Rohit Sharma IPL 2026: ഐപിഎൽ 2026ൽ ഹാംസ്ട്രിങ് ഇഞ്ചുറി മൂലം പഞ്ചാബ് കിംഗ്സിനെതിരായ മത്സരത്തിൽ നിന്നും വിട്ട് നിന്ന മുൻ നായകൻ രോഹിത് ശർമയുടെ ഫിറ്റ്നസിനെ സംബന്ധിച്ച് പ്രതികരിച്ച് മുംബൈ ഇന്ത്യൻസ് ക്യാപ്റ്റൻ ഹർദിക് പാണ്ഡ്യ. എത്ര മത്സരങ്ങൾ കൂടി രോഹിത്തിന് നഷ്ടമാവും എന്ന ചോദ്യത്തിന് ഹർദിക് പാണ്ഡ്യ മറുപടി നൽകി.  

നിലവിൽ രോഹിത് മെഡിക്കൽ ടീമിന്റെ നിരീക്ഷണത്തിലാണെന്നും തിരക്കിട്ട് രോഹിത്തിനെ ടീമിലേക്ക് എത്തിക്കാൻ മാനേജ്‌മെന്റ് ഉദ്ദേശിക്കുന്നില്ലെന്നും ഹാർദിക് പറഞ്ഞു.

Also Read: 'ഇതാണ് യഥാർഥ പ്രണയം'; കോഹ്‌ലി 49ൽ പുറത്ത്; വിശ്വസിക്കാനാവാതെ നിരാശയിൽ മുഖം പൊത്തി അനുഷ്ക

എത്ര മത്സരങ്ങൾ നഷ്ടമാകും?

പഞ്ചാബ് കിങ്‌സിനെതിരായ മത്സരത്തിന് മുന്നോടിയായി നൽകിയ അഭിമുഖത്തിലാണ് ഹാർദിക് രോഹിത്തിന്റെ ഫിറ്റ്നസിനെ കുറിച്ച് സംസാരിച്ചത്. രോഹിത് ശർമ അടുത്ത രണ്ട് മത്സരങ്ങളിൽ കൂടി കളിക്കാൻ സാധ്യതയില്ലെന്നാണ് ഹാർദിക് നൽകുന്ന സൂചന.

Also Read: ബൂമ്രയേയും പിന്നിലാക്കി സഞ്ജുവിന്റെ തേരോട്ടം; മികച്ച കളിക്കാരനുള്ള ഐസിസി പുരസ്കാരം

പരിക്കിന്റെ തീവ്രത കുറവാണെങ്കിലും വരാനിരിക്കുന്ന നിർണ്ണായക മത്സരങ്ങൾക്ക് മുൻപ് പൂർണ്ണ ഫിറ്റ്‌നസ് വീണ്ടെടുക്കുക എന്നതാണ് രോഹിത്തിന്റെ ലക്ഷ്യം. അതുകൊണ്ട് തന്നെ ഏപ്രിൽ അവസാനത്തോടെ മാത്രമേ രോഹിത് ടീമിനൊപ്പം ചേരാൻ സാധ്യതയുള്ളൂ.

Also Read: സച്ചിന്റെ റെക്കോർഡ് പഴങ്കഥയാകും? 15കാരൻ വൈഭവ് അയർലൻഡ് പര്യടനത്തിനുള്ള ഇന്ത്യൻ ടീമിലേക്ക്

"രോഹിത് ഭായിയുടെ റിക്കവറി വേഗത്തിലാണ് നടക്കുന്നത്. എങ്കിലും അടുത്ത ഒന്നോ രണ്ടോ മത്സരങ്ങൾ കൂടി അദ്ദേഹത്തിന് പുറത്തിരിക്കേണ്ടി വന്നേക്കാം. ടീം ഇന്ത്യയുടെയും മുംബൈ ഇന്ത്യൻസിന്റെയും പ്രധാന താരമായതുകൊണ്ട് തന്നെ അദ്ദേഹത്തിന്റെ ഫിറ്റ്‌നസിൽ ഞങ്ങൾ റിസ്ക് എടുക്കാൻ ആഗ്രഹിക്കുന്നില്ല," ഹാർദിക് പാണ്ഡ്യ പറഞ്ഞു.

രോഹിത്തിന്റെ അഭാവം അറിയിക്കാതെ ഡി കോക്ക്

ഐപിഎൽ 2026ൽ ആരാധകർ കാത്തിരുന്ന ആ പഴയ ഡി കോക്കിനെ വീണ്ടും കാണാനായി. മുംബൈ ഇന്ത്യൻസിനായി സീസണിലെ തന്റെ ആദ്യ മത്സരത്തിനിറങ്ങിയ ദക്ഷിണാഫ്രിക്കൻ താരം ക്വിന്റൺ ഡി കോക്ക്, തകർപ്പൻ സെഞ്ചുറിയുമായി മുംബൈയെ ഭേദപ്പെട്ട സ്കോറിലേക്ക് നയിച്ചു. രോഹിത് ശർമ്മയുടെ അഭാവത്തിൽ ഓപ്പണറായി ഇറങ്ങിയ ഡി കോക്ക് 60 പന്തിൽ നിന്ന് പുറത്താകാതെ 112 റൺസാണ് അടിച്ചുകൂട്ടിയത്.

Read More: "നന്ദി, മുംബൈ ഇന്ത്യൻസ്!" ഡ്രസ്സിങ് റൂമിൽ വൈകാരികമായി പ്രതികരിച്ച് രോഹിത് ശർമ

ISL Kerala Blasters: ഇന്ത്യൻ സൂപ്പർ ലീഗിൽ നോർത്ത് ഈസ്റ്റ് യുനൈറ്റഡിന് എതിരെ കേരള ബ്ലാസ്റ്റേഴ്സ് സ്വന്തം തട്ടകത്തിൽ ഇറങ്ങിയപ്പോൾ  ആളും ആരവവും ഒഴിഞ്ഞുനിന്നു. തങ്ങളുടെ പന്ത്രണ്ടാമൻ ഇല്ലാതെ ഹോം ഗ്രൗണ്ടിൽ പന്ത് തട്ടിയ കേരള ബ്ലാസ്റ്റേഴ്സ് ജയം നേടുമെന്ന് തോന്നിച്ചെങ്കിലും അവസാന നിമിഷം സമനില വഴങ്ങി. സ്റ്റേഡിയത്തിൽ നിന്ന് കാണികൾ അകന്ന് നിന്നെങ്കിലും കേരള ബ്ലാസ്റ്റേഴ്സിന്റെ പ്രതിരോധനിര താരം ഫല്ലോ ഡിയാനെയുടെ ബൈസിക്കിൾ കിക്കിന്റെ വീഡിയോ സമൂഹമാധ്യമങ്ങളിൽ വൈറലായി. 

കേരള ബ്ലാസ്റ്റേഴ്‌സിന്റെ പ്രതിരോധ നിരയിലെ കരുത്തൻ ഫല്ലോ ഡിയാനെ  ഇപ്പോൾ ക്ലബ്ബിന്റെ പ്രതിരോധത്തിൽ മാത്രമല്ല വാർത്തകളിലും നിറഞ്ഞുനിൽക്കുകയാണ്. കഴിഞ്ഞ മത്സരത്തിൽ താരം നേടിയ  ബൈസൈക്കിൾ കിക്ക് ഗോൾ ബ്ലാസ്റ്റേഴ്സ് ആരാധകരെ തിരികെ സ്റ്റേഡിയത്തിലേക്ക് കൊണ്ടുവരാൻ കുറച്ചെങ്കിലും സഹായിച്ചേക്കും. 

Also Read: 'ഇതാണ് യഥാർഥ പ്രണയം'; കോഹ്‌ലി 49ൽ പുറത്ത്; വിശ്വസിക്കാനാവാതെ നിരാശയിൽ മുഖം പൊത്തി അനുഷ്ക

ഒരു കോർണർ കിക്കാണ് ഈ ബൈസിക്കിൾ കിക്ക് ഗോളിലേക്ക് വഴിതുറന്നത്. ബോക്സിനുള്ളിലേക്ക് താഴ്ന്നിറങ്ങിയ പന്ത് ലാൻഡ് ചെയ്യുന്നതിന് മുൻപ് തന്നെ വായുവിൽ ഉയർന്നുപൊങ്ങി ഡിയാനെ സിസർ കട്ടിലൂടെ  ഗോൾവലയിലേക്ക് തൊടുക്കുകയായിരുന്നു. എൻഡിയായെയുടെ ആദ്യ ഹെഡർ അഷീർ തടഞ്ഞിരുന്നു. എന്നാൽ റീബൗണ്ട് ലഭിച്ച എൻഡിയായെ മനോഹരമായൊരു ബൈസൈക്കിൾ കിക്കിലൂടെ പന്ത് വലയിലെത്തിച്ചു. 

Also Read: ബൂമ്രയേയും പിന്നിലാക്കി സഞ്ജുവിന്റെ തേരോട്ടം; മികച്ച കളിക്കാരനുള്ള ഐസിസി പുരസ്കാരം

എൻഡിയായെയുടെ ഗോളിൽ പന്ത് വലയിൽ കയറുന്നതിന് മുൻപ് പാർത്ഥിബിന്റെയും ഗെയ്റ്റന്റെയും ദേഹത്ത് തട്ടിത്തെറിച്ചാണോ പോയതെന്ന ചോദ്യം ഉയർന്നിരുന്നു. പന്തിന്റെ ഗതി കൃത്യമായി മനസ്സിലാക്കിയ ഡിയാനെയുടെ ടൈമിംഗ് ആണ് ഈ ഗോളിനെ വേറിട്ടുനിർത്തിയത്.

View this post on Instagram

A post shared by Indian Super League (@indiansuperleague)

Also Read: സച്ചിന്റെ റെക്കോർഡ് പഴങ്കഥയാകും? 15കാരൻ വൈഭവ് അയർലൻഡ് പര്യടനത്തിനുള്ള ഇന്ത്യൻ ടീമിലേക്ക്

ആരാണ് ഫല്ലോ ഡിയാനെ?

ഈ സീസണിലാണ് സെനഗൽ താരം ഫല്ലോ ഡിയാനെ കേരള ബ്ലാസ്റ്റേഴ്‌സിൽ എത്തിയത്. പ്രതിരോധത്തിൽ പാറപോലെ ഉറച്ചുനിൽക്കുന്ന ഡിയാനെ, സെറ്റ് പീസുകളിൽ ഗോളടിക്കാനുള്ള തന്റെ കഴിവും ഇപ്പോൾ തെളിയിച്ചിരിക്കുകയാണ്. കളിതീരാന്‍ രണ്ട് മിനിറ്റുള്ളപ്പോള്‍ ഹൈലാന്‍ഡേഴ്‌സിനെ ഒപ്പമെത്തിച്ച് കേരള ബ്ലാസ്റ്റേഴ്സിന് ജയം നിഷേധിച്ചത് ലാല്‍റിയന്‍സുവാല ലാല്‍ബിയാക്‌നിയ ആണ്.

Read More: "നന്ദി, മുംബൈ ഇന്ത്യൻസ്!" ഡ്രസ്സിങ് റൂമിൽ വൈകാരികമായി പ്രതികരിച്ച് രോഹിത് ശർമ

വേനൽക്കാലത്തെ കഠിനമായ ചൂടിൽ നിന്നും നഗരജീവിതത്തിലെ തിരക്കുകളിൽ നിന്നും ഒരു മോചനം ആഗ്രഹിക്കാത്തവരായി ആരുമുണ്ടാകില്ല. ഇന്ത്യയിലെ വിനോദസഞ്ചാര ഭൂപടത്തിൽ ഹിമാലയൻ താഴ്വരകളുടെ സൗന്ദര്യം കൊണ്ട് അനുഗൃഹീതമായ ഉത്തരാഖണ്ഡ് എപ്പോഴും സഞ്ചാരികളുടെ പ്രിയപ്പെട്ട ഇടമാണ്. എന്നാൽ മെയ്, ജൂൺ മാസങ്ങളിൽ നൈനിറ്റാൾ, മസൂറി തുടങ്ങിയ പ്രശസ്തമായ ഹിൽസ്റ്റേഷനുകൾ സഞ്ചാരികളെക്കൊണ്ട് നിറയുന്നതിനാൽ പലപ്പോഴും ആഗ്രഹിച്ച സമാധാനവും ശാന്തതയും അവിടെ ലഭിക്കാറില്ല. പ്രകൃതിയുടെ മടിത്തട്ടിൽ കുറച്ചുദിവസം ചെലവഴിക്കാൻ ആഗ്രഹിക്കുന്നവർക്കായി ഉത്തരാഖണ്ഡ് കാത്തുവെച്ചിരിക്കുന്ന ചില രഹസ്യയിടങ്ങളുണ്ട്. 

പക്ഷിനിരീക്ഷകർക്കും സാഹസിക സഞ്ചാരികൾക്കും ഒരുപോലെ പ്രിയപ്പെട്ട പാൻഗോട്ട് മുതൽ, ഹിമാലയൻ കാഴ്ചകൾ ചായം ചാലിച്ച ചൗകോരി വരെ നീളുന്ന ഈ ഇടങ്ങൾ സഞ്ചാരികൾക്കായി അത്ഭുതകാഴ്ചകൾ കാത്തുവച്ചിട്ടുണ്ട്.

Also Read: കുടക് തേടി പോകേണ്ട; അതേ മഞ്ഞും കുളിരും പച്ചപ്പും നൽകുന്ന ടൂറിസ്റ്റ് സ്പോട്ടുകൾ കേരളത്തിലുമുണ്ട്

ഖിർസു (Khirsu)

സമുദ്രനിരപ്പിൽ നിന്ന് 1,700 മീറ്ററിലധികം ഉയരത്തിൽ സ്ഥിതി ചെയ്യുന്ന ഖിർസു, ഹിമാലയത്തിന്റെ മനോഹരമായ കാഴ്ചകൾ സമ്മാനിക്കുന്നു. ഓക്ക്, ദേവദാരു എന്നീ മരങ്ങൾ നിറഞ്ഞ വനങ്ങളാൽ ചുറ്റപ്പെട്ട ഈ പ്രദേശം നടക്കാനിറങ്ങാനും വായനയിൽ മുഴുകി വിശ്രമിക്കാനും ശാന്തത ആസ്വദിക്കാനും ഏറ്റവും അനുയോജ്യമാണ്. ഇവിടുത്തെ ഗ്രാമീണ ജീവിതത്തിന്റെ ലാളിത്യം നഗരജീവിതത്തിൽ നിന്ന് പൂർണ്ണമായും മനസ്സ് മാറ്റിയെടുക്കുന്നതിന് സഹായിക്കും. 

പാൻഗോട്ട് (Pangot)

നൈനിറ്റാളിൽ നിന്ന് അല്പദൂരം മാത്രം മാറിയാണെങ്കിലും പാൻഗോട്ട് തികച്ചും വ്യത്യസ്തമായ ഒരു ലോകമാണ്. പക്ഷി നിരീക്ഷകരുടെ പറുദീസയായ ഈ ചെറിയ ഗ്രാമത്തിൽ 250-ലധികം ഇനം പക്ഷികളുണ്ട്. വാഹനങ്ങളുടെ ഹോൺ ശബ്ദത്തിന് പകരം പക്ഷികളുടെ കളകൂജനവും കേട്ട് നിങ്ങൾക്ക് ഇവിടെ ഉണരാം. പ്രകൃതിസ്‌നേഹികൾക്കും ഫോട്ടോഗ്രാഫർമാർക്കും വനപാതകളിലൂടെയുള്ള പര്യവേക്ഷണം മികച്ചൊരു അനുഭവമായിരിക്കും.

Also Read: അഞ്ചുരുളിയും പാൽക്കുളമേടും മാത്രമല്ല; സാഹസികതയും പ്രകൃതിഭംഗിയും ഒത്തുചേരുന്ന ഈ ഇടങ്ങളും ഇടുക്കിയിലാണ്

പിയോറ (Peora)

പഴമയുടെ ഭംഗിയും സുസ്ഥിരമായ ജീവിതരീതിയും ഒത്തുചേരുന്ന ഇടമാണ് പിയോറ. കല്ലുകൊണ്ട് നിർമ്മിച്ച വീടുകളും തട്ടുതട്ടായുള്ള കൃഷിയിടങ്ങളും പഴത്തോട്ടങ്ങളും കുമയൂണി പൈതൃകത്തിന്റെ കാഴ്ചകൾ നൽകുന്നു. ഇവിടെ തിരക്കുകളില്ല, ശുദ്ധമായ വായുവും താഴ്‌വരകളുടെ മനോഹരമായ കാഴ്ചകളും ആസ്വദിച്ച് സമയം ചിലവഴിക്കാം. സർഗ്ഗാത്മകമായ ജോലികളിൽ ഏർപ്പെടാൻ ആഗ്രഹിക്കുന്നവർക്ക് ഈ സ്ഥലം മികച്ച പ്രചോദനമാണ്.

മുൻസിയാരി (Munsiyari)

മറ്റു പ്രശസ്ത വിനോദസഞ്ചാര കേന്ദ്രങ്ങളെ അപേക്ഷിച്ച് മുൻസിയാരി ഇന്നും പ്രകൃതിയുടെ തനിമ നിലനിർത്തുന്ന ഇടമാണ്. പഞ്ച്ചുലി കൊടുമുടികളുടെ അതിശയകരമായ കാഴ്ചകൾ ഇവിടെ നിന്ന് ആസ്വദിക്കാം. സാഹസികത ഇഷ്ടപ്പെടുന്നവർക്കും പർവതനിരകളുടെ ഗാംഭീര്യം ആസ്വദിക്കാൻ ആഗ്രഹിക്കുന്നവർക്കും മുൻസിയാരി ഒരുപോലെ പ്രിയപ്പെട്ടതാകും. നിരവധി ട്രെക്കിംഗുകളുടെ (Trekking) ബേസ് ക്യാമ്പ് കൂടിയാണിത്.

Also Read: പാസ്‌പോർട്ടും വിസയും വേണ്ട; സ്വിറ്റ്‌സർലൻഡിനെ അനുസ്മരിപ്പിക്കുന്ന ഈ ഹിഡൻ സ്പോട്ടുകൾ കേരളത്തിലാണ്

ചൗകോരി (Chaukori)

തേയിലത്തോട്ടങ്ങളും ഹിമാലയത്തിന്റെ പനോരമിക് കാഴ്ചകളുമാണ് ഇഷ്ടപ്പെടുന്നതെങ്കിൽ ചൗകോരി തീർച്ചയായും സന്ദർശിക്കണം. നന്ദാദേവി ഉൾപ്പെടെയുള്ള കൊടുമുടികൾക്ക് മുകളിലൂടെയുള്ള സൂര്യോദയത്തിനും അസ്തമയത്തിനും ഈ ഹിൽസ്റ്റേഷൻ പ്രശസ്തമാണ്. നഗരങ്ങളിലെ ബഹളങ്ങളിൽ നിന്ന് മാറി സമാധാനപരമായ ഒരു വേനൽക്കാല അവധിക്ക് ഏറ്റവും അനുയോജ്യമായ ശാന്തമായ അന്തരീക്ഷമാണ് ഇവിടെയുള്ളത്.

Read More: ഊട്ടിയേക്കാൾ തണുപ്പ്, മൂന്നാറിനേക്കാൾ പച്ചപ്പ്; മഞ്ഞും കുളിർമയും നിറഞ്ഞ ഈ ഹിൽസ്റ്റേഷനുകളിലേയ്ക്ക് യാത്ര പോകാം

സോഷ്യൽ മീഡിയ താരങ്ങളെ കേന്ദ്ര കഥാപാത്രങ്ങളാക്കി സവിൻ സംവിധാനം ചെയ്ത ചിത്രമാണ് 'വാഴ 2 - ബയോപിക് ഓഫ് ബില്യൺ ബ്രോസ്' ഗംഭീര പ്രതികരണങ്ങളുമായി പ്രദർശനം തുടരുകയാണ്. ഹാഷിർ, അലൻ ബിൻ സിറാജ്, അജിൻ ജോയ്, വിനായക് എന്നിവർ എന്നിവർക്കൊക്കം ബിജുക്കുട്ടൻ, സുധീഷ്, വിജയ് ബാബു, അജു വർഗീസ് എന്നിവരും സുപ്രധാന വേഷങ്ങളിൽ ചിത്രത്തിലെത്തുന്നുണ്ട്.

ഹ്യൂമറിൽ തുടങ്ങി ഇമോഷണൽ ഡ്രാമയിലൂടെ കടന്ന് ശുഭപര്യവസായിയാണ് ചിത്രം അവസാനിക്കുന്നത്. ക്ലൈമാക്സ് രംഗങ്ങൾ കണ്ണുനിറയാതെ കാണാനാവില്ലെന്നാണ് ചിത്രം കണ്ടവരെല്ലാം ഒരുപോലെ പറയുന്നത്. വാഴ 2 ൽ ഏറ്റവും കൈയ്യടിനേടിയ കഥാപാത്രങ്ങളിൽ ഒന്ന് ബിജുക്കുട്ടന്റെ അച്ഛൻ കഥാപാത്രമായിരുന്നു. അതുവരെ കാണാത്ത ഒരു ബിജുക്കുട്ടനെയായിരുന്നു ചിത്രത്തിൽ കാണാനായത്.

ഹൃദയസ്പർശിയായ ഒരുപാട് രംഗങ്ങൾ ചിത്രത്തിലുണ്ടായിരുന്നെങ്കിലും, മലയാളികൾ ഒരുപാട് കണ്ട ഒരു വൈറൽ വീഡിയോ റീക്രിയേറ്റു ചെയ്തത് പലരുടെയും മനസ്സിൽ വിങ്ങലായി. പടക്കം പൊട്ടിച്ച ശേഷം റോഡിൽ വീഴുന്ന 'വൈറൽ ചേട്ടന്റെ' വീഡിയോയായിരുന്നു ബിജുക്കുട്ടനിലൂടെ വീണ്ടും പ്രേക്ഷകർ കണ്ടത്. എന്നാൽ ഇത്തരം വൈറൽ വീഡിയോകളുടെ മറ്റൊരു വശം കൂടി സംവിധായകൻ ഈ രംഗത്തിൽ കാണിച്ചു തന്നു.

ഇപ്പോഴിതാ, ആ വൈറൽ വീഡിയോയിലെ 'ചേട്ടൻ' ബിജുക്കുട്ടനെ കാണാൻ നേരിട്ട് എത്തിയിരിക്കുകയാണ്. വൈകാരികമായ ഒരു കുറിപ്പിനൊപ്പമാണ് ബിജുക്കുട്ടൻ ഇക്കാര്യം പ്രേക്ഷകരുമായി പങ്കുവച്ചത്. അദ്ദേഹത്തിനൊപ്പമുള്ള ചിത്രങ്ങളും നടൻ ഫേസ്ബുക്കിൽ പങ്കുവച്ചു. എല്ലായിടത്തും ആ വീഡിയോ കാണുമ്പോൾ വിഷമം തോന്നിയിരുന്നുവെന്നും, മരിക്കുന്നതിനെ കുറിച്ച് വരെ ചിന്തിച്ചുപോയിട്ടുണ്ടെന്നും അദ്ദേഹം പറഞ്ഞതായി ബിജുക്കുട്ടൻ കുറിച്ചു.

കുറിപ്പിന്റെ പൂർണരൂപം 

"ലോകത്തെമ്പാടുമുള്ള എല്ലാ മലയാളികൾക്കും എന്റെയും എന്റെ കുടുംബത്തിൻ്റെയും വിഷുദിന ആശംസകൾ. 
വാഴ 2 സിനിമ കണ്ടിട്ടുള്ള എല്ലാ മലയാളികളും ഒരേപോലെ ആഗ്രഹിക്കുന്ന ഒരു കാര്യമാണ് സോഷ്യൽ മീഡിയയിൽ ഒരു വിഷു ദിവസം പടക്കം പൊട്ടിച്ച് റോഡിൽ വീഴുന്ന ആ ചേട്ടൻ ആരാണ്, എവിടെയാണ്, എന്തു സംഭവിച്ചു എന്നൊക്കെ.

ഈ സിനിമയുടെ എഴുത്തുകാരൻ വിപിൻദാസിനും ഇതിന്റെ സംവിധായകൻ സവിനും സോഷ്യൽ മീഡിയയ്ക്കും നമുക്ക് ആർക്കും അദ്ദേഹത്തെ കണ്ടെത്താൻ കഴിഞ്ഞില്ല. എന്നാൽ അദ്ദേഹവും അദ്ദേഹത്തിന്റെ ഭാര്യയും ഭാര്യയുടെ കൂട്ടുകാരിയും മകളും എന്നെ കാണാൻ വീട്ടിൽ വന്നിരുന്നു. വാഴ- 2 സിനിമ കണ്ടെന്നും, കണ്ടപ്പോൾ ഒരുപാട് ആശ്വാസം തോന്നിയെന്നും പറഞ്ഞാണ് അദ്ദേഹം തുടങ്ങിയത്. ആ വീഴ്ചയ്ക്ക് അപ്പുറത്തേക്ക് അയാളുടെ ജീവിതത്തിൽ സംഭവിച്ച കാര്യം അതേപോലെ ഞങ്ങൾ സിനിമയിൽ ചെയ്തുവച്ചിട്ടുണ്ട് എന്ന് പറഞ്ഞപ്പോൾ എനിക്ക് അത്ഭുതം തോന്നി.

Also Read: 'ഹലോ ഹാഷിർ, സിനിമ കണ്ട് ഇറങ്ങിയേ ഉള്ളു...'; വാഴ ടീമിന് അഭിനന്ദനവുമായി കെ.സി വേണുഗോപാൽ

'എന്റെ മകൻ ആറാം ക്ലാസിൽ പഠിക്കുമ്പോൾ എന്റെ അനിയൻ തന്നെ എടുത്തു പോസ്റ്റ് ചെയ്ത വീഡിയോ ആണ് അത്. അന്ന് ഞാൻ വീഴുന്നത് കണ്ട എൻ്റെ മകൻ എനിക്കെന്തോ ആപത്ത് സംഭവിച്ചു എന്നു കരുതി പൊട്ടി കരഞ്ഞുകൊണ്ട് ഓടിവന്നു എന്നെ കെട്ടിപ്പിടിച്ചു, എന്നെ പിടിച്ച് എഴുന്നേൽപ്പിക്കാൻ നോക്കി, അത്രയും സങ്കടത്തോടെ എന്റെ മകനെ ഞാൻ അതുവരെ കണ്ടിട്ടില്ല.

പിന്നീട് ഈ വീഡിയോ വൈറലായി, ആ വീഡിയോ പോസ്റ്റ് ചെയ്തയാൾ മനസ്സിൽ പോലും വിചാരിക്കാത്ത രീതിയിൽ അത് ആളുകളിലേക്ക് എത്തി. എല്ലായിടത്തും ആ വീഡിയോ കാണുമ്പോൾ വിഷമം ആണ് തോന്നിയിരുന്നത്. ഒരു ഫങ്ക്ഷന് പോകാനും, ആളുകളെ അഭിമുഖീകരിക്കാനും ഒക്കെ മടിയായിരുന്നു. ആ വീഡിയോ കണ്ട ആളുകൾ ചേട്ടൻ മദ്യപിച്ചിട്ടുണ്ടായിരുന്നോ, പടക്കം ഇത്ര പേടിയാണോ എന്നൊക്കെ ചോദിക്കുമ്പോൾ ശരിക്കും വിഷമം തോന്നിയിരുന്നു. മരിക്കുന്നതിനെ കുറിച്ച് വരെ ചിന്തിച്ചുപോയിട്ടുണ്ട്. എല്ലാ വിഷുക്കാലം വരുമ്പോഴും ആ വീഡിയോയെ പറ്റിയുള്ള ഓർമ വല്ലാത്ത മാനസികബുദ്ധിമുട്ട് ഉണ്ടാക്കിയിട്ടുണ്ട്. 

Also Read: ഈ കൊച്ചു കേരളത്തിൽ എന്തൊക്കെയാണ് നടക്കുന്നത്! നസ്‌ലനെ പിന്നിലാക്കി ഹാഷിർ കുതിക്കുന്നു

സിനിമയിലെ പാട്ട് റിലീസ് ആയപ്പോൾ, അതിലെ പടക്കം പൊട്ടിക്കുന്ന സീൻ കണ്ട് അത് ആളുകൾക്ക് ഒരു ഓർമപ്പെടുത്തൽ ആവുമെന്നും കൂടുതൽ ആളുകൾ ഇത് അറിയുമെന്നും ഞാൻ പേടിച്ചു.  പക്ഷേ സിനിമ കണ്ടിറങ്ങിയ എൻ്റെ മകൻ അവന്റെ ജോലി സ്ഥലത്തുനിന്നും എന്നെ വിളിച്ച് അച്ഛനും അമ്മയും എന്തായാലും സിനിമ പോയി കാണണം എന്ന് പറഞ്ഞു. 

സിനിമ കണ്ടതിനുശേഷം വളരെ സന്തോഷത്തിലാണ്, ഇത്ര കാലം ഉണ്ടായ പേടിയും ടെൻഷനുമെല്ലാം പെട്ടെന്ന് പോയ പോലെ. ആ വിഡിയോയിലൂടെ ആളുകൾ കണ്ടതിന് അപ്പുറത്തേക്ക് അവിടെ സംഭവിച്ചത് അതേപോലെ സ്ക്രീനിൽ കണ്ടപ്പോൾ വല്ലാത്ത സന്തോഷവും ആശ്വാസവും തോന്നി.' ഒരുപാട് സന്തോഷത്തോടെ കണ്ണ് നിറഞ്ഞാണ് അദ്ദേഹം എന്നോട് സംസാരിച്ച് തീർത്തത്.

Read More: ആരാധകർക്ക് സർപ്രൈസായി ലാലേട്ടന്റെ വിഷുക്കൈനീട്ടം; വരുന്നത് 'അതിമനോഹരം'

തൻറെ ജീവിതം പകർത്തി വെച്ചതുപോലെയാണ് സിനിമ കണ്ടപ്പോൾ തോന്നിയതെന്നും അതെങ്ങനെയാണെന്നും ചേട്ടൻ എന്നോട് ചോദിച്ചു. അത് ചേട്ടനെ പോലെ തന്നെ എനിക്കും അറിയില്ല ഞാൻ രണ്ടുമൂന്നു ഇന്റർവ്യൂവിൽ പറഞ്ഞതുപോലെ അത് വിപിൻദാസിന്റെയും സവിന്റെയും ഒരു മാജിക് തന്നെയാണ്. 

ദയവ് ചെയ്ത് ഇത് വായിക്കുന്ന ആരും ഇനി ആ ചേട്ടൻ ആരാണെന്ന് അന്വേഷിച്ച് പോവുകയോ അവരുടെ വ്യക്തിജീവിതത്തിലേക്ക് കടന്നുകയറാനോ ശ്രമിക്കരുത്.  ചേട്ടൻ ഇനിയെന്നും സന്തോഷമായി ഇരിക്കട്ടെ. ഒരിക്കൽകൂടി എല്ലാവർക്കും വിഷു ആശംസകൾ നേരുന്നു," ബിജുക്കുട്ടൻ കുറിച്ചു.

• മാനസികാരോഗ്യത്തിനായി പ്രതിജ്ഞാബദ്ധരായ നിരവധി എൻ‌ജി‌ഒകൾ രാജ്യത്തുടനീളമുണ്ട്. ആത്മഹത്യ എന്ന അവസ്ഥയുമായി മുഖാമുഖം നില്‍ക്കുന്നവര്‍ക്ക് ജീവിതത്തിലേക്ക് മടങ്ങിവരാന്‍ സഹായകരമാകുന്ന കൗൺസിലിങ് സേവനങ്ങളും ആത്മഹത്യ അതിജീവന ഹെൽപ്‌ലൈനുകളും നടത്തുന്നുണ്ട്. താഴെ കൊടുത്തിരിക്കുന്ന ഏതെങ്കിലും നമ്പറിൽ ബന്ധപ്പെടാവുന്നതാണ്:

Pratheeksha: 0484 2448830, Roshni: 040 790 4646, Aasra: 022 2754 6669, Sanjivini: 011-24311918 Sneha - 044- 24640050

ഡൽഹി: വനിതാ സംവരണ ബില്ലും മണ്ഡല പുനർനിർണ്ണയവും സംബന്ധിച്ച ചർച്ചകൾക്കായി ചേർന്ന പാർലമെന്റിന്റെ പ്രത്യേക സമ്മേളനത്തിൽ പ്രതിപക്ഷത്തിന് നേരെ സഹകരണത്തിന്റെ കൈനീട്ടി പ്രധാനമന്ത്രി നരേന്ദ്ര മോദി. രാഷ്ട്രീയ നേട്ടങ്ങൾക്കും ക്രെഡിറ്റുകൾക്കും ഉപരിയായി രാജ്യത്തിന്റെ ഭാവി മുൻനിർത്തി നിയമം പാസാക്കാൻ എല്ലാവരും ഒത്തുചേരണമെന്ന് അദ്ദേഹം ആഹ്വാനം ചെയ്തു. വികസിത ഭാരതം എന്ന ലക്ഷ്യം കൈവരിക്കുന്നതിൽ സ്ത്രീശക്തിയുടെ പങ്കാളിത്തം നിർണ്ണായകമാണെന്ന് അദ്ദേഹം ഓർമ്മിപ്പിച്ചു.

വനിതാ സംവരണം ചരിത്ര ദൗത്യമാണെന്നും രാജ്യത്തിന് പുതിയ ദിശാബോധം നൽകുമെന്ന് അദ്ദേഹം പറഞ്ഞു. ഇത് തടസ്സപ്പെടുത്താനുള്ള ഏത് നീക്കവും രാജ്യത്തെ സ്ത്രീകൾ നിരീക്ഷിക്കുന്നുണ്ടെന്നും അത്തരം ദുരുദ്ദേശ്യങ്ങൾ അവർ മറക്കില്ലെന്നും പ്രധാനമന്ത്രി പറഞ്ഞു. 'നമ്മുടെ തീരുമാനത്തേക്കാൾ ഉപരി നമ്മുടെ ഉദ്ദേശ്യം ആണ് സ്ത്രീശക്തി നിരീക്ഷിക്കുന്നത്. നമ്മുടെ ഭാഗത്തുനിന്നുള്ള മോശം ഉദ്ദേശ്യങ്ങൾ അവർ ഒരിക്കലും ക്ഷമിക്കില്ല,' പ്രധാനമന്ത്രി പറഞ്ഞു. സാങ്കേതിക കാരണങ്ങൾ പറഞ്ഞ് ബില്ല് വൈകിപ്പിക്കാൻ ശ്രമിക്കരുതെന്നും മുപ്പത് വർഷമായി രാജ്യം ഇത് കണ്ടുകൊണ്ടിരിക്കുകയാണെന്നും അദ്ദേഹം കൂട്ടിച്ചേർത്തു.

Also Read: വനിതാ സംവരണ ബിൽ സഭയിൽ അവതരിപ്പിക്കാം, വോട്ടെടുപ്പിലൂടെ അനുമതി

ഉത്തരേന്ത്യ-ദക്ഷിണേന്ത്യ വിഭജനത്തെക്കുറിച്ചുള്ള ചർച്ചകളെ പരോക്ഷമായി വിമർശിച്ച പ്രധാനമന്ത്രി, രാജ്യത്തെ ഖണ്ഡങ്ങളായി കാണരുതെന്ന് ഓർമ്മിപ്പിച്ചു. ലോക്‌സഭാ സീറ്റുകളുടെ എണ്ണം വർദ്ധിപ്പിക്കുമ്പോൾ സംസ്ഥാനങ്ങളുടെ നിലവിലെ ആനുപാതികമായ വിഹിതത്തിൽ മാറ്റം വരില്ലെന്ന് അദ്ദേഹം ഉറപ്പുനൽകി. ഇക്കാര്യത്തിൽ താൻ ഗ്യാരണ്ടിയും വാഗ്ദാനവും നൽകുന്നുവെന്നും ആവശ്യമെങ്കിൽ തമിഴിലെ ഏതെങ്കിലും നല്ല വാക്ക് ഉപയോഗിച്ച് തന്നെ ഇത് ഉറപ്പിക്കാമെന്നും ദക്ഷിണേന്ത്യൻ സംസ്ഥാനങ്ങളുടെ ആശങ്കകൾക്ക് മറുപടിയായി അദ്ദേഹം പറഞ്ഞു.

ബില്ലിന്റെ പേരിൽ തനിക്ക് രാഷ്ട്രീയ നേട്ടം വേണ്ടെന്ന് പ്രധാനമന്ത്രി ആവർത്തിച്ചു. 'ഇതിൽ മോദിയുടെ എന്തോ രാഷ്ട്രീയ താൽപ്പര്യമുണ്ടെന്ന് ഇവിടെയുള്ള ചിലർ കരുതുന്നുണ്ട്. നിങ്ങൾ ഇതിനെ എതിർത്താൽ സ്വാഭാവികമായും എനിക്ക് രാഷ്ട്രീയ നേട്ടമുണ്ടാകും. എന്നാൽ നമ്മളെല്ലാവരും ഒത്തുചേരുകയാണെങ്കിൽ ക്രെഡിറ്റ് ആർക്കും മാത്രമായി ലഭിക്കില്ല. ഞങ്ങൾക്ക് ഇതിന്റെ ക്രെഡിറ്റ് വേണ്ട. നിങ്ങൾ ഇത് പാസാക്കൂ, പൊതുപണം ഉപയോഗിച്ച് നിങ്ങളുടെയെല്ലാം ഫോട്ടോകൾ വെച്ച് പരസ്യം നൽകാൻ ഞാൻ തയ്യാറാണ്. ക്രെഡിറ്റിന്റെ കാര്യത്തിൽ ഞാൻ നിങ്ങൾക്ക് ഒരു ബ്ലാങ്ക് ചെക്ക് വാഗ്ദാനം ചെയ്യുന്നു,' അദ്ദേഹം പറഞ്ഞു.

Also Read: വനിതസംവരണം: ലോക്‌സഭ സീറ്റുകളുടെ എണ്ണം 850 ആയി ഉയരും

അടിസ്ഥാന സൗകര്യ വികസനം മാത്രമല്ല വികസിത ഭാരതം കൊണ്ട് അർത്ഥമാക്കുന്നതെന്നും നയരൂപീകരണത്തിൽ പകുതി വരുന്ന സ്ത്രീജനസംഖ്യയെ കൂടി ഉൾപ്പെടുത്തുമ്പോഴാണ് രാജ്യം പൂർണ്ണമായും വികസിക്കുന്നതെന്നും പ്രധാനമന്ത്രി വ്യക്തമാക്കി. താൻ ഒരു അതിപിന്നോക്ക വിഭാഗത്തിൽ നിന്നാണ് വരുന്നതെന്നും, ഭരണഘടന നൽകിയ കരുത്തുകൊണ്ടാണ് തനിക്ക് ഇത്രയും വലിയ അവസരങ്ങൾ ലഭിച്ചതെന്നും അദ്ദേഹം ചൂണ്ടിക്കാട്ടി. എല്ലാ വിഭാഗങ്ങളെയും ഒപ്പം കൊണ്ടുപോകുക എന്നത് തന്റെ ഭരണഘടനാപരമായ കടമയാണെന്നും അദ്ദേഹം പറഞ്ഞു.

സഭയുടെ അംഗബലം വർദ്ധിപ്പിക്കുന്നത് ആർക്കും നഷ്ടമുണ്ടാക്കാനല്ലെന്ന് അദ്ദേഹം വ്യക്തമാക്കി. കൂടുതൽ അംഗങ്ങളെ ഉൾക്കൊള്ളാൻ പുതിയ പാർലമെന്റ് മന്ദിരത്തിൽ മതിയായ സൗകര്യമുണ്ടെന്ന് അദ്ദേഹം തമാശരൂപേണ ഓർമ്മിപ്പിച്ചു. രാജ്യത്തിന്റെ താൽപ്പര്യം മുൻനിർത്തി ബില്ലുകൾ ഐകകണ്ഠേന പാസാക്കണമെന്ന് അദ്ദേഹം എല്ലാ അംഗങ്ങളോടും അഭ്യർത്ഥിച്ചു.

Read More: തമിഴ്‌നാട് തിരഞ്ഞെടുപ്പിൽ വിജയ് 'എക്സ് ഫാക്ടറോ'? യുവതി യുവാക്കളെ കയ്യിലെടുത്ത് ദളപതി, മുന്നണികൾക്ക് നെഞ്ചിടിപ്പ്

Vaibhav Suryavanshi IPL 2026: വൈഭവ് സൂര്യവൻഷിയെ ഇന്ത്യൻ ക്രിക്കറ്റ് ടീമിൽ ഉടൻ ഉൾപ്പെടുത്തണം എന്ന ആവശ്യം ശക്തമാണ്. 15കാരനായ വൈഭവ് 2026 ഐപിഎല്ലിൽ തന്റെ ബാറ്റിംഗ് പ്രകടനം കൊണ്ട് ഇന്ത്യൻ ക്രിക്കറ്റ് ടീം സെലക്ടർമാരുടേയും വിശ്വാസം നേടി കഴിഞ്ഞതായാണ് റിപ്പോർട്ടുകൾ. ഇതിനോടകം രണ്ട് അർധ സെഞ്ചുറികൾ സീസണിൽ വൈഭവിന്റെ ബാറ്റിൽ നിന്ന് വന്ന് കഴിഞ്ഞു. ഇന്ത്യയുടെ അയർലൻഡ് പര്യടനത്തിൽ വൈഭവിനെ ഉൾപ്പെടുത്തും എന്ന വിലയിരുത്തൽ ശക്തമാണ്. എന്നാൽ വൈഭവിനെ എങ്ങനെ ടി20യിൽ ഇന്ത്യക്ക് ഓപ്പണറായി ഇറക്കാനാവും? വൈഭവിനെ ഉൾപ്പെടുത്തിയുള്ള ടീം കോമ്പിനേഷൻ പരിഗണിച്ചാൽ ഒരുപക്ഷേ ക്യാപ്റ്റൻ സൂര്യകുമാർ യാദവിന്റെ സ്ഥാനം തെറിച്ചേക്കും. 

വരാനിരിക്കുന്ന അയർലൻഡ് പര്യടനത്തിൽ വൈഭവ് അരങ്ങേറ്റം കുറിച്ചേക്കുമെന്ന് റിപ്പോർട്ടുകളുണ്ടെങ്കിലും ഈ തീരുമാനം സൂര്യകുമാർ യാദവ്, സഞ്ജു സാംസൺ, അഭിഷേക് ശർമ, ഇഷാൻ കിഷൻ എന്നിവർക്ക് തിരിച്ചടിയായേക്കാം. ടീമിൽ നിലവിൽ അഭിഷേക്, ഇഷാൻ കിഷൻ, സഞ്ജു സാംസൺ എന്നീ മൂന്ന് മുൻനിര ഓപ്പണർമാരുണ്ട്. സൂര്യവൻഷിയെ കൂടി ഉൾപ്പെടുത്തിയാൽ ഇവരിലൊരാൾ പുറത്തിരിക്കേണ്ടി വരും. യശസ്വി ജയ്‌സ്വാളും ടീമിലുള്ളപ്പോൾ നാലാമതൊരു ഓപ്പണറെ തിരഞ്ഞെടുക്കുന്നത് വെല്ലുവിളിയാണ്.

Also Read: 'ഇതാണ് യഥാർഥ പ്രണയം'; കോഹ്‌ലി 49ൽ പുറത്ത്; വിശ്വസിക്കാനാവാതെ നിരാശയിൽ മുഖം പൊത്തി അനുഷ്ക

അഭിഷേകിനേയോ സഞ്ജുവിനെയോ ഒഴിവാക്കിയാൽ അത് ക്യാപ്റ്റൻ സൂര്യകുമാർ യാദവിന്റെ ടീമിലെ സ്ഥാനത്തെക്കുറിച്ചുള്ള ചോദ്യങ്ങൾക്ക് വഴിവെക്കും. 2024 ടി20 ലോകകപ്പിന് ശേഷം സൂര്യകുമാറിന്റെ ബാറ്റിംഗ് ശരാശരി 20ന് താഴെയാണ്. 

