و السماعة مش بتثبت كويس في الأذن و إستخدامها مش سهل
أنا بفضل السماعات التانية
(8.5/10)

الذاكرة الداخلية :
المتاح منها 8.94 جيجا ...... يعني تقريبا 9 جيجا و ده قليل عن الاس 3 بـ حوالي 2.5 جيجا
(7/10)

الرام :
هي 1.82 جيجا
لما بتعمل CLEAR بيديك من 850 لـ 1150 ميجا فاضية
حسب إستخدامك و حسب المدة من آخر مرة عملت فيها ريستارت للجهاز
لكن نقدر نقول في المتوسط 1000 ميجا فاضية بعد ال CLEAR
و ده تقريبا أكتر من 3 أضعاف الرام في الاس 3 لأنه كان بيديك حوالي 300 ميجا بعد ال CLEAR
يعني الحمد لله مفيش مشاكل في الرام و الجهاز ده هينسيك موضوع ال CLEAR تماما
(10/10)

الكاميرا :
هي قريبة جدا من الاس 3 .... كنت فاهم إن الفرق كبير أوي لكن إكتشفت إنه صغير
يعني في الإضاءة العالية مش هتحس بفرق تقريبا
لكن بيظهر فرق بسيط في الإضاءة المتوسطة و الضعيفة
و عموما الكاميرة ممتازة جدا و فيها خصائص جديدة تحفة و الفلاش قوي
(9/10)

الكاميرة الأمامية :
هي نفس كاميرة الاس 3 لا أزيد ولا أقل
و صورتها كويسة جدا في الإضاءة العالية
(8/10)

النظام و الواجهة :
هي نفس واجهة السامسونج اللي ملينا منها :(
لكن لا أنكر إنها عملية و سهلة الإستخدام
و عموما اللي زهق منها ينزل أي لانشر .... مش مشكلة يعني
و النظام ثابت لأبعد الحدود و مفيش أي تهنيج إن شاء الله
(10/10)

البروسيسور :
النسخة اللي معايا i9500 ... البروسيسور قوي و الأداء ممتاز
لكن للأسف كالعادة في بعض التأخير عند فتح أيقونة الهاتف أو جهات الإتصال
كنت فاهم إن الموضوع مختلف مع الاس4 .. لكن مشكلة بسيطة إن شاء الله
(9/10)

السخونة :
هي أكتر الإشاعات اللي طلعت على الاس3 و الاس 4
لكن الجهازين سخونتهم عادية و مقبولة جدا .... أنا لا أعتبره بيسخن !!
(9/10)

ال Sensors :
ممتازة و شغالة تمام

لكن تماما مثل الاس 3 ... في مشاكل في ال Smart stay, Smart pause
لا يمكن إستخدامهم أو الإعتماد عليهم مطلقا
فقط محسوبين علينا من ضمن الأوبشن بتاع الجهاز :(
(8.5/10)

البطارية :
بالإستخدام التقيل تستمر أكتر من يوم
و بالإستخدام المتواصل تستمر 16 ساعة على الأقل
و بالإستخدام المتوسط على الأقل يومين

و ده أدائها معايا في الإستخدام التقيل :

و مدة الشحن الكـــامل من صفر% إلى 100% بالضبط ساعتين و 5 دقائق
(9.5/10)

الخلاصة :
لما تجمع التقييمات تلاقي الجهاز واخد 145 من 160
يعني تقييمي ليه بمنتهى الحيادية 90.6%
و بنفس الطريقة هنلاقي أستاذ semsemSiR إداله 119 من 130
في التقرير بتاعه
-(semsemSiR
يعني تقييمه للجهاز 91.5%

يعني نفس التقييم بتاعي تقريبا .... و ده تقييم ممتاز و فعلا الجهاز رائع و أي حد هيشتريه مش هيندم إن شاء الله
و ما زال من أقوى الأجهزة اللي في السوق و حتى بعد نزوله بسنة يقدر ينافس أي جهاز تاني قريب من سعره أو مش قريب !

أي حد بيفكر يشتريه يتوكل على الله و يشتري بدون تردد

و بالنسبة للون هو أزواق لكن أنا إخترت ال black mist
لأن الخطوط الكرومية أكثر وضوحا فيه و بتديه مظهر جمالي أكتر
زي الفريم المعدني أكثر وضوحا و إشراقا

ال white ــــــــــــ
ال black mist ـــــ

و النقوش في الإطار حول الشاشة شكلها أوضح

ال white ــــــــــــ
ال black mist ـــــ

و الإطار الكرومي حول زر الهوم شكله أشيك و أوضح في ال black mist


و النقاط اللامعة في غطاء الظهر أوضح




و الإطار الكرومي حول الكاميرا أوضح في ال black mist

طبعا كلنا عارفين إن الجهاز فيه مستشعر حرارة و رطوبة و ضغط جوي
لكن لا نجد تطبيق يظهر قرائتها


البرنامج ده يظهر الحرارة و الرطوبة و الضغط في الغرفة أو مكان الجهاز
من المستشعرات ........ يعني بدون إنترنت
برنامج خفيف و سهل الإستخدام و مساحته نص ميجا !
رابط مباشر :


و دي صورة توضيحية للبرنامج :

طبعا كلنا عارفين إن الجهاز فيه مستشعر حرارة و رطوبة و ضغط جوي
لكن لا نجد تطبيق يظهر قرائتها

البرنامج ده يظهر الحرارة و الرطوبة و الضغط في الغرفة أو مكان الجهاز
من المستشعرات .... يعني بدون إنترنت
برنامج خفيف و سهل الإستخدام ........ مساحته نص ميجا !
رابط مباشر :


و دي صورة توضيحية للبرنامج

السلام عليكم
هو تحديث الكيتكات نزل مصر ولا لأ يا شباب

أنا جبت الجهاز نسخة i9500 هو على 4.3 و فتحت تحديث البرامج لقيت بيقولي تم تثبيت آخر التحديثات بالفعل

أجرب بالكيز ولا هو لسة منزلش ؟؟!!!

ولا أي إندهاش !!