Santelmoetako repetizioetako Bertsio Gauari ekin baino lehen, herritarrek babesa adierazi zieten bost eguneko greba egin duten Estaños Matiena enpresako langileei. Txosnaguneko oholtzara igo ziren langileak, hain justu, aste honetan jasotako "adiskidetasuna eta elkartasuna" eskertzera.

Udalak 666 erosketa bonu aterako ditu salmentara; 200 bonu Internet bidez salduko ditu, eta 466, Kontzejupean, aurrez aurre. Erosleek ekainaren 21era arte izango dute bonuak erabiltzeko aukera. Ohi bezala, koloreka bereiziko dituzte bonuak trukatu ahal izango diren saltokiak.