اول بوست انزله Recommendation لحد…
بقالى فتره كبيره بصراحه تايه ف قصص الورد بريس ومش عارف الاقى حد فعلا فاهم كل حاجه فيه من اوله لاخره…
اتعاملت مع ناس كتير جداا لحد ما حسيت انى لو اتعلمته وعملت انا اللى محتاجه بنفسى هيكون اسهل…
لحد ما اتعاملت مع Hesham Saad بصراحه كنت جايبه ف تاسك صعبه جدا ف الاول ومحدش من اللى اتعاملت معاه عرف يعمل فيها اى حاجه وهى كانت بخصوص members area بس داخل فيها Integrations كتير…
بصراحه هشام غيرلى مفهومى وابهرنى وابهر التيم باللى قدر يعمله – عرف يخلصلنا اللى احنا محتاجينه بكل سهوله ومن سعتها وانا مبتعاملش مع حد غيره… انا مش بدى ترشيح لاى حد لانى لازم اكون اتعاملت معاه مره واتنين وعشره وبصراحه انا من ساعه ما اتعاملت مع هشام مبتعاملش غير معاه وهو بيخلصلى كل الشغل اللى بنحتاجه وف اسرع وقت واعلى كوالتى…
فانا حسيت انى فعلا اقدر ادى Recommendations وانا مرتاح نفسيا – حاجه مهمه انا مش واخد فلوس عشان انزل بوست زى ده.
السبب اللى خلانى انزله انى قعدت فتره كبيره بلف كتير لحد ما كنت يأست انى هلاقى حد مصرى يعرف يخلصلى التاسكات اللى عندى ف الورد بريس – هشام دلوقتى بقى ماسكلى حاجات كتير مش ورد بريس بس….
فلو عندك اى شغل ف الورد بريس او المواقع وعايز واحد فاهم فعلا – متترددش – هشام على ضمانتى الشخصيه 🙂
شكرا يا هشام Hesham Saad <3 <3
