Howth (en inglés) ou Binn Éadair (en irlandés, ambas as formas oficiais) é área residencial do condado de Dublín, Irlanda. Orixinalmente era unha vila pesqueira situada no que hoxe é unha península chamada Howth Head ou Ceann Binn Éadair, e que antes fora unha illa na baía de Dublín, preto das poboacións de Sutton e Portmarnock.
Na actualidade é o extremo norte do ferrocarril dublinés coñecido como DART.
Existe unha pequena illa fronte a Howth coñecida como Inis Mac Neasáin ou Ireland's Eye (o ollo de Irlanda) que actualmente é unha reserva natural debido á gran cantidade de aves que habitan nela.
Moitos días poden verse focas a escasos metros do porto.