Also Read: ബൂമ്രയേയും പിന്നിലാക്കി സഞ്ജുവിന്റെ തേരോട്ടം; മികച്ച കളിക്കാരനുള്ള ഐസിസി പുരസ്കാരം

"വൈഭവ് ഇന്ത്യക്കായി കളിക്കാൻ പാകത്തിൽ മികവിലേക്കെത്തി കഴിഞ്ഞു. പക്ഷേ അഭിഷേകിനെയോ സഞ്ജുവിനെയോ ഒഴിവാക്കണമെങ്കിൽ സെലക്ടർമാർ കൃത്യമായ കാരണം നൽകേണ്ടി വരും. കാരണം, അവരിൽ ആരെയെങ്കിലും ഒഴിവാക്കിയാൽ പിന്നെ എങ്ങനെയാണ് സൂര്യകുമാർ ടീമിൽ തുടരുന്നത് എന്ന ചോദ്യം ഉയരും," ബിസിസിഐ വൃത്തങ്ങൾ പിടിഐയോട് പറഞ്ഞു.

Also Read: സച്ചിന്റെ റെക്കോർഡ് പഴങ്കഥയാകും? 15കാരൻ വൈഭവ് അയർലൻഡ് പര്യടനത്തിനുള്ള ഇന്ത്യൻ ടീമിലേക്ക്

അയർലൻഡ് പര്യടനത്തിനായി ഷോർട്ട്ലിസ്റ്റ് ചെയ്ത 35 ടി20 സ്പെഷ്യലിസ്റ്റ് താരങ്ങളുടെ പട്ടികയിൽ സൂര്യവൻഷിയും ഉൾപ്പെട്ടിട്ടുണ്ടെന്ന് പിടിഐ റിപ്പോർട്ട് ചെയ്യുന്നു. അയർലൻഡിലേക്കുള്ള വിസ നടപടികൾക്കായി ബിസിസിഐ ലോജിസ്റ്റിക് വിഭാഗം ആവശ്യപ്പെട്ടതനുസരിച്ചാണ് ഈ പട്ടിക തയ്യാറാക്കിയത്.

Read More: "നന്ദി, മുംബൈ ഇന്ത്യൻസ്!" ഡ്രസ്സിങ് റൂമിൽ വൈകാരികമായി പ്രതികരിച്ച് രോഹിത് ശർമ

'കിങ് ഓഫ് കൊത്ത'യ്ക്ക് ശേഷം ദുൽഖർ സൽമാൻ വീണ്ടും മലയാളത്തിലേക്ക് നായക വേഷത്തിൽ തിരിച്ചെത്തുന്ന ചിത്രമാണ് ആരാധകർ ആകാംക്ഷയോടെ കാത്തിരിക്കുന്ന 'ഐ ആം ഗെയിം.' ചിത്രത്തിന്റെ ഓരോ അപ്ഡേറ്റുകളും ആഘോഷമാക്കുന്ന ആരാധകർക്കായി ഐ​ ആം ഗെയിമിന്റെ ഷൂട്ടിങ് പൂർത്തിയായ വിവരം പങ്കുവച്ചിരിക്കുകയാണ് ദുൽഖർ.

156 ദിവസത്തെ കഠിനാധ്വാനത്തിന്റെയും പ്രയത്നത്തിന്റെയും ഫലമായി ചിത്രത്തിന്റെ ഷൂട്ടിങ് പൂർത്തിയാക്കിയതായി പാക്ക് അപ്പ് വീഡിയോ പങ്കുവച്ചുകൊണ്ട് ദുൽഖർ സോഷ്യൽ മീഡിയയിലൂടെ അറിയിച്ചു. ഐ ആം ഗെയിം സെറ്റിൽ നിന്നുള്ള വീഡിയോയും താരം പോസ്റ്റു ചെയ്തിട്ടുണ്ട്.

Also Read: ജീവിതം സ്വർഗ്ഗതുല്യമാക്കിയവൻ; ഇസുവിനെ ചേർത്തുപിടിച്ച് കുഞ്ചാക്കോ

View this post on Instagram

A post shared by Dulquer Salmaan (@dqsalmaan)

സൂപ്പർഹിറ്റ് വിജയം നേടിയ 'ആർഡിഎക്സ്' എന്ന ചിത്രത്തിലൂടെ ശ്രദ്ധനേടിയ നഹാസ് ഹിദായത്ത് സംവിധാനം ചെയ്യുന്ന ചിത്രമാണ് ഐ ആം ഗെയിം. വേഫെറർ ഫിലിംസിന്റെ ബാനറിൽ ദുൽഖർ സൽമാനും ജോം വർഗീസും ചേർന്നാണ് ചിത്രം നിർമിക്കുന്നത്. ആന്റണി വർഗീസ്, തമിഴ് നടനും സംവിധായകനുമായ മിഷ്‍കിൻ, കായദു ലോഹർ, കതിർ, പാർത്ഥ് തിവാരി, സംയുക്ത വിശ്വനാഥൻ ഉൾപ്പെടെയുള്ളവർ ചിത്രത്തിലുണ്ട്.

Also Read: ഇതൊരു പുതിയ തുടക്കം; മുംബൈയിലെ വീട്ടിൽ ആദ്യത്തെ വിഷു ആഘോഷമാക്കി പാർവതി

സജീർ ബാബ, ഇസ്മായിൽ അബൂബക്കർ, ബിലാൽ മൊയ്തു എന്നിവർ ചേർന്നാണ് ചിത്രത്തിന് തിരക്കഥയൊരുക്കുന്നത്. ആദർശ് സുകുമാരൻ, ഷഹബാസ് റഷീദ് എന്നിവരാണ് സംഭാഷണം. ജേക്സ് ബിജോയ് ആണ് സംഗീതം ഒരുക്കുന്നത്. ജിംഷി ഖാലിദ് ഛായാഗ്രഹണവും ചമൻ ചാക്കോ എഡിറ്റിങും അജയൻ ചാലിശ്ശേരി പ്രൊഡക്ഷൻ ഡിസൈനും നിർവഹിക്കുന്നു.

Read: 'ചെകുത്താന്റെ പ്ലാൻ തെറ്റിക്കുന്നതാ ദൈവത്തിനിഷ്ടം'; തിയേറ്ററുകൾ പൂരപ്പറമ്പാക്കാൻ കാട്ടാളൻ

വേനൽക്കാലത്തെ കഠിനമായ ചൂടിൽ നിന്ന് രക്ഷനേടാൻ പ്രകൃതിയുടെ പച്ചപ്പും തണുപ്പും തേടി പോകുന്നവർക്ക് വയനാടിനോളം മികച്ച മറ്റൊരു ലക്ഷ്യസ്ഥാനമില്ല. പശ്ചിമഘട്ടത്തിന്റെ മടിത്തട്ടിൽ സ്ഥിതി ചെയ്യുന്ന ഈ മലനാട് സഞ്ചാരികൾക്ക് എന്നും ഒരു വിസ്മയമാണ്. എന്നാൽ സാധാരണയായി എല്ലാവരും സന്ദർശിക്കുന്ന ലക്കിടിയും എടക്കൽ ഗുഹകളും പൂക്കോട് തടാകവും ഈ സീസണിൽ തിരക്ക് കൊണ്ട് നിറഞ്ഞേക്കാം. തിരക്കുകളിൽ നിന്ന് മാറി, ഏകാന്തതയും പ്രകൃതിയുടെ വന്യമായ സൗന്ദര്യവും ആസ്വദിക്കാൻ ആഗ്രഹിക്കുന്നവർക്കായി വയനാട്ടിൽ നിരവധി വിസ്മയങ്ങൾ ഒളിഞ്ഞിരിപ്പുണ്ട്. പച്ചപ്പണിഞ്ഞ തേയിലത്തോട്ടങ്ങൾക്കിടയിലൂടെയുള്ള യാത്രകളും, ആരെയും മയക്കുന്ന വെള്ളച്ചാട്ടങ്ങളും, കോടമഞ്ഞ് പുതച്ച മലനിരകളും വേനൽക്കാലത്തെ വയനാടൻ യാത്രയെ അവിസ്മരണീയമാക്കുന്നു.

കർണാടകയോടും തമിഴ്നാടിനോടും അതിർത്തി പങ്കിടുന്ന വയനാട്, ജൈവവൈവിധ്യത്താൽ സമ്പന്നമാണ്. പ്രകൃതിസ്നേഹികൾക്കും സാഹസികത ഇഷ്ടപ്പെടുന്നവർക്കും ഒരുപോലെ പ്രിയപ്പെട്ട ഈ മണ്ണിൽ, അധികം അറിയപ്പെടാത്ത എന്നാൽ അതിമനോഹരമായ ചില സ്ഥലങ്ങളുണ്ട്. 

Also Read: ഊട്ടിയേക്കാൾ തണുപ്പ്, മൂന്നാറിനേക്കാൾ പച്ചപ്പ്; മഞ്ഞും കുളിർമയും നിറഞ്ഞ ഈ ഹിൽസ്റ്റേഷനുകളിലേയ്ക്ക് യാത്ര പോകാം

900 കണ്ടി (തൊള്ളായിരം കണ്ടി)

മേപ്പാടിക്ക് സമീപം നിബിഡ വനത്തിനുള്ളിൽ ഒളിഞ്ഞിരിക്കുന്ന ഒരു സ്വർഗ്ഗമാണിത്. മനോഹരമായ കാനോപ്പി കാഴ്ചകൾക്കും സാഹസികമായ ഓഫ്-റോഡ് ജീപ്പ് സഫാരികൾക്കും പേരുകേട്ട ഈ സ്ഥലം തിരക്കുകളിൽ നിന്ന് മാറി ശാന്തമായ ഒരു അന്തരീക്ഷം പ്രദാനം ചെയ്യുന്നു. ഇവിടുത്തെ പ്രശസ്തമായ ഗ്ലാസ് ബ്രിഡ്ജ് താഴെയുള്ള താഴ്വരയുടെ ആവേശകരമായ കാഴ്ചയാണ് സമ്മാനിക്കുന്നത്.

View this post on Instagram

A post shared by 900 Kandi Eco Park (@900kandi_ecopark)

നീലിമല വ്യൂ പോയിന്റ്

ട്രെക്കിംഗും മനോഹരമായ പ്രകൃതിദൃശ്യങ്ങളും ഇഷ്ടപ്പെടുന്നവർക്ക് സന്ദർശിക്കാവുന്ന മികച്ച ഇടമാണ് നീലിമല. അകലെ നിന്ന് നോക്കുമ്പോൾ മീൻമുട്ടി വെള്ളച്ചാട്ടത്തിന്റെ അതിശയകരമായ കാഴ്ച ഇവിടെ നിന്ന് കാണാൻ സാധിക്കും. കാപ്പിത്തോട്ടങ്ങൾക്കും ഇഞ്ചിപ്പാടങ്ങൾക്കും ഇടയിലൂടെയുള്ള നടപ്പാത വേനൽക്കാലത്തും ഇവിടുത്തെ വായുവിന് കുളിർമയും ഉന്മേഷവും നൽകുന്നു.

Also Read: അഞ്ചുരുളിയും പാൽക്കുളമേടും മാത്രമല്ല; സാഹസികതയും പ്രകൃതിഭംഗിയും ഒത്തുചേരുന്ന ഈ ഇടങ്ങളും ഇടുക്കിയിലാണ്

കാരാപ്പുഴ ഡാം & അഡ്വഞ്ചർ പാർക്ക്

ബാണാസുര സാഗർ പോലെ തന്നെ ശ്രദ്ധേയമാണെങ്കിലും കാരാപ്പുഴ ഡാം ശാന്തമായ ഒരു അനുഭവം നൽകുന്നു. ഇന്ത്യയിലെ ഏറ്റവും വലിയ മൺ അണക്കെട്ടുകളിൽ ഒന്നാണിത്. വെള്ളത്തിന് മുകളിലൂടെയുള്ള സിപ്പ് ലൈനും മനോഹരമായി ഒരുക്കിയ ഉദ്യാനങ്ങളും ഉൾപ്പെടുന്ന പുതിയ അഡ്വഞ്ചർ പാർക്ക്, ശാന്തമായ വിശ്രമം ആഗ്രഹിക്കുന്ന കുടുംബങ്ങൾക്ക് അനുയോജ്യമായ ഇടമാണ്.

ചേതലയം വെള്ളച്ചാട്ടം

സൂചിപ്പാറ വെള്ളച്ചാട്ടത്തിലെ തിരക്ക് ഒഴിവാക്കാൻ ആഗ്രഹിക്കുന്നവർക്ക് സന്ദർശിക്കാവുന്ന ഒരു ഓഫ്‌ബീറ്റ് കേന്ദ്രമാണിത്. വനത്തിനുള്ളിലൂടെയുള്ള ചെറിയൊരു ട്രെക്കിംഗ് ഇവിടെ ആവശ്യമാണ്. തിരക്കുകളിൽ നിന്ന് ഒഴിഞ്ഞുമാറി പക്ഷികളെ നിരീക്ഷിക്കാനും പ്രകൃതി ആസ്വദിക്കാനും താല്പര്യമുള്ള ട്രെക്കേഴ്സിന് ഈ ചെറിയ വെള്ളച്ചാട്ടം ഏറെ ഇഷ്ടപ്പെടും.

Also Read: പാസ്‌പോർട്ടും വിസയും വേണ്ട; സ്വിറ്റ്‌സർലൻഡിനെ അനുസ്മരിപ്പിക്കുന്ന ഈ ഹിഡൻ സ്പോട്ടുകൾ കേരളത്തിലാണ്

കൊളഗപ്പാറ

സുൽത്താൻ ബത്തേരിക്ക് സമീപം സ്ഥിതി ചെയ്യുന്ന ആനയുടെ ആകൃതിയിലുള്ള ഈ പാറക്കെട്ട് രാവിലെയും വൈകുന്നേരവും ചെറിയ ഹൈക്കിംഗിന് അനുയോജ്യമാണ്. മറ്റു പ്രധാന ട്രെക്കിംഗ് കേന്ദ്രങ്ങളെ അപേക്ഷിച്ച് ഇവിടെ വാണിജ്യവൽക്കരണം കുറവാണ്. കൊളഗപ്പാറയുടെ മുകളിൽ നിന്നുള്ള 360 ഡിഗ്രി ദൃശ്യം അതിമനോഹരമാണ്, പ്രത്യേകിച്ചും വേനൽക്കാലത്തെ അസ്തമയ കാഴ്ചകൾ കാണാൻ ഇത് മികച്ച ഒരിടമാണ്.

Read More: കുടക് തേടി പോകേണ്ട; അതേ മഞ്ഞും കുളിരും പച്ചപ്പും നൽകുന്ന ടൂറിസ്റ്റ് സ്പോട്ടുകൾ കേരളത്തിലുമുണ്ട്

Virat Kohli and Anushka Sharma: ബോളിവുഡ് താരം അനുഷ്ക ശർമ്മയും ഇന്ത്യൻ ക്രിക്കറ്റ് താരം വിരാട് കോഹ്‌ലിയും 2017ലാണ് ഇറ്റലിയിലെ ടസ്കാനിയിൽ വെച്ച് വിവാഹിതരായത്. അതീവ സുരക്ഷാ വലയത്തിൽ നടന്ന ഈ സ്വകാര്യ ചടങ്ങിൽ ഇരുവരുടേയും അടുത്ത സുഹൃത്തുക്കളും ബന്ധുക്കളും മാത്രമാണ് അതിഥികളായി ഉണ്ടായത്. എന്നാൽ വലിയ സുരക്ഷാ ക്രമീകരണങ്ങൾക്കും നിയന്ത്രണങ്ങൾക്കും ഇടയിൽ ഒരാൾ ആ ചടങ്ങിലേക്ക് നുഴഞ്ഞുകയറി. ആ രസകരമായ സംഭവം വെളിപ്പെടുത്തിയിരിക്കുകയാണ് അവിടുത്തെ സുരക്ഷാ ചുമതലയുണ്ടായിരുന്ന യാസീൻ ഖാൻ.  

നുഴഞ്ഞുകയറ്റം സിനിമയെ വെല്ലുന്ന രീതിയിൽ

ഒരു ബിഎംഡബ്ല്യു കാറിൽ രാജകീയ വേഷവിധാനങ്ങളോടെ എത്തിയ ഒരാളാണ് വിവാഹവേദിയിൽ എല്ലാവരെയും അമ്പരപ്പിച്ചത്. ടാറ്റാ സഫാരിയിൽ രണ്ട് ബൗൺസർമാരുടെ അകമ്പടിയോടെയാണ് ഈ 'മഹാരാജാവ്' എത്തിയത്.  

Also Read: 'ഇതാണ് യഥാർഥ പ്രണയം'; കോഹ്‌ലി 49ൽ പുറത്ത്; വിശ്വസിക്കാനാവാതെ നിരാശയിൽ മുഖം പൊത്തി അനുഷ്ക

"ഗേറ്റിലുണ്ടായിരുന്ന ഇവന്റ് മാനേജ്‌മെന്റ് ടീമിലെ യുവ ജീവനക്കാർ ഇദ്ദേഹത്തിന്റെ വരവും ആഡംബര കാറും കണ്ട് തെറ്റിദ്ധരിച്ചു. ഒരു വലിയ വിഐപി അതിഥിയാണെന്ന് കരുതി അവർ ഇദ്ദേഹത്തെ അകത്തേക്ക് കടത്തിവിട്ടു,"  യാസീൻ ഖാൻ പറഞ്ഞു.

Also Read: ബൂമ്രയേയും പിന്നിലാക്കി സഞ്ജുവിന്റെ തേരോട്ടം; മികച്ച കളിക്കാരനുള്ള ഐസിസി പുരസ്കാരം

കള്ളിവെളിച്ചത്തായത് എങ്ങനെ?

അകത്തെത്തിയ ഇയാൾ മറ്റ് അതിഥികളുമായി ഇടപഴകുന്നതിന് പകരം ഒരു മൂലയിൽ ഒതുങ്ങിനിൽക്കുകയായിരുന്നു. തന്റെ കൂടെ വന്ന ബൗൺസർമാരെക്കൊണ്ട് സെലിബ്രിറ്റികൾക്കൊപ്പം ഫോട്ടോകൾ എടുപ്പിക്കുകയും വീണ്ടും മൂലയിലേക്ക് മടങ്ങുകയും ചെയ്യുന്നതുകണ്ട് സെക്യൂരിറ്റി ടീമിന് സംശയം തോന്നി.  

Also Read: സച്ചിന്റെ റെക്കോർഡ് പഴങ്കഥയാകും? 15കാരൻ വൈഭവ് അയർലൻഡ് പര്യടനത്തിനുള്ള ഇന്ത്യൻ ടീമിലേക്ക്

തുടർന്ന് യാസീൻ ഖാൻ ഇയാളെ ചോദ്യം ചെയ്തപ്പോൾ വിവാഹത്തിന് ക്ഷണിക്കപ്പെട്ടിട്ടുള്ള ഒരു പ്രമുഖ വ്യക്തിയുടെ മരുമകനാണെന്നാണ് ഇയാൾ അവകാശപ്പെട്ടത്. എന്നാൽ കോഹ്‌ലിയുടെ മാനേജറോട് അന്വേഷിച്ചപ്പോൾ പ്രസ്തുത വ്യക്തിയെ ഡൽഹിയിലെ റിസപ്ഷനിലേക്ക് മാത്രമേ ക്ഷണിച്ചിട്ടുള്ളൂവെന്നും ഇറ്റലിയിലെ വിവാഹത്തിന് ക്ഷണിച്ചിട്ടില്ലെന്നും വ്യക്തമായി. ഇതോടെ കള്ളം പിടിക്കപ്പെട്ട 'മഹാരാജാവ്' ഒരല്പം ജാഡ കാണിച്ചെങ്കിലും വേദിയിൽ നിന്ന് പുറത്തേക്ക് പോയി.  

Read More: "നന്ദി, മുംബൈ ഇന്ത്യൻസ്!" ഡ്രസ്സിങ് റൂമിൽ വൈകാരികമായി പ്രതികരിച്ച് രോഹിത് ശർമ

Kerala Elections 2026 Today Latest Update: തിരുവനന്തപുരം: തിരഞ്ഞെ‌‌ടുപ്പ് ഫലം വന്ന ശേഷം മുഖ്യമന്ത്രിയെ തീരുമാനിക്കുമെന്നും പരസ്യ അഭിപ്രായപ്രകടനം ശരിയല്ലെന്നും കെപിസിസി അധ്യക്ഷൻ സണ്ണി ജോസഫ്. ഉചിതമായ തീരുമാനം ഹൈക്കമാൻഡ് എടുക്കും. മുതിർന്ന നേതാക്കൾ മാതൃക കാണിക്കണം. യുഡിഎഫ് സർക്കാർ അധികാരത്തിൽ വരുമെന്നും അദ്ദേഹം ഏഷ്യാനെറ്റ് ന്യൂസിനോട് പറഞ്ഞു.

ഇന്ത്യൻ ക്രിക്കറ്റിലെ ഇതിഹാസ താരങ്ങളായ വിരാട് കോഹ്‌ലിയും രോഹിത് ശർമയും രാജ്യത്തിന് വേണ്ടി ഐപിഎൽ ഉപേക്ഷിച്ച് മാറി നിൽക്കാൻ പോലും തയ്യാറായേക്കുമെന്ന് ഡൽഹി ക്യാപിറ്റൽസ് ബോളിങ് കോച്ച് മുനാഫ് പട്ടേൽ. രാജ്യത്തിനാണ് കോഹ്ലിയം രോഹിത്തും എപ്പോഴും മുൻഗണന നൽകുന്നതെന്നും  ഇന്ത്യൻ ടീമിന്റെ ആവശ്യങ്ങൾക്കായി ഐപിഎല്ലിൽ നിന്ന് വിട്ടുനിൽക്കാൻ ഇരുവർക്കും മടിയുണ്ടാകില്ലെന്നും മുനാഫ് പട്ടേൽ അഭിപ്രായപ്പെട്ടു. 

​രാജ്യമാണ് അവർക്ക് വലുത്

"വിരാട് കോഹ്‌ലിയും രോഹിത് ശർമയും എല്ലായ്‌പ്പോഴും രാജ്യത്തിനാണ് പ്രഥമ പരിഗണന നൽകുന്നത്. അവരുടെ മുൻഗണനകൾ മറ്റൊരു തലത്തിലാണ്. ഇന്ത്യൻ ടീമിന് ആവശ്യമാണെങ്കിൽ അവർ ഐപിഎൽ വരെ ഉപേക്ഷിച്ചേക്കാം, പക്ഷേ ഒരിക്കലും ഇന്ത്യൻ ടീമിനെ കൈവിടില്ല," മുനാഫ് പട്ടേൽ പറഞ്ഞു.

Also Read: സച്ചിന്റെ റെക്കോർഡ് പഴങ്കഥയാകും? 15കാരൻ വൈഭവ് അയർലൻഡ് പര്യടനത്തിനുള്ള ഇന്ത്യൻ ടീമിലേക്ക്
​
ഗംഭീറിന്റെ കടുത്ത നിലപാടുകൾക്ക് പിന്തുണ

​ഇന്ത്യൻ ക്രിക്കറ്റ് ടീമിന്റെ മുഖ്യപരിശീലകൻ ഗൗതം ഗംഭീറിന്റെ പ്രവർത്തന ശൈലിയെയും മുനാഫ് പ്രശംസിച്ചു. സീനിയർ താരങ്ങളാണെങ്കിലും പ്രകടനം മോശമായാൽ അവരോട് 'നോ' പറയാൻ ഗംഭീറിന് ധൈര്യമുണ്ടെന്ന് മുനാഫ് പട്ടേൽ ചൂണ്ടിക്കാണിച്ചു. ടീമിലെ അച്ചടക്കം നിലനിർത്താൻ ഇത്തരം കർശന നിലപാടുകൾ അത്യാവശ്യമാണെന്നും മുനാഫ് പട്ടേൽ കൂട്ടിച്ചേർത്തു.  

Also Read: ബൂമ്രയേയും പിന്നിലാക്കി സഞ്ജുവിന്റെ തേരോട്ടം; മികച്ച കളിക്കാരനുള്ള ഐസിസി പുരസ്കാരം​

സീസണിലെ സാഹചര്യം

​ഐപിഎൽ 2026ൽ നിലവിൽ വിരാട് കോഹ്‌ലി ആർസിബിക്ക് വേണ്ടി മിന്നും ഫോമിലാണ് ബാറ്റ് വീശുന്നത് എങ്കിലും കാലിന് ചെറിയ പരിക്കുണ്ട്. മറുഭാഗത്ത് മുംബൈ ഇന്ത്യൻസ് താരം രോഹിത് ശർമ ഹാംസ്ട്രിങ് ഇഞ്ചുറി കാരണം സ്കാനിംഗിന് വിധേയനായിരിക്കുകയാണ്.

Also Read: 'ഇതാണ് യഥാർഥ പ്രണയം'; കോഹ്‌ലി 49ൽ പുറത്ത്; വിശ്വസിക്കാനാവാതെ നിരാശയിൽ മുഖം പൊത്തി അനുഷ്ക

വരാനിരിക്കുന്ന രാജ്യാന്തര ടൂർണമെന്റുകൾക്ക് മുൻപായി ഫിറ്റ്‌നസ് നിലനിർത്താൻ താരങ്ങൾ ഐപിഎല്ലിൽ നിന്ന് വിശ്രമമെടുത്തേക്കാം എന്ന ചർച്ചകൾക്കിടയിലാണ് മുനാഫ് പട്ടേലിന്റെ വാക്കുകൾ വരുന്നത്.  

Read More: "നന്ദി, മുംബൈ ഇന്ത്യൻസ്!" ഡ്രസ്സിങ് റൂമിൽ വൈകാരികമായി പ്രതികരിച്ച് രോഹിത് ശർമ

ഡൽഹി: ഡൽഹി ഇന്ദിരാഗാന്ധി അന്താരാഷ്ട്ര വിമാനത്താവളത്തിൽ നിർത്തിയിട്ടിരുന്ന വിമാനത്തില്‍ മറ്റൊരു വിമാനം ഇടിച്ച് അപകടം. സ്പൈസ് ജെറ്റ് വിമാനമാണ് നിർത്തിയിട്ടിരുന്ന ആകാശ എയർ വിമാനത്തിന്റെ ചിറകിലിടിച്ചത്. ഇടിയുടെ ആഘാതത്തിൽ സ്പൈസ് ജെറ്റ് വിമാനത്തിന്റെ വലതുവശത്തെ വിംഗ്ലെറ്റിനും ആകാശ എയർ വിമാനത്തിന്റെ ഇടതുവശത്തെ ഹൊറിസോണ്ടൽ സ്റ്റെബിലൈസറിനും കേടുപാടുകൾ സംഭവിച്ചു.

അപകടത്തിൽപ്പെട്ട സ്പൈസ് ജെറ്റിന്റെ ബോയിംഗ് 737-700 വിമാനത്തിന്റെ സർവീസ് നിർത്തിവച്ചതായും ഡൽഹി വിമാനത്താവളത്തിൽ ഗ്രൗണ്ട് ചെയ്തതായും എയർലൈൻ വക്താവ് അറിയിച്ചു. ഡൽഹിയിൽ നിന്ന് ഹൈദരാബാദിലേക്ക് പുറപ്പെടേണ്ടിയിരുന്ന ആകാശ എയറിന്റെ ക്യൂപി 1406 എന്ന വിമാനമാണ് അപകടത്തിൽപ്പെട്ടത്.

Also Read: വനിതാ സംവരണം: 'ഞങ്ങൾക്ക് ക്രെഡിറ്റ് വേണ്ട', വികസിത ഭാരതത്തിനായി രാഷ്ട്രീയ ഭേദമന്യേ ഒന്നിക്കണമെന്ന് പ്രധാനമന്ത്രി

അപകടത്തെ തുടർന്ന് വിമാനം ബേയിലേക്ക് തിരികെ എത്തിച്ചു. വിമാനത്തിലുണ്ടായിരുന്ന എല്ലാ യാത്രക്കാരെയും സുരക്ഷിതമായി പുറത്തിറക്കി. ഹൈദരാബാദിലേക്ക് പോകേണ്ട യാത്രക്കാർക്കായി എത്രയും വേഗം ബദൽ സംവിധാനങ്ങൾ ഒരുക്കുമെന്ന് ആകാശ എയർ വക്താവ് അറിയിച്ചു.

Also Read: റഷ്യൻ, ഇറാനിയൻ എണ്ണ ഇറക്കുമതി ഇളവുകൾ അവസാനിപ്പിക്കാൻ യുഎസ്; ഇന്ത്യയെ എങ്ങനെ ബാധിക്കും?

തങ്ങളുടെ വിമാനം നിശ്ചലമായിരുന്നപ്പോഴാണ് സ്പൈസ് ജെറ്റ് വിമാനം വന്നിടിച്ചതെന്നാണ് പ്രാഥമിക വിവരങ്ങൾ സൂചിപ്പിക്കുന്നതെന്ന് ആകാശ എയർ അധികൃതർ വ്യക്തമാക്കി. സംഭവത്തിൽ അന്വേഷണം ആരംഭിച്ചതായാണ് വിവരം.

Read More: തമിഴ്‌നാട് തിരഞ്ഞെടുപ്പിൽ വിജയ് 'എക്സ് ഫാക്ടറോ'? യുവതി യുവാക്കളെ കയ്യിലെടുത്ത് ദളപതി, മുന്നണികൾക്ക് നെഞ്ചിടിപ്പ് 

Virat Kohli IPL 2026: ഐപിഎൽ 2026ൽ ലക്നൗ സൂപ്പർ ജയന്റ്‌സിനെതിരായ മത്സരത്തിൽ റോയൽ ചലഞ്ചേഴ്‌സ് ബെംഗളൂരു വിജയം കൊയ്തെങ്കിലും ആരാധകരുടെ ഹൃദയം തകർത്തത് വിരാട് കോഹ്‌ലിയുടെ പുറത്താകലാണ്. അർധസെഞ്ചുറിക്ക് വെറും ഒരു റൺ അകലെ 49 റൺസിൽ കോഹ്‌ലി ക്രീസ് വിട്ടപ്പോൾ ഗാലറിയിലിരുന്ന ഭാര്യയും നടിയുമായ അനുഷ്ക ശർമ നിരാശ പ്രകടമാക്കിയ ദൃശ്യങ്ങളാണ് ഇപ്പോൾ സമൂഹമാധ്യമങ്ങളിൽ വൈറലാവുന്നത്...
​
നിരാശയുടെ നിമിഷം

​പരിക്കിനെത്തുടർന്ന് 'ഇംപാക്ട് പ്ലെയർ' ആയി കളത്തിലിറങ്ങിയ കോഹ്‌ലി തകർപ്പൻ ഫോമിലായിരുന്നു. 147 റൺസ് വിജയലക്ഷ്യം പിന്തുടർന്ന ആർസിബിക്കായി 34 പന്തിൽ 6 ഫോറുകളും ഒരു സിക്സറുമടക്കം 49 റൺസെടുത്ത് നിൽക്കുമ്പോഴാണ് ആവേശ് ഖാന്റെ പന്തിൽ കോഹ്‌ലി പുറത്താകുന്നത്. ലോങ് ഓണിൽ നിക്കോളാസ് പൂരൻ ക്യാച്ചെടുത്തതോടെ സ്റ്റേഡിയം ഒന്നടങ്കം നിശബ്ദമായി.  

Also Read: സച്ചിന്റെ റെക്കോർഡ് പഴങ്കഥയാകും? 15കാരൻ വൈഭവ് അയർലൻഡ് പര്യടനത്തിനുള്ള ഇന്ത്യൻ ടീമിലേക്ക്

​ക്യാമറക്കണ്ണുകൾ ഉടൻ തന്നെ ഗാലറിയിലെ വിഐപി ബോക്സിലുണ്ടായിരുന്ന അനുഷ്ക ശർമയിലേക്ക് തിരിഞ്ഞു. കോഹ്ലിക്ക് അർധസെഞ്ചുറി നഷ്ടമായതിലുള്ള കടുത്ത നിരാശയും ഷോക്കും അനുഷ്കയുടെ മുഖത്ത് വ്യക്തമായിരുന്നു. മുഖം കൈകൾ കൊണ്ട് പൊത്തി ഞെട്ടൽ വ്യക്തമാക്കുന്ന അനുഷ്കയുടെ വീഡിയോ നിമിഷങ്ങൾക്കകം വൈറലായി.
​
പരിക്കിനെ തോൽപ്പിച്ച ഇന്നിംഗ്സ്

​കഴിഞ്ഞ കുറച്ചു ദിവസങ്ങളായി ഫിറ്റ്നസ് പ്രശ്നങ്ങൾ കോഹ്ലിയെ അലട്ടിയിരുന്നു. മത്സര ശേഷം കോഹ്‌ലി അത് വെളിപ്പെടുത്തിയിരുന്നു. 100 ശതമാനം ഫിറ്റ്നസ് ഇല്ലാതിരുന്നിട്ടും ടീമിനായി പൊരുതിയ കോഹ്‌ലിയുടെ ഇന്നിംഗ്‌സിന് അനുഷ്ക നൽകിയ ആ പിന്തുണ ആരാധകർക്കിടയിൽ വലിയ ചർച്ചയായിട്ടുണ്ട്. "ഇതാണ് യഥാർത്ഥ സ്നേഹം," എന്നാണ് പല ആരാധകരും വീഡിയോക്ക് താഴെ കുറിക്കുന്നത്.

Anushka Sharma Disappointed when Virat Kohli dismiss at 49 runs pic.twitter.com/cyYgIUND3M

— Learn-Survive (@pandu291190) April 15, 2026

Also Read: ബൂമ്രയേയും പിന്നിലാക്കി സഞ്ജുവിന്റെ തേരോട്ടം; മികച്ച കളിക്കാരനുള്ള ഐസിസി പുരസ്കാരം
​
ആർസിബിക്ക് തകർപ്പൻ ജയം
​
കോഹ്‌ലി 49ൽ പുറത്തായെങ്കിലും ആർസിബി 5 വിക്കറ്റിന് ലക്നൗവിനെ പരാജയപ്പെടുത്തി പോയിന്റ് പട്ടികയിൽ ഒന്നാമതെത്തി. രജത് പാട്ടിദാർ 27 റൺസും ജിതേഷ് ശർമ്മ 23 റൺസും നേടി. ഇവരുടെ വെടിക്കെട്ട് ബാറ്റിംഗാണ് ആർസിബിയെ അനായാസ വിജയത്തിലേക്ക് നയിച്ചത്. മത്സരത്തിന് പിന്നാലെ ഈ സീസണിലെ ഓറഞ്ച് ക്യാപ്പും കോഹ്‌ലി സ്വന്തമാക്കി.

Read More: "നന്ദി, മുംബൈ ഇന്ത്യൻസ്!" ഡ്രസ്സിങ് റൂമിൽ വൈകാരികമായി പ്രതികരിച്ച് രോഹിത് ശർമ

കൊച്ചി: പ്രായപൂർത്തിയാകാതെ വിവാഹം നടത്തിയെന്ന കേസിൽ കുംഭമേള വൈറൽ താരത്തിന്റെയും ഭർത്താവിന്റെയും മൊഴിയെടുക്കാനായി മധ്യപ്രദേശ് പൊലീസ് കേരളത്തിലെത്തിയതിനു പിന്നാലെ സംരക്ഷണം ആവശ്യപ്പെട്ട് പരാതി. കുംഭമേളയിലൂടെ വൈറലായ പെൺകുട്ടിയാണ് മുഖ്യമന്ത്രിക്കും കൊച്ചി സിറ്റി പൊലീസ് കമ്മീഷണർക്കും പരാതി നൽകിയത്.

മധ്യപ്രദേശിലേക്ക് തന്നെ കൊണ്ടുപോകുന്നത് തടയണമെന്നാണ് പരാതിയിലെ പ്രധാന ആവശ്യം. തനിക്ക് 18 വയസ്സ് തികഞ്ഞതാണെന്നും സ്വന്തം ഇഷ്ടപ്രകാരമാണ് കേരളത്തിൽ കഴിയുന്നതെന്നും പെൺകുട്ടി പൊലീസിനോട് പറഞ്ഞതായാണ് വിവരം. നിലവിൽ കേസിലെ പ്രതിയുടെ അറസ്റ്റ് കോടതി തടഞ്ഞിട്ടുണ്ടെങ്കിലും മധ്യപ്രദേശ് പൊലീസ് കേരളത്തിൽ തുടരുന്നതിൽ ആശങ്കയുണ്ടെന്നും പരാതിയിൽ ചൂണ്ടിക്കാട്ടിയതായാണ് റിപ്പോർട്ട്.

Also Read: ശബരിമല സ്ത്രീ പ്രവേശനം; ലക്ഷക്കണക്കിന് ആളുകളുടെ വിശ്വാസം തെറ്റാണെന്ന് പ്രഖ്യാപിക്കുക പ്രയാസകരമെന്ന് സുപ്രീം കോടതി

അടുത്തിടെയാണ് കേരളത്തില്‍ വച്ച് പെൺകുട്ടിയുടെ വിവാഹം നടന്നത്. എന്നാൽ പെൺകുട്ടിക്ക് പ്രായപൂര്‍ത്തിയാകാതെയാണ് വിവാഹം നടന്നതെന്ന് ആരോപിച്ച് ഫർമാനെതിരേ മധ്യപ്രദേശില്‍ പോക്‌സോ കേസ് രജിസ്റ്റര്‍ ചെയ്തിരുന്നു. പെണ്‍കുട്ടിയോടൊപ്പമുള്ള ഫര്‍മാന്‍റെ സുഹൃത്തിനെ തേടിയാണ് നിലവിൽ മധ്യപ്രദേശ് പൊലീസ് കേരളത്തിലെത്തിയതെന്നാണ് വിവരം. 

Also Read: മുഖ്യമന്ത്രി പദത്തിനായി കോണ്‍ഗ്രസില്‍ പോരാട്ടം: മൂന്ന് മത്സരാര്‍ത്ഥികള്‍, മൂന്ന് വ്യത്യസ്ത ആശയധാരകള്‍

ഫർമാനെ ഈ മാസം 20 വരെ അറസ്റ്റു ചെയ്യരുതെന്ന് ഹൈക്കോടതിയുടെ ഉത്തരവുണ്ട്. ഇതിനിടെയാണ് മൊഴി രേഖപ്പെടുത്താനായി മധ്യപ്രദേശ് പൊലീസ് സംഘം കേരളത്തിലെത്തിയത്. അതേസമയം, പെൺകുട്ടിയുടെ വിവാഹത്തിനായി ഹാജരാക്കിയ സർട്ടിഫിക്കറ്റുകൾ വ്യാജമല്ലെന്ന് വിവാഹത്തിൻ്റെ രജിസ്ട്രേഷൻ നിർവഹിച്ച ഉദ്യോഗസ്ഥർ പൊലീസിന് മൊഴി നല്‍കിയിരുന്നു. വിവാഹവുമായി ബന്ധപ്പെട്ട് തങ്ങളുടെ ഭാഗത്ത് വീഴ്ചയുണ്ടായിട്ടില്ലെന്നും പെൺകുട്ടിയുടെ ആധാർ കാർഡിന്‍റെ അടിസ്ഥാനത്തിലാണ് 18 വയസായെന്ന് സ്ഥിരീകരിച്ചതെന്നും കേരള പൊലീസ് ഡിജിപിക്ക് നല്‍കിയ റിപ്പോര്‍ട്ടിൽ വ്യക്തമാക്കിയിട്ടുണ്ട്.

Read More: കൊടും ചൂട് തുടരും; സംസ്ഥാനത്ത് 12 ജില്ലകളിൽ മഞ്ഞ അലർട്ട്

ലോകമെമ്പാടുമുള്ള ദശലക്ഷക്കണക്കിന് ആരാധകരുടെ 'തല'യാണ് മഹേന്ദ്ര സിംഗ് ധോണി. മൈതാനത്തെ അദ്ദേഹത്തിന്റെ ശാന്തതയെക്കുറിച്ചും ക്യാപ്റ്റൻസിയെക്കുറിച്ചും നമ്മൾ ഒരുപാട് കേൾക്കുകയും ചർച്ച ചെയ്യുകയും ചെയ്തിട്ടുണ്ട്. ധോണി എന്ന വ്യക്തിയുടെ ലാളിത്യവും വിനയവും എത്രത്തോളമുണ്ടെന്ന് ഇപ്പോൾ വെളിപ്പെടുത്തിയിരിക്കുകയാണ് ഷാരൂഖ് ഖാന്റെ മുൻ പേഴ്സണൽ ബോഡിഗാർഡായിരുന്ന യാസീൻ ഖാൻ.

പതിറ്റാണ്ടുകളോളം ബോളിവുഡ് ബാദ്ഷാ ഷാരൂഖ് ഖാന്റെ നിഴലായിരുന്ന യാസീൻ ഖാൻ ഇപ്പോൾ സ്വന്തമായി ഒരു സെക്യൂരിറ്റി ഏജൻസി നടത്തുകയാണ്. ഈയിടെ ഒരു അഭിമുഖത്തിലാണ് ധോണിയുമായി ബന്ധപ്പെട്ട ഹൃദയസ്പർശിയായ ഒരു അനുഭവം യാസിൻ പങ്കുവെച്ചത്. തന്റെ ടീമിലെ ഒരു സെക്യൂരിറ്റി ഉദ്യോഗസ്ഥന്റെ ജന്മദിനത്തിന് ധോണി നൽകിയ അപ്രതീക്ഷിത സർപ്രൈസിനെക്കുറിച്ചാണ് യാസീന്റെ വെളിപ്പെടുത്തൽ.

Also Read: സച്ചിന്റെ റെക്കോർഡ് പഴങ്കഥയാകും? 15കാരൻ വൈഭവ് അയർലൻഡ് പര്യടനത്തിനുള്ള ഇന്ത്യൻ ടീമിലേക്ക്

"ധോണി അത്രമേൽ വിനീതനായ ഒരു വ്യക്തിയാണ്. തന്റെ കൂടെ ജോലി ചെയ്യുന്നവരെ അദ്ദേഹം ഒരു കുടുംബാംഗത്തെപ്പോലെയാണ് കാണുന്നത്. ഈയിടെ എന്റെ ടീമിലെ ഒരാളുടെ ജന്മദിനമായിരുന്നു. ധോണി നേരിട്ട് കേക്ക് വാങ്ങി വരികയും അവനൊപ്പം ഇരുന്ന് അത് ആഘോഷിക്കുകയും ചെയ്തു. ഈ വലിയ മനുഷ്യൻ തന്റെ തോളിൽ കൈവെച്ച് ജന്മദിനം ആഘോഷിക്കുന്നത് കണ്ടപ്പോൾ ആ പയ്യന് കണ്ണീരടക്കാനായില്ല." യാസീൻ ഖാൻ പറഞ്ഞു.

Also Read: ബൂമ്രയേയും പിന്നിലാക്കി സഞ്ജുവിന്റെ തേരോട്ടം; മികച്ച കളിക്കാരനുള്ള ഐസിസി പുരസ്കാരം

യാതൊരു ജാഡയുമില്ലാതെ സാധാരണക്കാരായ ജോലിക്കാർക്കൊപ്പം സമയം ചെലവഴിക്കാൻ ധോണി കാണിക്കുന്ന മനസിനെ യാസീൻ അഭിനന്ദിച്ചു. ബോളിവുഡ് താരങ്ങളും ക്രിക്കറ്റ് താരങ്ങളും തമ്മിലുള്ള വ്യത്യാസത്തെക്കുറിച്ചും യാസീൻ പ്രതികരിച്ചു. മിക്ക ക്രിക്കറ്റ് താരങ്ങളും സാധാരണ ഇടത്തരം കുടുംബങ്ങളിൽ നിന്ന് വരുന്നവരായതുകൊണ്ട് തന്നെ അവർക്ക് വലിയ ലാളിത്യമുണ്ടെന്ന് അദ്ദേഹം പറയുന്നു.

തനിക്ക് ഏറ്റവും അടുത്ത ബന്ധമുള്ളത് യുവരാജ് സിംഗുമായാണെന്നും അദ്ദേഹം തന്നെ ഒരു സഹോദരനെപ്പോലെയാണ് കാണുന്നതെന്നും യാസീൻ വെളിപ്പെടുത്തി. വിരാട് കോഹ്‌ലി, ഋഷഭ് പന്ത്, കെ.എൽ. രാഹുൽ എന്നിവർക്കൊപ്പവും താൻ ജോലി ചെയ്തിട്ടുണ്ടെന്നും എല്ലാവരും വളരെ മാന്യമായാണ് പെരുമാറുന്നതെന്നും അദ്ദേഹം കൂട്ടിച്ചേർത്തു.

