Barbara Chase-Riboud

Barbara Chase-Riboud
	; Irudi gehiago
Bizitza
Jaiotzako izen-deiturak	Barbara Dewayne
Jaiotza	Filadelfia, 1939ko ekainaren 26a (87 urte)
Herrialdea	Ameriketako Estatu Batuak ; Frantzia
Bizilekua	Paris; Erroma; Capri; Londres; Filadelfia
Talde etnikoa	afro-estatubatuarra
Lehen hizkuntza	ingelesa
Familia
Ezkontidea(k)	Marc Riboud (1961 -
Hezkuntza
Heziketa	The University of the Arts (en) ; American Academy in Rome ; Philadelphia High School for Girls (en) ; Tyler School of Art (en) 1956) Arte Ederren gradu ; Yale School of Architecture (en) 1960) Master of Fine Arts (en)
Hizkuntzak	ingelesa
Irakaslea(k)	Josef Albers; Louis Kahn
Jarduerak
Jarduerak	idazlea, olerkaria, eskultorea, eleberrigilea, marrazkilaria, margolaria eta arte-historialaria
	Parte-hartzailea Documenta 6 (en) ;
Jasotako sariak	ikusi Arte eta Letren zalduna ; Women's Caucus for Art Lifetime Achievement Award (2007) ; Janet Heidinger Kafka Prize (1979) ; Prix Aware (2021) ; Ohorezko Legioko zalduna (2021eko abenduaren 31) ; Fellow of the American Academy of Arts and Sciences (2023) ; Anonymous Was A Woman Award (2020) ;
Kidetza	Alpha Kappa Alpha; Arteen eta Zientzien Ameriketako Estatu Batuetako Akademia
Mugimendua	Black Arts Movement (en)
Izengoitia(k)	Chase, Barbara eta Riboud, Mrs. Marc
Genero artistikoa	arte abstraktua; fikzioa

Barbara Chase-Riboud (Filadelfia ,1939ko uztailaren 26a) estatubatuar artista bisuala, eskultorea, eleberrigilea eta olerkaria da.

Chase-Riboudek, eskultore eta poetisa gisa ospea lortu ondoren, Sally Hemings (1979) eleberriarengatik aitorpen zabala jaso zuen, Janet Heidinger Kafka saria irabazi zuen Fikzioan, eta nazioartean arrakastatsu bilakatu zen.

Hezkuntza eta lehen urteak

Barbara Chase Filadelfian (Pennsylvania) jaio zen, Vivian May Chase histologiako teknikariaren eta Charles Edward Chase kontratistaren alaba bakarra. Chasek talentu goiztiarra erakutsi zuen arteetarako eta Fleisher Art Memorial eskolan hasi zen zortzi urte zituela. Eskolatik bota zuten, "Autumn Leaves" poema plagiatu izana leporatu ziotelako, baina erratu egin ziren. Philadelphia High School for Girls eskolan aritu zen 1948tik 1952ra, eta kalifikazio akademikoa cum laude lortu zuen. Gero, Filadelfiako Arteen Unibertsitatean jarraitu zuen prestakuntza.

1956an Chase Tyler School-eko Arte Ederretan graduatu zen Temple-ko Unibertsitatean. Urte hartan bertan, Chasek John Hay Whitney beka bat lortu zuen Erromako Akademia Amerikarrean 12 hilabetez ikasteko. Han sortu zituen brontzezko lehen eskulturak, eta bere lana erakutsi zuen. Denbora horretan, Egiptora bidaiatu zuen, eta arte ez-europarra ezagutu zuen. 1960an, Chasek Arte Ederretako Masterra osatu zuen Yaleko Unibertsitateko Diseinu eta Arkitektura Unibertsitate Eskolan. Yale Unibertsitateko Arte Ederretako Masterra jaso zuen lehen emakume afroamerikarra izan zen.^[1] Ikasketak amaitu ondoren, Chasek Estatu Batuak utzi zituen Londresera, eta geroago Parisera joateko.

