Esgos

Para outras páxinas con títulos homónimos véxase: Esgos.

Esgos
Instancia de concello de Galicia  Parte de Mancomunidade Voluntaria de Municipios da Comarca de Ourense Mancomunidade Intermunicipal «Ribeira Sacra»  Nome oficial Esgos (gl)  Lista do elemento eleccións municipais en Esgos
Implicados  Xefe do goberno Cargo: alcalde de Esgos Mario Rodríguez (2019 - )
Localización  Situado en  provincia de Ourense, Galicia, España  Capital Esgos  Comparte fronteira con Paderne de Allariz Xunqueira de Espadanedo Nogueira de Ramuín O Pereiro de Aguiar Maceda  OpenStreetMap  Coordenadas 42°19′30″N 7°41′50″O
Cifras e dimensións  Poboación 1.103 (2025) 1.208 (2013) 1.180 (2012) 1.194 (2011) 1.212 (2010) 1.234 (2009) 1.226 (2008) 1.259 (2007) 1.283 (2006) 1.312 (2005) 1.304 (2004) 1.304 (2002) 1.317 (2001) 1.216 (2014) 1.220 (2015) 1.194 (2016) 1.154 (2017) 1.134 (2018) 1.116 (2019) 1.103 (2020) 1.109 (2021) 1.104 (2022) 1.099 (2023) 1.102 (2024)  Poboación feminina    539 (2019)  Poboación masculina    577 (2019)  Superficie    37,79 km²  Altitude    580 m  Fuso horario    UTC+01:00
Códigos e identificadores Código postal 32... Código INE 32031 OpenStreetMap 346788 VIAF 316734250 Freebase /m/0h089s
Fontes e ligazóns  Páxina WEB concelloesgos.com
Wikidata G:Commons C:Commons

Esgos é un concello da provincia de Ourense, pertencente á comarca de Ourense e á Ribeira Sacra. Segundo o Padrón municipal, en 2017 tiña 1.154 habitantes (1.318 en 2003).

Poboación

Censo total	1.154 (2017)
Menores de 15 anos	86 (7,45 %)
Entre 15 e 64 anos	617 (53.47 %)
Maiores de 65 anos	451 (39.08 %)

Evolución da poboación de Esgos   Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023	2024
3100	3089	3580	2717	1304
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Xeografía

O concello de Esgos está situado ao norte da provincia de Ourense. Limita ao norte con Nogueira de Ramuín, ao sur con Paderne de Allariz e Maceda, ao leste con Xunqueira de Espadanedo e ao oeste co Pereiro de Aguiar. Ten 37,8 km² de superficie, e abrangue 7 parroquias.

Cara ao noroeste esténdense a Cabeza, con picos de 1147 e 1128 metros no límite con Nogueira de Ramuín. Cara ao leste está a serra dos Chairos (793 m) e os montes de Rocas, co Outeiro de Arcos (893 m) O Castelo (721 m) ou O Barbeirón, onde se asenta o mosteiro de Rocas. No pico do Birbiza (790 m) está o límite cos concellos de Paderne de Allariz e Maceda. No sueste está o alto do Couso (710 m).

O curso fluvial máis importante é o río Loña, afluente do río Miño en Ourense. Á súa vez, dous afluentes do Loña son o regato do Porto -que atravesa Lobaces e Gomariz- e O Grañal. O regato de Pazos que cruza a aldea de Esgos.

Historia

O topónimo vén dado polo rego de Esgos, citado na documentación de San Pedro de Rocas en 1007 e 1175 como rivulo Alesgos e en 1227 como Aesgus.

Durante a idade media esta zona estivo vinculada ao mosteiro de San Pedro de Rocas. Coa fin do antigo réxime e a constitución dos concellos estableceuse a capitalidade na aldea de Esgos, lugar de paso na estrada real cara a Ponferrada, actual OU-536.

Oficios tradicionais desta zona son os de albardeiro, cordeleiro, sogueiro, afiador ou oleiro.

No lugar do Regueiro, da parroquia de Santa Olaia, naceu en 1809 Manuel Blanco Romasanta, coñecido como o lobishome de Allariz.

Patrimonio

Entre o patrimonio do concello destaca o mosteiro de San Pedro de Rocas, recoñecido en 1923 como Ben de Interese Cultural.

Galería de imaxes

Artigo principal: Galería de imaxes de Esgos.

• 
  Mosteiro de San Pedro de Rocas
• 
  Mosteiro de San Pedro de Rocas. Parte da fachada da antiga igrexa rupestre co arco románico de entrada á capela da Epístola, e o nicho cos sepulcros de dous cabaleiros xacentes.
• 
  Bandeira de Esgos, Ourense.

Lugares de Esgos

Para unha lista completa de todos os lugares do concello de Esgos vexa: Lugares de Esgos.

Véxase tamén

Outros artigos

• Eleccións municipais en Esgos

---

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---