Also Read: 'ഇതാണ് യഥാർഥ പ്രണയം'; കോഹ്‌ലി 49ൽ പുറത്ത്; വിശ്വസിക്കാനാവാതെ നിരാശയിൽ മുഖം പൊത്തി അനുഷ്ക

ഷാരൂഖ് ഖാൻ, രൺവീർ സിംഗ്, വിക്കി കൗശാൽ എന്നിവർക്കൊപ്പം ജോലി ചെയ്തതിനെ കുറിച്ചും യാസിൻ വിശദീകരിക്കുന്നു.  ബോഡിഗാർഡുകൾക്ക് ലഭിക്കുന്ന ശമ്പളത്തെക്കുറിച്ചുള്ള വ്യാജ വാർത്തകൾ തള്ളിയും യാസീൻ ഖാൻ ഇതേ അഭിമുഖത്തിൽ സംസാരിക്കുന്നുണ്ട്. എങ്കിലും എം. എസ്. ധോണിയുടെ ഈ സ്നേഹപ്രകടനം തന്നെയാണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്.

Read More: "നന്ദി, മുംബൈ ഇന്ത്യൻസ്!" ഡ്രസ്സിങ് റൂമിൽ വൈകാരികമായി പ്രതികരിച്ച് രോഹിത് ശർമ

വെളുത്തു പഞ്ഞിപോലെയുള്ള ഉൾഭാഗവും മൊരിഞ്ഞു നിൽക്കുന്ന വശങ്ങളുമുള്ള പാലപ്പം ഇഷ്ടപ്പെടാത്തവർ ചുരുക്കമാണ്. എന്നാൽ പലപ്പോഴും വീട്ടിൽ തയ്യാറാക്കുമ്പോൾ ഹോട്ടലുകളിൽ ലഭിക്കുന്നതുപോലെ അരിക് മൊരിഞ്ഞു കിട്ടാറില്ല എന്ന പരാതി പലർക്കുമുണ്ട്. ഈ പ്രശ്നത്തിന് ശാശ്വതമായ ഒരു പരിഹാരമാണ് അവൽ ചേർത്തുള്ള മാവ് തയ്യാറാക്കൽ. മാവ് അരയ്ക്കുമ്പോൾ പച്ചരിയോടൊപ്പം അല്പം അവൽ കൂടി ചേർക്കുന്നത് അപ്പത്തിന് അസാധാരണമായ സോഫ്റ്റ്‌നസ് നൽകുക മാത്രമല്ല, ചട്ടിയുടെ വശങ്ങളിൽ അത് മനോഹരമായി മൊരിഞ്ഞു വരാനും സഹായിക്കുന്നു. പാലപ്പത്തിന്റെ തനതായ സ്വാദും ഗുണവും നിലനിർത്തിക്കൊണ്ട് തന്നെ കൂടുതൽ രുചികരമായി ഇത് തയ്യാറാക്കാം. ബിൻസി തന്റെ യൂട്യൂബ് ചാനലിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

Also Read: ആരോഗ്യവും രുചിയും ഉറപ്പ്; നാവിലിട്ടാൽ അലിഞ്ഞുപോകുന്ന ഈ പുട്ട് ട്രൈ ചെയ്തു നോക്കൂ

ചേരുവകൾ

• അവൽ- 1/2 കപ്പ്
• തേങ്ങ- 1 കപ്പ്
• തേങ്ങാവെള്ളം- 3/4 കപ്പ്
• പച്ചരി- 1.5 കപ്പ്
• യീസ്റ്റ്- 1/2 ടീസ്പൂൺ
• പഞ്ചസാര- 2 ടേബിൾസ്പൂൺ

Also Read: ശരീരഭാരം നിയന്ത്രിക്കാം ഹൃദയാരോഗ്യം മെച്ചപ്പെടുത്താം, ദിവസവും ഈ പുഡ്ഡിംഗ് കഴിക്കൂ

Also Read: തിളക്കമുള്ള ചർമ്മവും കരുത്തുറ്റ മുടിയും നേടാം; വെറും വയറ്റിൽ കഴിക്കേണ്ട സൂപ്പർ വിത്തുകൾ ഇവയാണ്

തയ്യാറാക്കുന്ന വിധം

• അര കപ്പ് അവലും ഒന്നര കപ്പ പച്ചരിയും ഒരു രാത്രി വെള്ളത്തിൽ കുതിർത്തെടുക്കാം.
• ഇതിലേയ്ക്ക് ഒരു കപ്പ് തേങ്ങ ചിരകിയതും, രണ്ട് ടേബിൾസ്പൂൺ പഞ്ചസാരയും ചേർത്ത് നന്നായി അരച്ചെടുക്കാം.
• ഇതിലേയ്ക്ക് അര ടീസ്പൂൺ യീസ്റ്റ് കൂടി ചേർത്തിളക്കി യോജിപ്പിക്കാം. അത് എട്ട് മണിക്കൂറെങ്കിലും അടച്ച് മാറ്റി വയ്ക്കാം.
• ശേഷം പാലപ്പ ചട്ടി അടുപ്പിൽ വച്ചു ചൂടാക്കി അതിലേയ്ക്ക് മാവ് ഒഴിച്ച് വട്ടത്തിൽ ചുഴറ്റി പാലപ്പത്തിൻ്റെ ആകൃതിയിലാക്കിയെടുക്കാം. ഇത് അടച്ചു വയ്ക്കാം.
• ഇരു വശവും വെന്തതിനു ശേഷം തുറന്ന് പാത്രത്തിലേയ്ക്കു മാറ്റാം.
• മാവ് കൂടുതൽ സോഫ്റ്റാകുന്നതിന് അവൽ സഹായകരമാണ്.
• തേങ്ങാവെള്ളവും യീസ്റ്റും മാവ് നന്നായി പുളിക്കുന്നതിനും കട്ടികുറയ്ക്കുന്നതിനും സഹായിക്കും.
• ബീഫ് കറി, ചിക്കൻ കറി, ഇസ്റ്റ്യൂ എന്നിവയോടൊപ്പം പാലപ്പം കഴിക്കാം.

Read More: ഊർജ്ജവും ഉന്മേഷവും തരും; സ്ഥിരം ബ്രേക്ക്ഫാസ്റ്റിന് പകരം ഇത് ട്രൈ ചെയ്യൂ

Yuvraj Singh and Lalith Modi: യുവരാജ് സിംഗ് 2007ലെ ടി20 ലോകകപ്പിൽ സ്റ്റുവർട്ട് ബ്രോഡിനെ ആറ് വട്ടം തുടരെ സിക്സ് പറത്തിയത് ക്രിക്കറ്റ് ചരിത്രത്തിന്റെ ഭാഗമാണ്. ഇംഗ്ലണ്ടിന് എതിരായ ആ ലോകകപ്പ് മത്സരത്തിന് മുൻപ് ഇന്ത്യൻ ഡ്രസ്സിംഗ് റൂമിൽ വെച്ച് താരങ്ങൾക്ക് മുൻപിൽ വെച്ച ഓഫറും പിന്നാലെ മത്സരത്തിൽ സംഭവിച്ച കാര്യങ്ങളും വെളിപ്പെടുത്തുകയാണ് ഐപിഎൽ മുൻ ചെയർമാൻ ലളിത് മോദി. 

മത്സരത്തിൽ ആറ് സിക്സ് പറത്തുന്ന താരം അല്ലെങ്കിൽ ആറ് വിക്കറ്റ് വീഴ്ത്തുന്ന താരത്തിന് പോർഷെ കാർ സമ്മാനമായി നൽകും എന്നാണ് ഓഫർ ചെയ്തത്. ഇന്ത്യൻ ക്രിക്കറ്റ് ചരിത്രത്തിലെ ഏറ്റവും ആവേശകരമായ നിമിഷങ്ങളിലൊന്നാണ് 2007ലെ ടി20 ലോകകപ്പിൽ സ്റ്റുവർട്ട് ബ്രോഡിന്റെ ഓവറിൽ യുവരാജ് സിങ് നേടിയ ആറ് സിക്സറുകൾ. ആ ചരിത്ര നേട്ടത്തിന് പിന്നാലെ ലളിത് മോദിയും യുവരാജും തമ്മിൽ നടന്ന രസകരമായ ഒരു നിമിഷമാണ് ഇപ്പോൾ വീണ്ടും ചർച്ചയാകുന്നത്.  

Also Read: സച്ചിന്റെ റെക്കോർഡ് പഴങ്കഥയാകും? 15കാരൻ വൈഭവ് അയർലൻഡ് പര്യടനത്തിനുള്ള ഇന്ത്യൻ ടീമിലേക്ക്

യുവരാജ് ഈ നേട്ടം കൈവരിച്ചതോടെ തനിക്ക് ലഭിക്കേണ്ട 'പോർഷെ 911' കാറിനായി താരം മോദിയെ സമീപിച്ചു.  എന്നാൽ ഈ കഥയിലെ പുതിയ വെളിപ്പെടുത്തൽ യുവരാജ് തന്നെ അടുത്തിടെ ഒരു പോഡ്കാസ്റ്റിലൂടെ പങ്കുവെച്ചു. "ഞാൻ ലളിത് മോദിയോട് ചോദിച്ചു, അടുത്ത കളി കൂടി ജയിപ്പിച്ചാൽ എനിക്ക് ഒരു ഫെരാറിയിലേക്ക് അപ്‌ഗ്രേഡ് തരുമോ എന്ന്. പക്ഷേ അദ്ദേഹം ചിരിച്ചുകൊണ്ട് പറഞ്ഞു, 'ഇല്ല, നിനക്ക് പോർഷെ മാത്രമേ ലഭിക്കൂ' എന്ന്," യുവരാജ് ഓർത്തെടുത്തു. 

Also Read: ബൂമ്രയേയും പിന്നിലാക്കി സഞ്ജുവിന്റെ തേരോട്ടം; മികച്ച കളിക്കാരനുള്ള ഐസിസി പുരസ്കാരം

ഒടുവിൽ ഇന്ത്യയിലെ സാഹചര്യങ്ങൾ പരിഗണിച്ച് യുവരാജ് തന്നെ തന്റെ ഇഷ്ടം മാറ്റുകയും സമ്മാനമായി ഒരു ബിഎംഡബ്ല്യു എംഎസ് സ്വന്തമാക്കുകയും ചെയ്തു. പോർഷെ ഇന്ത്യയിലേക്ക് ആ സമയം കൊണ്ടുവരുന്നതിന് വേണ്ടിവരുന്ന സമർദൈർഘ്യം ഉൾപ്പെടെ പരിഗണിച്ചായിരുന്നു യുവരാജ് ബിഎംഡബ്ല്യു മതി എന്ന തീരുമാനത്തിൽ എത്തിയത്.   

യുവരാജ് തിരിച്ചു നൽകിയ ആ 'വിലപ്പെട്ട' സമ്മാനം

ലളിത് മോദി നൽകിയ ആഡംബര കാറിന് പകരമായി യുവരാജ് അദ്ദേഹത്തിന് നൽകിയ സമ്മാനമാണ് ഇപ്പോൾ ചർച്ചയാവുന്നത്. ആറ് സിക്സറുകൾ അടിച്ച അതേ ബാറ്റ് യുവരാജ് ലളിത് മോദിക്ക് സമ്മാനിച്ചു. ഈ ബാറ്റ് കോടികൾക്ക് ലളിത് മോദി ലേലം ചെയ്തു എന്ന തരത്തിൽ വാർത്തകൾ വന്നിരുന്നെങ്കിലും, അത് തെറ്റാണെന്നും ബാറ്റ് ഇപ്പോഴും തന്റെ കൈവശം സുരക്ഷിതമാണെന്നും മോദി വ്യക്തമാക്കി.

Also Read: 'ഇതാണ് യഥാർഥ പ്രണയം'; കോഹ്‌ലി 49ൽ പുറത്ത്; വിശ്വസിക്കാനാവാതെ നിരാശയിൽ മുഖം പൊത്തി അനുഷ്ക

ക്രിക്കറ്റ് ചരിത്രത്തിലെ 'ഡീൽ'

മൈക്കൽ വോണിനൊപ്പമുള്ള ചർച്ചയിലാണ് യുവരാജ് ഈ പഴയ ഓർമ്മകൾ പങ്കുവെച്ചത്. വെറും 12 പന്തിൽ അർധസെഞ്ചുറി തികച്ച ആ ഇന്നിംഗ്സ് ലളിത് മോദിയെ സംബന്ധിച്ചിടത്തോളം വലിയൊരു സാമ്പത്തിക ബാധ്യതയായിരുന്നെങ്കിലും, വാക്ക് പാലിച്ച ലളിത് മോദിയെ 'മാൻ ഓഫ് ഹിസ് വേർഡ്' എന്നാണ് യുവരാജ് വിശേഷിപ്പിച്ചത്.

Read More: "നന്ദി, മുംബൈ ഇന്ത്യൻസ്!" ഡ്രസ്സിങ് റൂമിൽ വൈകാരികമായി പ്രതികരിച്ച് രോഹിത് ശർമ

മലയാളത്തിന്റെ പ്രിയനടൻ കുഞ്ചാക്കോ ബോബന്റെയും ഭാര്യ പ്രിയയുടെയും വീട്ടിലെ താരം ഇപ്പോൾ കുഞ്ഞ് ഇസഹാഖ് ആണ്. പതിനാലു വർഷങ്ങളുടെ കാത്തിരിപ്പിനൊടുവിൽ ജീവിതത്തിലേക്ക് വന്ന ഇസഹാക്കിനെ ചുറ്റിപ്പറ്റിയാണ് ചാക്കോച്ചന്റെയും പ്രിയയുടെയും ലോകം.

ബൈബിളില്‍ അബ്രഹാമിനും ഭാര്യ സാറയ്ക്കും ഏറെ കാത്തിരുന്ന് ലഭിച്ച കുഞ്ഞിനെ എന്ന പോലെ വർഷങ്ങളുടെ കാത്തിരിപ്പിന് ശേഷം തങ്ങളുടെ ജീവിതത്തിലേക്ക് വന്ന ആ വസന്തത്തിനും ഇസഹാക്ക് എന്ന് പേരുനൽകുകയായിരുന്നു ചാക്കോച്ചനും പ്രിയയും.

Also Read: ഇതൊരു പുതിയ തുടക്കം; മുംബൈയിലെ വീട്ടിൽ ആദ്യത്തെ വിഷു ആഘോഷമാക്കി പാർവതി

ചാക്കോച്ചന്റെ ലോകം തന്നെ ഇസയ്ക്ക് ചുറ്റുമാണെന്ന് മുൻപൊരു അഭിമുഖത്തിൽ പ്രിയ പറഞ്ഞിരുന്നു, “ചാക്കോച്ചന്റെ ലോകം ഇപ്പോള്‍ മോനു ചുറ്റും തിരിഞ്ഞുകൊണ്ടിരിക്കുകയാണ്. കുഞ്ഞിനെ കെട്ടിപ്പിടിച്ചുറക്കുന്നു. എടുത്തു നടക്കുന്നു. ചിലപ്പോള്‍ കുഞ്ഞു കരഞ്ഞാല്‍ ഞാനറിയാറില്ല. പക്ഷേ, ചാക്കോച്ചന്‍ ചാടിയെഴുന്നേല്‍ക്കും. കുഞ്ഞു വേണമെന്ന മോഹം പരാജയപ്പെടുമ്പോഴെല്ലാം സാരമില്ല, വിഷമിക്കേണ്ട നമ്മള്‍ ഹാപ്പിയായി ഇരുന്നാല്‍ മതിയെന്ന് പറഞ്ഞുകൊണ്ടിരുന്ന ആളാണ്. പക്ഷേ ഇപ്പോള്‍ അവനോടുള്ള ഇഷ്ടം കാണുമ്പോള്‍ ദൈവമേ, ഇത്രയും മോഹം മനസ്സില്‍? ഒളിപ്പിച്ചിട്ടാണോ എന്നെ ആശ്വസിപ്പിച്ചതെന്ന് തിരിച്ചറിയുന്നുണ്ട്.” എന്നാണ് വനിതയ്ക്ക് നല്‍കിയ ഒരു അഭിമുഖത്തില്‍  പ്രിയയും പറഞ്ഞത്.

ഇസയുടെ ഒരോ ചിത്രങ്ങളും ആരാധകർ ഏറെ ആകാംക്ഷയോടൊണ് നോക്കിക്കണ്ടിരുന്നത്. ഇപ്പോഴിതാ മകന്റെ ഏഴാം പിറന്നാളിന് കുഞ്ചാക്കോ ബോബൻ സോഷ്യൽ മീഡിയിൽ പങ്കുവച്ച കുറിപ്പാണ് ശ്രദ്ധേയമാകുന്നത്. 

Also Read: ആശകൾ ആയിരം ഒടിടിയിലേക്ക്, എവിടെ, എപ്പോൾ കാണാം?

View this post on Instagram

A post shared by Kunchacko Boban (@kunchacks)

"ഈ ലോകം എല്ലാവിധത്തിലും നിന്റെ ഏറ്റവും മികച്ച കഴിവുകളെ പുറത്തെടുക്കട്ടെയെന്ന് ഞാൻ പ്രാർത്ഥിക്കുകയും ആഗ്രഹിക്കുകയും ചെയ്യുന്നു. നിന്നെ ഞങ്ങളുടെ ജീവിതത്തിലേക്ക് എത്തിച്ചതിന് ദൈവത്തോട് നന്ദി പറയാത്ത ഒരു ദിവസം പോലും കടന്നുപോകുന്നില്ല… ഞങ്ങളുടെ ജീവിതത്തിന് അർത്ഥമുണ്ടാക്കിയതിന്… ഞങ്ങളുടെ ജീവിതം സ്വർഗ്ഗതുല്യമാക്കിയതിന്... ഒത്തിരി കെട്ടിപ്പിടുത്തങ്ങളും ഉമ്മകളും, ഇസു മോനേ..." എന്നാണ് കുഞ്ചാക്കോ തന്റെ ഇൻസ്റ്റഗ്രാം പേജിൽ കുറിച്ചത്. ഇസയ്ക്കൊപ്പമുള്ള ചിത്രങ്ങളും പോസ്റ്റ് ചെയ്തിട്ടുണ്ട്.

Also Read: 'ചെകുത്താന്റെ പ്ലാൻ തെറ്റിക്കുന്നതാ ദൈവത്തിനിഷ്ടം'; തിയേറ്ററുകൾ പൂരപ്പറമ്പാക്കാൻ കാട്ടാളൻ; ട്രെയിലർ

ഇസുവിന്റെ ഓരോ വിശേഷങ്ങളും സോഷ്യൽ മീഡിയയിൽ വലിയ തരംഗമാകാറുണ്ട്. ഈ ജന്മദിനത്തിലും നിരവധി ആരാധകരും സിനിമാ താരങ്ങളും ഇസുവിന് പിറന്നാൾ ആശംസകങ്ങ അറിയിച്ച് കമൻ്റ് ചെയ്തിട്ടുണ്ട്. 

1997-ൽ ഫാസിൽ സംവിധാനം ചെയ്ത 'അനിയത്തിപ്രാവ്' എന്ന ചിത്രത്തിലൂടെയാണ് കുഞ്ചാക്കോ ബോബൻ അരങ്ങേറ്റം കുറിച്ചത്. ആദ്യ ചിത്രം തന്നെ ഇൻഡസ്ട്രി ഹിറ്റായി മാറിയതോടെ കേരളത്തിൽ 'സുധി' എന്ന കഥാപാത്രവും ചാക്കോച്ചനും തരംഗമായി. തൊണ്ണൂറുകളുടെ അവസാനം കാമ്പസ് ചിത്രങ്ങളുടെയും പ്രണയകഥകളുടെയും പര്യായമായിരുന്നു അദ്ദേഹം. 'നക്ഷത്രതാരാട്ട്', 'നിറം', 'ദോസ്ത്' തുടങ്ങിയ ചിത്രങ്ങൾ അദ്ദേഹത്തെ യുവത്വത്തിന്റെ ഹരമാക്കി മാറ്റി.

Read More: 'വിഷമം തോന്നിയിരുന്നു, മരിക്കുന്നതിനെ കുറിച്ചുവരെ ചിന്തിച്ചു'; ബിജുക്കുട്ടനെ കാണാൻ നേരിട്ടെത്തി ആ 'വൈറൽ ചേട്ടൻ'

ആരോഗ്യവും ഊർജ്ജസ്വലതയും നിലനിർത്തുന്നതിൽ പ്രഭാതഭക്ഷണത്തിന് സുപ്രധാനമായ പങ്കാണുള്ളത്. തിരക്കേറിയ ജീവിതശൈലിയിൽ പലപ്പോഴും പോഷകസമൃദ്ധമായ ഭക്ഷണം തയ്യാറാക്കാൻ സമയം ലഭിക്കാറില്ല. എന്നാൽ, വളരെ എളുപ്പത്തിൽ തയ്യാറാക്കാവുന്നതും ഒപ്പം ശരീരത്തിന് ആവശ്യമായ വിറ്റമിനുകളും മിനറലുകളും പ്രദാനം ചെയ്യുന്നതുമായ വിഭവങ്ങൾ ശീലമാക്കുന്നത് ദീർഘകാലാടിസ്ഥാനത്തിൽ ഏറെ ഗുണം ചെയ്യും. ഇത്തരത്തിൽ ഭക്ഷണസംസ്കാരത്തിൽ പണ്ടുമുതലേ ഇടംപിടിച്ച ഒന്നാണ് റാഗി അഥവാ പഞ്ഞപ്പുല്ല്. കാൽസ്യം, ഇരുമ്പ് സത്ത്, നാരുകൾ എന്നിവയുടെ കലവറയായ റാഗി ഇന്ന് ലോകമെമ്പാടുമുള്ള ആരോഗ്യപ്രേമികൾക്കിടയിലെ പ്രധാനിയായി മാറിക്കഴിഞ്ഞു.

Also Read: മാധവൻ വെളിപ്പെടുത്തിയ ആ രഹസ്യം! ഈ ഒരു പ്രഭാതഭക്ഷണം മതി ശരീരത്തിന് ഊർജ്ജവും തണുപ്പും നൽകാൻ

അരിഭക്ഷണം അമിതമായി കഴിക്കുന്ന മലയാളികൾക്ക് മികച്ചൊരു ബദൽ മാർഗ്ഗമാണ് റാഗി വിഭവങ്ങൾ. കുട്ടികളുടെ വളർച്ചയ്ക്കും മുതിർന്നവരുടെ എല്ലുകളുടെ ആരോഗ്യത്തിനും പ്രമേഹ നിയന്ത്രണത്തിനും ഇത് ഒരുപോലെ സഹായിക്കുന്നു. ഗ്ലൂറ്റൻ ഫ്രീ ആയതിനാൽ ദഹനസംബന്ധമായ പ്രശ്നങ്ങൾ ഉള്ളവർക്കും ഭാരം കുറയ്ക്കാൻ ആഗ്രഹിക്കുന്നവർക്കും റാഗി ഉത്തമമാണ്. സാധാരണയായി കുറുക്കോ പുട്ടോ ആയി മാത്രം കഴിക്കുന്ന റാഗിയിൽ വൈവിധ്യങ്ങൾ പരീക്ഷിച്ചാൽ അത് രുചികരമായ ഒരു വിഭവമായി മാറും. 

ചേരുവകൾ

• റാഗി (പഞ്ഞപ്പുല്ല്) - 1 കപ്പ്
• ഉഴുന്ന് - ¼ കപ്പ്
• ഉലുവ - 1 ടീസ്പൂൺ
• ചോറ് - 2 ടേബിൾ സ്പൂൺ
• ഉപ്പ് - ആവശ്യത്തിന്
• ക്യാപ്സിക്കം
• സവാള 
• പച്ചമുളക്
• തക്കാളി
• മല്ലിയില 
• എണ്ണ 

Also Read: ഊട്ടിയേക്കാൾ തണുപ്പ്, മൂന്നാറിനേക്കാൾ പച്ചപ്പ്; മഞ്ഞും കുളിർമയും നിറഞ്ഞ ഈ ഹിൽസ്റ്റേഷനുകളിലേയ്ക്ക് യാത്ര പോകാം

View this post on Instagram

A post shared by Rajshri Food (@rajshrifood)

Also Read: വേനൽച്ചൂടിൽ തളർന്നിരിക്കുകയാണോ? ഉന്മേഷം വീണ്ടെടുക്കാൻ ഈ കോൾഡ് കോഫികൾ പരീക്ഷിക്കൂ

തയ്യാറാക്കുന്ന വിധം

• റാഗി, ഉഴുന്ന്, ഉലുവ എന്നിവ നന്നായി കഴുകി കുതിർക്കാൻ വെക്കാം. ഇതിലേക്ക് ചോറ് കൂടി ചേർത്ത് നല്ല മയത്തിൽ അരച്ചെടുക്കാം.
• അരച്ചെടുത്ത മാവിലേക്ക് ആവശ്യത്തിന് ഉപ്പ് ചേർത്ത് നന്നായി ഇളക്കാം. സാധാരണ ദോശമാവിനേക്കാൾ അല്പം കൂടി കട്ടിയുള്ള പരുവത്തിലായിരിക്കണമിത്.
• ഒരു ദോശക്കല്ല് അടുപ്പത്ത് വെച്ച് ചൂടാകുമ്പോൾ അല്പം മാവൊഴിച്ച് അധികം കട്ടി കുറയാതെ പരത്താം.
• ഇതിനു മുകളിലായി അരിഞ്ഞു വെച്ചിരിക്കുന്ന സവാള, തക്കാളി, ക്യാപ്സിക്കം, പച്ചമുളക്, മല്ലിയില എന്നിവ വിതറാം.
• വശങ്ങളിലൂടെ അല്പം എണ്ണ ഒഴിച്ച് കൊടുത്ത ശേഷം ഒരു വശം വെന്തുകഴിയുമ്പോൾ മറിച്ചിടാം.
• രണ്ടു വശവും നന്നായി വെന്തുകഴിഞ്ഞാൽ ചൂടോടെ ചമ്മന്തിക്കൊപ്പമോ സാമ്പാറിക്കൊപ്പമോ കഴിക്കാം.

Read More: ശരീരഭാരം നിയന്ത്രിക്കാം ഹൃദയാരോഗ്യം മെച്ചപ്പെടുത്താം, ദിവസവും ഈ പുഡ്ഡിംഗ് കഴിക്കൂ

വാഷിംഗ്ടൺ: ഇറാനിൽ നിന്നും റഷ്യയിൽ നിന്നും എണ്ണ വാങ്ങാൻ അനുവദിച്ചിരുന്ന ഉപരോധ ഇളവുകൾ ഇനി പുതുക്കില്ലെന്ന് യുഎസ് ട്രഷറി സെക്രട്ടറി സ്കോട്ട് ബെസന്റ് അറിയിച്ചു. ഇറാനിയൻ എണ്ണയ്ക്ക് നൽകിയിരുന്ന 30 ദിവസത്തെ ഇളവ് ഈ ആഴ്ച അവസാനിക്കുമെന്നും റഷ്യൻ എണ്ണയ്ക്കുള്ള സമാനമായ ഇളവ് കഴിഞ്ഞ വാരാന്ത്യത്തിൽ അവസാനിച്ചതായും റിപ്പോർട്ടുകൾ സൂചിപ്പിക്കുന്നു.

ഇറാനുമായി ബിസിനസ് നടത്തുന്ന ധനകാര്യ സ്ഥാപനങ്ങൾക്ക് മേൽ സെക്കൻഡറി ഉപരോധങ്ങൾ ഏർപ്പെടുത്തിക്കൊണ്ട് ഇറാന് മേലുള്ള സാമ്പത്തിക സമ്മർദ്ദം വർദ്ധിപ്പിക്കാൻ അമേരിക്ക ഒരുങ്ങുകയാണെന്ന് ബെസന്റ് മുന്നറിയിപ്പ് നൽകി.

ഇന്ത്യയെ എങ്ങനെ ബാധിക്കും?
അമേരിക്ക നൽകിയിരുന്ന ഇളവുകളുടെ പ്രധാന ഗുണഭോക്താക്കളിൽ ഒന്ന് ഇന്ത്യയായിരുന്നു. പശ്ചിമേഷ്യയിലെ സംഘർഷങ്ങൾ കാരണം ഹോർമുസ് കടലിടുക്ക് വഴിയുള്ള എണ്ണ വിതരണം തടസ്സപ്പെട്ടപ്പോൾ റഷ്യയിൽ നിന്ന് എണ്ണ വാങ്ങാൻ ഇന്ത്യയെ സഹായിച്ചത് ഈ ഇളവുകളായിരുന്നു. ലോകത്തിലെ എണ്ണ, ദ്രവീകൃത പ്രകൃതിവാതക കയറ്റുമതിയുടെ 20 ശതമാനവും കടന്നുപോകുന്ന പാതയാണിത്.

Also Read: യുഎസ്-ഇറാൻ തർക്കം; മൂന്ന് പ്രശ്നങ്ങൾ പരിഹരിച്ചാൽ ചരിത്രപരമായ മാറ്റം

ഫെബ്രുവരി അവസാനം മുതൽ പശ്ചിമേഷ്യയിൽ നിന്നുള്ള വിതരണത്തിൽ വലിയ തടസ്സങ്ങൾ ഉണ്ടായപ്പോൾ, റഷ്യയിൽ നിന്നുള്ള എണ്ണ ഇറക്കുമതി വർദ്ധിപ്പിച്ചത് ഇന്ത്യയുടെ വിതരണ ശൃംഖലയെ വലിയ ആഘാതങ്ങളിൽ നിന്ന് സംരക്ഷിച്ചിരുന്നു. മാർച്ചിൽ ഇന്ത്യയുടെ റഷ്യൻ എണ്ണ ഇറക്കുമതി റെക്കോർഡ് തലത്തിലായിരുന്നു. ഏപ്രിലിലും സമാനമായ പ്രവണത തുടരുമെന്നാണ് കണക്കുകൾ സൂചിപ്പിക്കുന്നത്. കൂടാതെ, ഏഴ് വർഷത്തിനിടയിൽ ആദ്യമായി രണ്ട് കപ്പലുകളിലായി ഇറാനിയൻ എണ്ണ ഇന്ത്യയിലെത്തിക്കാനും ഈ ഇളവുകൾ സഹായിച്ചിരുന്നു.

Also Read: തമിഴ്‌നാട് തിരഞ്ഞെടുപ്പിൽ വിജയ് 'എക്സ് ഫാക്ടറോ'? യുവതി യുവാക്കളെ കയ്യിലെടുത്ത് ദളപതി, മുന്നണികൾക്ക് നെഞ്ചിടിപ്പ്

ഇനി ഉപരോധ ഇളവുകൾ നീക്കം ചെയ്യുന്നതോടെ, കുറഞ്ഞ നിരക്കിൽ ലഭിച്ചിരുന്ന റഷ്യൻ എണ്ണയുടെ ലഭ്യത കുറയാൻ സാധ്യതയുണ്ട്. ഇത് ഇന്ത്യയുടെ എണ്ണ ഇറക്കുമതി ചെലവിനെ ബാധിക്കുകയും ആഭ്യന്തര വിപണിയിൽ എണ്ണവില വർദ്ധിക്കാൻ കാരണമാവുകയും ചെയ്തേക്കാം. റഷ്യക്കും ഇറാനും പകരം മറ്റ് സ്രോതസ്സുകളെ കണ്ടെത്താൻ ഇന്ത്യ നിർബന്ധിതമാകും. ഇളവുകളില്ലാതെ ഈ രാജ്യങ്ങളിൽ നിന്ന് എണ്ണ വാങ്ങുന്നത് തുടർന്നാൽ ഇന്ത്യൻ കമ്പനികൾ അമേരിക്കയുടെ സാമ്പത്തിക പിഴകൾ നേരിടേണ്ടി വരുമെന്ന ഭീഷണിയുമുണ്ട്.

Also Read: യു.എസ്-ഇറാന്‍ വെടിനിര്‍ത്തല്‍ കരാര്‍ നീട്ടാന്‍ ധാരണ

അതേസമയം, ഈ ആഴ്ച ആദ്യം ഇസ്ലാമാബാദിൽ നടന്ന ചർച്ചകളിൽ അമേരിക്കയും ഇറാനും തമ്മിൽ ധാരണയിലെത്താൻ സാധിച്ചിരുന്നില്ല. ഇതിനെത്തുടർന്ന് ഇറാനിയൻ തുറമുഖങ്ങളിൽ യുഎസ് ഉപരോധം ഏർപ്പെടുത്തി. ഇത് വഴി സമുദ്രത്തിലൂടെയുള്ള വ്യാപാരം പൂർണ്ണമായും നിലച്ചതായി സൈന്യം അറിയിച്ചു. അതേസമയം, ഹോർമുസ് കടലിടുക്ക് വഴി കപ്പലുകൾ കടന്നുപോകാൻ ഇറാൻ അനുമതി നൽകിയേക്കുമെന്ന വാർത്തകൾ പുറത്തുവന്നത് ആഗോള വിപണിയിൽ നേരിയ ആശ്വാസം നൽകിയിട്ടുണ്ട്. ഇതിനെത്തുടർന്ന് രാജ്യാന്തര വിപണിയിൽ ബ്രെന്റ് ക്രൂഡ് ഓയിൽ വിലയിൽ നേരിയ കുറവുണ്ടായി.

Read More: യു.എസിന് ഇറാന്റെ 'നോ'; 21 മണിക്കൂര്‍ ചര്‍ച്ച വഴിമുട്ടിയത് യുറേനിയം സമ്പുഷ്ടീകരണത്തില്‍

പ്രകൃതിയുടെ പച്ചപ്പും തണുത്ത കാറ്റും തേടി യാത്ര പോകാൻ ആഗ്രഹിക്കാത്തവർ ചുരുക്കമാണ്. തിരക്കേറിയ നഗരജീവിതത്തിൽ നിന്നും മടുക്കുമ്പോൾ മനസ്സിനും ശരീരത്തിനും കുളിർമയേകാൻ ഹിൽ സ്റ്റേഷനുകളേക്കാൾ മികച്ച ഒരിടമില്ല. ദക്ഷിണേന്ത്യയിലെ പ്രശസ്തമായ വിനോദസഞ്ചാര കേന്ദ്രങ്ങളായ ഊട്ടിയും മൂന്നാറും കൊടൈക്കനാലുമെല്ലാം സഞ്ചാരികളാൽ എപ്പോഴും തിരക്കേറിയവയാണ്. എന്നാൽ, അധികമാരും കടന്നുചെല്ലാത്ത, പ്രകൃതിഭംഗി തുളുമ്പുന്ന നിരവധി സുന്ദരമായ ഇടങ്ങൾ തൊട്ടടുത്ത് തന്നെയുണ്ട്. 

Also Read: കണ്ണെത്താദൂരത്തോളം പച്ചപ്പും മലനിരകളും; കുറ്റാലത്തിനുമപ്പുറം തെങ്കാശിയിൽ ഒളിഞ്ഞിരിക്കുന്ന പ്രകൃതി വിസ്മയങ്ങൾ ഇവയാണ്

ഊട്ടിയിലെയും മറ്റും അമിതമായ വികസനം മൂലം വർധിച്ചുവരുന്ന ചൂടിൽ നിന്നും വ്യത്യസ്തമായി, ഈ സ്ഥലങ്ങൾ വർഷം മുഴുവനും മനോഹരമായ കാലാവസ്ഥ വാഗ്ദാനം ചെയ്യുന്നു. പ്രകൃതിയുമായി അല്പനേരം സംവദിക്കാനും മനംകുളിർക്കുന്ന കാഴ്ചകൾ ആസ്വദിക്കാനും താല്പര്യമുള്ളവർ തീർച്ചയായും സന്ദർശിച്ചിരിക്കേണ്ട ചില ഹിൽ സ്റ്റേഷനുകളുണ്ട്.

 പ്രശസ്തമായ ഊട്ടിക്കും മൂന്നാറിനും അപ്പുറം, ദക്ഷിണേന്ത്യയിൽ ഒട്ടനവധി നിഗൂഢമായ ഹിൽ സ്റ്റേഷനുകൾ ഒളിഞ്ഞു കിടപ്പുണ്ട്. വിനോദസഞ്ചാരികളുടെ തിരക്കില്ലാതെ, മഞ്ഞ് പുതച്ച ഭൂപ്രകൃതിയും പച്ചപ്പും ആഗ്രഹിക്കുന്നവർക്ക് സന്ദർശിക്കാവുന്ന മികച്ച ഇടങ്ങളാണ് ഈ വിനോദസഞ്ചാര കേന്ദ്രങ്ങൾ.

അഗുംബെ 

ദക്ഷിണേന്ത്യയിലെ ചിറാപുഞ്ചി എന്നറിയപ്പെടുന്ന അഗുംബെ, അവിടുത്തെ മഴക്കാടുകൾക്കും സൂര്യാസ്തമയ കാഴ്ചകൾക്കും ജൈവവൈവിധ്യത്തിനും പേരുകേട്ടതാണ്.

Also Read: പാസ്‌പോർട്ടും വിസയും വേണ്ട; സ്വിറ്റ്‌സർലൻഡിനെ അനുസ്മരിപ്പിക്കുന്ന ഈ ഹിഡൻ സ്പോട്ടുകൾ കേരളത്തിലാണ്

View this post on Instagram

A post shared by AJITH Bhat | Visual Story Teller | Photographer (@ajith_halemane)

അരക്കു വാലി 

കാപ്പിത്തോട്ടങ്ങൾക്കും ഗോത്ര സംസ്കാരത്തിനും പേരുകേട്ട മനോഹരമായ ഒരു താഴ്‌വരയാണിത്. ഇവിടേക്കുള്ള ട്രെയിൻ യാത്ര അതിമനോഹരമായ കാഴ്ചകൾ സമ്മാനിക്കുന്നു.

കൊല്ലി ഹിൽസ്

70 ഹെയർപിൻ വളവുകൾക്കും വെള്ളച്ചാട്ടങ്ങൾക്കും പേരുകേട്ട കൊല്ലി ഹിൽസ് പ്രകൃതിഭംഗി തുളുമ്പുന്ന ഒരു നിഗൂഢ കേന്ദ്രമാണ്.

കോട്ടഗിരി 

ചായത്തോട്ടങ്ങളും ട്രെക്കിംഗ് പാതകളും ശാന്തമായ അന്തരീക്ഷവും വാഗ്ദാനം ചെയ്യുന്ന കോട്ടഗിരി ഊട്ടിക്ക് പകരമായി തിരഞ്ഞെടുക്കാവുന്ന മികച്ച ഒരിടമാണ്.

Also Read: അഞ്ചുരുളിയും പാൽക്കുളമേടും മാത്രമല്ല; സാഹസികതയും പ്രകൃതിഭംഗിയും ഒത്തുചേരുന്ന ഈ ഇടങ്ങളും ഇടുക്കിയിലാണ്

പൊന്മുടി 

വളഞ്ഞുപുളഞ്ഞ റോഡുകളും കോടമഞ്ഞ് നിറഞ്ഞ കുന്നുകളും പച്ചപ്പും നിറഞ്ഞ പൊന്മുടി, തിരക്കുകളിൽ നിന്നൊഴിഞ്ഞ് ശാന്തമായി സമയം ചിലവഴിക്കാൻ ആഗ്രഹിക്കുന്നവർക്ക് അനുയോജ്യമാണ്.

യേർക്കാട് 

പലപ്പോഴും ഊട്ടിയുടെ നിഴലിൽ ഒതുങ്ങിപ്പോകാറുള്ള യേർക്കാട്, കാപ്പിത്തോട്ടങ്ങളും മനോഹരമായ വ്യൂ പോയിന്റുകളും ശാന്തമായ അന്തരീക്ഷവുമുള്ള മനോഹരമായ ഹിൽ സ്റ്റേഷനാണ്.

Read More: കുടക് തേടി പോകേണ്ട; അതേ മഞ്ഞും കുളിരും പച്ചപ്പും നൽകുന്ന ടൂറിസ്റ്റ് സ്പോട്ടുകൾ കേരളത്തിലുമുണ്ട്

തിരഞ്ഞെടുപ്പ് പ്രചാരണത്തിനിടെ ആരാധകരെ അമ്പരപ്പിച്ച് തമിഴക വെട്രി കഴകം (ടിവികെ) അധ്യക്ഷനും നടനുമായ വിജയ്. പ്രചാരണ ജാഥയ്ക്കിടയിൽ ആരാധകൻ നൽകിയ ഹൃദയസ്പർശിയായ ചിത്രം ഏറ്റുവാങ്ങുന്ന വിജയ്‌യുടെ വീഡിയോ സോഷ്യൽ മീഡിയയിൽ ശ്രദ്ധനേടുകയാണ്.

മണ്മറഞ്ഞ തമിഴ് സിനിമാ താരവും രാഷ്ട്രീയ നേതാവുമായ വിജയകാന്ത്, വിജയിയുടെയും അദ്ദേഹത്തിന്റെ ഭാര്യ സംഗീതയുടെയും കൈകൾ ചേർത്തുപിടിച്ചിരിക്കുന്ന രീതിയിൽ എഡിറ്റ് ചെയ്ത ഫോട്ടോയാണ് ആരാധകൻ സമ്മാനമായി നൽകിയത്. ചങ്ങൽപേട്ട് കോടതിയിൽ വിവാഹമോചന ഹർജി നിലനിൽക്കുന്ന സാഹചര്യത്തിൽ, സംഗീതയുടെ ചിത്രം വിജയ് സ്വീകരിച്ചത് സോഷ്യൽ മീഡിയയിൽ ആരാധകരുടെ ഹൃദയം കീഴടക്കി.

Anna ❤😭 pic.twitter.com/vDKWN3pAS1

— Prasanna OG Vote For TVK (@OGprasanna) April 14, 2026

പ്രചാരണ വാഹനത്തിന് മുകളിൽ നിൽക്കുകയായിരുന്ന വിജയിയെ കാണാൻ ഫ്രെയിം ചെയ്ത ചിത്രവുമായി ഒരു യുവാവ് എത്തുകയായിരുന്നു. ഡ്രോൺ ക്യാമറയ്ക്ക് മുന്നിൽ ഉയർത്തിക്കാണിച്ച ചിത്രം വിജയിയുടെ ശ്രദ്ധയിൽപ്പെട്ടു. ഉടൻ തന്നെ സെക്യൂരിറ്റി ഉദ്യോഗസ്ഥരോട് അത് വാങ്ങിത്തരാൻ വിജയ് ആവശ്യപ്പെടുകയായിരുന്നു. ചിത്രം കയ്യിലെടുത്ത വിജയ് അത് സസൂക്ഷ്മം നോക്കി നിൽക്കുന്നതും തുടർന്ന് ജനക്കൂട്ടത്തിനുനേരെ ഉയർത്തിക്കാട്ടുന്നതും വീഡിയോയിൽ കാണാം.

Also Read: വിജയ്‌യുടെ 'ജനനായകൻ' പ്രാദേശിക ചാനലിൽ; കേബിൾ ഓപ്പറേറ്റർ അറസ്റ്റിൽ

നിലവിൽ സെൻസർ ബോർഡ് സർട്ടിഫിക്കറ്റ് വൈകിയതിനെത്തുടർന്ന് റിലീസ് നീണ്ടുപോയ 'ജനനായകൻ' എന്ന ചിത്രത്തിനായുള്ള കാത്തിരിപ്പിലാണ് വിജയ് ആരാധകർ. ബിഗ് ബജറ്റിലൊരുങ്ങിയ ചിത്രത്തിന്റെ പ്രിന്റ് ചോർന്നതിൽ സിനിമ ലോകത്തുനിന്ന് അടക്കം വലിയ പ്രതിഷേധം ഉയർന്നിരുന്നു. ഇതിനിടയിലാണ് രാഷ്ട്രീയ ഗോദയിൽ വിജയിയുടെ ഓരോ നീക്കവും വാർത്തകളിൽ നിറയുന്നത്.

Read More: ജനനായകൻ ഓൺലൈനിൽ ചോർന്ന കേസിൽ 6 പേർ അറസ്റ്റിൽ

Aap Kaise Ho Movie OTT Release Date & Platform: ധ്യാൻ ശ്രീനിവാസനെ നായകനാക്കി നവാഗതനായ വിനയ് ജോസ് സംവിധാനം ചെയ്ത ആപ് കൈസേ ഹോ ഒടിടി റിലീസിന് ഒരുങ്ങുന്നു. 2025 ഫെബ്രുവരി 28ന് തിയേറ്ററുകളിലെത്തിയ ചിത്രം ഒരു വർഷത്തിനിപ്പുറമാണ് ഒടിടിയിലേക്ക് എത്തുന്നത്.

അജൂസ് എബൗ വേൾഡ് എൻ്റെർടൈനിൻ്റെ ബാനറിൽ മാനുവൽ ക്രൂസ് ഡാർവിൻ അംജത്ത് എന്നിവരാണ് ചിത്രം നിർമിച്ചത്. 'ലൗ ആക്ഷൻ ഡ്രാമ' എന്ന ചിത്രത്തിന് ശേഷം ധ്യാൻ ശ്രീനിവാസൻ തിരക്കഥ രചിച്ച ചിത്രമാണിത്.

Also Read: കാക്കി സർക്കസ് ഒടിടിയിലെത്തി, എവിടെ കാണാം?

Also Read: ഹാൽ ഒടിടിയിലെത്തി; എവിടെ കാണാം?

ഒരു സംഘം ചെറുപ്പക്കാരുടെ സൗഹൃദത്തിൻ്റെ നർമ്മമൂഹൂർത്തങ്ങളിലൂടെയാണ് കഥ അവതരിപ്പിക്കുന്നത്. ഒരു വിവാഹത്തലേന്ന് നടക്കുന്ന ആഘോഷവും അതിനിടയിൽ അരങ്ങേറുന്ന സംഭവങ്ങളുമാണ് ഈ ചിത്രം പറയുന്നത്. 

ധ്യാൻ ശ്രീനിവാസൻ, അജു വർഗീസ്, സൈജുക്കുറുപ്പ്, ദിവ്യദർശൻ, തൻവി റാം, സുരഭി സന്തേഷ്, ധർമ്മജൻ ബോൾഗാട്ടി, രമേഷ് പിഷാരടി, സുധീഷ്, ഇടവേള ബാബു, ജീവ എന്നിവരാണ് ചിത്രത്തിലെ പ്രധാന അഭിനേതാക്കൾ. ഇവർക്കൊപ്പം ശ്രീനിവാസനും പ്രധാന വേഷത്തിലെത്തി. 

Also Read: സംഭവം ഒടിടിയിൽ; ചിത്രം എവിടെ കാണാം?

സ്വാതി ദാസിൻ്റെ ഗാനങ്ങൾക്ക് ഡോൺ വിൻസൻ്റ് സംഗീതവും പശ്ചാത്തല സംഗീതവും പകരുന്നു. അഖിൽ ജോർജ് ഛായാഗ്രഹണവും ഒരെതിൻ രാധാകൃഷ്ണൻ എഡിറ്റിംഗും നിർവ്വഹിച്ചു.

View this post on Instagram

A post shared by manoramaMAX (@manoramamax)

മനോരമ മാക്സ് ആണ് ചിത്രത്തിന്റെ സ്ട്രീമിംഗ് അവകാശം സ്വന്തമാക്കിയത്. ചിത്രം ഏപ്രിൽ 15 മുതൽ മനോരമ മാക്സിൽ സ്ട്രീമിംഗ് ആരംഭിച്ചു.

Read More: ധ്യാൻ ശ്രീനിവാസന്റെ ആപ് കൈസേ ഹോ ഒടിടിയിലേക്ക്, എവിടെ കാണാം?

ഒരു പുതിയ തുടക്കത്തിന്റെ സന്തോഷത്തിലാണ് ഈ വിഷുക്കാലത്ത് പാർവതി. മലയാള സിനിമയിലെ കരുത്തുറ്റ സാന്നിധ്യമായ പാർവതി തിരുവോത്ത് ഇത്തവണത്തെ വിഷു ആഘോഷിച്ചത് തന്റെ പുതിയ തട്ടകമായ മുംബൈയിലാണ്. കഴിഞ്ഞ ഡിസംബറിലാണ് താരം മുംബൈയിലേക്ക് താമസം മാറിയത്. ബാന്ദ്രയിലെ തന്റെ ഫ്ലാറ്റിൽ വെച്ച് ബോംബെ ടൈംസിന് നൽകിയ അഭിമുഖത്തിൽ നടി തന്റെ പുതിയ ജീവിതരീതികളെക്കുറിച്ചും കരിയറിനെക്കുറിച്ചും മനസ്സ് തുറന്നു.

Also Read: പ്രചാരണത്തിനിടെ സംഗീതയ്ക്കും വിജയകാന്തിനുമൊപ്പമുള്ള ചിത്രം സമ്മാനിച്ച് ആരാധകൻ; സന്തോഷത്തോടെ ഏറ്റുവാങ്ങി വിജയ്

കേരളത്തനിമ ഒട്ടും ചോർന്നു പോകാതെയുള്ള വിഭവ സമൃദ്ധമായ സദ്യ പുതിയ വീട്ടിൽ ഒരുക്കിയാണ് പാർവ്വതി വിഷു വരവേറ്റത്. "എനിക്ക് കേരളാ റൈസ് വളരെ ഇഷ്ടമാണ്. അത് എന്റെ മനസ്സിന് സന്തോഷം നൽകുന്നു," പാർവതി ബോംബെ ടൈസിനോട് പറഞ്ഞു. നാട്ടിൽ അച്ഛനും അമ്മയും ചേർന്ന് അടുക്കളയിൽ വിഭവങ്ങൾ തയ്യാറാക്കുന്നത് കണ്ടാണ് താൻ വളർന്നതെന്നും, ഒറ്റയ്ക്ക് എല്ലാം ചെയ്യുമ്പോൾ ചെറിയൊരു ഏകാന്തത അനുഭവപ്പെടുമെങ്കിലും ഇത് തന്റെ വ്യക്തിത്വത്തിന്റെ പുതിയൊരു ഘട്ടമാണെന്നും താരം കൂട്ടിച്ചേർത്തു.

View this post on Instagram

A post shared by Bombay Times (@bombaytimes)

Also Read: 'ചെകുത്താന്റെ പ്ലാൻ തെറ്റിക്കുന്നതാ ദൈവത്തിനിഷ്ടം'; തിയേറ്ററുകൾ പൂരപ്പറമ്പാക്കാൻ കാട്ടാളൻ; ട്രെയിലർ

"മാതാപിതാക്കളുടെ കൂടെയല്ലാതെ ഒരു 'അഡൽറ്റ്' ആയി ജീവിക്കാൻ പഠിക്കുകയാണ് ഞാൻ," എന്ന് പാർവ്വതി അഭിമുഖത്തിൽ പറയുന്നു. 

View this post on Instagram

A post shared by Parvathy Thiruvothu (@par_vathy)

സിനിമയിൽ രണ്ട് പതിറ്റാണ്ട് പൂർത്തിയാക്കുന്ന പാർവതി, താൻ ഇപ്പോഴും ഒരു പുതിയ പഠിതാവാണെന്ന് വിശ്വസിക്കുന്നു. 17-ാം വയസ്സിൽ തുടങ്ങിയ യാത്രയിൽ പക്വതയും ധീരതയും കൈവന്നു. മുംബൈയിലെ ജീവിതവുമായി പൊരുത്തപ്പെടാൻ ശ്രമിക്കുന്ന താരം, ഇപ്പോൾ ഹിന്ദി സിനിമകളിലും സജീവമാകാൻ ഒരുങ്ങുകയാണ്. മറ്റുള്ളവരുടെ താളത്തിനൊത്ത് തുള്ളാതെ, സ്വന്തമായൊരു താളം കണ്ടെത്താനാണ് താൻ ശ്രമിക്കുന്നതെന്ന് പാർവതി പറയുന്നു.

Also Read: 'വിഷമം തോന്നിയിരുന്നു, മരിക്കുന്നതിനെ കുറിച്ചുവരെ ചിന്തിച്ചു'; ബിജുക്കുട്ടനെ കാണാൻ നേരിട്ടെത്തി ആ 'വൈറൽ ചേട്ടൻ'

View this post on Instagram

A post shared by Parvathy Thiruvothu (@par_vathy)

2006-ൽ ഔട്ട് ഓഫ് സിലബസ് എന്ന ചിത്രത്തിലൂടെയാണ് പാർവതി സിനിമാ ലോകത്തേക്ക് ചുവടുവെക്കുന്നത്. എന്നാൽ 'നോട്ട്ബുക്ക്' എന്ന ചിത്രത്തിലെ പൂജ എന്ന കഥാപാത്രമാണ് പാർവതിയെ പ്രേക്ഷകർക്കിടയിൽ ശ്രദ്ധേയയാക്കിയത്. പിന്നീട് തമിഴ്, കന്നഡ സിനിമകളിലും താരം തന്റെ സാന്നിധ്യമറിയിച്ചു. 2017-ൽ ഇർഫാൻ ഖാനൊപ്പം അഭിനയിച്ച 'ഖരിബ് ഖരിബ് സിംഗിൾ' എന്ന റൊമാന്റിക് കോമഡി ചിത്രത്തിലൂടെയാണ് പാർവതി തിരുവോത്ത് ബോളിവുഡിൽ അരങ്ങേറ്റം കുറിച്ചത്

Read More: ആശകൾ ആയിരം ഒടിടിയിലേക്ക്, എവിടെ, എപ്പോൾ കാണാം?

സൽമാൻ ഖാന്റെ ബോഡിഗാർഡ് ഷേര ഉൾപ്പെടെയുള്ള സെലിബ്രിറ്റി ബോഡിഗാർഡുകൾ കോടികൾ സമ്പാദിക്കുന്നു എന്ന തരത്തിൽ പ്രചരിക്കുന്ന വാർത്തകൾ തെറ്റാണെന്ന് ഷാരൂഖ് ഖാന്റെ മുൻ ബോഡിഗാർഡ് യാസീൻ ഖാൻ വെളിപ്പെടുത്തുന്നു. യഥാർത്ഥ ശമ്പള ഘടനയെക്കുറിച്ചും, ഈ മേഖലയിൽ ന്യായമായ വേതനം ഉറപ്പാക്കാൻ താൻ നടത്തിയ മാറ്റങ്ങളെക്കുറിച്ചും അദ്ദേഹം സംസാരിക്കുന്നു.

ഷാരൂഖ് ഖാന്റെ മുൻ ബോഡിഗാർഡ് യാസീൻ ഖാൻ, സെലിബ്രിറ്റി ബോഡിഗാർഡുകളുടെ വാർഷിക വരുമാനത്തെക്കുറിച്ചുള്ള പ്രചരണങ്ങൾ തെറ്റാണെന്ന് ചൂണ്ടിക്കാട്ടി രംഗത്തെത്തിയിരിക്കുകയാണ്. ഈ രംഗത്തെ ശമ്പള രീതി എങ്ങനെയാണെന്നും മുമ്പ് ഉണ്ടായിരുന്ന വേതന രീതികളിൽ താൻ എങ്ങനെയെല്ലാം മാറ്റം വരുത്തിയെന്നും അദ്ദേഹം വിശദീകരിച്ചു.

ഹിന്ദി റഷിന് നൽകിയ അഭിമുഖത്തിൽ, ബോഡിഗാർഡുകൾ വർഷത്തിൽ 2 മുതൽ 2.5 കോടി രൂപ വരെ സമ്പാദിക്കുന്നു എന്ന അവകാശവാദങ്ങൾ യാസീൻ തള്ളിക്കളഞ്ഞു. ഈ കണക്കുകൾ പെരുപ്പിച്ചു കാട്ടിയതാണെന്ന് യാസീൻ പറഞ്ഞു.

"സോഷ്യൽ മീഡിയ തെറ്റായ സന്ദേശമാണ് പ്രചരിപ്പിക്കുന്നത് എന്ന് എനിക്ക് തോന്നുന്നു. ആളുകൾ 2-2.5 കോടി രൂപയൊന്നും സമ്പാദിക്കുന്നില്ല. ഒരാൾ ഒരു വലിയ താരത്തിന്റെ ബോഡിഗാർഡ് ആണെങ്കിൽ അവർക്ക് ഒരു നിശ്ചിത ശമ്പളം ഉണ്ടായിരിക്കും. അതുകൂടാതെ, ഒരു സിനിമ ചിത്രീകരിക്കുമ്പോൾ നിർമ്മാതാവുമായി പ്രത്യേക കരാർ ഉണ്ടാക്കും. നിർമ്മാതാവിനെ സംബന്ധിച്ചിടത്തോളം, ആ സിനിമയ്ക്കായി അവർക്ക് ഒരു നിശ്ചിത തുക നൽകും." എന്ന് യാസീൻ പറയുന്നു.  മുമ്പ് ബോഡിഗാർഡുകൾക്ക് നിർമ്മാതാക്കൾ പണം നൽകിയിരുന്നില്ല എന്നും യാസീൻ വെളിപ്പെടുത്തി.

Also Read: ചിരഞ്ജീവി കുടുംബത്തിന്റെ മൊത്തം ആസ്തിയെടുത്താലും ഉപാസനയുടെ തട്ട് താണിരിക്കും: 77,000 കോടി സാമ്രാജ്യത്തിന്റെ അവകാശിയാണ് ഈ താരപത്നി

"എന്റെ ഓർമ്മ ശരിയാണെങ്കിൽ, നേരത്തെ സിനിമാ വ്യവസായത്തിൽ ബോഡിഗാർഡുകൾക്ക് പ്രത്യേക പണം നൽകിയിരുന്നില്ല. ഡ്രൈവർ, മേക്കപ്പ് മാൻ, സ്പോട്ട് ബോയ് എന്നിവർക്ക് മാത്രമേ നിർമ്മാതാവ് പണം നൽകൂ എന്നൊരു നിയമമുണ്ടായിരുന്നു. ഞാൻ ഷാരൂഖ് ഭായിയോടൊപ്പം ജോലി ചെയ്യാൻ തുടങ്ങിയപ്പോൾ, നമ്മളും ഇവിടെ ജോലി ചെയ്യുന്നുണ്ടല്ലോ എന്ന് എനിക്ക് തോന്നി. ഒരു സിനിമ നിർമ്മിക്കപ്പെടുമ്പോൾ നമ്മളും നമ്മുടെ കടമ ചെയ്യുന്നുണ്ട്. അന്ന് ഞങ്ങൾക്ക് ശമ്പളം ലഭിച്ചിരുന്നു, പക്ഷേ അത് ജീവിക്കാൻ ആവശ്യമായത് മാത്രമായിരുന്നു." യാസീൻ കൂട്ടിച്ചേർത്തു.

"മറ്റുള്ളവർക്ക് കരാറുകൾ ഉള്ളതുപോലെ ഞങ്ങൾക്കും പ്രതിഫലം നൽകണമെന്ന് ഞാൻ നിർമ്മാതാക്കളോട് ആവശ്യപ്പെട്ടു. അന്ന് അങ്ങനെ ഒരു നിയമം ഉണ്ടായിരുന്നില്ല, പക്ഷേ പരസ്പര ധാരണയുടെയും അടുത്ത ബന്ധത്തിന്റെയും പുറത്ത് അവർ സിനിമകൾക്കും പരസ്യങ്ങൾക്കും തുക നൽകിത്തുടങ്ങി. എനിക്ക് പണം ലഭിക്കാൻ തുടങ്ങിയപ്പോൾ, ഷാരൂഖ് ഭായിയുടെ ബോഡിഗാർഡിന് പണം ലഭിക്കുന്നുണ്ടല്ലോ, അപ്പോൾ നമുക്കും വേണം എന്ന് മറ്റുള്ളവർ പറഞ്ഞു. അവരും നിർമ്മാതാക്കളെ സമീപിച്ചു, ക്രമേണ അതൊരു ട്രെൻഡായി മാറി. ഇപ്പോൾ സെലിബ്രിറ്റികളോടൊപ്പം ജോലി ചെയ്യുന്ന മിക്ക ബോഡിഗാർഡുകൾക്കും ഈ രീതിയിലാണ് പണം ലഭിക്കുന്നത്." എന്ന് യാസീൻ പറഞ്ഞു.

Also Read: ചായയ്ക്ക് 920 രൂപ, ഒരു പ്ലേറ്റ് നൂഡിൽസിന് 950 രൂപ; ശിൽപ്പയുടെ റെസ്റ്റോറന്റിലെ ബില്ലു കണ്ടാൽ തല കറങ്ങും!

ഈ വിഷയം അവതരിപ്പിക്കുന്നതിന് മുമ്പ് ഷാരൂഖ് ഖാന്റെ കുടുംബത്തിന്റെ അനുവാദം തേടിയ കാര്യവും യാസീൻ പറഞ്ഞു. ഷൂട്ടിംഗ് സമയത്ത്  സഹപ്രവർത്തകർക്ക് പണം ലഭിക്കുന്നുണ്ട്, അതിനാൽ എനിക്കും തനിക്കും വേണമെന്ന് യാസീൻ ഗൗരി ഖാനോട് ആവശ്യപ്പെട്ടു. അതിന് ഗൗരിയും അനുവാദം നൽകി.

സെലിബ്രിറ്റി ബോഡിഗാർഡുകൾക്ക് വൻതുക ശമ്പളമായി ലഭിക്കുന്നു എന്ന അവകാശവാദങ്ങളിൽ യാസീൻ സംശയം പ്രകടിപ്പിച്ചു. "വർഷത്തിൽ അത്രയും വലിയ തുക അവർ സമ്പാദിക്കുമെന്ന് ഞാൻ കരുതുന്നില്ല. ഒരു സെലിബ്രിറ്റി വ്യക്തിപരമായ താൽപ്പര്യത്തിൽ കൂടുതൽ പണം നൽകുന്നുണ്ടെങ്കിൽ അത് വേറെ കാര്യം. പക്ഷേ ശമ്പളം അത്ര ഉയർന്നതല്ല. മാസം 8 മുതൽ 10 ലക്ഷം രൂപ വരെ ആരാണ് നൽകുക?" യാസീൻ ഖാൻ പറഞ്ഞു.

ആലിയ ഭട്ട്, വരുൺ ധവാൻ തുടങ്ങിയ താരങ്ങൾക്കൊപ്പം പ്രവർത്തിച്ചിട്ടുള്ള സെക്യൂരിറ്റി കൺസൾട്ടന്റ് യൂസഫ് ഇബ്രാഹിം മുമ്പ് സിദ്ധാർത്ഥ് കണ്ണനോട് സംസാരിക്കവെ ശമ്പളത്തെക്കുറിച്ച് വെളിപ്പെടുത്തിയിരുന്നു.

Also Read: 300ൽ നിന്ന് 4000 കോടിയിലേക്ക്: സിനിമയേക്കാൾ ലാഭകരമായി ഷാരൂഖിന്റെ ഐപിഎൽ സാമ്രാജ്യം

"അവരുടെ ശമ്പളം എത്രയാണെന്നാണ് നിങ്ങൾ കരുതുന്നത്? ഏകദേശം 25,000 രൂപ മുതൽ 1 ലക്ഷം രൂപ വരെയാകാം. ഇത് മാസ ശമ്പളമാണ്, ദിവസക്കൂലിയല്ല. ആരും അമിതമായി പണം നൽകുന്നില്ല. നാളെ ഞാൻ ഒരു ദിവസം 1 ലക്ഷം രൂപ പ്രതിഫലം വാങ്ങി എന്ന് പറഞ്ഞാൽ എനിക്കത് തെളിയിക്കാൻ കഴിയില്ല. ആരും എനിക്ക് അത്രയും തരില്ല. ഈ ജോലി ചെയ്യാൻ ഒരുപാട് പേർ പുറത്ത് കാത്തുനിൽക്കുന്നുണ്ട്." എന്നാണ് യൂസഫ് പറഞ്ഞത്.

സിനിമാ താരങ്ങൾക്കൊപ്പം മാത്രം പ്രവർത്തിക്കുന്ന മറ്റൊരു ബോഡിഗാർഡ് മുമ്പ് വെളിപ്പെടുത്തിയത് പ്രകാരം, ശമ്പളം തീരുമാനിക്കുന്നത് അവർ എത്ര കാലം ആ താരത്തോടൊപ്പം പ്രവർത്തിച്ചു എന്നതിനെയും അവർക്ക് ലഭിക്കുന്ന വാർഷിക വർദ്ധനവിനെയും അടിസ്ഥാനമാക്കിയാണ്. ചികിത്സാ ചിലവുകൾ ഉൾപ്പെടെയുള്ള ആനുകൂല്യങ്ങൾ ലഭിക്കുമെങ്കിലും, ശമ്പളം വിപണി നിരക്ക് അനുസരിച്ചാണെന്നും കോടികളല്ലെന്നും പേര് വെളിപ്പെടുത്താൻ ആഗ്രഹിക്കാത്ത അദ്ദേഹം പറഞ്ഞു.

ഒരു പതിറ്റാണ്ടിലേറെയായി ഷാരൂഖ് ഖാന്റെ പേഴ്സണൽ ബോഡിഗാർഡായി സേവനമനുഷ്ഠിച്ച പരിചയസമ്പന്നനായ സുരക്ഷാ ഉദ്യോഗസ്ഥനാണ് യാസീൻ ഖാൻ. ഷാരൂഖിനൊപ്പമുള്ള ജോലിക്ക് ശേഷം 2015-ൽ അദ്ദേഹം മുംബൈ ആസ്ഥാനമായി YK PROSEC എന്ന സ്വകാര്യ സുരക്ഷാ സ്ഥാപനം ആരംഭിച്ചു. വിഐപി സംരക്ഷണം, ഇവന്റ് സെക്യൂരിറ്റി എന്നിവയിൽ വൈദഗ്ധ്യമുള്ള ഈ സ്ഥാപനം വിരാട് കോലി, സച്ചിൻ ടെണ്ടുൽക്കർ തുടങ്ങിയ പ്രമുഖർക്കും സുരക്ഷാ സേവനങ്ങൾ നൽകുന്നുണ്ട്.

Read More: ദിവസം 5 കോടി വച്ച് 555 വർഷം ചിലവാക്കിയാലും തീരില്ല അംബാനിയുടെ സമ്പത്ത്; വൈറലായി പുതിയ കണക്കുകൾ

തിരുവനന്തപുരം: കേരളത്തിൽ കനത്ത ചൂട് തുടരുമെന്ന് കേന്ദ്ര കാലാവസ്ഥ വകുപ്പ്. ഇന്ന് മുതൽ ഏപ്രിൽ 19 വരെ പാലക്കാട് ജില്ലയിൽ ഉയർന്ന താപനില 40 ഡിഗ്രി സെൽഷ്യസ് വരെയും കൊല്ലം ജില്ലയിൽ ഉയർന്ന താപനില 39 ഡിഗ്രി സെൽഷ്യസ് വരെയും കോട്ടയം  ജില്ലയിൽ ഉയർന്ന താപനില 38 ഡിഗ്രി സെൽഷ്യസ് വരെയും ഉയരുമെന്ന് കാലാവസ്ഥാ വകുപ്പ് മുന്നറിയിപ്പ് നൽകി.

തിരുവനന്തപുരം , പത്തനംതിട്ട, ആലപ്പുഴ, എറണാകുളം, തൃശ്ശൂർ, മലപ്പുറം, കോഴിക്കോട്, കണ്ണൂർ, കാസറഗോഡ് ജില്ലകളിൽ ഉയർന്ന താപനില 37 ഡിഗ്രി സെൽഷ്യസ് വരെയും ഉയരാൻ (സാധാരണയെക്കാൾ 2 മുതൽ 3 ഡിഗ്രി സെൽഷ്യസ് വരെ കൂടുതൽ) സാധ്യതയെന്ന് കാലാവസ്ഥ വകുപ്പ് അറിയിച്ചു. ഉയർന്ന താപനിലയും ഈർപ്പമുള്ള വായുവും കാരണം ഈ ജില്ലകളിൽ, മലയോര മേഖലകളിലൊഴികെ, ഇന്ന് മുതൽ 19 വരെ ചൂടും അസ്വസ്ഥതയുമുള്ള കാലാവസ്ഥയ്ക്കും സാധ്യതയുണ്ട്. 

സംസ്ഥാനത്ത് ഉയർന്ന ചൂട് റിപ്പോർട്ട് ചെയ്യപ്പെടുന്ന സാഹചര്യത്തിൽ പൊതുജനങ്ങൾക്കായി സംസ്ഥാന ദുരന്ത നിവാരണ അതോറിറ്റി ജാഗ്രത നിർദേശം പുറപ്പെടുവിച്ചു. 12 ജില്ലകളിൽ മഞ്ഞ അലർട്ട് നിലവിലുണ്ട്. ഉയർന്ന ചൂട് സൂര്യാഘാതം, സൂര്യാതപം, നിർജലീകരണം തുടങ്ങി നിരവധി ഗുരുതരമായ ആരോഗ്യപ്രശ്നങ്ങൾക്ക് കാരണമാകും. ആയതിനാൽ പൊതുജനങ്ങൾ ജാഗ്രത നിർദേശങ്ങൾ പാലിക്കേണ്ടതാണ്.

പകൽ 11 മുതല്‍ വൈകീട്ട് 3 വരെയുള്ള സമയത്ത് നേരിട്ട് ശരീരത്തിൽ കൂടുതൽ സമയം തുടർച്ചയായി സൂര്യപ്രകാശം ഏൽക്കുന്നത് ഒഴിവാക്കുക. ദാഹമില്ലെങ്കിലും വെള്ളം കുടിക്കുന്നത് തുടരുക. പരമാവധി ശുദ്ധജലം കുടിക്കുക.  നിർജലീകരണമുണ്ടാക്കുന്ന മദ്യം, കാപ്പി, ചായ, കാർബണേറ്റഡ് സോഫ്റ്റ് ഡ്രിങ്കുകൾ തുടങ്ങിയ പാനീയങ്ങള്‍ പകല്‍ സമയത്ത് ഒഴിവാക്കുക.

അയഞ്ഞ, ഇളം നിറത്തിലുള്ള കോട്ടൺ വസ്ത്രങ്ങള്‍ ധരിക്കുക. പുറത്തിറങ്ങുമ്പോൾ പാദരക്ഷകൾ ധരിക്കുക. കുടയോ തൊപ്പിയോ ഉപയോഗിക്കുന്നത് നല്ലതായിരിക്കും. പഴങ്ങളും പച്ചക്കറികളും ധാരാളമായി കഴിക്കുക. ഒആർഎസ് ലായനി, സംഭാരം തുടങ്ങിയവയുടെ ഉപയോഗം പ്രോത്സാഹിപ്പിക്കുക. മാർക്കറ്റുകൾ, കെട്ടിടങ്ങൾ, മാലിന്യശേഖരണ-നിക്ഷേപ കേന്ദ്രങ്ങൾ (ഡംപിങ് യാർഡ്) തുടങ്ങിയ ഇടങ്ങളിൽ തീപിടുത്തങ്ങൾ വർധിക്കാനും വ്യാപിക്കാനുമുള്ള സാധ്യത കൂടുതലാണ്. ഫയർ ഓഡിറ്റ് നടത്തേണ്ടതും കൃത്യമായ സുരക്ഷാ മുൻകരുതൽ സ്വീകരിക്കുകയും ചെയ്യേണ്ടതാണ്. ഇവയോട് ചേർന്ന് താമസിക്കുന്നവരും സ്ഥാപനങ്ങൾ നടത്തുന്നവരും പ്രത്യേകം ജാഗ്രത പാലിക്കുക.

Read More: മണ്‍സൂണ്‍ കുറവും യുദ്ധവും, പണപ്പെരുപ്പം ഉയര്‍ന്നേക്കും; സാമ്പത്തികരംഗത്ത് ആശങ്ക...

IPL 2026: റോയൽ ചലഞ്ചേഴ്സ് ബെംഗളൂരുവിന് എതിരായ മത്സരത്തിൽ ചിന്നസ്വാമി സ്റ്റേഡിയത്തിൽ ഡിജെ ഉപയോഗിച്ച പാട്ടിനും കമന്റ്സിനും എതിരെ ബിസിസിഐക്ക് പരാതി നൽകി ചെന്നൈ സൂപ്പർ കിംഗ്സ്. ഏപ്രിൽ അഞ്ചിന് നടന്ന മത്സരത്തിലാണ് സംഭവം. ട്രെൻഡിങ്ങായ ദോശ, ഇഡ്ലി, സാമ്പാർ, ചട്നി, ചട്നിഎന്ന ട്രാക്കാണ് ചെന്നൈ സൂപ്പർ കിംഗ്സിന്റെ ഇന്നിംഗ്സിന്റെ സമയം ഡിജെ വെച്ചത്. ചെന്നെയുടെ ബാറ്റിംഗ് നിര പ്രയാസപ്പെടുന്ന സമയത്തായിരുന്നു ഇത്. 

ചെന്നൈ സൂപ്പർ കിംഗ്സിൽ നിന്ന് പരാതി ലഭിച്ചതായും സംഭവം ഐപിഎൽ ഭരണസമിതി പരിശോധിക്കും എന്ന് ഐപിഎൽ വൃത്തങ്ങൾ പ്രതികരിച്ചു. സംഭവത്തിൽ ചെന്നൈ സൂപ്പർ കിംഗ്സ് സിഇഒ കാശി വിശ്വനാഥന്റെ വാക്കുകൾ ഇങ്ങനെ, "ഡിജെ ഹോം ടീമിനെ പിന്തുണയ്ക്കുന്നത് സ്വാഭാവികമാണ്. എന്നാൽ ചിന്നസ്വാമി സ്റ്റേഡിയത്തിൽ നടന്നത് മറ്റൊന്നായിരുന്നു. ഞങ്ങളുടെ കളിക്കാർക്കെതിരേയും ചില മോശം കമന്റുകൾ വന്നു. ഇതോടെയാണ് വിഷയം ബിസിസിഐയുടെ ശ്രദ്ധയിലേക്ക് കൊണ്ടുവന്നത്,"

Also Read: സച്ചിന്റെ റെക്കോർഡ് പഴങ്കഥയാകും? 15കാരൻ വൈഭവ് അയർലൻഡ് പര്യടനത്തിനുള്ള ഇന്ത്യൻ ടീമിലേക്ക്

ഗാന അപ്പു തയ്യാറാക്കിയ ഈ ഗാനം ചെന്നൈ സൂപ്പർ കിംഗ്‌സും റോയൽ ചലഞ്ചേഴ്സ് ബംഗളൂരുവും തമ്മിലുള്ള മത്സരസമയത്തും സോഷ്യൽ മീഡിയയിലും പലപ്പോഴും ഉപയോഗിക്കാറുണ്ട്. കഴിഞ്ഞ വർഷം ചെന്നൈയിൽ നടന്ന മത്സരത്തിന് മുന്നോടിയായി വിദർഭ സ്വദേശിയായ ആർസിബി വിക്കറ്റ് കീപ്പർ ജിതേഷ് ശർമ്മ 'ദോശ, ഇഡ്ഡലി, സാമ്പാർ, ചട്ണി, ചട്ണി' എന്ന് പാടുന്ന ഒരു വീഡിയോ ആർസിബി പങ്കുവെച്ചതോടെയാണ് ഇതിന്റെ തുടക്കം. ഇതിന് പിന്നാലെ സിഎസ്‌കെ ആരാധകർ അദ്ദേഹത്തെ വലിയ രീതിയിൽ ട്രോളിയിരുന്നു.

Also Read: ബൂമ്രയേയും പിന്നിലാക്കി സഞ്ജുവിന്റെ തേരോട്ടം; മികച്ച കളിക്കാരനുള്ള ഐസിസി പുരസ്കാരം

ഈ സംഭവത്തിന് ശേഷം എതിർ ടീമിലെ കളിക്കാർക്കോ ആരാധകർക്കോ എതിരെ യാതൊരുവിധ പരാമർശങ്ങളും പാടില്ലെന്ന് സിഎസ്‌കെ മാനേജ്‌മെന്റ് കർശന നിർദ്ദേശം നൽകി. "ആ സംഭവത്തിന് ശേഷം അത്തരത്തിലുള്ള കാര്യങ്ങൾ ആവർത്തിച്ചിട്ടില്ല. എതിർ ടീമിലെ കളിക്കാരെക്കുറിച്ച് യാതൊരു വിധത്തിലുള്ള അഭിപ്രായ പ്രകടനങ്ങളും ഡിജെ  നടത്താൻ പാടില്ല. മാത്രമല്ല, ഞങ്ങളെ വലിയ രീതിയിൽ പ്രോത്സാഹിപ്പിക്കുന്ന മികച്ചൊരു ആരാധകക്കൂട്ടം ഞങ്ങൾക്കുണ്ട്," കാശി വിശ്വനാഥൻ പറഞ്ഞു.

ഈ പാട്ടിന് പുറമെ, ഏപ്രിൽ 5ന് നടന്ന മത്സരത്തിൽ സിഎസ്‌കെ താരങ്ങൾ പുറത്തായപ്പോൾ പബ്ലിക് അഡ്രസ് സിസ്റ്റത്തിലൂടെ ഡിജെ നടത്തിയ ചില പരാമർശങ്ങളിലും മാനേജ്‌മെന്റ് അതൃപ്തി രേഖപ്പെടുത്തിയിട്ടുണ്ട്. ഫോറുകളും സിക്സറുകളും വിക്കറ്റുകളും ആഘോഷിച്ചുകൊണ്ട് ഗാലറിയിൽ നല്ലൊരു അന്തരീക്ഷം സൃഷ്ടിക്കുക എന്നതാണ് ഡിജെയുടെ ജോലിയെന്ന് അവർ വ്യക്തമാക്കുന്നു. "എതിരാളികളെ തരംതാഴ്ത്താനോ അപമാനിക്കാനോ ഉള്ളവരല്ല അവർ," ഒരു സിഎസ്‌കെ ഉദ്യോഗസ്ഥൻ അഭിപ്രായപ്പെട്ടു.

Also Read: 'ഇതാണ് യഥാർഥ പ്രണയം'; കോഹ്‌ലി 49ൽ പുറത്ത്; വിശ്വസിക്കാനാവാതെ നിരാശയിൽ മുഖം പൊത്തി അനുഷ്ക

കഴിഞ്ഞ കുറച്ച് വർഷങ്ങളായി സിഎസ്കെ-ആർസിബി പോരിൽ ആരാധകരുടെ ആവേശം അതിരുവിട്ടിരുന്നു. ചെന്നൈ സൂപ്പർ കിംഗ്സ്-റോയൽ ചലഞ്ചേഴ്സ് ബെംഗളൂരു പോരിൽ ചെന്നൈ സൂപ്പർ കിംഗ്സിനായിരുന്നു മുൻതൂക്കം. എന്നാൽ അടുത്തിടെ ഇത് നേരെ തിരിഞ്ഞു. 2024 മുതൽ ചെന്നൈ സൂപ്പർ കിംഗ്സിന് ആർസിബിക്കെതിരെ ഒരു മത്സരം പോലും ജയിക്കാനായിട്ടില്ല. 

Read More: "നന്ദി, മുംബൈ ഇന്ത്യൻസ്!" ഡ്രസ്സിങ് റൂമിൽ വൈകാരികമായി പ്രതികരിച്ച് രോഹിത് ശർമ

നടന്‍, ഗായകന്‍ എന്നീ നിലകളിലെല്ലാം തിളങ്ങുന്ന ബഹുമുഖ പ്രതിഭയാണ് മനോജ് കെ. ജയന്‍. വിഷു ദിനത്തിൽ മനോജ് കെ. ജയൻ സോഷ്യൽ മീഡിയയിൽ പങ്കുവച്ച ചിത്രങ്ങളാണ് ഇപ്പോൾ ശ്രദ്ധനേടുന്നത്. ഗാനഗന്ധർവ്വൻ കെ.ജെ യേശുദാസിനെ നേരിട്ടു കാണാനെത്തിയ ചിത്രങ്ങളാണ് താരം പങ്കുവച്ചത്.

യേശുദാസിനെ അമേരിക്കയിലെ വീട്ടിലെത്തി നേരിട്ടു കാണുകയായിരുന്നു അദ്ദേഹം. ഈ വർഷത്തെ വിഷു ധന്യമായെന്നും ദാസേട്ടനെ കണ്ട് അനുഗ്രഹം വാങ്ങിയെന്നും മനോജ് ഫേസ്ബക്കിൽ കുറിച്ചു. യേശുദാസിനൊപ്പമുള്ള ചിത്രങ്ങളും മനോജ് കെ. ജയൻ പങ്കുവച്ചിട്ടുണ്ട്.

Also Read: മലയാളികൾക്ക് ഹൃദയം നിറഞ്ഞ വിഷു ആശംസയുമായി മമ്മൂട്ടി

"വിഷു ആശംസകൾ. ഈ വർഷത്തെ എൻ്റെ വിഷു ധന്യം. ഗന്ധർവഗായകൻ്റെ… നമ്മുടെ സ്വന്തം ദാസേട്ടൻ്റെ അമേരിക്കയിലെ വസതിയിൽ, മണിക്കൂറുകൾക്ക് മുൻപ് അദ്ദേഹത്തെ പോയി കണ്ട് അനുഗ്രഹം വാങ്ങി. കുറെ നേരം സംസാരിച്ചും പാടിയും ഇരുന്നപ്പോൾ കിട്ടിയ സന്തോഷത്തിന് അതിരുകളില്ല. എൻ്റെ അച്ഛൻ്റെ അനുഗ്രഹമായി ഈ അവസരത്തെ ഞാൻ മനസ്സിലാക്കുന്നു. എന്റെ എല്ലാ പ്രിയമുള്ളവർക്കും ഹൃദയത്തിന്റെ ഭാഷയിൽ വിഷു ആശംസകൾ നേരുന്നു," മനോജ് കെ. ജയൻ കുറിച്ചു.

Also Read: പ്രതീക്ഷയുടെയും സന്തോഷത്തിന്റെയും ഉത്സവം; മലയാളികൾക്ക് വിഷു ആശംസയുമായി പ്രധാനമന്ത്രി

ഏറെക്കാലമായി കുടുംബത്തോടൊപ്പം അമേരിക്കയിലാണ് യേശുദാസ് താമസിക്കുന്നത്. 'കിലുക്കം 25' എന്ന മെഗാഷോയ്ക്കായി  മോഹൻലാൽ അടക്കമുള്ള താരങ്ങൾക്കൊപ്പം മനോജ് കെ. ജയൻ നിലവിൽ അമേരിക്കയിലാണ്. സ്റ്റീഫൻ ദേവസ്സി, ജ്യോത്സ്‌ന രാധാകൃഷ്ണൻ, ഭാമ, നോബി, കുട്ടി അഖിൽ, അപർണ മൾബറി ഉൾപ്പെടെയുള്ളവരും മെഗാഷോയ്ക്കായി എത്തിയിട്ടുണ്ട്.

Read More: ഇന്ന് വിഷു: പ്രത്യാശയുടേയും പ്രതീക്ഷയുടേയും പൊന്‍കണിയൊരുക്കി മലയാളികള്‍

2025 ൽ പുറത്തിറങ്ങിയ 'ലൗയപ്പ'  എന്ന ചിത്രത്തിന് ശേഷം ജുനൈദ് ഖാൻ നായകനായി എത്തുന്ന ‘ഏക് ദിൻ’ റിലീസിനൊരുങ്ങുന്നു. മലയാളം, തമിഴ്, തെലുങ്ക് ചിത്രങ്ങളിലൂടെ പ്രിയങ്കരിയായ സായ് പല്ലവിയുടെ ആദ്യ ഹിന്ദി ചിത്രം കൂടിയാണിത്. സൂപ്പർഹിറ്റ് തായ് ചിത്രം 'വൺ ഡേ'യുടെ ഔദ്യോഗിക ഹിന്ദി റീമേക്കാണ് ‘ഏക് ദിൻ'.

സായ് പല്ലവി  മീര എന്ന കഥാപാത്രത്തെയാണ് ചിത്രത്തിൽ അവതരിപ്പിക്കുന്നത്.  സുനിൽ പാണ്ഡെയാണ് 'ഏക് ദിൻ' സംവിധാനം ചെയ്യുന്നത്. മെയ് ഒന്നിന് ചിത്രം തീയേറ്ററുകളിൽ പ്രദർശനത്തിനെത്തും. സായ് പല്ലവിയുടെ ആദ്യ ഹിന്ദി റിലീസ് ഇതാണെങ്കിലും, ഈ വർഷം അവസാനം പുറത്തിറങ്ങുന്ന നിതേഷ് തിവാരിയുടെ 'രാമായണ'ത്തിലും സായ് പല്ലവി പ്രധാന വേഷത്തിലെത്തുന്നുണ്ട്. 

Also Read: 'വിഷമം തോന്നിയിരുന്നു, മരിക്കുന്നതിനെ കുറിച്ചുവരെ ചിന്തിച്ചു'; ബിജുക്കുട്ടനെ കാണാൻ നേരിട്ടെത്തി ആ 'വൈറൽ ചേട്ടൻ'

രാമായണത്തിൽ സീതയായാണ് സായ് പല്ലവി അഭിനയിക്കുന്നത്. രൺബീർ കപൂർ, യാഷ്, സണ്ണി ഡിയോൾ എന്നിവരും ഈ ചിത്രത്തിലുണ്ട്. അതേസമയം, ജുനൈദ് ഖാന്റെ മൂന്നാമത്തെ ചിത്രമാണിത്. നെറ്റ്ഫ്ലിക്സ് ചിത്രമായ 'മഹാരാജി'ലൂടെയാണ് ജുനൈദ് അരങ്ങേറ്റം കുറിച്ചത്. തുടർന്ന് ഖുഷി കപൂറിനൊപ്പം 'ലൗയപ്പ'യിൽ അഭിനയിച്ചു. 

Read More: പത്താം ക്ലാസ്സിൽ പഠിക്കുമ്പോൾ സിനിമയിലെത്തി, തമിഴകം കീഴടക്കിയ ഈ കാസർകോട്ടുകാരിയെ മനസ്സിലായോ?

Ashakal Aayiram OTT Release Date & Platform: ജയറാം, കാളിദാസ് ജയറാം എന്നിവരെ കേന്ദ്ര കഥാപാത്രങ്ങളാക്കി ജി പ്രജിത് സംവിധാനം ചെയ്ത 'ആശകൾ ആയിരം' ഒടിടിയിലേക്ക്. അരവിന്ദ് രാജേന്ദ്രനും ജൂഡ് ആന്റണി ജോസഫും ചേർന്ന് രചന നിർവഹിച്ച ചിത്രം ഫെബ്രുവരിയിലാണ് തിയേറ്ററുകളിൽ എത്തിയത്. 

23 വർഷങ്ങൾക്ക് ശേഷം ജയറാമും കാളിദാസും ഒരുമിക്കുന്ന ചിത്രത്തിൽ ആശാ ശരത്, ഷറഫുദ്ദീൻ, ഇഷാനി കൃഷ്ണ, ആനന്ദ് മന്മഥൻ, അഖിൽ എൻ.ആർ.ഡി, രമേഷ് പിഷാരടി, ദിലീപ് മേനോൻ, സിൻസ് ഷാൻ, രാജേഷ് അഴിക്കോട്, വൈശാഖ് വിജയൻ, അഭിനന്ദ് അക്കോട്, മുകുന്ദൻ, ആനന്ദ് പദ്മനാഭൻ, രഞ്ജിത് ബാലചന്ദ്രൻ, സുധീർ പരവൂർ, നിഹാരിക, ഭാഗ്യ, കുഞ്ചൻ, ഷാജു ശ്രീധർ, റാഫി, സുരേഷ് കുമാർ തുടങ്ങിയവരും ശ്രദ്ധേയ വേഷങ്ങളിലെത്തുന്നു.

Also Read: വിഷു വീട്ടിലിരുന്ന് കളറാക്കാം; ഒടിടിയിലെത്തിയ ഏറ്റവും പുതിയ ചിത്രങ്ങൾ

ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലൻ, കൃഷ്ണമൂർത്തി എന്നിവരാണ് നിർമാണം. സ്വരൂപ് ഫിലിപ്പ് ഛായാഗ്രഹണവും ഷഫീഖ് പി.വിയും എഡിറ്റിംഗും നിർവ്വഹിച്ചിരിക്കുന്നു. 

Also Read: Sambavam OTT: സംഭവം ഒടിടിയിൽ; ചിത്രം എവിടെ കാണാം?

Ashakal Aayiram OTT: ആശകൾ ആയിരം ഒടിടി

View this post on Instagram

A post shared by ZEE5 Malayalam (@zee5malayalam)

സീ 5 (Zee5) ആണ് ചിത്രത്തിന്റെ സ്ട്രീമിംഗ് അവകാശം സ്വന്തമാക്കിയത്. ഏപ്രിൽ 17ന് ചിത്രം സ്ട്രീമിങ് ആരംഭിക്കും.

Read More: അന്ന് ദിലീപ് വിളിച്ചു, കമൽഹാസൻ സമ്മതിച്ചു; എന്നിട്ടും 'ട്വന്റി-20'യിൽ ആ മാജിക് നടക്കാതെ പോയത് എന്തുകൊണ്ട്?

മലയാള സിനിമയെ ലോകം അംഗീകരിക്കുന്നതും പ്രശംസിക്കുന്നതും അസാധാരണമായ സ്വഭാവ നടന്മാരുടെ നീണ്ട നിരയുടെ പേരിലാണ്. വ്യത്യസ്തമായ ജോണറുകളിലൂടെ തന്റെ അപാരമായ കഴിവ് തെളിയിച്ച അത്തരം ഒരു കലാകാരനാണ് ഇന്ദ്രൻസ്. മലയാള സിനിമയുടെ ആവനാഴിയിലെ ഏറ്റവും മൂർച്ചയേറിയ അമ്പുകളിൽ ഒന്നായി അദ്ദേഹം ഇന്ന് മാറിക്കഴിഞ്ഞു.

1956 മാർച്ച് 16-ന് തിരുവനന്തപുരത്ത് സുരേന്ദ്രൻ കൊച്ചുവേലുവായി ജനിച്ച ഇന്ദ്രൻസ്, 1981-ൽ വസ്ത്രാലങ്കാരകനായാണ് ചലച്ചിത്ര രംഗത്തേക്ക് പ്രവേശിച്ചത്. പിന്നീട് ചെറിയ വേഷങ്ങളിലൂടെ നടനായി അരങ്ങേറി. തുടക്കത്തിൽ കൂടുതലായും കോമഡി കഥാപാത്രങ്ങളാണ് അദ്ദേഹം ചെയ്തത്. 

Also Read: ആരാധകർക്ക് സർപ്രൈസായി ലാലേട്ടന്റെ വിഷുക്കൈനീട്ടം; വരുന്നത് 'അതിമനോഹരം'

View this post on Instagram

A post shared by Friday Film House (@fridayfilmhouseofficial)

ഇന്നത്തെ യുവ സംവിധായകർ വൈവിധ്യമാർന്ന വേഷങ്ങൾ നൽകുകി ഓരോ തവണയും ഇന്ദ്രൻസിലെ മികച്ച നടനെ പുറത്തുകൊണ്ടിരിക്കുന്നു. ഒടുവിൽ, 40 വർഷത്തെ സിനിമാ ജീവിതത്തിന് ശേഷം, റോജിൻ തോമസ് സംവിധാനം ചെയ്ത 'ഹോം' (2021) എന്ന ചിത്രത്തിലെ പ്രകടനത്തിന് 69-ാമത് ദേശീയ ചലച്ചിത്ര അവാർഡിൽ ഇന്ദ്രൻസിന് പ്രത്യേക പരാമർശംലഭിച്ചു. കഴിഞ്ഞ കുറച്ചു വർഷങ്ങളായി ഗൗരവമേറിയ വേഷങ്ങളും വില്ലൻ വേഷങ്ങളും കോമഡിയും ഡ്രാമയും ഒരേസമയം കൈകാര്യം ചെയ്തുകൊണ്ട് സമകാലിക മലയാള സിനിമയിലെ ഏറ്റവും ബഹുമുഖ പ്രതിഭയുള്ള നടനായി ഇന്ദ്രൻസ് ഉയർന്നു.

"എന്റെ സ്കൂൾ വിദ്യാഭ്യാസവും കുട്ടിക്കാലവും തിരുവനന്തപുരം കുമാരപുരത്തായിരുന്നു. ഞാൻ പഠനത്തിൽ വളരെ മിടുക്കനായിരുന്നു, എപ്പോഴും ഒന്നാം റാങ്ക് കിട്ടുമായിരുന്നു. അക്കാലത്ത് മിടുക്കരായ കുട്ടികളെ മുൻ ബെഞ്ചുകളിലാണ് ഇരുത്തിയിരുന്നത്; അതുകൊണ്ട് ഞാൻ എപ്പോഴും ഒരു ഫ്രണ്ട് ബെഞ്ച് വിദ്യാർത്ഥിയായിരുന്നു," എന്ന്  ഇന്ദ്രൻസ് പറഞ്ഞതായി റിപ്പോർട്ടർ ലൈവ് ഉദ്ധരിക്കുന്നു. 

"നാലാം ക്ലാസിൽ പഠിക്കുമ്പോഴാണ് യൂണിഫോം ഒരു പ്രശ്നമായത്. ആ വർഷം മുഴുവൻ ഞാൻ സ്കൂളിൽ പോയില്ല. അടുത്ത വർഷം പുസ്തകങ്ങളും യൂണിഫോമും ഒന്നിച്ച് വാങ്ങാനുള്ള പണം വീട്ടിലുണ്ടായിരുന്നില്ല. സ്കൂളിൽ യൂണിഫോം നിർബന്ധമാക്കിയിരുന്നു. അങ്ങനെയാണ് എനിക്ക് പഠനം അവസാനിപ്പിക്കേണ്ടി വന്നത്. വീട്ടിൽ ഏഴ് മക്കളായിരുന്നു, ഞാൻ മൂന്നാമത്തവനായിരുന്നു," എന്ന് ഇന്ദ്രൻസ് പറയുന്നു.

View this post on Instagram

A post shared by INDRANS (@actorindrans)

Also Read: ആശകൾ ആയിരം ഒടിടിയിലേക്ക്, എവിടെ, എപ്പോൾ കാണാം?

സിനിമയിൽ എത്തുന്നതിന് മുമ്പുള്ള ഇന്ദ്രൻസിന്റെ ജീവിതം ദാരിദ്ര്യം നിറഞ്ഞതായിരുന്നു. പഠിക്കാൻ മിടുക്കനായിരുന്നിട്ടും യൂണിഫോമും പുസ്തകങ്ങളും വാങ്ങാൻ കഴിയാത്തതിനാൽ അദ്ദേഹത്തിന് ചെറിയ പ്രായത്തിൽ തന്നെ പഠനം പാതിവഴിയിൽ ഉപേക്ഷിക്കേണ്ടി വന്നു.

ആദ്യ ദേശീയ പുരസ്കാരം നേടിയ ശേഷം 2024-ൽ കേരള സ്റ്റേറ്റ് ലിറ്ററസി മിഷൻ അതോറിറ്റിയുടെ ഏഴാം ക്ലാസ് തുല്യതാ പരീക്ഷ എഴുതിക്കൊണ്ട് ഇന്ദ്രൻസ് തന്റെ ഔപചാരിക വിദ്യാഭ്യാസം പൂർത്തിയാക്കാനുള്ള ആഗ്രഹത്തിന് പിന്നാലെ സഞ്ചരിച്ചു. പത്താം ക്ലാസ് പരീക്ഷ നേരിട്ട് എഴുതാനായിരുന്നു ആദ്യ പദ്ധതിയെങ്കിലും, ഏഴാം ക്ലാസ് തുല്യതാ പരീക്ഷ വിജയിച്ചാൽ മാത്രമേ അതിന് സാധിക്കൂ എന്നതിനാൽ ഇന്ദ്രൻസ് അത് തിരഞ്ഞെടുക്കുകയായിരുന്നു.

View this post on Instagram

A post shared by Ratheesh Pulpally 1983 (@ratheeshpulpally1983)

Also Read: 'വിഷമം തോന്നിയിരുന്നു, മരിക്കുന്നതിനെ കുറിച്ചുവരെ ചിന്തിച്ചു'; ബിജുക്കുട്ടനെ കാണാൻ നേരിട്ടെത്തി ആ 'വൈറൽ ചേട്ടൻ'

മിഥുൻ മാനുവൽ തോമസ് സംവിധാനം ചെയ്ത 'ആട് 3: വൺ ലാസ്റ്റ് റൈഡ് - പാർട്ട് 1', ഈസ്റ്റ് കോസ്റ്റ് വിജയന്റെ 'ഭീഷ്മർ' എന്നീ ചിത്രങ്ങളിലാണ് ഇന്ദ്രൻസ് അവസാനമായി പ്രത്യക്ഷപ്പെട്ടത്. മമ്മൂട്ടിയും മോഹൻലാലും ഒന്നിക്കുന്ന മഹേഷ് നാരായണൻ ചിത്രം 'പേട്രിയറ്റ്' ആണ് ഇന്ദ്രൻസിന്റേതായി പുറത്തിറങ്ങാനിരിക്കുന്ന ശ്രദ്ധേയമായ ചിത്രം.

Read More: ജീവിതം സ്വർഗ്ഗതുല്യമാക്കിയവൻ; ഇസുവിന് ചേർത്തുപിടിച്ച് കുഞ്ചാക്കോ

ന്യൂഡൽഹി: പതിറ്റാണ്ടുകൾ നീണ്ട കാത്തിരിപ്പിന് വിരാമമിട്ടുകൊണ്ട് ലോക്സഭയിലും സംസ്ഥാന നിയമസഭകളിലും സ്ത്രീകൾക്ക് 33 ശതമാനം സംവരണം ഉറപ്പാക്കുന്നതിനുള്ള വനിതാ സംവരണ ഭേദഗതി ബിൽ സഭയിൽ അവതരിപ്പിക്കാൻ അനുമതി. വോട്ടിങ്ങിൽ ബില്ലിനെക്കുറിച്ചുള്ള ചർച്ചയെ അനുകൂലിച്ച് 207 വോട്ടുകളും എതിർത്ത് 126 വോട്ടുകളും ലഭിച്ചു. ആകെ 333 അംഗങ്ങൾ വോട്ട് രേഖപ്പെടുത്തി, ആരും വിട്ടുനിന്നില്ല. പാർലമെന്റിന്റെ പ്രത്യേക സമ്മേളനത്തിൽ മൂന്ന് ദിവസങ്ങളിലായി ബില്ലിന്മേൽ ചർച്ച നടക്കും.

Also Read: യുഎസ്-ഇറാൻ തർക്കം; മൂന്ന് പ്രശ്നങ്ങൾ പരിഹരിച്ചാൽ ചരിത്രപരമായ മാറ്റം

ലോക്‌സഭയിലെയും സംസ്ഥാന നിയമസഭകളിലെയും ആകെ സീറ്റുകളുടെ മൂന്നിലൊന്ന് സ്ത്രീകൾക്കായി നീക്കിവെക്കുന്നതാണ് ഈ ഭരണഘടനാ ഭേദഗതി ബില്ല്. നിലവിൽ ലോക്സഭയിൽ 15 ശതമാനത്തിൽ താഴെ മാത്രമാണ് വനിതാ പ്രാതിനിധ്യം. പുതിയ നിയമം നടപ്പിലാകുന്നതോടെ ഇത് വലിയ തോതിൽ വർധിക്കും.

ബിൽ പാർലമെന്റ് പാസാക്കിയാലും ഉടൻ തന്നെ ഇത് പ്രാബല്യത്തിൽ വരില്ല എന്നതാണ് ശ്രദ്ധേയമായ കാര്യം. വരാനിരിക്കുന്ന സെൻസസിനും അതിന് ശേഷമുള്ള മണ്ഡല പുനർനിർണയത്തിനും ശേഷമേ സംവരണം പ്രായോഗികമാകൂ. മണ്ഡല പുനർനിർണയ നടപടികൾ പൂർത്തിയാകുന്ന മുറയ്ക്ക് 2029-ഓടെ മാത്രമേ ഇത് പൂർണമായി നടപ്പിലാക്കാൻ സാധിക്കൂ എന്ന് കരുതപ്പെടുന്നു.

Also Read: തമിഴ്‌നാട് തിരഞ്ഞെടുപ്പിൽ വിജയ് 'എക്സ് ഫാക്ടറോ'? യുവതി യുവാക്കളെ കയ്യിലെടുത്ത് ദളപതി, മുന്നണികൾക്ക് നെഞ്ചിടിപ്പ്

വനിതാ സംവരണ ബില്ലിനെ തത്വത്തിൽ സ്വാഗതം ചെയ്യുന്നുണ്ടെങ്കിലും, മണ്ഡല പുനർനിർണയവുമായി ബന്ധിപ്പിച്ചതിനെ പ്രതിപക്ഷം വിമർശിക്കുന്നുണ്ട്. ഇത് നിയമം നടപ്പിലാക്കുന്നത് വൈകിപ്പിക്കാനുള്ള തന്ത്രമാണെന്ന് കോൺഗ്രസ് ഉൾപ്പെടെയുള്ള പാർട്ടികൾ ആരോപിച്ചു. കൂടാതെ, സംവരണത്തിനുള്ളിൽ ഒബിസി വിഭാഗത്തിൽപ്പെട്ട സ്ത്രീകൾക്കായി പ്രത്യേക ക്വാട്ട വേണമെന്ന ആവശ്യവും പ്രതിപക്ഷം ശക്തമായി ഉയർത്തുന്നുണ്ട്.

Also Read: യു.എസ്-ഇറാന്‍ വെടിനിര്‍ത്തല്‍ കരാര്‍ നീട്ടാന്‍ ധാരണ

പുതിയ പാർലമെന്റ് മന്ദിരത്തിലെ ആദ്യ ചർച്ചാവിഷയം തന്നെ സ്ത്രീ ശാക്തീകരണമായത് ശുഭസൂചനയാണെന്ന് പ്രധാനമന്ത്രി നരേന്ദ്ര മോദി നേരത്തെ പറഞ്ഞിരുന്നു. വനിതാ സംവരണ ബില്ലിനെക്കുറിച്ച് പ്രധാനമന്ത്രി മോദി ഇന്ന് പാർലമെന്റിൽ സംസാരിക്കുമെന്നാണ് പ്രതീക്ഷിക്കുന്നത്. സമ്മേളനത്തിന് മുന്നോടിയായി തമിഴ്‌നാട് മുഖ്യമന്ത്രി എം.കെ.സ്റ്റാലിൻ നിർദ്ദിഷ്ട മണ്ഡല പുനർനിർണയ ബില്ലിന്റെ പകർപ്പ് കത്തിക്കുകയും ഇതിനെതിരെയുള്ള സംസ്ഥാനവ്യാപകമായ പ്രതിഷേധങ്ങൾക്ക് തുടക്കം കുറിച്ചുകൊണ്ട് കരിങ്കൊടി ഉയർത്തുകയും ചെയ്തിരുന്നു.

Read More:എ്ക്‌സൈസ് അഴിമതി കേസ്: ജഡ്ജിയുടെ മക്കള്‍ക്ക് കേന്ദ്രം ആനുകൂല്യങ്ങള്‍ നല്‍കി; ബെഞ്ച് മാറ്റം ആവശ്യപ്പെട്ട് കെജ്‌രിവാള്‍

കർക്കിടകക്കൂറ് (പുണർതം1/4,പൂയം,ആയില്യം)

സാമ്പത്തിക ഇടപാടുകൾ ശ്രദ്ധയോടുകൂടി കൈകാര്യം ചെയ്യേണ്ടത് അത്യാവശ്യമാണ്. ജോലിസംബന്ധമായ വിദേശയാത്രകൾ, സഹപ്രവർത്തകരിൽ നിന്നും പൂർണമായ സഹകരണം എന്നിവ ഉണ്ടാകും.ആഗ്രഹ സഫലീകരണം, പ്രിയ ജനാനുകൂല്യം, ഔന്നത്യം എന്നിവ ഉണ്ടാകും. ഭവന നവീകരണം, കുടുംബ പുരോഗതി എന്നിവ ഉണ്ടാകും.

മേടം, ഇടവം, മിഥുനം മാസങ്ങളിൽ അന്യദേശ വാസം, കീർത്തി, ബഹുജനസമ്മിതി എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ പരീക്ഷവിജയം, സന്തോഷാനുഭവങ്ങൾ, സ്ഥലംമാറ്റം എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ അനാവശ്യ ചിലവുകൾ, കർമ്മപുരോഗതി, ധനലാഭം എന്നിവ ഉണ്ടാകും. മകരം, കുഭം, മീനം മാസങ്ങളിൽ കാർഷികവിളകളിൽ നിന്നും ലാഭം, പൊതുപ്രവർത്തകർക്ക് അംഗീകാരങ്ങൾ, കാര്യവിജയം, സന്താന സൗഭാഗ്യം എന്നിവ ഉണ്ടാകും.

Also Read: ചൊവ്വ ഉച്ചരാശിയായ മകരത്തിലേക്ക്, ഗുണം ആർക്കൊക്കെ? അശ്വതി മുതൽ രേവതിവരെ

ചിങ്ങക്കൂറ് (മകം, പൂരം, ഉത്രം 1/4)

തൊഴിൽരംഗത്ത്‌ മാറ്റം, വരുമാന വർദ്ധനവ്, മേലധികാരികളുടെ പ്രശംസ എന്നിവ ഉണ്ടാകും. കുടുംബ ജീവിതത്തിൽ ആസ്വസ്ഥതകളും പ്രയാസങ്ങളും അനുഭവപ്പെടും. ആഗ്രഹസഫലീകരണം ഉണ്ടാകും. ധനലാഭം, ഒന്നിലധികം വരുമാന മാർഗ്ഗങ്ങൾ എന്നിവ ഉണ്ടാകും. പരീക്ഷകളിൽ ഉന്നത വിജയം, വ്യാപാര പുരോഗതി എന്നിവ ഉണ്ടാകും. ആരോഗ്യപരമായ വിഷമതകൾ മനഃപ്രയാസങ്ങൾക്കിടയാക്കും. മേടം, ഇടവം, മിഥുനം മാസങ്ങളിൽ അപ്രതീക്ഷിതമായ ചിലവുകൾ, കർമ്മ നിപുണത, മെച്ചപ്പെട്ട ജീവിത സാഹചര്യങ്ങൾ എന്നിവ ഉണ്ടാകും.

കർക്കിടകം, ചിങ്ങം, കന്നി മാസങ്ങളിൽ ബന്ധുജനക്ലേശം, കച്ചവട ലാഭം, പ്രശസ്തി എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ കാർഷികവിളകളിൽ നിന്നും ലാഭം, വിവാഹം, ദേഹാസ്വസ്ഥതകൾ എന്നിവ ഉണ്ടാകും. മകരം, കുഭം, മീനം മാസങ്ങളിൽ സന്താന സൗഭാഗ്യം, വിദ്യാഭ്യാസരംഗത്ത് നേട്ടങ്ങൾ, അന്യദേശ വാസം എന്നിവ ഉണ്ടാകും.

Also Read: മീന മാസത്തെ നക്ഷത്രഫലം, അശ്വതി മുതൽ രേവതിവരെ

കന്നിക്കൂറ് (ഉത്രം3/4, അത്തം, ചിത്ര1/2)

വ്യാപാരികൾക്ക് വർഷാരംഭത്തിൽ കാര്യവിഘ്നങ്ങൾ ഉണ്ടാകും. ജീവിത ചിലവുകൾ വർദ്ധിക്കും. കുടുംബ ജീവിതത്തിൽ നിലനിന്നിരുന്ന തർക്കങ്ങൾ പരിഹരിക്കപ്പെടും.കർമ്മ രംഗത്ത് ഉയർച്ച, ജോലി സംബന്ധമായ ദൂരയാത്രകൾ എന്നിവ ഉണ്ടാകും. വിദ്യാഭ്യാസമേഖലയിൽ സമ്മിശ്രഫലങ്ങൾ ഉണ്ടാകും. ആത്മവിശ്വാസത്തോട് കൂടി പ്രവർത്തിക്കാൻ സാധിക്കും. 

Also Read: എന്താണ് മുന്നാൾ? ആരൊക്കെ ഭയക്കണം?

മേടം, ഇടവം, മിഥുനം മാസങ്ങളിൽ ദേഹാസ്വസ്ഥതകൾ, കുടുംബ ശ്രേയസ്, സാഹസികത,ഭാഗ്യാനുഭവം എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ കാര്യവിജയം,ദൂരയാത്രകൾ, ഭൂമി ലാഭം എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ വിദ്യാഭ്യാസരംഗത്ത് നേട്ടങ്ങൾ, കുടുംബസുഖം, ദേഹാരിഷ്ടുകൾ എന്നിവ ഉണ്ടാകും. മകരം, കുഭം, മീനം മാസങ്ങളിൽ നേതൃപദവികൾ, ദേഹാസ്വസ്ഥതകൾ, കാര്യവിഘ്നങ്ങൾ എന്നിവ ഉണ്ടാകും.

Read More: ഏപ്രിൽ മാസഫലം, അശ്വതി മുതൽ രേവതിവരെ

ശരീരഭാരം കുറയ്ക്കാൻ പട്ടിണി കിടക്കണോ? വേണ്ടെന്നാണ് ചെന്നൈ സ്വദേശിയായ ഇൻഫ്ലുവൻസറും 'ലേബൽ c കൽറ' എന്ന ഫാഷൻ ബ്രാൻഡിന്റെ സ്ഥാപകയുമായ നൂപുർ കൽറ പറയുന്നത്.

82 കിലോയിൽ നിന്ന് 60 കിലോയിലേക്കുള്ള തന്റെ യാത്രയിൽ നൂപുർ പിന്തുടർന്നത് തികച്ചും ലളിതവും എന്നാൽ ശാസ്ത്രീയവുമായ രീതികളാണ്. യാതൊരുവിധ ക്രാഷ് ഡയറ്റിങ്ങും ഇല്ലാതെ 22 കിലോ കുറച്ച തന്റെ മാറ്റത്തിന്റെ രഹസ്യങ്ങൾ ഇൻസ്റ്റഗ്രാമിലൂടെയാണ് നൂപുർ പങ്കുവെച്ചത്.

Also Read: ഓറഞ്ചോ അതോ ഏത്തപ്പഴമോ? രാവിലെ കഴിക്കാൻ ഏതാണ് മികച്ചത്?

1. പട്ടിണി കിടന്നല്ല, ആഹാരം കഴിച്ചാണ് വണ്ണം കുറച്ചത്

ശരീര ഭാരം കുറയ്ക്കാൻ ഭക്ഷണം ഒഴിവാക്കുകയാണ് പലരും ചെയ്യുന്നത്. എന്നാൽ താൻ കൂടുതൽ ഭക്ഷണം കഴിക്കുകയാണ് ചെയ്തതെന്ന് നൂപുർ പറയുന്നു. പക്ഷേ ഒരു കാര്യം ശ്രദ്ധിച്ചു; വലിയ മൂന്ന് നേരം ഭക്ഷണത്തിന് പകരം പോഷകസമൃദ്ധമായ ആറ് ചെറിയ ഭക്ഷണങ്ങളാണ് അവർ ശീലമാക്കിയത്. പട്ടിണി കിടക്കുന്നത് വണ്ണം കുറയ്ക്കാൻ സഹായിക്കില്ലെന്ന് താൻ കഠിനമായ അനുഭവങ്ങളിലൂടെ പഠിച്ചുവെന്നും നൂപുർ വ്യക്തമാക്കുന്നു.

2. പ്രോട്ടീൻ നിർബന്ധം

തന്റെ ഭക്ഷണക്രമത്തിൽ ഏറ്റവും വലിയ മാറ്റം വരുത്തിയത് പ്രോട്ടീന്റെ കാര്യത്തിലാണെന്ന് നൂപുർ പറയുന്നു. പേശികളുടെ ബലത്തിനും വിശപ്പ് നിയന്ത്രിക്കാനും പ്രോട്ടീൻ അടങ്ങിയ ആഹാരങ്ങളും സപ്ലിമെന്റുകളും അവരെ സഹായിച്ചു. എന്നാൽ ഓരോരുത്തരുടെയും ശരീരപ്രകൃതി അനുസരിച്ചുള്ള പ്രോട്ടീൻ അളവ് കണ്ടെത്താൻ ഒരു ന്യൂട്രീഷ്യനിസ്റ്റിന്റെ സഹായം തേടണമെന്നും നൂപുർ ഉപദേശിക്കുന്നു.

Also Read: പ്രമേഹമുള്ളവർ മധുരം പൂർണമായും ഒഴിവാക്കണോ? വല്ലപ്പോഴും അൽപം കഴിക്കുന്നതുകൊണ്ട് കുഴപ്പമുണ്ടോ?

3. ക്രാഷ് ഡയറ്റിങ്ങിനോട് 'നോ'

പെട്ടെന്ന് വണ്ണം കുറയ്ക്കാൻ ലക്ഷ്യമിട്ടുള്ള ക്രാഷ് ഡയറ്റുകൾ ദീർഘകാലം ഗുണം ചെയ്യില്ല. അവ ശരീരത്തിന് ദോഷകരമാണെന്ന് മാത്രമല്ല, ആഹാരത്തോടുള്ള നമ്മുടെ ആരോഗ്യകരമായ സമീപനത്തെ അത് തകർക്കുകയും ചെയ്യും. അതിനാൽ ഇത്തരം കഠിനമായ നിയന്ത്രണങ്ങൾ നൂപുർ പൂർണമായും ഒഴിവാക്കി.

4. വീട്ടിലെ ഭക്ഷണം

പുറത്തുനിന്നുള്ള ഭക്ഷണവും ഓൺലൈൻ ഡെലിവറി ആപ്പുകളും നൂപുർ പരമാവധി ഒഴിവാക്കി. "പുറത്തുനിന്ന് ലഭിക്കുന്ന ആരോഗ്യകരം എന്ന് പറയപ്പെടുന്ന ഭക്ഷണങ്ങളിൽ പോലും ചേർക്കുന്ന ചേരുവകൾ നമുക്ക് നിയന്ത്രിക്കാനാവില്ല. അതുകൊണ്ട് സ്വന്തം അടുക്കളയിൽ പാകം ചെയ്യുന്ന ഭക്ഷണത്തിന് തന്നെ മുൻഗണന നൽകി," നൂപുർ പറയുന്നു.

View this post on Instagram

A post shared by Noopur Kalra (@noopurkalra)

5. വെള്ളം കുടിക്കാൻ മറക്കരുത്

നമുക്ക് പലപ്പോഴും വറുത്ത ഭക്ഷണത്തോടോ മധുരത്തോടോ തോന്നുന്ന ആഗ്രഹം യഥാർത്ഥത്തിൽ ദാഹം മൂലമാകാം. ആവശ്യത്തിന് വെള്ളം കുടിച്ചു തുടങ്ങിയതോടെ അമിതമായ ആഹാരത്തോടുള്ള ആർത്തി കുറഞ്ഞുവെന്നും നൂപുർ പറഞ്ഞു.

Also Read: കൊളസ്ട്രോൾ കുറയ്ക്കാൻ ഈ പഴം ധാരാളം; ദിവസവും കഴിക്കാം

6. ചെറിയ സന്തോഷങ്ങൾ ഒഴിവാക്കിയില്ല

മധുരമോ ഇഷ്ടപ്പെട്ട മറ്റ് വിഭവങ്ങളോ പൂർണമായും നൂപുർ ഉപേക്ഷിച്ചില്ല. ഇടയ്ക്ക് ചെറിയ അളവിൽ, കുറ്റബോധമില്ലാതെ ഇഷ്ടഭക്ഷണം കഴിക്കുന്നത് മാനസികമായ ഉന്മേഷം നൽകുമെന്നും അവർ വ്യക്തമാക്കി.

ഓരോരുത്തരുടെയും ശരീരം വ്യത്യസ്തമാണെന്നും തനിക്ക് ഗുണകരമായത് എല്ലാവർക്കും അതുപോലെ ഫലിക്കണമെന്നില്ലെന്നും നൂപുർ പറയുന്നു. 

DISCLAIMER: മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: വിമാനയാത്രയിൽ ഉറക്കം കിട്ടാൻ മദ്യപിക്കുന്നവരാണോ നിങ്ങൾ? ഡോക്ടറുടെ മുന്നറിയിപ്പ് അവഗണിക്കരുത്

വേനൽച്ചൂട് കഠിനമാകുമ്പോൾ മനസ്സിനും ശരീരത്തിനും കുളിർമയേകാൻ ഒരു തണുത്ത പാനീയം അനിവാര്യമാണ്. ദാഹം മാറ്റാൻ വെള്ളം ധാരാളം കുടിക്കുമെങ്കിലും, ഒരു കപ്പ് കാപ്പി നൽകുന്ന ആവേശം മറ്റൊന്നിനും നൽകാനാവില്ല. സാധാരണയായി കുടിക്കുന്ന ചൂടുള്ള കാപ്പിയിൽ നിന്നും വ്യത്യസ്തമായി, ലോകത്തിന്റെ പല ഭാഗങ്ങളിലും പ്രചാരത്തിലുള്ള വൈവിധ്യമാർന്ന കോൾഡ് കോഫി സ്റ്റൈലുകൾ ശ്രദ്ധേയമാണ്. വെറും പാലോ ഐസ് ക്യൂബുകളോ ചേർത്ത കാപ്പികൾക്ക് അപ്പുറം, ഓരോ പ്രദേശത്തിന്റെയും സംസ്കാരവും രുചിയും ചേർന്ന സവിശേഷമായ പാനീയങ്ങളാണ് ഇവ.

Also Read: ദിവസവും എത്ര ഗ്ലാസ് പാൽ കുടിക്കണം?

കോൾഡ് ബ്രൂ കോഫി (Cold Brew Coffee) 

മൃദുവായതും അമ്ലത്വം കുറഞ്ഞതും, സ്വാഭാവിക മധുരമുള്ളതുമായ ഈ കോഫി കാപ്പിപ്പൊടി മണിക്കൂറുകളോളം തണുത്ത വെള്ളത്തിൽ കുതിർത്ത് വെച്ചാണ് തയ്യാറാക്കുന്നത്. കടുപ്പമുള്ളതും എന്നാൽ അമിതമായി കയ്പ്പില്ലാത്തതുമായ രുചി ഇഷ്ടപ്പെടുന്നവർക്ക് ഇത് അത്യുത്തമമാണ്.

എസ്പ്രസ്സോ ടോണിക് (Espresso Tonic) 

വേറിട്ടതും എന്നാൽ വേണ്ടത്ര ശ്രദ്ധിക്കപ്പെടാത്തതുമായ ഒരു പാനീയമാണിത്. എസ്പ്രസ്സോയും ടോണിക് വാട്ടറും ചെറുനാരങ്ങാനീരും ചേർത്താണ് ഇത് നിർമ്മിക്കുന്നത്. ഇത് നല്ലൊരു ഫ്രഷ്നസ് നൽകുന്നു.

ഗ്രീക്ക് ഫ്രാപ്പെ (Greek Frappé) 

ഗ്രീസിൽ നിന്നുള്ള ഈ പാനീയം ഇൻസ്റ്റന്റ് കാപ്പിപ്പൊടിയും വെള്ളവും പഞ്ചസാരയും ചേർത്ത് നന്നായി പതപ്പിച്ചാണ് ഉണ്ടാക്കുന്നത്. ഇത് കുടിക്കുമ്പോൾ വളരെ ലൈറ്റായും അല്പം കയ്പ്പുള്ളതായും അനുഭവപ്പെടും.

Also Read: മാധവൻ വെളിപ്പെടുത്തിയ ആ രഹസ്യം! ഈ ഒരു പ്രഭാതഭക്ഷണം മതി ശരീരത്തിന് ഊർജ്ജവും തണുപ്പും നൽകാൻ

ഐസ്ഡ് ലാറ്റെ (Iced Latte) 

എസ്പ്രസ്സോയും തണുപ്പിച്ച പാലും ഐസും ചേർന്ന ലളിതമായ മിശ്രിതമാണിത്. ക്രീമി സ്വഭാവമുള്ളതും സന്തുലിതമായ രുചിയുള്ളതുമായ ഈ കാപ്പി എന്നും കുടിക്കാൻ അനുയോജ്യമാണ്.

സാൾട്ട് കോഫി (Salt Coffee) 

വിയറ്റ്നാമിൽ നിന്നുള്ള ഒരു പ്രത്യേക തരം കോഫിയാണിത്. കടുപ്പമേറിയ കോഫിക്ക് മുകളിൽ ഉപ്പ് കലർന്ന ക്രീം പാളി ചേർത്താണ് ഇത് തയ്യാറാക്കുന്നത്. മധുരവും ഉപ്പും ചേർന്ന ഒരു പ്രത്യേക അനുഭവം ഇത് നൽകുന്നു.

Also Read: പട്ടിണി കിടക്കേണ്ട; ശരീരഭാരം നിയന്ത്രിക്കാൻ ഇനി ഈ പുഡ്ഡിംഗ് ശീലമാക്കാം

വിയറ്റ്നാമീസ് ഐസ്ഡ് കോഫി (Vietnamese Iced Coffee) 

കടുപ്പമേറിയ കാപ്പിയും മധുരമുള്ള കണ്ടൻസ്ഡ് മിൽക്കും ചേർത്തുണ്ടാക്കുന്ന ഇതിന് സവിശേഷമായ രുചിയാണുള്ളത്. പാലിന്റെ കൊഴുപ്പും കോഫിയുടെ കടുപ്പവും ഇഷ്ടപ്പെടുന്നവർക്ക് ഇത് മികച്ചൊരു തിരഞ്ഞെടുപ്പായിരിക്കും.

Read More: കറിയിലെ ഉപ്പ് കുറയ്ക്കാൻ ഇതാ ചില അടുക്കള പൊടിക്കൈകൾ

Astrology: ഏപ്രിൽ 14ന് മേടം ഒന്ന് വരുന്നു. വിഷു മേടം 2ന്/ ഏപ്രിൽ 15ന് ആണ്. ആദിത്യൻ മേടം രാശിയിൽ അശ്വതി, ഭരണി, കാർത്തി എന്നീ ഞാറ്റുവേലകളിലൂടെ കടന്നുപോകുന്നു. മേടം നാലിന് വെള്ളിയാഴ്ച കറുത്തവാവും മേടം 18ന് വെള്ളിയാഴ്ച വെളുത്തവാവും വരുന്നു. മേടം 5ന്/ഏപ്രിൽ 18ന് വൈശാഖമാസം ആരംഭിക്കും. അക്ഷയതൃതീയ മേടം 6 ന്/ ഏപ്രിൽ 19 ന് ആകുന്നു. 

ശനി മീനം രാശിയിൽ ഉത്രട്ടാതിയിൽ തുടരുന്നു. വ്യാഴം മിഥുനത്തിൽ പുണർതത്തിലാണ്. രാഹുകേതുക്കൾ യഥാക്രമം കുംഭത്തിലും ചിങ്ങത്തിലും ആയി പിൻഗതി തുടരുന്നു. ചൊവ്വ മീനം രാശിയിലാണ്. മാസാന്ത്യം മേടത്തിൽ പ്രവേശിക്കുന്നു. ബുധൻ മീനത്തിലാണ്. 17ന് മേടത്തിൽ പ്രവേശിക്കും. ശുക്രൻ മേടം 6 വരെ മേടത്തിലും തുടർന്ന് ഇടവത്തിലും സഞ്ചരിക്കുന്നു. മേടം 31 ന് ബുധനും ശുക്രനും രാശിമാറ്റമുണ്ട്. ഈ ഗ്രഹനിലയെ അവലംബിച്ച് അശ്വതി മുതൽ രേവതി വരെയുള്ള നാളുകാരുടെ  മേടമാസഫലം ഇവിടെ അപഗ്രഥിക്കുന്നു.

Also Read: ഏപ്രിൽ മാസഫലം, അശ്വതി മുതൽ രേവതിവരെ

അശ്വതി

ജന്മരാശിയിൽ ആദിത്യൻ സഞ്ചരിക്കുന്നു. തുടക്കത്തിലെ 13 ദിവസങ്ങൾ ജന്മനക്ഷത്രത്തിലുമാണ്.  സമ്മർദ്ദമുണ്ടാവുന്ന സാഹചര്യമുണ്ട്. കാര്യനിർവഹണം അത്ര സുഗമമാവില്ല. തീരുമാനങ്ങളിലെത്താൻ ക്ലേശിച്ചേക്കും. ദേഹത്തിന് ആയാസമുണ്ടാവും. ഏഴരശനി തുടരുകയാൽ യാത്രകൾ ആവശ്യമായി വരും. അവ എല്ലാം തന്നെ പ്രയോജനകരമാണെന്ന് ഉറപ്പിക്കാനും കഴിയില്ല. പാഴ്ച്ചെലവുകൾ നിയന്ത്രിക്കണം. ശുക്രൻ അനുകൂലമാവുകയാൽ നല്ല വെയിലിലും തണൽ ലഭിക്കുന്ന പ്രതീതി പ്രതീക്ഷിക്കാം. പ്രണയികൾ ഭാവിതീരുമാനങ്ങളിലെത്തും.  കലാരംഗം പുഷ്‌ടിപ്പെടുന്നതാണ്. വ്യാഴം മൂന്നിലാകയാൽ കുടുംബത്തിൻ്റെ പിന്തുണയുണ്ടാവും. ഉന്നതരുടെ സഹായം കൈവരുന്നതാണ്. രാഹു രഹസ്യനേട്ടങ്ങൾ സൃഷ്‌ടിക്കും. നിക്ഷേപങ്ങളിൽ വിജയിക്കാനാവും. എതിർപ്പുകളെ മറികടക്കുന്നതാണ്.

ഭരണി

ആദിത്യൻ ജന്മരാശിയിലാണ്. 14 മുതൽ 26 വരെ തീയതികളിൽ ജന്മനക്ഷത്രത്തിലുണ്ട്. ആ സമയത്ത് കൂടുതൽ പിരിമുറുക്കം ഉയർന്നേക്കാം. അധികാരികളുമായി പൊരുത്തപ്പെടാൻ വിഷമിക്കും. ആരോഗ്യകാര്യത്തിൽ അലംഭാവമരുത്. ഏഴരശനി തുടരുന്നതിനാൽ വീടുവിട്ടുനിൽക്കേണ്ട സാഹചര്യം വരാം. ശനി- കുജ യോഗത്താൽ ദുർവ്യയം നിയന്ത്രിക്കാനായേക്കില്ല. ഇഷ്ടമില്ലാത്ത ദൗത്യങ്ങൾ ഏറ്റെടുക്കേണ്ട സ്ഥിതി വന്നേക്കും. ശുക്രൻ്റെ സഞ്ചാരം അനുകൂലമാകയാൽ ഭൗതിക കാര്യങ്ങളിൽ സംതൃപ്തി അനുഭവപ്പെടും. പ്രണയം പുഷ്ടിപ്പെടുന്നതാണ്. വസ്ത്രാഭരണങ്ങൾ വാങ്ങും. പ്രിയപ്പെട്ടവരുമായി ഒത്തുകൂടും. സഹോദരാനുകൂല്യമുണ്ടാവും. നിക്ഷേപങ്ങൾ ആദായമുണ്ടാക്കും. മറുചേരിയുടെ വിമർശനങ്ങളെ പ്രതിരോധിക്കാൻ കഴിഞ്ഞേക്കും.

കാർത്തിക

നക്ഷത്രാധിപനായ ആദിത്യൻ ഉച്ചരാശിയിൽ സഞ്ചരിക്കുന്നത് ആത്മവിശ്വാസത്തിന് കാരണമാകും. അവകാശങ്ങളെക്കുറിച്ച് ശബ്‌ദമുയർത്തും. തൻ്റെ 'ഇടം' വിട്ടുകൊടുക്കില്ല. സ്വാതന്ത്ര്യബോധം എതിർപ്പുകൾക്ക് കാരണമാകാം. ധനപരമായി മെച്ചമുണ്ടാവുന്ന താണ്. എന്നാൽ പുതിയ സംരംഭങ്ങൾ തുടങ്ങുന്നതിന് കാലം അനുകൂലമല്ല. കൂട്ടുകച്ചവടത്തിൽ ഭിന്നപക്ഷങ്ങൾ ഉയരും.  ഉന്നതപഠനം സംബന്ധിച്ച അവ്യക്തതകൾക്ക് പരിഹാരമുണ്ടാവും. ദൂരയാത്രകൾക്ക് അവസരം തെളിയും. അനുരാഗികൾ ഭാവി തീരുമാനങ്ങൾ സ്വീകരിച്ചേക്കും.  വസ്‌തുതർക്കങ്ങൾ/ വ്യവഹാരങ്ങൾ പരിഹരിക്കാനാവില്ല. നിക്ഷേപങ്ങളുടെ രഹസ്യം അറിയാൻ ഒപ്പമുള്ളവർ ശ്രമിച്ചേക്കാം. ദൈവിക കർമ്മങ്ങൾ മുടങ്ങില്ല.

രോഹിണി

ആദിത്യൻ പന്ത്രണ്ടാമെടത്തിൽ സഞ്ചരിക്കുന്നു. സർക്കാരിൽ നിന്നും/ മേലധികാരികളിൽ നിന്നും  പ്രതീക്ഷിക്കുന്ന അനുമതികളോ അംഗീകാരങ്ങളോ വൈകുന്നതാണ്. ദൂരദിക്കിലേക്ക് സ്ഥലംമാറ്റം വരാം. ദൂരയാത്രകൾ ഔദ്യോഗികമായോ വ്യക്തിപരമായോ ഉണ്ടാവും. പതിനൊന്നിൽ ശനിയും ചൊവ്വയും തുടരുകയാൽ എതിർപ്പുകളെ അതിജീവിക്കുന്നതാണ്. ഭൂമിയിൽ നിന്നും ആദായമുണ്ടാവും. സഹോദരരിൽ നിന്നും നേട്ടം/പിന്തുണ പ്രതീക്ഷിക്കാം. വ്യാഴത്തിൻ്റെ ഇഷ്‌ടഭാവത്താൽ ഔചിത്യമുള്ള സംഭാഷണം, പഠനത്തിൽ ഉന്നതി എന്നിവ തുടരും. ആശിച്ച ഇലക്ട്രോണിക് ഉല്പന്നങ്ങൾ വാങ്ങാനാവും. കുടുംബഭദ്രത  പ്രതീക്ഷിക്കാം. ധനവ്യയത്തിൽ കരുതലുണ്ടാവേണ്ടതുണ്ട്.

മകയിരം

ആദിത്യസ്ഥിതി ഇടവക്കൂറുകാർക്ക് അനുകൂലമല്ല. തൊഴിലിടത്തിൽ അംഗീകാരം കിട്ടിയേക്കില്ല. തർക്കിച്ചും അവകാശമുന്നയിച്ചും മാത്രമേ നേട്ടങ്ങൾ നേടാനാവൂ. എന്നാൽ മിഥുനക്കൂറുകാർക്ക് പതിനൊന്നിലെ ആദിത്യസ്ഥിതി ഗുണകരമാണ്. തൊഴിലിടത്തിൽ ഉയർച്ചയുണ്ടാവും. പിതാവിൽ നിന്നും സാമ്പത്തിക ലാഭം കൈവരുന്നതാണ്. എതിർപ്പുകളെ മറികടക്കും. ശനി സ്ഥിതിയാൽ ഇടവക്കൂറുകാർ  പാരമ്പര്യ തൊഴിലുകളിൽ വിജയിക്കും. കണ്ടകശനി മിഥുനക്കൂറുകാർക്ക് സ്വൈരക്കേടിന് കാരണമാകാം. രണ്ടിലെ വ്യാഴസ്ഥിതി ഇടവക്കൂറുകാർക്ക് ധനസ്ഥിതി ഉയരുന്നതിന് കാരണമാകും. കുടുംബത്തിൽ മംഗളകർമ്മങ്ങൾ നടന്നേക്കും. ജന്മവ്യാഴം മിഥുനക്കൂറുകാർക്ക് സമ്മർദ്ദങ്ങൾ സൃഷ്‌ടിക്കുന്നതാണ്.

തിരുവാതിര

പല കാലമായി കാത്തിരിക്കുന്ന സ്വപ്നം സഫലമാവുന്നതാ യിരിക്കും. മത്സരവിജയമുണ്ടാവും. നല്ലതുടക്കങ്ങൾ സാധ്യമാവുന്നതാണ്. ഉദ്യോഗാർത്ഥികൾക്ക് കഴിവിനൊത്ത അവസരം ലഭിക്കും. പ്രൈവറ്റ് സ്ഥാപനത്തിൽ സ്ഥാനക്കയറ്റം/വേതനത്തിൽ ഉയർച്ച എന്നിവ സാധ്യമാണ്.  പിതാവിൻ്റെ സ്വത്തിൽ നിന്നും അനുഭവം വന്നുചേരും. പത്താം ഭാവത്തിലെ ശനി - കുജ യോഗം അവിചാരിതമായ തടസ്സങ്ങൾക്കും കാരണമാകുന്നതാണ്. ജന്മവ്യാഴത്താൽ സ്വൈരക്കേടുകളെക്കൂടി അഭിമുഖീകരിക്കേണ്ടതായി വരും. ബുധശുക്രന്മാർ പഠിപ്പിൽ ഉയർച്ച, ആശയവിനിമയത്തിൽ കൃത്യത, പ്രണയ പുഷ്ടി, പാരിതോഷിക ലബ്ധി എന്നിവയ്ക്ക് ഇടവരുത്തും. തിടുക്കത്തിൽ തീരുമാനങ്ങൾ കൈക്കൊള്ളരുത്. ആരോഗ്യ ജാഗ്രത പുലർത്തണം.

പുണർതം

ജന്മനക്ഷത്രത്തിൽ വ്യാഴം തുടരുന്നതിനാൽ സമ്മിശ്രഫലം ഉണ്ടാവും. നല്ലചിന്ത പുലർത്തും. പതിനൊന്നിൽ ആദിത്യൻ്റെ ഉച്ച സഞ്ചാരം തൊഴിൽപരമായും വ്യക്തിപരമായും അനുകൂലമാണ്. പരിശ്രമങ്ങൾ ഫലവത്താകും. ഉന്നതോദ്യോഗസ്ഥരുടെ പ്രോൽസാഹനം ലഭിക്കും. സംരംഭം തുടങ്ങാൻ സർക്കാരിൽ നിന്നും അനുമതി കിട്ടുന്നതാണ്. മൽസരങ്ങളിൽ വിജയം നേടും. ഭൗതിക നേട്ടങ്ങൾ തുടരപ്പെടുന്നതാണ്.  ഭൂമിയിൽ നിന്നും ലാഭമുണ്ടായേക്കും. ശുക്രൻ, ബുധൻ എന്നീ ഗ്രഹങ്ങൾ പഠനമികവ്, പ്രണയ പുഷ്കലത എന്നിവയുണ്ടാക്കും. യാത്രകൾ കൊണ്ട് നയതന്ത്രം മെച്ചപ്പെടും. ഉപരിപഠനത്തിന് വഴിതെളിയുന്നതാണ്. പത്താം ഭാവത്തിൽ  കണ്ടകശനിയുള്ളതിനാൽ എല്ലാത്തിലും  വീണ്ടുവിചാരം, കർക്കശ നിയന്ത്രണം എന്നിവ പുലർത്തണം.

പൂയം

നക്ഷത്രാധിപനായ ശനിക്ക് കുജബുധയോഗം വരുന്നതിനാൽ സുഹൃത്തുക്കളുടെയും ബന്ധുക്കളുടെയും കാര്യത്തിൽ ശ്രദ്ധ വേണം. ഭാഗ്യാനുഭവങ്ങൾ കപ്പിനും ചുണ്ടിനുമിടയിൽ നഷ്ടപ്പെടാം. ഈശ്വരാരാധന മന്ദിക്കാം. ഉപാസനകൾ തടസ്സപ്പെടുന്നതാണ്.  പത്തിലെ ആദിത്യസ്ഥിതി തൊഴിൽ രംഗത്ത് ഉന്നമനമുണ്ടാക്കും. അധികാരികളിൽ സ്വാധീനമേറുന്നതാണ്. ശുപാർശകൾ ഫലിക്കും. തൊഴിൽ അന്വേഷിക്കുന്നവർക്ക് ശുഭാനുഭവങ്ങൾ വന്നെത്താതിരിക്കില്ല. അഷ്‌ടമരാഹു രഹസ്യങ്ങൾ സൂക്ഷിക്കാനും അതുമൂലം സമ്മർദ്ദം അനുഭവിക്കാനും ഇടയുണ്ടാക്കും. പന്ത്രണ്ടാം ഭാവത്തിലെ ഗുരുസഞ്ചാരം നല്ലകാര്യങ്ങൾക്കായി യാത്ര, വ്യയം എന്നിവ സൃഷ്‌ടിക്കുന്നതാണ്. കുടുംബ സുഖം കുറയില്ല. അനുരാഗികൾക്ക് തടസ്സങ്ങളെ മറികടക്കാനാവും.

ആയില്യം

ആദിത്യൻ പത്തിലും, ശുക്രൻ പത്തിലും പതിനൊന്നിലും ചൊവ്വയും ശനിയും ഒമ്പതിലും സഞ്ചരിക്കുകയാൽ സമ്മിശ്രാനുഭവങ്ങൾ വന്നെത്തും. തൊഴിലിടത്തിലെ പ്രശ്നങ്ങൾ പരിഹരിക്കാനാവും. വരുമാനത്തിലെ ചാഞ്ചല്യം മാറുന്നതാണ്. സഹപ്രവർത്തകരുമായുള്ള ബന്ധം തൃപ്തികരമായിരിക്കും. ഭാഗ്യാനുഭവങ്ങൾ കുറയുന്നതായി തോന്നും. മാതാപിതാക്കൾക്ക് രോഗക്ലേശത്തിന് സാധ്യതയുണ്ട്. അവരുടെ പരിചര്യയ്ക്ക് നേരം കണ്ടെത്തും. ആത്മീയ സാധനകൾ തടസ്സപ്പെടാം. മാസത്തിൻ്റെ രണ്ടാം പകുതിക്കുമേൽ മേൽപഠിപ്പ് സംബന്ധിച്ച കാര്യങ്ങളിലെ അവ്യക്തതകൾ നീങ്ങും. ഭൂമിയിൽ നിന്നും ആദായമുണ്ടാവില്ല. വസ്തുവിൽപ്പന തടസ്സപ്പെടാം. സജ്ജനങ്ങളെ പിണക്കാനിടയുണ്ട്. ദൈവിക സമർപ്പണങ്ങൾക്ക വ്യയം ചെയ്യുന്നതാണ്.

Also Read: സമ്പൂർണ വിഷു ഫലം; അശ്വതി മുതൽ രേവതി വരെ

മകം

മുൻമാസങ്ങളെ അപേക്ഷിച്ച് സ്ഥിതിഗതികൾ കുറശ്ശെ മെച്ചപ്പെടാം. ഔദ്യോഗികമായി സമ്മർദ്ദം കുറയാനിടയുണ്ട്. തൊഴിലിടത്തിൽ സമാധാനം പുലരും. വാക്കുകൾ ശ്രദ്ധിക്കപ്പെടും. നിർദ്ദേശങ്ങൾ  അവഗണിക്കപ്പെടുകയില്ല.  കരാർ പണി നീട്ടിക്കിട്ടാം. സ്വന്തം സ്ഥാപനം പൂർണ്ണമായും വിപുലീകരിക്കാൻ കഴിഞ്ഞില്ലെങ്കിലും ചില നവീകരണങ്ങൾ സാധ്യമാവുന്നതാണ്. മകൻ്റെ/മകളുടെ ഉപരിപഠന കാര്യത്തിൽ വ്യക്തത കൈവരും. സാമ്പത്തിക ബാധ്യതകൾ പരിഹരിക്കാൻ വഴി തെളിയുന്നതാണ്. ജീവിതപങ്കാളിയുടെ ആരോഗ്യപ്രശ്‌നങ്ങളിൽ തുടർ ചികിൽസ വേണ്ടിവന്നേക്കാം. ജന്മനാട്ടിലെ ഭൂമി വിൽക്കാനുള്ള ശ്രമം ഊർജിതമാക്കും. പൊതുപ്രവർത്തനവുമായി ബന്ധപ്പെട്ടവർക്ക് സ്വീകാര്യതയുണ്ടാവും.

പൂരം

മുൻമാസത്തെ അപേക്ഷിച്ച് ചില നേട്ടങ്ങൾ വരാം. അഷ്ടമശനിയും ചൊവ്വയും പലവിധത്തിലുള്ള തടസ്സങ്ങൾക്ക് കാരണമാകുന്നതാണ്. ആവർത്തിത യത്നങ്ങളിലൂടെ മാത്രം നേട്ടങ്ങൾ കൈവരിക്കും. മേലധികാരികൾ ഉദാസീനരാവും. കഴിവിന് അംഗീകാരം കിട്ടണമെന്നില്ല. ഇൻ്റർവ്യൂവിൽ ശോഭിക്കുമെങ്കിലും ജോലിയിൽ പ്രവേശിക്കാനുള്ള ഉത്തരവ് വൈകാം. പതിനൊന്നാം വ്യാഴം ധനവരവ് ഉയർത്തുമെന്നത് ആശ്വാസകരമാണ്. കിട്ടാനുള്ള പണം സമ്മർദ്ദം ചെലുത്താതെ തന്നെ കിട്ടാനിടയുണ്ട്. ദാമ്പത്യത്തിൽ പിണക്കവും ഇണക്കവും ആവർത്തിക്കാം. ഉപരിപഠനത്തിന് വ്യക്തത കൈവരുന്നതാണ്. സഹിഷ്ണുത അനിവാര്യമാണ്. വ്യായാമം, ആരോഗ്യപരിശോധന എന്നിവ മുടക്കരുത്.

ഉത്രം

നക്ഷത്രാധിപനായ ആദിത്യന് ഉച്ചക്ഷേത്ര സ്ഥിതി വരുന്നതിനാൽ ആത്മവിശ്വാസം വർദ്ധിക്കും. എതിർപ്പുകളെ പ്രതിരോധിക്കുവാനും പിണങ്ങി നിൽക്കുന്നവരെ കാര്യം പറഞ്ഞ് ബോധിപ്പിക്കാനും കഴിയും. നിന്നുപോയ പ്രവൃത്തികൾ പുനരാരംഭിക്കും. തദ്ദേശ സ്ഥാപനങ്ങളിൽ നിന്നും ലഭിക്കേണ്ട അനുമതി കിട്ടുന്നതാണ്. വ്യാപാര യാത്രകൾ സഫലമാവും. ശനി- കുജ യോഗം ചിങ്ങം-കന്നി കൂറുകളിൽ ജനിച്ചവർക്ക് മാനസികവും ശാരീരികവുമായ ക്ലേശങ്ങൾക്ക് കാരണമാകുന്നതാണ്. ധനകാര്യം മോശമാവില്ല. ന്യായമായ ആവശ്യങ്ങൾ നിർവഹിക്കാനാവും. കലാസാഹിത്യ മേഖലയിൽ അവസരങ്ങൾ പ്രതീക്ഷിക്കാം. ദൂരദേശത്ത് പഠനം/ തൊഴിൽ തേടുന്നവർക്ക് തത്കാലം അനുകൂലസ്ഥിതി കാണുന്നില്ല.

അത്തം

അഷ്ടമത്തിൽ ആദിത്യൻ സഞ്ചരിക്കുന്നു. എന്നാൽ ആദിത്യൻ പന്ത്രണ്ടാം ഭാവാധിപനാകയാൽ  അഷ്‌ടമ സഞ്ചാരം മൂലം ഗുണമുണ്ടാവും. മുടക്കിയ മുതൽ തിരികെ കിട്ടാം. ഉദ്യോഗത്തിൽ ശോഭിക്കുന്നതാണ്. ദൂരദിക്കിലേക്കുള്ള ജോലിമാറ്റം പ്രാവർത്തികമാവാൻ സാധ്യത കുറവാണ്. ഏഴാമെടത്തിലെ കുജശനി യോഗത്താൽ പാർട്ണർഷിപ്പിൽ പ്രശ്‌നങ്ങൾ ഉയരാം. വാഹനയാത്രയിൽ കരുതൽ വേണ്ടതുണ്ട്. ദാമ്പത്യത്തിൽ അലോസരങ്ങൾ തലപൊക്കാം. ആത്മസംയമനം അനിവാര്യമാണ്. എട്ടിലും ഒന്‍പതിലും ആയി ശുക്രൻ സഞ്ചരിക്കുകയാൽ ഭൗതിക സുഖങ്ങൾ അനുഭവിക്കും. ധനസ്ഥിതി മോശമാവില്ല. രാഹു എതിരാളികളുടെ പ്രവർത്തനങ്ങളെ പ്രതിരോധിക്കും.

ചിത്തിര

കന്നിക്കൂറായാലും തുലാക്കൂറായാലും ആദിത്യസ്ഥിതി അനുകൂലമാണെന്ന് പറയാനാവില്ല. തൊഴിലിൽ വലിയ മാറ്റങ്ങൾക്ക് സാധ്യത കുറവാണ്. തീരുമാനങ്ങളിൽ ചാഞ്ചല്യമുണ്ടാവും. നിലവിലെ പദവി/ ജോലി ഉപേക്ഷിക്കുന്നത് ആശാസ്യമല്ല. ബിസിനസ്സിൽ ലാഭം ശരാശരിയായിരിക്കും. ഏജൻസി/ കമ്മീഷൻ പ്രവർത്തനങ്ങൾ വിപുലീകരിക്കാനുള്ള ലോൺ അപേക്ഷ പരിഗണിക്കപ്പെടാം. വിദ്യാഭ്യാസാർത്ഥം അന്യനാടുകളിലേക്ക് പോവാൻ പദ്ധതി തയ്യാറാക്കും. ഗൃഹനിർമ്മാണം ഇടയ്ക്ക് നിലച്ചാലും വീണ്ടും മുന്നോട്ടു പോകുന്നതാണ്. തുലാക്കൂറുകാർക്ക് ഭൂമിയിൽ നിന്നും ആദായം വന്നെത്താം. കന്നിക്കൂറുകാർക്ക് ദാമ്പത്യത്തിൽ സ്വൈരക്കേടുകൾക്ക് സാധ്യതയുണ്ട്. പതിവായിട്ടുള്ള ആരോഗ്യപരിശോധനകളിൽ അലംഭാവമരുത്.

ചോതി

ഏഴാം ഭാവത്തിൽ സഞ്ചരിക്കുന്ന ആദിത്യൻ വ്യർത്ഥശ്രമങ്ങളുണ്ടാക്കും. പരിശ്രമങ്ങൾ ആവർത്തിക്കുമ്പോൾ തീർത്തും വിജയിക്കാനാവും. സാമ്പത്തികമായി മോശം സ്ഥിതി വരില്ല. ഒമ്പതാം ഭാവത്തിലെ വ്യാഴം ഭാഗ്യാനുഭവങ്ങൾ നൽകുന്നതാണ്. പ്രതീക്ഷിക്കാത്ത  പദവികൾ ലഭിക്കാം. അംഗീകാരങ്ങൾ കൈവരും. ഭൂമി/വീട് ഇവയിൽ നിന്നും ആദായം കൈവരുന്നതാണ്. ഗൃഹനിർമ്മാണത്തിൽ വ്യക്തത വരും. സഹോദരരുമായി തർക്കം ഒത്തുതീർപ്പാവും. ഭൗതികമായ നേട്ടങ്ങൾക്കുപരി ആത്മീയമായ ഉണർവ്വുണ്ടാവും. കുടുംബത്തിൻ്റെ പിന്തുണ കുറയാം. തന്മൂലം ഒറ്റപ്പെടലനുഭവിക്കും.

വിശാഖം

തുലാക്കൂറുകാർക്ക് വ്യാഴം, ശനി, ചൊവ്വ തുടങ്ങിയ ഗ്രഹങ്ങൾ അനുകൂല ഭാവങ്ങളിലാണ്. അതിനാൽ തടസ്സങ്ങൾ താത്കാലികമാവും. മറുപക്ഷത്തെ പ്രതിരോധിക്കും. ലക്ഷ്യത്തിലെത്താൻ സാധിക്കുന്നതാണ്. ആകസ്മിക ഭാഗ്യാനുഭവങ്ങൾ സന്തോഷമേകും. വൃശ്‌ചികക്കൂറുകാർക്ക് ആദിത്യൻ ഗുണപ്രദനാണ്. ജോലിയിൽ പ്രവേശിക്കാനാവും. മത്സരങ്ങളിൽ അന്തിമ വിജയം കരഗതമായേക്കും . പാരമ്പര്യ തൊഴിലിൽ മുന്നേറ്റം ഭവിക്കാം. ലോൺ അപേക്ഷ പരിഗണിക്കപ്പെടുന്നതാണ്. വ്യാപാര യാത്രകൾ ഫലവത്താകുന്നതിന് സാധ്യതയുണ്ട്. ഭൂമി വ്യവഹാരത്തിന് അനുകൂല വിധി വരും. ബന്ധുക്കൾക്ക് സഹായം ചെയ്യും. പ്രണയികൾ വിവാഹ തീരുമാനത്തിലെത്തും. വിദേശത്ത് കഴിയുന്നവരുടെ ക്ഷേമത്തിൽ വെമ്പലുണ്ടാവും. പുതുതലമുറയുടെ പ്രശ്നങ്ങൾ ചെവിക്കൊള്ളുവാൻ ഒരുങ്ങുന്നതാണ്.

അനിഴം

ആദിത്യൻ്റെ ഉപചയ സ്ഥാനത്തിലെ ഉച്ചസ്ഥിതി അനിഴം നാളുകാർക്ക് നേട്ടങ്ങളുണ്ടാക്കും. കൃത്യമായ തീരുമാനങ്ങൾ എടുക്കാനും  നടപ്പിലാക്കാനും സാധിക്കുന്നതാണ്. ജനകീയ പിന്തുണ ലഭിക്കും. ഔദ്യോഗികമായി ഉയർച്ച പ്രാപിക്കും. ദീർഘവീക്ഷണം അഭിനന്ദിക്കപ്പെടും. പുതുതൊഴിലിനായുള്ള ശ്രമങ്ങൾ ഫലവത്താകും. സ്വന്തം സംരംഭങ്ങൾ ബാലാരിഷ്‌ട പിന്നിടുന്നതാണ്. പിതാവിനും തന്നെക്കൊണ്ട് ഗുണമുണ്ടാവും. ജന്മനാട്ടിലെ ഭൂമി വിൽക്കാൻ ശ്രമം തുടരേണ്ടി വന്നേക്കും. ജീവകാരുണ്യത്തിന് മുന്നിട്ടിറങ്ങുന്നതാണ്.  സാമ്പത്തിക കാര്യങ്ങളിൽ കരുതൽ വേണം. ധൂർത്ത് ഒഴിവാക്കേണ്ടതുണ്ട്. പ്രേമകാര്യത്തിൽ വിഘ്നം വരാം. കമിതാക്കൾക്കിടയിൽ തെറ്റിദ്ധാരണ ഉണ്ടാവും. ആത്മീയ കാര്യങ്ങൾക്ക് തടസ്സം ഏർപ്പെടാം.

തൃക്കേട്ട

കർമ്മഭാവാധിപനായ ആദിത്യൻ ആറാമെടത്തിൽ ഉച്ചത്തിലാണ്. തൊഴിൽ തേടുന്നവർക്ക് നല്ല പദവി ലഭിക്കുന്ന സാഹചര്യമുണ്ട്. ഉദ്യോഗസ്ഥർക്ക് ഇത് ഉയർച്ചയുടെ കാലമാണെന്ന് പറയാം. ദൗത്യങ്ങൾ ഭംഗിയായി നിർവഹിക്കാനാവും. സ്വതന്ത്ര സംഭകർക്ക് സർക്കാരിൽ നിന്നും അനുമതി, വായ്പ ഇത്യാദികൾ കൈവരുന്നതാണ്. രാഷ്ട്രീയ വിജയം സ്വന്തമാക്കും. കിടപ്പുരോഗികൾക്ക് ചികിൽസാമാറ്റം ഫലവത്താകും. എതിരാളികളുടെ പ്രവർത്തനങ്ങളെ പ്രതിരോധിക്കും. വ്യാഴം അഷ്‌ടമത്തിലാകയാൽ ധനപരമായി കരുതൽ വേണം. ചെലവധികരിച്ചേക്കാം. കടം വീട്ടാൻ ക്ലേശിക്കുന്നതാണ്. വിവാഹം നോക്കുന്നവർക്ക് അല്പം കൂടി കാത്തിരിപ്പ് വേണ്ടതായി വന്നേക്കും. കലാരംഗം മോശമാവില്ല. പ്രതീക്ഷിച്ച സഹകരണം കുറയില്ല.

Also Read: നക്ഷത്രങ്ങളിൽ തെളിയുന്ന സ്ത്രീ മനസ്സ്-അശ്വതി മുതൽ രേവതിവരെ

മൂലം

ഗ്രഹസ്ഥിതി പൂർണമായും അനുകൂലമാണെന്ന് പറയാനാവില്ല. സമ്മിശ്ര ഫലങ്ങൾ പ്രതീക്ഷിക്കാം. ഭാഗ്യാധിപനായ ആദിത്യൻ ഉച്ചഭാവത്തിൽ സഞ്ചരിക്കുകയാൽ അപ്രതീക്ഷിത നേട്ടങ്ങൾ വന്നെത്തും. ജോലിയിൽ മികവു പുലർത്താനാവും. പരീക്ഷയിൽ മികച്ച റിസൾട്ട് ഉണ്ടാക്കാനും തുടർ പഠനം നടത്തുവാനുമാവും. ബിസിനസ്സിൽ ലാഭം കരുതിയത്ര ഉയരില്ല. എന്നാൽ തീരെ മോശമാവുകയുമില്ല. ഭാവനാശക്തിയുണരും. സൗന്ദര്യവർധക വസ്തുക്കൾക്ക് പണം ചെലവഴിക്കും. പ്രണയികൾക്കിടയിൽ പിണക്കവും ഇണക്കവും തുടരും. ജീവകാരുണ്യത്തിനും രോഗീപരിചരണത്തിനും നേരം കണ്ടെത്തും. നാലാം ഭാവത്തിൽ പാപഗ്രഹങ്ങൾ സഞ്ചരിക്കുകയാൽ മനക്ലേശം, ദേഹസുഖക്കുറവ് ഇവ അനുഭവപ്പെടാം.

പൂരാടം

ആദിത്യൻ ഉച്ചത്തിലെത്തുന്നത് ഭാഗ്യവർദ്ധകമാണ്. ഇച്ഛാജ്ഞാനക്രിയകളുടെ ഏകോപനം സാധ്യമാവും. ആലോചിച്ചുറപ്പിച്ച കാര്യങ്ങൾ പ്രാവർത്തികമാക്കാൻ ഉചിതമായ സാഹചര്യമുണ്ടാവും. വ്യാപാരികൾക്ക് തെല്ല് മാന്ദ്യമനുഭവപ്പെടുന്നതാണ്. കരുതൽ ധനം പ്രയോജനപ്പെടുത്തും. മകൻ്റെ/ മകളുടെ ശ്രേയസ്സിന് അവസരം സംജാതമാകും. കുടുംബ കാര്യങ്ങളിൽ യോജിച്ച തീരുമാനത്തിന് വിട്ടുവീഴ്ചകൾ ആവശ്യമായേക്കും. സംഘടനകളിൽ ഉറച്ച നിലപാടെടുക്കാൻ സാധിച്ചേക്കില്ല. പരീക്ഷാഫലം തൃപ്തികരമാവും. ഉപരിപഠനത്തിന് അവസരം വന്നെത്തുന്നതാണ്. മംഗളകർമ്മങ്ങളിൽ പങ്കെടുക്കും. ആരോഗ്യപരമായി ഭേദപ്പെട്ട കാലമാണ്. ധനപരമായ കൊടുക്കൽ വാങ്ങലുകൾക്ക് കണക്ക് സൂക്ഷിക്കുക അഭികാമ്യം.

ഉത്രാടം

നക്ഷത്രാധിപനായ രവി ഉച്ചപ്രാപിച്ചത് മാനസിക ശക്തികൾ വികസിക്കാൻ കാരണമാകുന്നതാണ്. തൊഴിലിടത്തിൽ സ്വാസ്ഥ്യം പ്രതീക്ഷിക്കാം. ഉയർന്ന ചുമതലകൾ ലഭിക്കാനിടയുണ്ട്. ജോലിമാറ്റം നടന്നേക്കും. പലരും സഹായിക്കാൻ മുമ്പോട്ടുവരും. ഒപ്പമുള്ളവരുടെ തെറ്റിദ്ധാരണ മാറ്റാനുള്ള ശ്രമം ഫലവത്താവും. ക്രയവിക്രയങ്ങളിലെ തടസ്സം നീങ്ങുന്നതാണ്. അന്യദേശവാസത്തിന് യോഗം കാണുന്നു. വിദേശത്ത് കുടുങ്ങിയവർക്ക് നാട്ടിലെത്താനാവും. പൈതൃക ഭൂമിയുടെ വില്പന നീളാനാണ് സാധ്യത കാണുന്നത്. ദാമ്പത്യത്തിൽ പിണക്കവും ഇണക്കവും തുടർക്കഥയാവാം. ദേഹക്ലേശം, മാനസിക പിരിമുറുക്കം ഇവ ഇടയ്ക്ക് സ്വസ്ഥത കെടുത്താം. തുടങ്ങിവെച്ച കാര്യങ്ങളുടെ പൂർത്തീകരണം അടുത്തമാസത്തിലേക്ക് തുടരാം.

തിരുവോണം

ശനികുജന്മാർ മൂന്നാം ഭാവത്തിൽ സഞ്ചരിക്കുകയാൽ ആത്മശക്തി ഉയരും. തൊഴിലിടത്തിൽ വളർച്ച പ്രതീക്ഷിക്കാം. വിപണിയുടെ സ്പന്ദനം അറിഞ്ഞ് ബിസിനസ്സിൽ ഏർപ്പെടുന്നതാണ്. ഭൂമി വാങ്ങാൻ/ വിൽക്കാൻ കഴിഞ്ഞേക്കും. നിലവിലെ തൊഴിൽ ഉപേക്ഷിക്കുന്നത് ആശാസ്യമാവില്ല. ആദിത്യൻ നാലിൽ സഞ്ചരിക്കുകയാൽ കുടുംബസമേതം യാത്രകളുണ്ടാവും.  ദേഹസുഖം കുറയാം. വീട്ടിൽ അറ്റകുറ്റപ്പണി സംബന്ധിച്ച് ചെലവ് വരാം. മക്കളുടെ ഭാവി സംബന്ധിച്ച ശുഭതീരുമാനങ്ങൾ കൈക്കൊള്ളുന്നതാണ്. നിക്ഷേപങ്ങളിൽ നിന്നുള്ള ആദായം ആഢംബരച്ചെലവുകൾക്ക് പ്രയോജനപ്പെടത്തും. പരീക്ഷാഫലം സന്തോഷിപ്പിക്കും. ലഘുകോഴ്സുകൾക്ക് ചേർന്നേക്കാം. കിടപ്പ് രോഗികൾക്ക് ആശ്വാസമനുഭവപ്പെടുന്നതാണ്.

അവിട്ടം

നക്ഷത്രാധിപനായ ചൊവ്വയ്ക്ക് ശനി യോഗം ഉള്ളതിനാൽ പലതരം സമ്മർദ്ദങ്ങൾ ഉണ്ടാവും. തീരുമാനങ്ങൾ വൈകും. കാര്യനിർവഹണത്തിൽ പരാശ്രയത്വം ഭവിക്കാനിടയുണ്ട്. ഔദ്യോഗികമായി ശരാശരി സമയമാണ്. സഹപ്രവർത്തകരുടെ സഹകരണം കുറയുന്നതായി തോന്നും. വാഹനം വാങ്ങാൻ സാധ്യതയുണ്ട്. വാടക വീട്ടിൽ നിന്നും സ്വന്തം വീട്ടിലേക്ക് മാറുന്നതാണ്. കുടുംബത്തിലെ പ്രശ്‌നങ്ങൾ പരിഹരിക്കും. ചെറുപ്പക്കാരുടെ വിവാഹകാര്യത്തിൽ ശുഭതീരുമാനം വൈകാം. കിട്ടാക്കടം എന്നുകരുതിയത് ഭാഗികമായി ലഭിക്കുന്നതാണ്. വിദേശത്ത് പോകാനുള്ള അവസരം നീളുന്നതായിരിക്കും. ഭൂമിയിൽ നിന്നും ആദായമുണ്ടാവും. നിർമ്മാണ പ്രവർത്തനങ്ങൾക്ക് ഗ്രഹാനുകൂല്യമില്ല. ഏജൻസി വ്യാപാരം വിപുലീകരിക്കുന്നതാണ്.

ചതയം

ആദിത്യൻ മൂന്നാം ഭാവത്തിൽ ഉച്ചസ്ഥനായി സഞ്ചരിക്കുകയാൽ ആത്മശക്തി വർദ്ധിക്കും. പ്രവർത്തനരംഗം ഉണരും. അധികാരികളുടെ പ്രോൽസാഹനം കിട്ടുന്നതാണ്. തൊഴിലന്വേഷണം ഫലപ്രദമാവും. സ്വന്തം സംരംഭങ്ങൾക്ക് അനുമതി, വായ്‌പ, വിപണിയിൽ മുന്നേറ്റം എന്നിവ പ്രതീക്ഷിക്കാം. മത്സരങ്ങളിലും അഭിമുഖങ്ങളിലും വിജയിക്കുന്നതാണ്. കിട്ടാനുള്ള ധനം കൈവശമെത്തും. മനസ്സിന് സന്തോഷം തരുന്ന യാത്രകൾക്ക് അവസരം ഒരുങ്ങും. വാക്സ്ഥാനത്തിൽ ശനി - കുജ യോഗം ഉള്ളതിനാൽ സംഭാഷണം ശത്രുക്കളെ സൃഷ്ടിക്കാം. പണം ചെലവഴിക്കുന്നതിൽ ജാഗ്രതയുണ്ടാവണം. വീടു മോടിപിടിപ്പിക്കാൻ സാധ്യതയുണ്ട്. കുടുംബകാര്യങ്ങളിൽ തൃപ്തിക്കുറവ് വരാം. ജന്മരാഹു ആരോഗ്യത്തെ ബാധിക്കാനിടയുണ്ട്. പതിവ് ആരോഗ്യപരിശോധനകൾ മുടക്കരുത്.

പൂരൂരുട്ടാതി

കുംഭക്കൂറുകാർക്ക് ആദിത്യ സഞ്ചാരം അനുകൂല നിലയാണ്. അധികാരികളുടെ സഹായം ലഭിക്കും. മത്സരങ്ങളിൽ വീറ് കാട്ടും. ജന്മരാഹു ദേഹക്ലേശമുണ്ടാക്കുന്നതാണ്. അപഥ സഞ്ചാരത്തിന് പ്രേരിപ്പിക്കാം. മനപ്പൂർവ്വമല്ലാതെ നുണ പറയാനും പ്രവർത്തിക്കാനുമിടയുണ്ട്. മീനക്കൂറുകാർക്ക് ജന്മശനിയും ജന്മകുജനും പിരിമുറുക്കം ഉണ്ടാക്കും. അവസരങ്ങൾക്കായി കാത്തിരിപ്പ് തുടരേണ്ടതായി വന്നേക്കാം. കരാർ പണികൾ ലാഭകരമാവും. വിശ്വസിച്ച കാര്യത്തിൽ ഉറച്ചുനിൽക്കുവാൻ പ്രയാസപ്പെടുന്നതാണ്. എങ്കിലും ഭാഗികമായ നേട്ടങ്ങൾ പ്രതീക്ഷിക്കാം. ഏജൻസികളിലൂടെ ലാഭമുണ്ടാക്കും. ദാമ്പത്യത്തിൽ തൃപ്തി കുറയുന്നതാണ്. ഗൃഹനിർമ്മാണം പുനരാരംഭിക്കാൻ കഴിഞ്ഞേക്കും.

ഉത്രട്ടാതി

ജന്മരവി രണ്ടാം ഭാവത്തിലേക്ക് മാറിയത് ചെറിയ ആശ്വാസമാണ്. എന്നാൽ ജന്മത്തിലെ ശനിചൊവ്വയോഗം സമ്മർദ്ദമുണ്ടാക്കും. ക്ഷോഭം അധികമാവുന്നതാണ്. പല കാര്യങ്ങളിലും ആശയക്കുഴപ്പം തുടരുവാനിടയുണ്ട്. സുഹൃത്തക്കളുടെയും ബന്ധുക്കളുടെയും പിന്തുണ ലഭിക്കും. പഠനകാര്യത്തിൽ ഉദാസീനത ഉണ്ടാവാനിടയുണ്ട്. അഭിമുഖങ്ങളിൽ ആത്മവിശ്വാസം കുറയുന്നതായി തോന്നും. നിക്ഷേപങ്ങളിൽ നിന്നും ധനാഗമമുണ്ടാവും. മംഗളകർമ്മങ്ങൾക്ക് അവസരം സംജാതമാകും. പ്രോജക്ടുകൾ പുനപ്പരിശോധിക്കാൻ നിർദ്ദേശം ലഭിക്കുന്നതാണ്. വിദേശത്തുള്ളവർക്ക് നാട്ടിലേക്ക് വരാൻ കാത്തിരിക്കേണ്ടതായി വന്നേക്കും. അനുരാഗം പുഷ്കലമാവും. വ്യായാമം, ധ്യാനം മുതലായവ പരിശീലിക്കേണ്ട സന്ദർഭമാണ്.

രേവതി

ജന്മരാശിയിൽ ശനിയും ചൊവ്വയും ബുധനും ജന്മരാശിയിലുള്ളത് ആത്മസംഘർഷത്തിന് വഴിതുറക്കും. ന്യായാന്യായതകളെ ക്കുറിച്ച് സന്ദേഹികളാവും. സൂര്യനും ശുക്രനും രണ്ടാം ഭാവത്തിലുള്ളത് ധനാഗമത്തെ സുഗമമാക്കാം. പൈതൃകമായും ഒപ്പം ജീവിതപങ്കാളിയിൽ നിന്നും പണം കൈവശമെത്തുന്നതാണ്. ഉദ്യോഗസ്ഥർക്ക് മേലധികാരികളോട് അകല്ച വരാം. കൂട്ടുകച്ചവടത്തിൽ ലാഭം കുറയും. കലാസപര്യ അഭംഗുരമാവും. നൂതന ആശയങ്ങൾക്ക് സഹൃദയരിൽ നിന്നും സ്വീകാര്യത വരും. പരീക്ഷയിൽ പ്രതീക്ഷിച്ച വിജയം നേടുന്നതാണ്. മാറ്റിവെക്കപ്പെട്ട വിദേശ യാത്ര സാധ്യമായേക്കും. പ്രണയം പുഷ്കലമാവും. റിയൽ എസ്റ്റേറ്റ് വ്യാപാരത്തിൽ നഷ്ടത്തിന് സാധ്യത.

Also Read: ഈ നാളിലാണോ ജനനം? ശനിദശ എപ്പോൾ തുടങ്ങുമെന്ന് അറിയാം

Astrology: ആദിത്യൻ മേടം രാശിയിൽ അശ്വതി ഞാറ്റുവേലയിലാണ്. ചന്ദ്രൻ വെളുത്ത പക്ഷത്തിൽ സഞ്ചരിക്കുന്നു. ശുക്രൻ ഇടവത്തിലേക്ക് സംക്രമിക്കുന്നു. 6ന് ബുധൻ നീചക്ഷേത്രമായ മീനത്തിൽ തന്നെയാണ്. ശനിയും ചൊവ്വയും മീനം രാശിയിലുണ്ട്. വ്യാഴം മിഥുനത്തിലാണ്. ഒരു ഗ്രഹങ്ങൾക്കും ഇപ്പോൾ മൗഢ്യാവസ്ഥയില്ല. 

രാഹു കുംഭത്തിൽ ചതയം നക്ഷത്രത്തിലാണ്. കേതു ചിങ്ങം രാശിയിൽ പൂരം നക്ഷത്രത്തിലാണ്. എന്നാൽ ഏപ്രിൽ 20ന് കേതു മകം നക്ഷത്രത്തിൽ പിൻഗതിയായി സംക്രമിക്കും. ഈ ഗ്രഹനിലയെ മുൻനിർത്തി  അശ്വതി മുതല്‍ ആയില്യം വരെയുള്ള ഒന്‍പത് നാളുകാരുടെ വാരഫലം ഇവിടെ അപഗ്രഥിക്കുന്നു.

Also Read:  സമ്പൂർണ വിഷു ഫലം; അശ്വതി മുതൽ രേവതി വരെ, സി.വി. ഗോവിന്ദൻ എടപ്പാൾ എഴുതുന്നു

അശ്വതി

ജോലിയിൽ ശരാശരിക്കുമേൽ പ്രകടനം നടത്താനാവും. മേലധികാരികൾ വിശ്വാസപൂർവ്വം ഏല്പിച്ച ദൗത്യം പൂർത്തിയാക്കും. എന്നാൽ പുതിയ കാര്യങ്ങൾ തുടങ്ങാൻ വൈകിയേക്കാം. സർക്കാർ കാര്യങ്ങളിൽ കാലവിളംബം ഏർപ്പെടാം. ലഘുസഞ്ചാരങ്ങൾ കൂടുന്നതാണ്. മനസ്സമാധാനം വന്നുംപോയുമിരിക്കും. കുടുംബ കാര്യങ്ങളിൽ പിടിവാശി പ്രശ്നങ്ങൾ സൃഷ്‌ടിക്കാനിടയുണ്ട്. ചെലവിൽ നിയന്ത്രണം അനിവാര്യമാണ്. കൂട്ടുകെട്ടുകൾ മൂലം ദുർവ്യയം വരാം. തിങ്കൾ, ചൊവ്വ ശുഭത്വം കുറഞ്ഞ ദിനങ്ങൾ.

ഭരണി

സ്വതസ്സിദ്ധമായ കാര്യവൈഭവം ഫലവത്താകും. തൊഴിലിടത്തിൽ സാധാരാണ പോലെ കാര്യങ്ങൾ നടന്നുകിട്ടും. പ്രകോപനങ്ങളെ സ്ഥിരചിത്തതയോടെ നേരിടുന്നതാണ്. വ്യാപാരത്തിൽ നിന്നുമുള്ള ധനാഗമം പ്രതീക്ഷിച്ച പോലെതന്നെയാവും. എന്നാൽ പല വഴിക്ക് ചെലവേറുന്നതാണ്. നിയന്ത്രണം സാധ്യമാവില്ല.  വചോവിലാസം ശ്രദ്ധിക്കപ്പെടും. ഉപരിപഠന വിഷയത്തിൽ തീരുമാനം നീളാം. ആരോഗ്യപരമായി സ്വസ്ഥത തിരിച്ചുവരും.  മരുന്ന് ഫലവത്താകും. ബുധൻ മുതൽ അനുകൂലത ഏറുന്നതാണ്.

കാർത്തിക

ഒരുപാട് കാര്യങ്ങൾ ചെയ്തുതീർക്കാനുണ്ടല്ലോ എന്ന വ്യാകുലത തോന്നും. എന്നാൽ കരുതിയത്ര വിഷമം അനുഭവപ്പെടുകയില്ല. അനുഭവം തുണയാവുന്നതാണ്. അവധി കഴിഞ്ഞ് ജോലിസ്ഥലത്തേക്ക് മടങ്ങിയേക്കും. പുതുസൗഹൃദം പൊട്ടിമുളയ്ക്കാം. സംരംഭങ്ങളുടെ തുടക്കം സംബന്ധിച്ച ചർച്ച എങ്ങുമെത്തണമെന്നില്ല. വായ്പയുടെ അടവ് മുടങ്ങില്ല. ചിലരുടെ സഹകരണം ആശ്വാസമേകും. പഠനവും പരീക്ഷയും കഴിഞ്ഞവർ അവധിക്കാല ഉല്ലാസങ്ങളിലേക്ക് മടങ്ങുന്നതാണ്. ഞായർ, ബുധൻ, വ്യാഴം മേന്മ കുറയും.

Also Read: മേട മാസത്തെ സമ്പൂർണ നക്ഷത്രഫലം, അശ്വതി മുതൽ രേവതിവരെ

രോഹിണി

ചില നിർബന്ധങ്ങളും ശാഠ്യങ്ങളും വിജയം കാണുന്നതാണ്. നിലപാടിനെച്ചൊല്ലി പിണങ്ങിയവർ ഇണങ്ങാം. ഭൂമി സംബന്ധിച്ച തർക്കം അനുകൂലമാവും. വീടുപണി പൂർത്തിയായേക്കും. പുതിയ തൊഴിലാനായുള്ള ശ്രമം തുടരപ്പെടും. നിക്ഷേപങ്ങളുടെ കാര്യത്തിൽ കരുതൽ വേണ്ടതുണ്ട്. ശുക്രൻ ജന്മരാശിയിൽ പ്രവേശിച്ചതിനാൽ പ്രണയം പുഷ്കലമാവും. സുഖഭോഗങ്ങളിൽ ആശയേറുന്നതാണ്. ഉപാസനകൾ മുടങ്ങില്ല. കുടുംബസമേതം യാത്രകളുണ്ടാവും.

മകയിരം

സമ്മർദ്ദങ്ങൾ കുറയുന്നതാണ്. തൊഴിലിടത്തിൽ സൗഹാർദ്ദം പുലരും. സഹപ്രവർത്തകരുടെ പിന്തുണ കുറയില്ല.  കൂട്ടുകച്ചവടത്തിൽ നിന്നും ലാഭം കിട്ടിത്തുടങ്ങും. വിപുലീകരണ ശ്രമങ്ങൾക്ക് വേഗമേറാം. കലാപ്രവർത്തനം കൊണ്ട് ആത്മവിശ്വാസവും അംഗീകാരവും ഉണ്ടാവും. വിവാദങ്ങളിൽ നിന്നും വിട്ടുനിൽക്കാൻ ശ്രമിക്കുന്നതാവും ഉചിതം. നാട്ടുകാര്യങ്ങളിൽ ന്യായം പറയും. ചൊവ്വ, ബുധൻ, ശനി ദിവസങ്ങൾ കൂടുതൽ ഗുണകരം. 

തിരുവാതിര

പിന്നോട്ടു വലിക്കുന്ന ശക്തികളുണ്ടെന്ന് തോന്നും. എങ്കിലും മനസ്സിൽ തളർച്ചയുണ്ടാവില്ല. ലക്ഷ്യബോധത്തോടെ പ്രവർത്തിക്കാനായേക്കും. ഇടയ്ക്ക് ആത്മപരിശോധനക്ക് മുതിരുന്നതാണ്. ധനം ചെലവു ചെയ്യുന്നതിൽ നിയന്ത്രണം വേണ്ടതുണ്ട്.  ധനാഗമ മാർഗങ്ങൾ മാന്ദ്യത്തിലേക്ക് നീങ്ങുന്നതായി അനുഭവപ്പെടും. കിടപ്പ് രോഗികൾക്ക് ആശ്വാസമുണ്ടാവും. പുതിയ കൂട്ടുകാരെ കിട്ടും. പരീക്ഷാ വിജയം ആഘോഷിക്കപ്പെടും.  കാലാവസ്ഥയുടെ കാർക്കശ്യം ആരോഗ്യപ്രശ്നങ്ങൾ സൃഷ്ടിക്കാം. കരുതൽ വേണം.

Also Read: ഏപ്രിൽ മാസഫലം, അശ്വതി മുതൽ രേവതിവരെ

പുണർതം

പ്രോജക്ടുകൾക്ക് അനുമതി ലഭിക്കുന്നതാണ്. പ്രവർത്തനരീതി ചടുലമാവും. ഒപ്പമുള്ളവരുടെ പിന്തുണ കിട്ടും. രഹസ്യ ഉപദേശങ്ങൾ അനുസരിച്ച് കാര്യനിർവഹണം നടത്തുന്നതാണ്. പിതാവിന് ക്ഷേമകാലമായിരിക്കും. ജോലിയിൽ ഉയർച്ചയുണ്ടാവും. വായ്പകൾ ഒരുമിച്ച് അടക്കുന്നതാണ്. വിദേശത്തുനിന്നും ശുഭവർത്തമാനം പ്രതീക്ഷിക്കാം. മത്സരങ്ങളിൽ വിജയിക്കുന്നതാണ്. ജോലി വാഗ്‌ദാനം നിറവേറ്റപ്പെടും. ആഢംബരച്ചെലവുകൾ കൂടാം. തിങ്കൾ, ചൊവ്വ മാനസിക പിരിമുറുക്കത്തിന് സാധ്യത.

പൂയം

പുതിയ കാര്യങ്ങളോട് പുറന്തിരിഞ്ഞു നിൽക്കില്ല. സ്വീകാര്യതകളും കൂടി ചേർന്നതാണ് ജീവിതമെന്ന് തിരിച്ചറിയും. സഹപ്രവർത്തകരുടെ വാക്കുകൾ കേൾക്കും. സംരംഭകർക്ക് തദ്ദേശസ്ഥാപനത്തിൽ നിന്നും അനുമതി കിട്ടും. ലോൺ അപേക്ഷ പരിഗണിക്കപ്പെടുന്നതാണ്. വയോജനങ്ങളുടെ ആരോഗ്യകാര്യത്തിൽ ജാഗ്രത വേണം. പരീക്ഷാവിജയം ആത്മശക്തി വർദ്ധിപ്പിക്കുന്നതാണ്.  പഴയ വീട് പുനർനിർമ്മിക്കുന്ന കാര്യത്തിൽ സഹോദരരുടെ പിന്തുണ ലഭിക്കാം. ബുധൻ, വ്യാഴം ദിവസങ്ങളിൽ കൈവശം ഇരുന്ന പണം ചെലവാകും.

ആയില്യം

തീരുമാനങ്ങൾ വേഗത്തിൽ കൈക്കൊള്ളുന്നതായിരിക്കും. പൊതുവേ പരീക്ഷണങ്ങൾക്ക് മുതിരാൻ താല്പര്യമുള്ളവരാണ്. വ്യാപാരക്കരാറുകൾ അനുകൂലമായി വന്നേക്കും. വാഗ്‌ദാനങ്ങൾ പ്രാവർത്തികമാക്കാൻ ശ്രമിക്കും. കുടുംബത്തിൻ്റെ പിന്തുണ ലഭിക്കുന്നതാണ്.  സ്ത്രീകളിൽ നിന്നും ധനാഗമം ഉണ്ടാവും. പ്രണയികൾക്ക് സാഹചര്യം അനുകൂലമാണ്. വിലകൂടിയ പാരിതോഷികങ്ങൾ കിട്ടാനിടയുണ്ട്. എതിർപ്പുകളെ തിരസ്കരിക്കും.  ക്ഷേത്രാടനം സാധ്യമാവും.

Read More: ഈ നാളിലാണോ ജനനം? ശനിദശ എപ്പോൾ തുടങ്ങുമെന്ന് അറിയാം

മലയാളികളുടെ പ്രഭാതഭക്ഷണങ്ങളിൽ എന്നും ഒന്നാം സ്ഥാനത്താണ് പുട്ട്. ആവിയിൽ വേവിച്ചെടുക്കുന്ന വിഭവം എന്ന നിലയിൽ ആരോഗ്യഗുണങ്ങൾ ഏറെയുള്ള പുട്ട് ഓരോ വീട്ടിലും വ്യത്യസ്തമായ രീതികളിലാണ് തയ്യാറാക്കാറുള്ളത്. സാധാരണയായി കടലക്കറിയോ പയറോ പഴമോ കൂട്ടിയാണ് നാം പുട്ട് കഴിക്കാറുള്ളത്.

എന്നാൽ സാധാരണ പുട്ടിൽ നിന്നും വ്യത്യസ്തമായി, പുട്ടിനുള്ളിൽ തന്നെ മധുരവും പോഷകഗുണങ്ങളും നിറച്ചു തയ്യാറാക്കുന്ന ഒരു സവിശേഷ വിഭവമാണ് നേന്ത്രപ്പഴ പുട്ട്. അരിപ്പൊടിയുടെ തനിമയും നേന്ത്രപ്പഴത്തിന്റെ സ്വാദും ശർക്കരയുടെ മധുരവും ചേരുമ്പോൾ ഇതൊരു പൂർണ്ണമായ ഭക്ഷണമായി മാറുന്നു. തിരക്കേറിയ രാവിലെകളിൽ കറികൾക്കായി സമയം കളയാതെ തന്നെ പെട്ടെന്ന് തയ്യാറാക്കി കഴിക്കാം എന്നതാണ് ഇതിന്റെ ഏറ്റവും വലിയ പ്രത്യേകത.

Also Read: സദ്യയ്ക്ക് മുൻപേ കഴിക്കാം സ്വാദിഷ്ടമായ വിഷുക്കഞ്ഞി

കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന ഈ പുട്ട് തയ്യാറാക്കുന്ന വിധം സൗമ്യ തന്റെ ഇൻസ്റ്റഗ്രാം പേജിലൂടെയാണ് പരിയപ്പെടുത്തി തരുന്നത്.

ചേരുവകൾ

• അരിപ്പൊടി- 11/2 കപ്പ്
• വാഴപ്പഴം- 5
• തേങ്ങ- 1 കപ്പ്
• ശർക്കര- 1 കപ്പ്
• ഉപ്പ്- 1 നുള്ള്
• വെള്ളം- ആവശ്യത്തിന്

Also Read: ശരീരത്തിന് കരുത്തേകാൻ മുട്ടയേക്കാൾ കേമന്മാർ; ഇതാ പ്രോട്ടീൻ സമ്പന്നമായ 5 സൂപ്പർ ഫുഡുകൾ

View this post on Instagram

A post shared by Sowmiya Vignesh (@sowscookbook)

Also Read: മാധവൻ വെളിപ്പെടുത്തിയ ആ രഹസ്യം! ഈ ഒരു പ്രഭാതഭക്ഷണം മതി ശരീരത്തിന് ഊർജ്ജവും തണുപ്പും നൽകാൻ

തയ്യാറാക്കുന്ന വിധം

• ഒരു ബൗളിലേയ്ക്ക് ഒന്നര കപ്പ് അരിപ്പൊടിയെടുക്കാം.
• അതിലേയ്ക്ക് ഒരു നുള്ള് ഉപ്പ് ചേർത്ത് ഇളക്കാം.
• ഇതേ സമയം ചെറുചൂടുള്ള വെള്ളം അരിപ്പൊടി നനയാൻ തക്കവണ്ണം ചേർക്കാം.
• പുട്ട് പൊടി തയ്യാറായതിനു ശേഷം മാറ്റി വയ്ക്കാം.
• ഇതേ സമയം തേങ്ങ ഒരു കപ്പ് ചിരകിയെടുക്കാം.
• വാഴപ്പഴം അല്ലെങ്കിൽ നോന്ത്രപ്പഴം ചെറിയ കഷ്ണങ്ങളാക്കി മുറിച്ചെടുക്കാം.
• ഒരു കപ്പ് ശർക്കര ഗ്രേറ്റ് ചെയ്തെടുക്കാം.
• പുട്ട് കുടത്തിൽ വെള്ളമെടുത്ത് അടുപ്പിൽ വയ്ക്കാം. പുട്ടുകുറ്റിയിലേയ്ക്ക് ആദ്യം തേങ്ങ ചിരകിയതെടുക്കാം. മുകളിൽ അരിപ്പൊടി അതിനിടയ്ക്ക് പഴവും, ശർക്കരപൊടിച്ചതും ചേർക്കാം.
• ഇഷ്ടാനുസരണം പല ലെയറായി ഇങ്ങനെ ചേർത്തു കൊടുക്കാം. ശേഷം ആവിയിൽ വേവിച്ചെടുക്കാം. ചൂടോടെ ഈ നേന്ത്രപ്പഴ പുട്ട് കഴിച്ചു നോക്കൂ.

Read More: ദഹനത്തിനുത്തമം, വിഷുപ്പുലരിയിൽ ഔഷധഗുണങ്ങളേറെയുള്ള വിഷുക്കട്ട കഴിക്കാം

കേരളത്തിന്റെ ഹൃദയഹാരിയായ പ്രകൃതിഭംഗി തേടിപ്പോകുന്ന സഞ്ചാരികൾക്കിടയിൽ ഇപ്പോൾ ഏറ്റവും തരംഗമാകുന്നത് ചില ഹിഡൻ സ്പേസുകളുണ്ട്. ലോകപ്രശസ്തമായ വിനോദസഞ്ചാര കേന്ദ്രങ്ങളിൽ നിന്നും മാറി, പ്രകൃതി അതിന്റെ തനിമ ഒട്ടും ചോരാതെ കാത്തുസൂക്ഷിക്കുന്ന ഇടങ്ങളാണിവ. വിദേശരാജ്യങ്ങളിലെ മലനിരകളെയും താഴ്വരകളെയും അനുസ്മരിപ്പിക്കുന്ന ഇത്തരം സ്ഥലങ്ങൾ കേരളത്തിന്റെ മലയോര മേഖലകളിൽ ധാരാളമുണ്ട്. കൂർഗ് പോലെയുള്ള ഹിൽ സ്റ്റേഷനുകളിലെ തണുപ്പും പച്ചപ്പും പ്രശാന്തതയും ആഗ്രഹിക്കുന്നവർക്ക് കേരളത്തിൽ സന്ദർശിക്കാവുന്ന മനോഹരമായ ചില ഇടങ്ങളുണ്ട്.

ഒരു കാലത്ത് അധികമാരും ശ്രദ്ധിക്കപ്പെടാതെ കിടന്നിരുന്ന ഈ പ്രദേശങ്ങൾ ഇപ്പോൾ സാഹസിക സഞ്ചാരികളുടെയും പ്രകൃതി സ്നേഹികളുടെയും ഇഷ്ടകേന്ദ്രങ്ങളായി മാറിക്കഴിഞ്ഞു. കോടമഞ്ഞ് മൂടിയ പുൽമേടുകളും, പളുങ്കുപോലെ തെളിഞ്ഞ നീരൊഴുക്കുകളും, പശ്ചിമഘട്ടത്തിന്റെ മനോഹാരിതയും ഒത്തുചേരുന്ന ഈ സ്ഥലങ്ങൾ ഒരു വിദേശ യാത്രയുടെ അനുഭവം സഞ്ചാരികൾക്ക് സമ്മാനിക്കുന്നു. തിരക്കുകളിൽ നിന്ന് ഒഴിഞ്ഞുമാറി മനംകുളിർക്കുന്ന ഒരു യാത്രയാണ് നിങ്ങൾ ആഗ്രഹിക്കുന്നതെങ്കിൽ, ഇതിലൊരിടം തിരഞ്ഞെടുക്കാം. 

Also Read: കൂർഗും കുടകും തേടിപോകേണ്ട, അതേ തണുപ്പും പച്ചപ്പും കാത്തുവച്ചിരിക്കുന്ന ഇടങ്ങൾ കേരളത്തിലുമുണ്ട്

ഇലവീഴാപ്പൂഞ്ചിറ (കോട്ടയം)

കോട്ടയം ജില്ലയിലെ പാലായ്ക്ക് സമീപം സ്ഥിതി ചെയ്യുന്ന ഇലവീഴാപ്പൂഞ്ചിറ, മരങ്ങളില്ലാത്ത വിശാലമായ പുൽമേടുകൾക്ക് പേരു കേട്ടതാണ്. സമുദ്രനിരപ്പിൽ നിന്ന് 3200 അടി ഉയരത്തിൽ മൂന്ന് മലനിരകൾക്കിടയിൽ സ്ഥിതി ചെയ്യുന്ന ഈ പ്രദേശം കോടമഞ്ഞിന്റെയും കാറ്റിന്റെയും നാടാണ്. തണുപ്പുള്ള കാലാവസ്ഥയും ഇവിടുത്തെ സൂര്യാസ്തമയ കാഴ്ചകളും കുടകിലെ ഹിൽ സ്റ്റേഷനുകളെ ഓർമ്മിപ്പിക്കും.

View this post on Instagram

A post shared by Sudhi Arimboorath (@the_himalayanwolf)

വയലട (കോഴിക്കോട്)

കോഴിക്കോട് ജില്ലയിലെ ഈ സുന്ദരമായ മലനിര മലബാറിന്റെ ഗവി എന്നാണ് അറിയപ്പെടുന്നത്. പെരുവണ്ണാമൂഴി ഡാമിന്റെ കുന്നുകൾക്കിടയിലുള്ള ജലസംഭരണി ഇവിടുത്തെ വ്യൂ പോയിന്റിൽ നിന്ന് നോക്കുമ്പോൾ അന്യഗ്രഹ പ്രതീതി ഉളവാക്കും. പച്ചപ്പും തണുപ്പും ആഗ്രഹിക്കുന്നവർക്ക് ഏറ്റവും കുറഞ്ഞ ചിലവിൽ സന്ദർശിക്കാവുന്ന ഒരിടമാണിത്.

പാണ്ടിപ്പത്ത് (തിരുവനന്തപുരം)

നെയ്യാർ വന്യജീവി സങ്കേതത്തിന്റെ അതിർത്തിയിലുള്ള ഈ പ്രദേശം തിരുവനന്തപുരത്തെ കുടക് എന്ന് വിളിക്കാവുന്നത്ര മനോഹരമാണ്. കാട്ടുപോത്തുകളെയും ആനകളെയും കാണാൻ സാധിക്കുന്ന വിശാലമായ പുൽമേടുകളും കോടമഞ്ഞ് പുതച്ച വഴികളും സാഹസിക സഞ്ചാരികളെ ആകർഷിക്കുന്നവയാണ്.

Also Read: തടിയന്‍ഡമോള്‍ ; ആകാശത്തോളം ഉയരത്തിലുള്ള ഈ ട്രെക്കിംഗ് സ്പോട്ട് സഞ്ചാരികൾക്കായി കാത്തുവച്ചിരിക്കുന്ന രഹസ്യങ്ങൾ ഇവയാണ്

ചീങ്ങേരി മല (വയനാട്)

വയനാട്ടിലെ അമ്പലവയലിന് സമീപമുള്ള ചീങ്ങേരി മല ട്രെക്കിംഗിന് ഏറെ അനുയോജ്യമായ സ്ഥലമാണ്. സമുദ്രനിരപ്പിൽ നിന്നും ഏകദേശം 2600 അടി ഉയരത്തിലുള്ള ഇവിടുത്തെ പാറക്കെട്ടുകളിൽ നിന്നുള്ള ദൃശ്യം വയനാടിന്റെ സമ്പൂർണ്ണ ഭംഗി വിളിച്ചോതുന്നതാണ്. കൂർഗിന്റെ ഭൂപ്രകൃതിയോട് ഏറെ സാമ്യമുള്ള ഒരിടമാണിത്.

കൊളുക്കുമല (ഇടുക്കി)

ലോകത്തിലെ ഏറ്റവും ഉയരത്തിലുള്ള തേയിലത്തോട്ടങ്ങൾ ഇവിടെയാണ് സ്ഥിതി ചെയ്യുന്നത്. സൂര്യോദയത്തിന് പേരുകേട്ട കൊളുക്കുമലയിലെ ഓഫ് റോഡ് യാത്രയും മഞ്ഞുപാളികൾ പുതച്ച മലനിരകളും കുടകിലെ പർവ്വതനിരകളേക്കാൾ വിസ്മയകരമാണ്. പശ്ചിമഘട്ടത്തിന്റെ വന്യതയും സൗന്ദര്യവും ഒരുമിച്ച് ഇവിടെ അനുഭവിക്കാം.

View this post on Instagram

A post shared by Xoffway (@xoffway)

Also Read: ഗോവ വരെ പോകേണ്ട; യൂറോപ്യൻ ബീച്ചുകളെ അനുസ്മരിപ്പിക്കുന്ന ഈ തീരങ്ങൾ കേരളത്തിലാണ്

കൽക്കേരി (പാലക്കാട്)

സൈലന്റ് വാലിക്ക് സമീപം സ്ഥിതി ചെയ്യുന്ന കൽക്കേരി അധികം ആരും അറിയാത്ത ഒരു പ്രകൃതിവിസ്മയമാണ്. ഇടതൂർന്ന വനങ്ങളും തെളിഞ്ഞ നദികളും കൊണ്ട് സമ്പന്നമായ ഈ പ്രദേശം പ്രകൃതിയോട് ചേർന്ന് ശാന്തമായി സമയം ചെലവഴിക്കാൻ ആഗ്രഹിക്കുന്നവർക്ക് പറ്റിയ ഒരിടമാണ്.

Read More: കണ്ടൽക്കാടുകളും നാട്ടുരുചികളും; മനസ്സും ശരീരവും കുളിർപ്പിക്കും കേരളത്തിലെ ഈ കായൽ വിസ്മയങ്ങൾ

മേടക്കൂറ് (അശ്വതി,ഭരണി,കാർത്തിക 1/4)

Vishu Phalam: ഉയർന്ന ജീവിത സാഹചര്യങ്ങൾ ഉണ്ടാകും. കഠിനാദ്ധ്വാനത്തിന്റെ ഫലം അനുഭവിക്കും. ഉയർന്ന പദവികൾ, അംഗീകാരങ്ങൾ എന്നിവ ഉണ്ടാകും.ആഡംബരഭ്രമം, അനാവശ്യമായ സാമ്പത്തിക ഇടപാടുകൾ എന്നിവ ഒഴിവാക്കേണ്ടതാണ്.കച്ചവട മേഖല ലാഭവും നഷ്ടവും ഇല്ലാതെ മുന്നോട്ട് കൊണ്ട് പോകും. ആഗ്രഹ സഫലീകരണം ഉണ്ടാകും. ഒന്നിലധികം വരുമാന മാർഗ്ഗങ്ങൾ ഉണ്ടാകും.

മേടം, ഇടവം, മിഥുനം മാസങ്ങളിൽ ഔദ്യോഗികരംഗത്ത് ഉയർച്ച, പരീക്ഷകളിലും അഭിമുഖങ്ങളിലും വിജയം, പുണ്യപ്രവൃത്തികൾ എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ കാര്യവിഘ്നങ്ങൾ, സന്താന ശ്രേയസ്സ്, സാമ്പത്തിക പുരോഗതി എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ ദേഹാസ്വസ്ഥതകൾ, വിദേശ വാസം, ഭൂമിലാഭം എന്നിവ ഉണ്ടാകും. മകരം, കുംഭം, മീനം മാസങ്ങളിൽ തൊഴിലവസരങ്ങൾ, കാർഷികാദായം, മത്സര വിജയം എന്നിവ ഉണ്ടാകും.

ഇടവക്കൂറ് (കാർത്തിക3/4,രോഹിണി,മകയിരം1/2)

വർഷത്തിന്റെ തുടക്കത്തിൽ കാണുന്ന സാമ്പത്തിക പ്രശ്നങ്ങൾക്ക് പരിഹാരം കാണും.തൊഴിൽമേഖലയിൽ പുതിയ മാറ്റങ്ങൾ ഉണ്ടാകും.ജീവിത ചിലവുകൾ വർധിക്കും. ദേഹാസ്വസ്ഥതകൾ, കലഹങ്ങൾ,അപ്രതീക്ഷിതമായ ധനനഷ്ടം എന്നിവ ഉണ്ടാകും. 

മേടം, ഇടവം, മിഥുനം മാസങ്ങളിൽ നേതൃപദവികൾ, ഭൂമി ലാഭം, മനോവ്യാകുലതകൾ എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ ബഹുജനസമ്മിതി, മെച്ചപ്പെട്ട ജീവിതനിലവാരം, അനാവശ്യ ചിന്തകൾ, അപ്രതീക്ഷിതമായ അംഗീകാരങ്ങൾ എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ കാർഷിക ലാഭം, തൊഴിൽ രംഗത്ത് നേട്ടങ്ങൾ, വിദ്യാഭ്യാസ പുരോഗതി, വിദേശ വാസം എന്നിവ ഉണ്ടാകും. മകരം, കുഭം, മീനം മാസങ്ങളിൽ സന്തോഷാനുഭവങ്ങൾ, കീർത്തി, ഐശ്വര്യം എന്നിവ ഉണ്ടാകും.

മിഥുനക്കൂറ് (മകയിരം1/2,തിരുവാതിര,പുണർതം 3/4)

ഔദ്യോഗിക രംഗത്ത് മാറ്റങ്ങൾ, അന്യദേശവാസം എന്നിവ ഉണ്ടാകും.കച്ചവടം വിപുലീകരിക്കാൻ സാധിക്കും. ആത്മവിശ്വാസത്തോടു കൂടിയ പ്രവർത്തനങ്ങൾ മൂലം പുരോഗതി ഉണ്ടാകും. മറ്റുള്ളവരുടെ ആദരവ്,കുടുംബ സുഖം,ലഘുവായ ദേഹാരിഷ്ടുകൾ, മനഃക്ലേശം എന്നിവ ഉണ്ടാകും. 

മേടം, ഇടവം, മിഥുനം മാസങ്ങളിൽ സാമ്പത്തിക നേട്ടങ്ങൾ, കർമ്മ ലബ്ദ്ധി, ആരോഗ്യപരമായ വിഷമതകൾ എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ മനഃക്ലേശം, കൃഷി, വ്യാപാരം എന്നിവയിൽ നിന്നും ലാഭം ഉണ്ടാകും. തുലാം, വൃശ്ചികം, ധനു മാസങ്ങളിൽ കലഹങ്ങൾ, ഇഷ്ടജനക്ലേശം, വിഭവപുഷ്ടി എന്നിവ ഉണ്ടാകും. മകരം, കുഭം, മീനം മാസങ്ങളിൽ മത്സരവിജയം, വിവാഹം, കലാരംഗത്ത് ഉയർച്ച എന്നിവ ഉണ്ടാകും.

കർക്കിടകക്കൂറ് (പുണർതം1/4,പൂയം,ആയില്യം)

സാമ്പത്തിക ഇടപാടുകൾ ശ്രദ്ധയോടുകൂടി കൈകാര്യം ചെയ്യേണ്ടത് അത്യാവശ്യമാണ്. ജോലിസംബന്ധമായ വിദേശയാത്രകൾ, സഹപ്രവർത്തകരിൽ നിന്നും പൂർണമായ സഹകരണം എന്നിവ ഉണ്ടാകും.ആഗ്രഹ സഫലീകരണം, പ്രിയ ജനാനുകൂല്യം, ഔന്നത്യം എന്നിവ ഉണ്ടാകും. ഭവന നവീകരണം, കുടുംബ പുരോഗതി എന്നിവ ഉണ്ടാകും.

മേടം, ഇടവം, മിഥുനം മാസങ്ങളിൽ അന്യദേശ വാസം, കീർത്തി, ബഹുജനസമ്മിതി എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ പരീക്ഷവിജയം, സന്തോഷാനുഭവങ്ങൾ, സ്ഥലംമാറ്റം എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ അനാവശ്യ ചിലവുകൾ, കർമ്മപുരോഗതി,ധനലാഭം എന്നിവ ഉണ്ടാകും. മകരം, കുഭം, മീനം മാസങ്ങളിൽ കാർഷികവിളകളിൽ നിന്നും ലാഭം, പൊതുപ്രവർത്തകർക്ക് അംഗീകാരങ്ങൾ, കാര്യവിജയം, സന്താന സൗഭാഗ്യം എന്നിവ ഉണ്ടാകും.

Also Read: ചൊവ്വ ഉച്ചരാശിയായ മകരത്തിലേക്ക്, ഗുണം ആർക്കൊക്കെ? അശ്വതി മുതൽ രേവതിവരെ

ചിങ്ങക്കൂറ് (മകം, പൂരം, ഉത്രം 1/4)

തൊഴിൽരംഗത്ത്‌ മാറ്റം, വരുമാന വർദ്ധനവ്, മേലധികാരികളുടെ പ്രശംസ എന്നിവ ഉണ്ടാകും. കുടുംബ ജീവിതത്തിൽ ആസ്വസ്ഥതകളും പ്രയാസങ്ങളും അനുഭവപ്പെടും. ആഗ്രഹസഫലീകരണം ഉണ്ടാകും. ധനലാഭം, ഒന്നിലധികം വരുമാന മാർഗ്ഗങ്ങൾ എന്നിവ ഉണ്ടാകും. പരീക്ഷകളിൽ ഉന്നത വിജയം, വ്യാപാര പുരോഗതി എന്നിവ ഉണ്ടാകും. ആരോഗ്യപരമായ വിഷമതകൾ മനഃപ്രയാസങ്ങൾക്കിടയാക്കും. മേടം, ഇടവം, മിഥുനം മാസങ്ങളിൽ അപ്രതീക്ഷിതമായ ചിലവുകൾ, കർമ്മ നിപുണത, മെച്ചപ്പെട്ട ജീവിത സാഹചര്യങ്ങൾ എന്നിവ ഉണ്ടാകും.

കർക്കിടകം, ചിങ്ങം, കന്നി മാസങ്ങളിൽ ബന്ധുജനക്ലേശം, കച്ചവട ലാഭം, പ്രശസ്തി എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ കാർഷികവിളകളിൽ നിന്നും ലാഭം, വിവാഹം, ദേഹാസ്വസ്ഥതകൾ എന്നിവ ഉണ്ടാകും. മകരം, കുഭം, മീനം മാസങ്ങളിൽ സന്താന സൗഭാഗ്യം, വിദ്യാഭ്യാസരംഗത്ത് നേട്ടങ്ങൾ, അന്യദേശ വാസം എന്നിവ ഉണ്ടാകും.

കന്നിക്കൂറ് (ഉത്രം3/4, അത്തം, ചിത്ര1/2)

വ്യാപാരികൾക്ക് വർഷാരംഭത്തിൽ കാര്യവിഘ്നങ്ങൾ ഉണ്ടാകും. ജീവിത ചിലവുകൾ വർദ്ധിക്കും. കുടുംബ ജീവിതത്തിൽ നിലനിന്നിരുന്ന തർക്കങ്ങൾ പരിഹരിക്കപ്പെടും.കർമ്മ രംഗത്ത് ഉയർച്ച, ജോലി സംബന്ധമായ ദൂരയാത്രകൾ എന്നിവ ഉണ്ടാകും. വിദ്യാഭ്യാസമേഖലയിൽ സമ്മിശ്രഫലങ്ങൾ ഉണ്ടാകും. ആത്മവിശ്വാസത്തോട് കൂടി പ്രവർത്തിക്കാൻ സാധിക്കും. 

മേടം, ഇടവം, മിഥുനം മാസങ്ങളിൽ ദേഹാസ്വസ്ഥതകൾ, കുടുംബ ശ്രേയസ്, സാഹസികത,ഭാഗ്യാനുഭവം എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ കാര്യവിജയം,ദൂരയാത്രകൾ, ഭൂമി ലാഭം എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ വിദ്യാഭ്യാസരംഗത്ത് നേട്ടങ്ങൾ, കുടുംബസുഖം, ദേഹാരിഷ്ടുകൾ എന്നിവ ഉണ്ടാകും. മകരം, കുഭം, മീനം മാസങ്ങളിൽ നേതൃപദവികൾ, ദേഹാസ്വസ്ഥതകൾ, കാര്യവിഘ്നങ്ങൾ എന്നിവ ഉണ്ടാകും.

തുലാക്കൂറ് (ചിത്ര1/2, ചോതി, വിശാഖം 3/4)

ഭാഗ്യാനുഭവം, വ്യാപാര ലാഭം, സത്യസന്ധമായ പ്രവർത്തനങ്ങൾ എന്നിവ ഉണ്ടാകും. ഔദ്യോഗികരംഗത്ത് സ്ഥലംമാറ്റവും സ്ഥാനകയറ്റവും ഉണ്ടാകും. സ്വന്തം കാര്യങ്ങൾക്കായി സമയം കണ്ടെത്തുകയും അദ്ധ്വാനിക്കുകയും ചെയ്യും. കഴിവുകൾ അംഗീകരിക്കപ്പെടും. കുടുംബ പ്രശ്നങ്ങൾ പരിഹരിക്കപ്പെടും. 

മേടം, ഇടവം, മിഥുനം മാസങ്ങളിൽ ഉത്സാഹശീലം,കൃത്യനിഷ്ഠ, അപ്രതീക്ഷിതമായ ചിലവുകൾ, മനഃ സന്തോഷം എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ പ്രശസ്തി,കർമ്മപുഷ്ടി, ബന്ധുജനാനുകൂല്യം എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ പ്രസിദ്ധി,വിദ്യാലാഭം, ലഘുവായ ദേഹാസ്വസ്ഥതകൾ എന്നിവ ഉണ്ടാകും. മകരം, കുഭം, മീനം മാസങ്ങളിൽ ധനലാഭം,അന്യദേശവാസം, സന്താനശ്രേയസ്സ് എന്നിവ ഉണ്ടാകും.

വൃശ്ചികക്കൂറ്‍ (വിശാഖം1/4, അനിഴം, തൃക്കേട്ട)

കർമ്മരംഗത്ത് കാര്യവിഘ്‌നങ്ങളും പ്രയാസങ്ങളും ഉണ്ടാകും. സാമ്പത്തികനില സാധാരണ രീതിയിൽ മുന്നോട്ട് കൊണ്ട് പോകുവാൻ സാധിക്കും.വിദ്യാർത്ഥികൾക്ക് ഉന്നത വിജയം, ഉപരിപഠനം എന്നിവ സാധ്യമാകും. സ്വത്ത്‌ സംബന്ധമായ തർക്കങ്ങൾ മനഃപ്രയാസങ്ങൾ ഉണ്ടാക്കും. ഒന്നിലധികം വരുമാനമാർഗ്ഗങ്ങൾ, കച്ചവടാഭിവൃദ്ധി എന്നിവ ഉണ്ടാകും. 

മേടം, ഇടവം, മിഥുനം മാസങ്ങളിൽ സാമ്പത്തികമായും സാമൂഹികമായും മെച്ചപ്പെട്ട സാഹചര്യങ്ങൾ ഉണ്ടാകും. കർക്കിടകം,ചിങ്ങം,കന്നി മാസങ്ങളിൽ മനോവ്യാകുലതകൾ, വിനോദങ്ങളിലും ആഘോഷങ്ങളിലും പങ്കുചേരൽ,ധനലാഭം എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ ദേഹാസ്വസ്ഥതകൾ, ബഹുജന സമ്മിതി, ഗൃഹ സുഖം,ഭൂമിലാഭം,സന്താന സൗഭാഗ്യം എന്നിവ ഉണ്ടാകും. മകരം, കുഭം, മീനം മാസങ്ങളിൽ ഉത്തരവാദിത്വബോധം, കച്ചവടലാഭം, സർക്കാരിൽ നിന്നും ആനുകൂല്യങ്ങൾ എന്നിവ ഉണ്ടാകും.

Also Read: മീന മാസത്തെ നക്ഷത്രഫലം, അശ്വതി മുതൽ രേവതിവരെ

ധനുക്കൂറ്‍ (മൂലം, പൂരാടം, ഉത്രാടം 1/4)

കുടുംബ ജീവിതത്തിൽ ഉണ്ടാകുന്ന പ്രശ്നങ്ങൾ ഉചിത സമയത്തു തന്നെ പരിഹരിക്കുവാൻ സാധിക്കും.എല്ലാ മേഖലയിലും ആത്മവിശ്വാസത്തോട് കൂടി പ്രവർത്തിക്കാൻ സാധിക്കും. പൊതുപ്രവർത്തനം വ്യക്തിപരമായ ഉയർച്ചക്ക് സഹായകരമാകും.ഭൂമി ഇടപാടുകളിൽ നിന്നും ലാഭം, കർമ്മ പുരോഗതി എന്നിവ ഉണ്ടാകും.

മേടം, ഇടവം, മിഥുനം മാസങ്ങളിൽ കുടുംബസുഖം, കാര്യവിഘ്നങ്ങൾ, വ്യാപാരപുരോഗതി എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ വിദ്യാപുരോഗതി,അന്യദേശ സഞ്ചാരം,ബന്ധുജനസുഖം എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ സത്കർമ്മങ്ങൾ, വാഹനലാഭം,മനഃസുഖം എന്നിവ ഉണ്ടാകും.മകരം, കുഭം, മീനം മാസങ്ങളിൽ തൊഴിൽമേഖലയിൽ ഉയർച്ച, മനഃസന്തോഷം, ഭാഗ്യാനുഭവം എന്നിവ ഉണ്ടാകും.

മകരക്കൂറ് (ഉത്രാടം3/4, തിരുവോണം, അവിട്ടം 1/2)

കർമ്മരംഗത്ത് ഉത്തരവാദിത്വമേറിയ ചുമതലകൾ ഏറ്റെടുക്കേണ്ടിവരും. എതിർപ്പുകളെ സധൈര്യം നേരിടും. ധനാഗമമാർഗ്ഗങ്ങൾ വിപുലപ്പെടുത്തും. ദുഃഖാനുഭവങ്ങളും ആരോഗ്യവിഷമതകളും ഇടയ്ക്കിടെ അനുഭവപ്പെടും. പ്രതീക്ഷിച്ച പോലെ കാര്യങ്ങൾ കൈകാര്യം ചെയ്യുന്നതിൽ പ്രയാസങ്ങൾ ഉണ്ടാകും.

മേടം, ഇടവം, മിഥുനം മാസങ്ങളിൽ കർമ്മരംഗത്ത് ഉയർച്ച, കാർഷിക വിളകളിൽ നിന്നും ലാഭം, കീർത്തി എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ സന്താനയോഗം, ലഘുവായ ശാരീരിക പ്രയാസങ്ങൾ, കാര്യവിഘ്നങ്ങൾ എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ കാര്യവിജയം, സാഹസികത, കലാരംഗത്ത് ഉയർച്ച എന്നിവ ഉണ്ടാകും. മകരം, കുഭം, മീനം മാസങ്ങളിൽ ബഹുജനസമ്മിതി, അംഗീകാരങ്ങൾ, ഗൃഹനിർമ്മാണം, ഭവന നവീകരണം എന്നിവ ഉണ്ടാകും.

Also Read: എന്താണ് മുന്നാൾ? ആരൊക്കെ ഭയക്കണം?

കുംഭക്കൂറ് (അവിട്ടം 1/2, ചതയം, പൂരുരുട്ടാതി 3/4)

സർക്കാരിൽ നിന്നും ആനുകൂല്യങ്ങൾ ലഭിക്കും.കുടുംബ ജീവിതം,കൃഷി,വ്യാപാരം എന്നിവ തൃപ്തികരം ആയിരിക്കും. അനാവശ്യമായ ചിലവുകൾ, മുൻകോപം എന്നിവ പ്രയാസങ്ങൾ സൃഷ്ടിക്കും.കർമ്മരംഗത്ത് സഹപ്രവർത്തകരുടെ എതിർപ്പുകൾ ഉണ്ടാകും.ദൈവാനുകൂല്യം, വിഭവപുഷ്ടി, പൊതുപ്രവർത്തകർക്ക് അംഗീകാരങ്ങൾ എന്നിവ ഉണ്ടാകും.

മേടം, ഇടവം, മിഥുനം മാസങ്ങളിൽ ഇഷ്ടജന വിരഹം, ഔദ്യോഗിക രംഗത്ത് നേട്ടങ്ങൾ, അപ്രതീക്ഷിതമായ ചിലവുകൾ എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ സാഹസികമായ പ്രവൃത്തികൾ, മനഃസന്തോഷം, ദൂരയാത്രകൾ എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ ധനധാന്യസമൃദ്ധി, ഭാഗ്യാനുഭവം, കച്ചവടലാഭം എന്നിവ ഉണ്ടാകും. മകരം, കുഭം, മീനം മാസങ്ങളിൽ കുടുംബപുഷ്ടി, കലാരംഗത്ത് പ്രവർത്തിക്കുന്നവർക്ക് ഉയർച്ച ,സത്കർമ്മങ്ങൾ എന്നിവ ഉണ്ടാകും.

മീനക്കൂറ്‍ (പൂരുരുട്ടാതി1/4, ഉത്രട്ടാതി, രേവതി)

ഏർപ്പെടുന്ന കാര്യങ്ങളിൽ കൃത്യനിഷ്ഠയും ഉത്തരവാദിത്വ ബോധവും ഉണ്ടാകും. സാമ്പത്തിക വിഷമതകൾക്ക് കുറെയൊക്കെ പരിഹാരം കണ്ടെത്താൻ സാധിക്കും. കച്ചവടരംഗത്ത് ചില പ്രതിസന്ധികൾ അനുഭവപ്പെടും.പൊതുപ്രവർത്തകർക്ക് എതിർപ്പുകളെ നേരിടേണ്ടി വരും.പുണ്യ കർമ്മങ്ങൾ ചെയ്യും.കാര്യമായ ശാരീരിക പ്രയാസങ്ങൾ ഉണ്ടാകാനിടയില്ല.

മേടം, ഇടവം, മിഥുനം മാസങ്ങളിൽ കർമ്മപുഷ്ടി, ഭൂമി ലാഭം, മനഃസന്തോഷം എന്നിവ ഉണ്ടാകും. കർക്കിടകം, ചിങ്ങം, കന്നി മാസങ്ങളിൽ ശത്രുപീഡ, പ്രിയജനാനുകൂല്യം, സാഹസികത എന്നിവ ഉണ്ടാകും. തുലാം, വൃശ്ചികം, ധനു മാസങ്ങളിൽ കലഹങ്ങൾ, തൊഴിൽമേഖലയിൽ മാറ്റം, കർമ്മലബ്ദ്ധി എന്നിവ ഉണ്ടാകും. മകരം, കുഭം, മീനം മാസങ്ങളിൽ ഭവനനവീകരണം, വിവാഹം, ആഗ്രഹസഫലീകരണം എന്നിവ ഉണ്ടാകും.

Read More: ഏപ്രിൽ മാസഫലം, അശ്വതി മുതൽ രേവതിവരെ

ആരോഗ്യകരമായ ഭക്ഷണശീലം തുടങ്ങാൻ ആഗ്രഹിക്കുന്നവർക്ക് പലപ്പോഴും വെല്ലുവിളിയാകുന്നത് രുചികരമായ വിഭവങ്ങൾ കണ്ടെത്തുക എന്നതാണ്. പ്രത്യേകിച്ച് മധുരപലഹാരങ്ങൾ ആരോഗ്യത്തിന് അത്ര നല്ലതല്ല എന്ന ധാരണ നിലനിൽക്കുന്നതിനാൽ ഡെസേർട്ടുകളെ പലരും അകറ്റി നിർത്താറുണ്ട്. എന്നാൽ ശരീരഭാരം കുറയ്ക്കാനും ഹൃദയാരോഗ്യം സംരക്ഷിക്കാനും സഹായിക്കുന്ന ഒന്നാന്തരം ഒരു പുഡ്ഡിംഗ് റെസിപ്പി പരിചയപ്പെടാം.

Also Read: പട്ടിണി കിടക്കേണ്ട; ശരീരഭാരം നിയന്ത്രിക്കാൻ ഇനി ഈ പുഡ്ഡിംഗ് ശീലമാക്കാം

സാധാരണയായി പായസമോ ഉപ്പുമാവോ ഉണ്ടാക്കാൻ ഉപയോഗിക്കുന്ന നുറുക്ക് ഗോതമ്പ് പോഷകഗുണങ്ങളാൽ സമ്പന്നമാണ്. ഇതിലടങ്ങിയിരിക്കുന്ന നാരുകൾ ദഹനം സുഗമമാക്കാനും വിശപ്പ് നിയന്ത്രിക്കാനും സഹായിക്കുന്നു. അതുകൊണ്ട് തന്നെ വണ്ണം കുറയ്ക്കാൻ ആഗ്രഹിക്കുന്നവർക്കും പ്രമേഹരോഗികൾക്കും ഒക്കെ മിതമായ അളവിൽ ഇത് ഭക്ഷണത്തിൽ ഉൾപ്പെടുത്താവുന്നതാണ്. ഫുഡ് ലാൻഡ് എന്ന ഇൻസ്റ്റഗ്രാം പേജാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

ചേരുവകൾ

• നുറുക്ക് ഗോതമ്പ് - 1 കപ്പ്
• പശുവിൻ പാൽ - 2 കപ്പ്
• കണ്ടൻസ്‌ഡ് മിൽക്ക്- 1/2  ടീസ്പൂൺ
• ചൈനാഗ്രാസ്- 10 ഗ്രാം
• വാനില എസൻസ് - 1 സ്‌പൂൺ
• ചെറി- 10 

Also Read: പട്ടിണി കിടക്കേണ്ട; ശരീരഭാരം നിയന്ത്രിക്കാൻ ഇനി ഈ പുഡ്ഡിംഗ് ശീലമാക്കാം

Also Read: 5 മിനിറ്റിൽ ദോശ റെഡി, അരിയും ഉഴുന്നും അരച്ചെടുക്കണ്ട

തയ്യാറാക്കുന്ന വിധം

• നുറുക്ക് ഗോതമ്പ് രണ്ട് മണിക്കൂർ വെള്ളത്തിലിട്ട് കുതിർത്തെടുക്കാം.
• അത് കഴുകിയെടുത്ത് ഒരൽപം വെള്ളം കൂടി ഒഴിച്ച് നന്നായി അരച്ചെടുക്കാം.
  ഇത് അരിച്ച് പാൽ മാറ്റി വയ്ക്കാം.
• ഒരു പാത്രം അടുപ്പിൽ വച്ച് അര കപ്പ് വെള്ളമൊഴിച്ച് ചൈനാഗ്രാസ് ഉരുക്കിയെടുക്കാം.
• അരിച്ചെടുത്ത ഗോതമ്പ് പാലിലേയ്ക്ക് പശുവിൻ്റെ പാൽ ചേർത്തിളക്കി യോജിപ്പിക്കാം.
• ഇത് അടുപ്പിൽ വച്ചു തിളപ്പിക്കാം.
• ഇടയ്ക്ക് കണ്ടൻസ്ഡ് മിൽക്ക് ചേർക്കാം.
• തിളച്ച് കുറുകി വരുമ്പോൾ ചൈനാഗ്രാസ് ചേർത്തിളക്കി യോജിപ്പിക്കാം.
• ഇതിലേയ്ക്ക് ഒരു ചെറിയ സ്പൂൺ വാനില എസെൻസ് കൂടി ചേർക്കാം.
• ഇത് പുഡ്ഡിംഗ് വിളമ്പുന്ന പാത്രത്തിലേയ്ക്കു മാറ്റി മുകളിലായി ചെറിപ്പഴം വച്ച് ഫ്രിഡ്ജിൽ സൂക്ഷിക്കാം.
• തണുത്ത് സെറ്റായതിനു ശേഷം ഇഷ്ടാനുസരണം കഴിക്കാം. 

Read More: ആരോഗ്യവും രുചിയും ഉറപ്പ്; നാവിലിട്ടാൽ അലിഞ്ഞുപോകുന്ന ഈ പുട്ട് ട്രൈ ചെയ്തു നോക്കൂ

Astrology: മേടമാസം ഒന്നാം തീയതിയായ ഏപ്രിൽ 14 ന് ചൊവ്വാഴ്ച രാവിലെ 9 മണി 32 മിനിറ്റിന്/ ഉദയാല്പരം 8 നാഴിക 8 വിനാഴികയിലാണ് ചതയം നക്ഷത്രത്തിൽ ഇക്കൊല്ലത്തെ മേടസംക്രമം നടക്കുന്നത്. അതായത് സൂര്യൻ മീനം രാശിയിൽ നിന്നും മേടം രാശിയിൽ പ്രവേശിക്കുന്നത്.

സൂര്യോദയത്തിന് ശേഷം ആദിതൃസംക്രമം വന്നതിനാൽ വിഷുക്കണിയും വിഷു ആഘോഷവും തൊട്ടടുത്ത ദിവസമായ ഏപ്രിൽ 15 ന് ബുധനാഴ്ചയാണ് ആഘോഷിക്കേണ്ടത്. സംക്രമ സമയത്ത് ചന്ദ്രൻ കൃഷ്ണപക്ഷ ദ്വാദശിയിൽ ചതയം നക്ഷത്രത്തിലാണ്. ശുക്രൻ മേടം രാശിയിലും ബുധനും ശനിയും ചൊവ്വയും മീനം രാശിയിലും വ്യാഴം മിഥുനം രാശിയിലും രാഹു കുംഭം രാശിയിലും കേതു ചിങ്ങം രാശിയിലും സഞ്ചരിക്കുന്നു. 

അവിട്ടം, ചതയം, പൂരൂരുട്ടാതി, മകയിരം, തിരുവാതിര, പുണർതം, ചിത്തിര, ചോതി, വിശാഖം എന്നീ 9 നക്ഷത്രങ്ങൾ ആദിമധ്യഅന്ത്യശൂലം എന്ന വിഭാഗത്തിൽ വരികയാൽ ഗുണാനുഭവങ്ങൾ കുറയാനിടയുണ്ട്. മറ്റുള്ള 18 നക്ഷത്രങ്ങൾ ആദി/ മധ്യ/ അന്ത്യ ഷഡ്ക വിഭാഗത്തിൽ വരികയാൽ അവയിൽ ജനിച്ചവർക്ക് പ്രായേണ മേന്മയും ഭവിക്കുന്നതാണ്.

കൂടാതെ നവഗ്രഹങ്ങളുടെ ഗോചരഫലവും കൂടി പരിഗണിച്ചാണ് അശ്വതി മുതല്‍ രേവതി വരെയുള്ള 27 നക്ഷത്രങ്ങളിൽ ജനിച്ചവരുടെ വിഷുഫലം തയ്യാറാക്കിയിട്ടുള്ളത്.

Also Read: മീന മാസത്തെ നക്ഷത്രഫലം, അശ്വതി മുതൽ രേവതിവരെ

അശ്വതി

ശനി 12 ൽ തുടരും. വ്യാഴം ജൂണിൽ നാലാം ഭാവത്തിൽ ഉച്ചസ്ഥനാകുകയാണ്. രാഹുവും കേതുവും ഡിസംബറിൽ സ്ഥാനം മാറുന്നുണ്ട്. വിഷുസംക്രമനക്ഷത്രത്തെ മുൻനിർത്തിയും 'ആദി ഷഡ്കം' എന്ന വിഭാഗത്തിൽ വരികയാലും അശ്വതി നാളുകാർക്ക് വിഷുഫലം പ്രായേണ അനുകൂലമാണ്. നിലവിലെ തൊഴിലിൽ സ്ഥാനോന്നതിവരും. ഉച്ചസ്ഥനായ വ്യാഴം കർമ്മഭാവത്തിലേക്ക് പൂർണ്ണദൃഷ്ടി ചെയ്യുകയാൽ ആഗസ്റ്റിന് മേൽ നവംബറിനകം കർമ്മപുഷ്ടിയുണ്ട്. ഗൃഹനിർമ്മാണം സാധ്യമാവും.  പണിതീരാത്തത്  പൂർത്തീകരിക്കും. പുതുവാഹനഭാഗ്യം പ്രതീക്ഷിക്കാം. മനസ്സിൻ്റെ ചഞ്ചലത്വം മാറുന്നതാണ്. അന്യദേശത്തുള്ളവർക്ക് തിരികെ മടങ്ങാനാവും. സാമ്പത്തിക ഭദ്രതയിലേക്ക് നീങ്ങുന്നതാണ്. സുഹൃത്തുക്കളുടെ പിന്തുണയുണ്ടാവും. കുടുംബത്തിൽ സമാധാനം പുലരും. ഇടയ്ക്ക് ആലസ്യവും നിരുന്മേഷകതയും കൂടി അനുഭവപ്പെടാനുള്ള സാധ്യതയുണ്ട്.

ഭരണി

വിഷുഫലം  അനുകൂലമാണ്. 'ആദിഷഡ്കം' എന്നറിയപ്പെടുന്ന ആറുനക്ഷത്രങ്ങ ളിൽ വരുകയാൽ കാര്യവിജയം, സമാധാനം എന്നിവയുണ്ടാവും. നാലിൽ ഉച്ചസ്ഥനാകുന്ന വ്യാഴം ജൂൺ പകുതിക്ക് ശേഷം ആത്മവിശ്വാസമുയർത്തും. ഭൗതിക-ആദ്ധ്യാത്മിക ചിന്തകളെ സമന്വയിപ്പിക്കുന്നതാണ്. കർമ്മരംഗത്ത് വളർച്ച, ധനസ്ഥിരത, ഗൃഹം നിർമ്മിക്കൽ/നവീകരിക്കൽ ഒക്കെ സാധ്യമാവും. ധനക്ലേശത്തിന് വിരാമമുണ്ടായേക്കും. ബുദ്ധിപൂർവ്വകമാം വിധം നിക്ഷേപങ്ങൾ നിർവഹിക്കും. ഏഴരശ്ശനിക്കാലമാകയാൽ മനസ്സിൻ്റെ മരവിപ്പ്, വാതരോഗം, മുതിർന്നവരുമായി അനൈക്യം എന്നിവയും സാധ്യതകളാണ്. രാഹു രഹസ്യ ഇടപാടുകൾ വിജയിപ്പിക്കും. ഉപരിവിദ്യാഭ്യാസത്തിനായി അന്യദിക്കുകളിൽ പോവുന്നതാണ്. ദാമ്പത്യത്തിൽ വിട്ടുവീഴ്ച അനിവാര്യമായ വർഷമാണിത്.

കാർത്തിക

വിഷുഫലം സൂചിപ്പിക്കുന്നത് കാർത്തിക നാളുകാർക്ക് നിലവിലെ സാഹചര്യത്തിൽ നിന്നും പിന്നോട്ടു പോവേണ്ടി വരില്ല എന്നാണ്. ജോലിതേടുന്നവർക്ക് തക്ക അവസരം ലഭിക്കും. വിദേശപഠനം കിട്ടാക്കനിയല്ല. ലോൺ പ്രയോജനപ്പെടുത്തുന്നതാണ്. ചിരകാല സ്വപ്നമായ സ്വന്തമായൊരു വീട് എന്നത് സാക്ഷാൽക്കരിക്കാനാവും. പാരമ്പര്യ ബിസിനസ്സ് കാലോചിതമായി നവീകരിക്കാൻ സാധിക്കുന്നതാണ്. പിണക്കത്തിലായ ബന്ധം ഇണക്കത്തിലാവും. വിവാഹസ്വപ്നം വൃഥാവിലാവില്ല. ഉന്നതരുടെ പിന്തുണ പൊതുരംഗത്ത് ശോഭിക്കാൻ വഴിതുറക്കും. കലാപ്രവർത്തനം കൂടുതൽ സർഗാത്മകത പുലർത്തും. സഹോദരരുമായുള്ള വ്യവഹാരം രാജിയാവുന്നതാണ്. ആരോഗ്യ പരിപാലനത്തിൽ അലംഭാവമരുത്.

രോഹിണി

ശനിക്ക് മാറ്റമില്ല. രാഹുകേതുക്കൾ ഡിസംബറിൽ രാശിമാറും. വ്യാഴം ജൂണിൽ പ്രതികൂലമായ മൂന്നാം ഭാവത്തിലേക്ക് സംക്രമിക്കുന്നതാണ്. എന്നാലും ഉച്ചത്തിലാകയാൽ ദോഷം ലഘുവാകും. രോഹിണിയും ആദിഷഡ്കത്തിൽ വരുന്നത് നല്ലഫലങ്ങൾ ഉണ്ടാക്കും. പുതിയ ജോലിയിലേക്ക് മാറാൻ സാധ്യതയുണ്ട്. വിരമിച്ചവർക്ക് ആനുകൂല്യങ്ങൾ വേഗം ലഭിക്കുന്നതാണ്. പ്രസ്ഥാനത്തിനായി കൈയ്യും മെയ്യും മറന്ന് പ്രവർത്തിച്ചു, എന്നാൽ പ്രസ്ഥാനം തിരിഞ്ഞുനോക്കിയില്ല എന്ന ഖേദവിചാരം ഭവിക്കാം. കടബാധ്യത അവധി പറഞ്ഞ തീയതിയിൽ അല്ലെങ്കിൽ തന്നെയും കൊടുത്തു തീർക്കുന്നതാണ്. നിരവധി സഹായഹസ്തങ്ങൾ ഉയരും.  ഗൃഹനിർമ്മാണം തുടങ്ങാൻ വൈകിയേക്കാം. പ്രണയം വിവാഹത്തിലേക്ക് നയിക്കുന്നതാവും.

മകയിരം

സമ്മിശ്രഫലങ്ങളാവും മകയിരത്തിന്. തൊഴിൽ തേടുന്നവർക്ക് അർഹതയുള്ള പദവി കൈവരും. നിലവിലെ ജോലി ഉപേക്ഷിച്ചാൽ പുതുജോലി ലഭിക്കാൻ കുറച്ചുദിവസം കാത്തിരിക്കേണ്ടി വന്നേക്കും. ഭൂമിയിൽ നിന്നും ആദായം ഉണ്ടാവും. വസ്തുവിൽപ്പനയിലെ തടസ്സങ്ങളകലും. അന്യദേശത്തു കഴിയുന്നവർക്ക് ജന്മനാട്ടിലേക്ക് മടങ്ങാനാവും. ചെറുകിട സംരംഭങ്ങൾ തുടങ്ങാനും, തുടങ്ങിയവ വിജയിപ്പിക്കാനും കഴിഞ്ഞേക്കും. കുടുംബത്തിൽ മംഗളകർമ്മങ്ങൾ നടക്കുന്നതാണ്. ഇരുസ്ഥലങ്ങളിൽ ജോലിചെയ്യുന്ന ഭാര്യാഭർത്താക്കന്മാർക്ക് ഒരിടത്തേക്ക് മാറ്റം കിട്ടുന്നതാണ്. കെട്ടിട നിർമ്മാണത്തിന് വായ്പ ലഭിക്കാം. സർക്കാർ ആനുകൂല്യങ്ങൾ പ്രയോജനപ്പെടുത്താനാവും. ഭാവിയിൽ പ്രയോജനം ചെയ്യുന്ന തരത്തിലുള്ള നിക്ഷേപങ്ങൾ സാധ്യമാവും.

തിരുവാതിര

കണ്ടകശനി തുടരുന്നു, രാഹു 9 ലും കേതു രണ്ടിലും സഞ്ചരിക്കുന്നുണ്ട്. ജൂൺ മാസത്തിലെ വ്യാഴമാറ്റമാണ് പ്രധാനം.  വ്യാഴം ഉച്ചക്ഷേത്രമായ കർക്കടകത്തിൽ ധനഭാവത്തിലേക്ക് സംക്രമിക്കുകയാണ്. തിരുവാതിരക്കാർ വിദ്യാഭ്യാസത്തിൽ ശോഭിക്കും. അർഹതയുള്ള ജോലിയിൽ പ്രവേശിക്കാനാവും. അവിവാഹിതർക്ക് വിവാഹം സിദ്ധിക്കുന്നതാണ്. സ്വന്തം തൊഴിലിൽ അല്പം മങ്ങൽ വരാം. സഹപ്രവർത്തകരുടെ പിന്തുണ കിട്ടിയേക്കില്ല. ദൗത്യങ്ങൾ നീട്ടിവെക്കുന്ന പ്രവണത ദോഷം ചെയ്യാം. പൈതൃകസ്വത്തുക്കൾ കൈകാര്യം ചെയ്യുന്നതിൽ കരുതൽ വേണം. അന്യദേശത്ത് തുടരുന്നവർക്ക് അവിടെ ജോലിയിൽ മുന്നേറ്റമുണ്ടാവും. ഗൃഹനിർമ്മാണത്തിനോ വീടുവാങ്ങിക്കാനോ സാധ്യതയുണ്ടെന്നതാണ് വിഷുഫലം നൽകുന്ന സൂചന.

പുണർതം

2025 ഒടുവിലും-26 ആദ്യ നാലഞ്ചുമാസങ്ങളിലും വ്യാഴം പുണർതം  നക്ഷത്രത്തിലും നേർഗതിയും വക്രഗതിയും തുടരുന്നത് അവരുടെ കഴിവുകളെ മന്ദീഭവിപ്പിക്കുകയും പ്രശ്നങ്ങളുടെ നടുവിൽ കൊണ്ട് നിർത്തുകയും ചെയ്തു. ജൂലൈ തൊട്ട് വ്യാഴ സഞ്ചാരത്താൽ ഗുണാനുഭവങ്ങൾ വർദ്ധിക്കുന്നതാണ്. പഠന തടസ്സം നീങ്ങി ഉയർന്ന ബിരുദം നേടാനാവും. തൊഴിൽ കുഴപ്പങ്ങൾ പരിഹരിക്കും. ആശിച്ച ജോലിയിൽ പ്രവേശിക്കും. പദവിയിൽ ഉയർച്ച/ വേതന വർദ്ധന ഉണ്ടാവും. ദാമ്പത്യപ്രവേശം സാധ്യമാവുന്നതാണ്. കലാരംഗം പുഷ്ടിപ്പെടും. സ്വന്തമായി ഭവനമുണ്ടാവും. സന്താന രഹിതർക്ക് തൽസംബന്ധമായ ശുഭകാര്യം ഭവിക്കുന്നതാണ്. നിക്ഷേപങ്ങൾ സാധ്യമാവും. കണ്ടകശനിയുള്ളതിനാൽ കരുതൽ വേണ്ടതുണ്ട്. ഭൗതികതക്കൊപ്പം ആത്മീയ കാര്യങ്ങളിലും വളർച്ചയുണ്ടാവും.

പൂയം

രാഹു അഷ്ടമത്തിലും ശനി ഒമ്പതിലും വ്യാഴം 12, ജന്മരാശി എന്നിവയിലും തുടരുന്ന വർഷമാണ്. പുതിയ കാര്യങ്ങൾ തുടങ്ങുന്നതും വലിയ തോതിൽ പണം മുടക്കുന്നതും കരുതലോടെ വേണ്ടതുണ്ട്. പരിശ്രമങ്ങൾ ആവർത്തിക്കുമ്പോൾ മാത്രമാണ് ലക്ഷ്യത്തിലെത്താൻ കഴിയുന്നത്.  സഹകരണം അകത്തും പുറത്തും കുറയും. സഹിഷ്ണുത കൊണ്ട് കാര്യസാധ്യം ഭവിക്കും. വിദേശത്ത് പോകാൻ കഴിയുന്നതാണ്. ഭാര്യാഭർത്താക്കന്മാർക്ക് ഒരിടത്തേക്ക് സ്ഥലം മാറ്റാൻ കിട്ടാൻ രാഷ്ട്രീയ ശിപാർശ ആവശ്യമായേക്കും. ഏജൻസി, കമ്മീഷൻ വ്യാപാരം, കരാർ പണികൾ ഇവ ധനലാഭമുണ്ടാക്കും. ഗൃഹനിർമ്മാണത്തിൽ ഇഴച്ചിലുണ്ടാവും. അവിവാഹിതരുടെ വിവാഹസ്വപ്നം സഫലമാവുന്നതാണ്.

ആയില്യം

വിഷുഫലമനുസരിച്ച് തിരിച്ചടികളെ അതിജീവിക്കാൻ ആയില്യം നാളുകാർക്ക് സാധിക്കുന്നതാണ്. ജന്മരാശിയിൽ ഉച്ചവ്യാഴം സഞ്ചരിക്കുകയാൽ വിവാഹം, സന്താനപ്രാപ്തി, ഭാഗ്യപുഷ്ടി ഇവ സാധ്യതകളാണ്. അഷ്ടമരാഹു തടസ്സങ്ങളും ഒമ്പതിലെ ശനി ആലസ്യവും സൃഷ്ടിക്കുന്നതിനാൽ സമ്മർദ്ദങ്ങൾ ഒഴിഞ്ഞ നേരം കുറവായിരിക്കുകയും ചെയ്യും. പണവരവ് മോശമാവാനിടയില്ല. എന്നാൽ ചെലവിനങ്ങളും വർദ്ധിക്കും. ആശുപത്രി സംബന്ധിച്ച വ്യയവും വരാം. വാഹന ഉപയോഗത്തിൽ കരുതൽ വേണം. സ്വതസ്സിദ്ധമായ കഴിവുകൾ ചിലപ്പോൾ പ്രയോജനപ്പെടുത്താൻ കഴിഞ്ഞെന്ന് വരില്ല. അധികാരമുള്ള പദവികൾ ലഭിക്കുന്നതാണ്. മാതാപിതാക്കളിൽ നിന്നും അകന്ന് വസിക്കുന്നതിന് സാധ്യതയുണ്ട്.

Also Read: എന്താണ് മുന്നാൾ? ആരൊക്കെ ഭയക്കണം?

മകം

'മദ്ധ്യ ഷഡ്കം' എന്ന വിഭാഗത്തിൽ വരുന്നതുകൊണ്ട് ഒരുതരത്തിൽ അനുകൂലമാണ് വിഷുഫലം. വ്യാഴം 11 ലുണ്ട്, സംക്രമവേളയിൽ. അത് ഐശ്വര്യപ്രാപ്തിയെ കുറിക്കുന്നു. പിന്നീട് വ്യാഴം പന്ത്രണ്ടിൽ സഞ്ചരിക്കുന്നതിനാൽ സാമ്പത്തികമായ കരുതൽ അനിവാര്യമാവും. ശനി അഷ്ടമത്തിലും രാഹു ഏഴിലുമാണ്. ഒന്നുരണ്ടു മാസം കഴിഞ്ഞാൽ ജന്മരാശിയിലെ കേതു, ജന്മനക്ഷത്രത്തിലാവും.  വ്യക്തിപരമായും തൊഴിൽ പരമായും പിരിമുറുക്കമുണ്ടാവുന്ന കാലഘട്ടമാവും. ക്ഷോഭം നിയന്ത്രിക്കപ്പെടണം. തിടുക്കത്തിൽ ഒരു തീരുമാനവും കൈക്കൊള്ളരുത്. പുതിയ തൊഴിലിനായുള്ള പരിശ്രമം വിജയം കാണും. അന്യദേശത്ത് ജോലി/പഠനം സാധ്യമായേക്കും. ഗൃഹം വാങ്ങാനോ നിർമ്മാണ പ്രവർത്തനം തുടങ്ങാനോ കഴിയും. തന്മൂലം സാമ്പത്തിക ബാധ്യതകൾ വന്നുചേരാനിടയുണ്ട്.

പൂരം

വിഷുഫലത്തിൽ ഗുണാനുഭവങ്ങൾ വ്യക്തമാക്കപ്പെടുന്നു. ഗ്രഹ സഞ്ചാരം പരിഗണിച്ച് വാർഷിക ഫലചിന്ത നടത്തിയാൽ പ്രതികൂലതകളുമുണ്ട്. ആകയാൽ സമ്മിശ്രഫലങ്ങളുമുണ്ട്. പഠനം കഴിഞ്ഞവർക്ക് അന്യദേശത്താവും നല്ല അവസരങ്ങൾ ലഭിക്കുന്നത്. ഉദ്യോഗസ്ഥർക്ക് ഉയർച്ചക്ക് തടസ്സങ്ങളുണ്ടാവും. പുതുവാഹനം വാങ്ങുന്നതാണ്. ഗൃഹനിർമ്മാണം പൂർത്തിയാക്കും. ബിസിനസ്സിൽ ധനവരവ് മോശമാവില്ല. വിപണിയിൽ പിടിച്ചുനിൽക്കാൻ പരസ്യവഴികൾ തേടേണ്ടി വരുന്നതാണ്. ഭൂമി തർക്കങ്ങൾ നീളുവാനിടയുണ്ട്. ബന്ധങ്ങൾ സുദൃഡമാവാൻ വിട്ടുവീഴ്ച ചെയ്യേണ്ടതായി വരും. പ്രണയം പുഷ്ടിപ്പെടാം.  മക്കളുടെ ഭാവിയിലേക്ക് ഉതകുന്ന നിക്ഷേപങ്ങൾ നടത്തും. ആരോഗ്യപരിരക്ഷ അനിവാര്യം.

ഉത്രം

ചിങ്ങം -കന്നി കൂറുകളിലായി വരുന്ന ഉത്രം നാളിൽ ജനിച്ചവർക്ക് വിഷുഫലം സാമാന്യേന അനുകൂലമാണ്. വ്യാഴാനുകൂല്യത്താൽ കാര്യസിദ്ധിയുണ്ടാവും. പഠനത്തിൽ ഉയർച്ച വരും. നേട്ടങ്ങൾ അധികം വിയർപ്പൊഴുക്കാതെ തന്നെ സ്വന്തമാക്കും. അധികാരികളുടെ പ്രീതി നേടുവാനാവും. നവസംരംഭങ്ങൾക്ക് സർക്കാരിൽ നിന്നും അനുമതി കൈവരുന്നതാണ്. വിഭവ സമാഹരണം സാധ്യമാകും. ചെറുപ്പക്കാർ കുടുംബ ജീവിതത്തിൽ പ്രവേശിക്കും. പാരമ്പര്യസ്വത്തിൽ നിന്നും ആദായം കരഗതമാവുന്നതാണ്. കൂട്ടുകച്ചവടം തൃപ്തികരമായിരിക്കും. പ്രൊഫഷണലായി എന്തും ചെയ്യാനുള്ള വൈഭവം അംഗീകരിക്കപ്പെടും. അധികാര മത്സരങ്ങളിൽ വിജയം വരിക്കുന്നതാണ്. വാഹനം/ ഗൃഹം ഇവയും നേട്ടങ്ങളുടെ പട്ടികയിൽപ്പെടും. ആരോഗ്യകാര്യത്തിലും സാമ്പത്തിക വിനിമയത്തിലും ശ്രദ്ധ കുറയരുത്.

അത്തം

വിഷുഫലം അത്തം നക്ഷത്രത്തിൽ ജനിച്ചവർക്ക് അനുകൂലമാണ്. ഏഴിൽ ശനി തുടരും. രാഹു കേതുക്കൾ പന്ത്രണ്ടിലും ആറിലുമാണ്. പത്താം ഭാവത്തിലെ വ്യാഴം  ജൂൺ മാസം മുതൽ പതിനൊന്നിൽ സഞ്ചരിക്കും. ആകയാൽ അദ്ധ്വാനത്തിന് മതിപ്പുണ്ടാവും. കർമ്മമേഖലയിൽ പദവി, ആദായം ഇവ അധികരിക്കുന്നതാണ്. എതിർപ്പുകളെ മറികടക്കാനാവും. ആസൂത്രണം ചെയ്തവ നിർവഹണത്തിലെത്തും. സർഗാത്മക കാര്യങ്ങളിലൂടെ കീർത്തി നേടും. ദാമ്പത്യത്തിൽ പിണക്കങ്ങളും ഇണക്കങ്ങളും തുടർന്നേക്കും. കമിതാക്കൾക്ക് വിവാഹത്തിലെത്താൻ കഴിയണമെന്നില്ല. ഭാവിയിൽ പ്രയോജനകരമാവുന്ന നിക്ഷേപങ്ങൾക്ക് മുതിരുന്നതാണ്. പഠനം മികച്ച രീതിയിൽ പൂർത്തിയാക്കും. പാർപ്പിടം സ്വന്തമാകാം.

ചിത്തിര

കന്നി - തുലാക്കൂറുകളിലായി വരുന്ന നക്ഷത്രമാണ് ചിത്തിര. അന്ത്യശൂലം എന്ന വിഭാഗത്തിൽ വരികയാൽ ചിത്തിരക്കാർക്ക് പല പ്രയാസങ്ങളെയും
 അഭിമുഖീകരിക്കേണ്ടി വരും. സ്വശക്തി ചോരുന്നതായി തോന്നുന്നതാണ്. പരാശ്രയം മനക്ലേശമുണ്ടാക്കും. വ്യാഴാനുകൂല്യം ഉള്ളതിനാൽ പ്രതിസന്ധികളിൽ പ്രതിരോധശക്തി ഉയരുന്നതാണ്. തക്ക പോംവഴികൾ കൈവരും. തിടുക്കവും അനാവശ്യമായ മത്സരബുദ്ധിയും കാർക്കശ്യവും ഉപേക്ഷിക്കുന്നത് നന്നായിരിക്കും. വസ്തു വാങ്ങാൻ/ വിൽക്കാൻ സാധിക്കും. എന്നാൽ മോഹവില ലഭിച്ചേക്കില്ല. വ്യവഹാരങ്ങൾ തീർപ്പാകുന്നതാണ്. ഉദ്യോഗസ്ഥർക്ക് നേട്ടങ്ങൾ കുറയും. ബിസിനസ്സ് ശരാശരി നിലവാരത്തിൽ ഉയരും. അന്യദേശ പഠനം, തൊഴിൽ ഇവ അസാധ്യകാര്യങ്ങളല്ലെന്ന് സ്വാനുഭവം കൊണ്ടറിയുന്നതാണ്.

ചോതി

അന്ത്യശൂലം എന്ന വിഭാഗത്തിൽ പെടുകയാൽ സമ്മിശ്രഫലങ്ങളാവും ചോതിനാളുകാർക്ക്. ഒമ്പതിലും പത്തിലുമായി വ്യാഴവും ആറിലായി ശനിയും സഞ്ചരിക്കുന്നത് നേട്ടങ്ങൾക്ക് കാരണമാവും. ആശയങ്ങളും തീരുമാനങ്ങളുമുണ്ടാവും. അവയെ സാക്ഷാൽകരിക്കുക വെല്ലുവിളിയാവും. രാഷ്ട്രീയ പിന്തുണ ഉയരുന്നതാണ്. ബിസിനസ്സ് പുഷ്ടിപ്പെടുത്തും. ലോൺ പ്രയോജനപ്പെടുത്തിയേക്കും.  കുടുംബബന്ധങ്ങൾ ശിഥിലമാകാതിരിക്കാൻ കുറച്ചൊക്കെ ത്യാഗം സഹിക്കേണ്ടി വന്നേക്കാം. അന്യദേശത്ത് പോകാൻ, വർഷപ്പകുതിക്കു ശേഷം സാധ്യതയുണ്ട്. വീട് നവീകരിക്കുവാനോ പണി പൂർത്തിയാക്കാനോ കഴിഞ്ഞേക്കും. നിക്ഷേപങ്ങളിൽ പറ്റിക്കപ്പെടരുത്. പ്രണയം പൂവണിയാം. രാഹുകേതുക്കൾ ആരോഗ്യത്തെ ബാധിക്കാം. അക്കാര്യത്തിൽ ജാഗ്രത അനുപേക്ഷണീയമാണ്.

വിശാഖം

തുലാം - വൃശ്ചികം രാശികളിലായി വരുന്ന നക്ഷത്രമാണ് വിശാഖം. നല്ലഫലങ്ങൾ അനുഭവത്തിൽ വരുന്ന വർഷമാവും. കടബാധ്യതകൾ ഒട്ടൊക്കെ പരിഹരിക്കാനാവും. വ്യാഴം - ശനി എന്നീ ഗ്രഹങ്ങളുടെ ഇഷ്ടഭാവസ്ഥിതിയാൽ തൊഴിൽ രംഗത്ത് മുന്നേറ്റം ഭവിക്കുന്നതാണ്. ഉദ്യോഗസ്ഥർക്ക് സ്ഥാനക്കയറ്റമുണ്ടാവും. മറുനാടൻ ജീവിതം തുടരാനാണ് സാധ്യത. ജോലി തേടുന്നവർ നിരാശപ്പെടില്ല. കച്ചവടത്തിൽ ലാഭം വന്നുചേരും. പുതിയ ശാഖ തുടങ്ങാനായേക്കും. സാമൂഹിക പ്രതിബദ്ധത സമാദരിക്കപ്പെടും. ഗൃഹം പുതുക്കിപ്പണിയാൻ സാധ്യതയുണ്ട്. അയൽ പ്രശ്നങ്ങൾ പറഞ്ഞുതീർക്കുന്നതാണ്. സുഹൃത്തുക്കൾക്കൊപ്പം ഉല്ലാസയാത്രകൾ നടന്നുകിട്ടും. മക്കളുടെ ഉന്നത വിദ്യാഭ്യാസം/ ജോലി/ വിവാഹം സ്വപ്നങ്ങളിൽ സാഫല്യം ഉണ്ടാകും.

അനിഴം

'അന്ത്യഷഡ്കം' എന്ന വിഭാഗത്തിൽ വരുന്നതിനാൽ ജനപ്രീതി, അധികാരപ്രാപ്തി എന്നിവയുണ്ടാവും. വിഷുസംക്രമത്തിൽ വ്യാഴം അഷ്ടമഭാവത്തിലാകയാൽ അടുത്ത മൂന്നു മാസം കൂടി കാര്യതടസ്സങ്ങളുണ്ടാവും. ജൂൺ പകുതി മുതൽ നേട്ടങ്ങൾ അഭംഗുരമാവും. പഠന മികവ്, ഉദ്യോഗലബ്ധി, ധനാഗമം എന്നിവ തടസ്സപ്പെടില്ല.  തെറ്റുകൾ തിരുത്താനുള്ള ആർജവമുണ്ടാവുന്നതാണ്. അവിവാഹിതർക്ക് വിവാഹസിദ്ധി പ്രതീക്ഷിക്കാം. മക്കളില്ലാത്തവർക്ക് സന്താനപ്രാപ്തി വരും. പഴയ വീട് പുതുക്കാം. കെട്ടിട നിർമ്മാണം പൂർത്തിയാക്കും. വാഹനയോഗമുണ്ട്. വിദേശത്ത് കഴിയുന്നവർക്ക് കൂടുതൽ സമ്പാദിക്കാനായേക്കും. പുതുസംരംഭങ്ങളുമായി മുന്നോട്ടുപോകും. രോഗഗ്രസ്തർക്ക് ചികിൽസാമാറ്റത്തിലൂടെ ആശ്വാസം വന്നെത്തുന്നതാണ്. ജനകീയാടിത്തറയിൽ മാറ്റമുണ്ടാവില്ല.

തൃക്കേട്ട

അഷ്ടമ വ്യാഴം ജൂണിൽ നവമഭാവത്തിലാവും. പഞ്ചമശനിക്ക് മാറ്റമില്ല. രാഹുവിന് ഡിസംബറിൽ അനുകൂല സഞ്ചാരം വരുന്നതാണ്. ഇന്ദ്രൻ നക്ഷത്രദേവതയായി വരുന്ന തൃക്കേട്ട അഥവാ ജ്യേഷ്ഠ നക്ഷത്രക്കാർക്ക് നേട്ടങ്ങളുണ്ടാവുമെന്ന് വിഷുഫലം സൂചപ്പിക്കുന്നു. പഠനനിലവാരം ഉയരും. കാലഘട്ടത്തിൽ പ്രസക്തമായ കോഴ്സുകൾക്ക് ഉപരിപഠനം സാധ്യമാവുന്നതാണ്. വിദേശ ജീവിതത്തിനുള്ള സാഹചര്യം തള്ളിക്കളയാനാവില്ല. സ്വകാര്യ സ്ഥാപനത്തിൽ ജോലി തരമാവുന്നതാണ്. വിവാഹാലോചന സഫലതയിലെത്തും. വീടുപണി പൂർത്തിയാക്കും. സംഘടനകളിൽ നേതൃപദവിയിലെത്തുന്നതാണ്. പലനിലയ്ക്കും ജീവിതത്തിൽ മാറ്റങ്ങൾ കൊണ്ടുവരുന്ന വർഷമായിരിക്കും. അനാവശ്യമായ ഉൽക്കണ്ഠകൾ ഒഴിവാക്കുക കരണീയം.

Also Read: ചൊവ്വ ഉച്ചരാശിയായ മകരത്തിലേക്ക്, ഗുണം ആർക്കൊക്കെ? അശ്വതി മുതൽ രേവതിവരെ

മൂലം

വിഷുഫലമനുസരിച്ച് തൊഴിലിൽ മുന്നേറാനാവും. സംരംഭങ്ങൾ തുടങ്ങാനുള്ള പരിശ്രമം ഫലവത്താകുന്നതാണ്. പ്രതിസന്ധികളെ മുൻകൂട്ടി കണ്ടുകൊണ്ട്  പോംവഴികളിലെത്തും. വസ്തു/ഫ്ളാറ്റ് വാങ്ങാനാവും. ആഗ്രഹിച്ച വിഷയത്തിൽ ഉപരിപഠനം നടത്തും. വിദേശത്ത് പോകാനുണ്ടായിരുന്ന തടസ്സം നീങ്ങുന്നതാണ്. ഗാർഹിക സമാധാനം  തെല്ല് കുറയാം. വിവാഹബന്ധത്തിലെ അതൃപ്തി അനുരഞ്ജനത്തിലൂടെ പരിഹരിക്കും. ട്രാഫിക് നിയമങ്ങൾ തെറ്റിക്കുന്നതിന് പിഴയൊടുക്കേണ്ടതായി വരാം. ജോലിയിൽ വിരമിച്ചവർക്ക് ആനുകൂല്യങ്ങൾ ലഭിക്കുന്നതാണ്. ഭൗതിക സാഹചര്യം മെച്ചപ്പെടും. ആത്മീയ കാര്യങ്ങൾക്കും സമയം മാറ്റിവെക്കും.

പൂരാടം

വിഷുഫലം പൂരാടം നാളുകാർക്ക് അനുകൂലമാണ്. ഇച്ഛാജ്ഞാനക്രിയകളെ സമന്വയിപ്പിക്കാൻ സാധിക്കും. തൊഴിൽ തേടുന്നവർ നിരാശപ്പെടില്ല. സഹജമായ കഴിവുകൾ പ്രയോജനപ്പെടുത്താനാവും. തൊഴിലിടത്തിൽ അംഗീകാരം ലഭിക്കുന്നതാണ്. സ്വകാര്യ സ്ഥാപനങ്ങളിൽ ജോലി ചെയ്യുന്നവർക്ക് വേതനം വർദ്ധിക്കും. ചെറുകിട സംരംഭകർക്ക് വിപുലീകരണം സാധ്യമാവുന്നതാണ്. മാർക്കറ്റിംഗ് തന്ത്രങ്ങൾ ഗുണമുണ്ടാക്കും.  അവിവാഹിതർക്ക് ദാമ്പത്യപ്രവേശത്തിന് വഴിതെളിയാം. ഹ്രസ്വയാത്രകൾ/വിനോദ സഞ്ചാരം മുതലായവയ്ക്ക് സാഹചര്യം ഒത്തുവരുന്നതാണ്. കുടുംബ ജീവിതം സാധാരണപോലെ തുടരും. ഗൃഹം മോടിപിടിപ്പിക്കും. ആരോഗ്യ പരിപാലനത്തിൽ ജാഗ്രത വേണം. ആഢംബരച്ചെലവുകൾ നിയന്ത്രിക്കേണ്ടതുണ്ട്.

ഉത്രാടം

ധനു - മകരം കൂറുകളിലായി വരുന്ന നക്ഷത്രമാണ് ഉത്രാടം. വിഷുഫലം സൂചിപ്പിക്കുന്നത് നല്ല അനുഭവങ്ങൾ വന്നെത്തുന്ന വർഷമാണ് മുന്നിലുള്ളതെന്നാണ്.  ഗോചരവശാൽ ഫലം സമ്മിശ്രമായിരിക്കും. അതിനാൽ പരിശ്രമം തുടരുന്ന പക്ഷം വിജയം നേടാനാവും. ആലസ്യവും ഒറ്റതീരുമാനത്തിലെത്താൻ കഴിയാത്തതും പിറകോട്ടടിച്ചേക്കും. സംഘടനാ രംഗത്ത്  സ്വാധീനം നേടുവാനാവും. ഉദ്യോഗാർത്ഥികൾക്ക് കർമ്മസിദ്ധി പ്രതീക്ഷിക്കാം. മേലധികാരികൾ കഴിവുകളെ പ്രോൽസാഹിപ്പിക്കുന്നതാണ്. വലിയ മുതൽമുടക്കുകളിൽ കരുതൽ വേണം. പതിവ് ആരോഗ്യപരിശോധനകൾ മുടക്കരുത്. നറുക്കെടുപ്പ്, ചിട്ടി, വായ്പ ഇവയിലൂടെ ധനാഗമം വരും. പുതുവാഹനയോഗം സാധ്യതയായിപ്പറയാം. കുടുംബത്തിൽ ഐക്യം പുലരുന്നതാണ്. തെറ്റിദ്ധാരണകൾ നീങ്ങും.

തിരുവോണം

ശനി ഇഷ്ടഭാവത്തിലാണ്. വ്യാഴം ആറിലും ഏഴിലുമായി സഞ്ചരിക്കുന്നു.  ഡിസംബറിൽ രാഹു ജന്മരാശിയിൽ പ്രവേശിക്കും. തിരുവോണം നാളുകാർക്ക് ആശിച്ച കാര്യങ്ങൾ നേടാനാവുന്ന വർഷമാണ്. വിഷുഫലത്തിൽ അന്ത്യ ഷഡ്കത്തിൽ തിരുവോണം ഉൾപ്പെട്ടത് ശുഭമാണ്. നിക്ഷേപങ്ങളിൽ ലാഭം അധികരിക്കും. മുതിർന്നവരുടെ പിന്തുണയുണ്ടാവും. തൊഴിലില്ലാത്തവർക്ക് സ്വകാര്യ സ്ഥാപനത്തിൽ നല്ല ജോലി പ്രതീക്ഷിക്കാം. ഭാര്യാഭർത്താക്കന്മാർക്ക് ഒരിടത്തേക്ക് ജോലി മാറ്റം കിട്ടും. പുതുതലമുറയുടെ മനസ്സിലാക്കും. കൂട്ടുകച്ചവടം മെച്ചപ്പെടുന്നതാണ്. സംരംഭങ്ങൾക്ക് സർക്കാർ അനുമതി കിട്ടും.  കലാപ്രവർത്തനം പൂർവ്വാധികം ശക്തമായി തുടരും.  ആരാധനാലയങ്ങൾ സന്ദർശിക്കുന്നതാണ്. രോഗികൾക്ക് ആശ്വാസമനുഭവപ്പെടും.

അവിട്ടം

സൂര്യസംക്രമം നടന്ന നക്ഷത്രം ചതയം. അതിൻ്റെ മുൻപിൻ നക്ഷത്രങ്ങളെ 'ആദിശൂലം' എന്ന വിഭാഗത്തിൽ ഉൾപ്പെടുത്തുന്നു. അവ മൂന്നിൻ്റെ അനുജന്മങ്ങളും കൂടിയാകുമ്പോൾ ഒമ്പത് നക്ഷത്രങ്ങൾ 'ശൂലം' ആയി വരും. അവയ്ക്ക്  സമ്മിശ്രമായ ഫലമയിരിക്കും ഉണ്ടാവുക. ആകയാൽ അവിട്ടം നാളുകാർ വിജയിക്കാൻ കൂടുതൽ അധ്വാനിക്കേണ്ടതായി വരുന്നതാണ്. ലാഘവത്വം ഉപേക്ഷിക്കേണ്ടതുണ്ട്. സുലഭവസ്തുക്കൾ ദുർലഭങ്ങളാവാം. സുഹൃത്തുക്കളോ ബന്ധുക്കളോ തെറ്റിദ്ധാരണയാൽ ശത്രുപക്ഷം ചേരാനിടയുണ്ട്. ധനാഗമം മന്ദഗതിയിലാവും. അന്യദേശത്ത് പഠനം/ തൊഴിൽ ഫലവത്താകുന്നതാണ്. കുടുംബത്തിൻ്റെ പിന്തുണ കുറയില്ല. വർഷത്തിൻ്റെ പകുതിക്കുശേഷം സൽഫലങ്ങൾ വർദ്ധിക്കും. സമയോചിതമായി പ്രവർത്തിക്കാനും നേട്ടങ്ങളുണ്ടാക്കാനുമാവും.

ചതയം

ഇക്കൊല്ലത്തെ വിഷുസംക്രമനക്ഷത്രമാണ് ചതയം. സൂര്യൻ മേടം രാശിയിൽ പ്രവേശിക്കുന്നത് ചതയം നക്ഷത്രത്തിലാകയാൽ 'ആദിശൂലം' എന്ന് വിളിക്കപ്പെടുന്നു. ഗുണാനുഭവങ്ങൾ കുറയാനിടയുണ്ട്. അപ്രസക്തമായ കാര്യങ്ങൾ പോലും മനക്ളേശമുണ്ടാക്കും. സ്വാഭിപ്രായം പറയുന്നത് കരുതലോടെ വേണം. വേഗത്തിൽ തെറ്റിദ്ധരിക്കപ്പെടാം. സ്വന്തമായി പണം മുടക്കി ബിസിനസ്സ് തുടങ്ങുന്നത് വെല്ലുവിളിയാവും. സഹായം കൈപ്പറ്റിയവർ ശത്രുക്കളാവും. സ്വകാര്യ സ്ഥാപനത്തിൽ ജോലി കിട്ടാം. പഠിപ്പിനോ തൊഴിലിനോ ആയി അന്യദേശവാസമുണ്ടായേക്കും. ഉറ്റവരുമായി സ്വത്തുതർക്കൾ ഉയരും. കടബാധ്യയിൽ നിന്നും മോചനം നേടും. കുടുംബ ജീവിതത്തിൽ അനൈക്യം ആവർത്തിക്കും.  ഈശ്വരസമർപ്പണങ്ങളിലൂടെ സമാശ്വാസം കണ്ടെത്തും.

പൂരൂരുട്ടാതി

'ആദിശൂലം' വിഭാഗത്തിൽ വരുന്നു, പൂരൂരുട്ടാതി. കുംഭം - മീനം രാശികളിൽ വരുന്ന ഖണ്ഡനക്ഷത്രവുമാണ്. ആകയാൽ സമ്മിശ്രഫലങ്ങൾ പ്രതീക്ഷിച്ചാൽ മതിയാകും. അദ്ധ്വാനം വിലമതിക്കപ്പെടുകയില്ല. ആഗ്രഹങ്ങളിൽ ചിലത് അതിപ്രയത്നത്തിലൂടെ നേടിയെടുക്കാം. ബന്ധുവാണോ ശത്രു, ശത്രുവിലും ബന്ധുവില്ലേ തുടങ്ങിയ ആശയക്കുഴപ്പങ്ങൾ ഉയരുന്നതാണ്. രോഗികൾ കൂടുതൽ ജാഗ്രത പുലർത്തേണ്ടതുണ്ട്. ധനവരവ് മോശമാവില്ല. പാരമ്പര്യമായ തൊഴിലുകളിലും ഏജൻസി ഏർപ്പാടുകളിലും വിജയിക്കുന്നതാണ്. മറുനാട്ടിൽ ജീവിതം പുഷ്കമാവാനിടയുണ്ട്. ചെലവുചെയ്യുന്നതിൽ മിതത്വം ശീലമാക്കണം. ദാമ്പത്യത്തിൽ സ്വൈരം വന്നുംപോയുമിരിക്കും. പാർപ്പിടം വാങ്ങാനാവും. കടബാധ്യതകൾ അധികരിക്കാതിരിക്കാൻ കരുതൽ വേണം.

ഉത്രട്ടാതി

വിഷുഫലം ഉത്രട്ടാതിക്ക് ഗുണം ചെയ്യും. 'ഷഡ്കം' എന്ന വിഭാഗത്തിൽ വരികയാൽ ന്യായമായ ആഗ്രഹങ്ങൾ നേടാനാവും. പദവികൾ ആഗ്രഹിക്കുന്നവർക്ക് അവ ലഭിച്ചുകൂടായ്കയില്ല. ഭാവനാപരമായ പ്രവർത്തനം, കല, പ്രഭാഷണം, സംവാദം തുടങ്ങിയവയിൽ വിജയിക്കും. ധാർമ്മിക കാര്യങ്ങൾക്ക് ചുക്കാൻ പിടിക്കുന്നതാണ്.  ഏഴരശ്ശനി തുടരുന്നത് പ്രതികൂലത സൃഷ്ടിക്കും. അലസതയുണ്ടാവും. പല കാര്യങ്ങളും സമയോചിതമായി നിർവഹിക്കുന്നതിൽ പിഴവ് വരുന്നതാണ്. സാമ്പത്തിക വിനിയോഗത്തിൽ വീഴ്ചകൾ ഭവിക്കാം. അന്യദേശത്ത് പ്രതിസന്ധികളെ നേരിട്ടേക്കും. ദീർഘകാലം കൊണ്ട് പൂർത്തിയാക്കേണ്ട കാര്യങ്ങൾ വിജയിപ്പിക്കാനാവും.

രേവതി

ജന്മശനിക്കാലമാണ്. രാഹു പന്ത്രണ്ടിലുണ്ട്. സമ്മർദ്ദങ്ങൾ തുടർക്കഥകളാവും. ദിക്കും പക്കുമറിയാതെ വട്ടം ചുറ്റുന്ന സ്ഥിതിയാണ്. സാമ്പത്തികം, തൊഴിൽ, ദാമ്പത്യം തുടങ്ങിയവയിൽ പ്രശ്നങ്ങൾ അലട്ടുന്നുണ്ടാവും. എന്നാൽ വിഷുഫലം സൂചിപ്പിക്കുന്നത് സമാശ്വാസകാലം എത്തിയെന്നാണ്. കൂരിരുട്ടിലും സ്ഫുടതാരകളുണ്ടാവും. കരുതിയ കാര്യങ്ങളുമായി മുന്നോട്ടുപോകാൻ സാധിച്ചേക്കും. ചെറിയ സംരംഭങ്ങളിലൂടെ ജീവിതം കരുപ്പിടിപ്പിക്കാൻ കഴിഞ്ഞേക്കും. കരാർ പണികൾ ആദായമാർഗമാക്കാം. മക്കളുടെ പഠനം, ജോലി, പ്രസവം മുതലായവയാൽ അച്ഛനമ്മമാർക്ക്/ഭാര്യാഭർത്താക്കന്മാർക്ക് വ്യത്യസ്ത സ്ഥലത്ത് താത്കാലികമായി പിരിഞ്ഞു താമസിക്കേണ്ടി  വരുന്നത് ഈതരത്തിലാണ് കണക്കാക്കേണ്ടത്. വലിയ സ്വപ്നങ്ങളെക്കാൾ ചെറിയ ചുവടുവെയ്പുകളാവും ഇപ്പോൾ ജീവിതത്തെ സാർത്ഥകമാക്കുക.

Read More: ഏപ്രിൽ മാസഫലം, അശ്വതി മുതൽ രേവതിവരെ