Ibilbidea

Chase-Riboud poeta, eskultore eta nobelagile ezaguna da. Arte eremu ugari landu ditu bere ibilbide luzean.

Ikusizko arteak

Tenpleko Unibertsitateko Tyler Arte Eskolan, Chasek Boris Blairekin ikasi zuen eta eskultura, pintura, diseinu grafikoa, grabatua, kolorearen teoria eta zaharberritzearen arloetan heziketa jaso zuen. Marrazketa anatomikoa ere ikasi zuen Templeko Unibertsitateko Medikuntza Eskolan.

Chase-Riboud-en eskultura abstraktu modernoek, askotan, metal iraunkorrak eta zurrunak, brontzea eta aluminioa kasu, elementu bigunagoekin, zetazkoak edo beste ehun-material batzuekin konbinatzen zituen. Argizari galduzkoaren metodoa erabiltzen zuen.

Lehen bakarkako erakusketa Galleria L'Obelisco-n jarri zuen, Italiako Spoleto Festival of Two Worlds-en, 1957an. Europan egin zuen lehen museo-erakusketa MOMA Parisen izan zen, 1961ean.

Bere lehen lan publikoa 1960an osatu zuen Wheaton Plazarako Marylandeko Wheatonen. Iturri hori aluminio pultsatuz eta forma abstraktuez, soinuz eta argi efektuez egina zegoen.

Chase-Riboud eta Betye Saar izan ziren Estatu Batuetako Artearen Whitney Museoan erakusten lehen emakume afroamerikarrak, Faith Ringgoldek antolatutako protesten ostean. Bere The Ultimate Ground pieza Amerikar Eskultura Garaikidea erakusketan erakutsi zen.

1971n, Chase-Riboud, beste artista garaikide batzuekin batera, Five-n agertu zen, artista afroamerikarrei buruzko dokumental batean.

1996an, Chase-Riboud Lower Manhattaneko Afrikar Hilerria Monumentu Nazionalean obra egiteko aukeratutako artisten artean zegoen. Bere brontzezko monumentua, Africa Rising, Ted Weiss Federal Building eraikinean instalatu zen 1998an.

Bere lana bilduma eta museo garrantzitsuetan dago, hala nola, New Yorkeko Arte Museo Metropolitanoan eta Arte Modernoko Museoan; Pompidou Zentroan, Parisen; Geigy Fundazioan, New Yorken; eta Los Angeleseko Lannan Fundazioan.

Literatur ibilbidea

Chase-Riboudek hainbat aintzatezpen jaso izan ditu bere literatur lanengatik, tartean Carl Sandburg poesia saria eta Women's Caucus for Art saria. 1996an Frantziako gobernuarengandik Ordre des Arts et des Lettres jaso zuen.^[2]^[3] Chase-Riboudek nazioarteko ospea eskuratu zuen bere lehen eleberria argitaratuta, Sally Hemings (1979). Eleberri horrek Sally Hemings esklabo beltzaren historia kontatzen du, Thomas Jefferson AEBko presidentearen esklaboa izan zena. Liburuak Janet Heidinger Kafka saria jaso zuen, emakume estatubatuar batek idatzitako eleberri onenari.^[4]

Idazle gisa poesiarekin hasi zen, Toni Morrisonek argitaratutako Memphis & Pekín (1974) izan zen bere lehen lana. Geroago bilduma berriagoak argitaratu zituen, Portrait of a Nude Woman as Cleopatra (1987), eta Everytime a Knot is Undone, a God is Released (2014).

Hurrengo eleberrietan ere jarraitu zuen Afrikako pertsonen esklabotzari eta esplotazioari buruzko gaiak jorratzen. Horrela, Valide: A Novel of the Harem (1986) nobelan Otomandar Inperioan esklabotza landu zuen. Echo of Lions (1989) 1839an La Amistad itsasontzian izandako esklaboen matxinada historikoari buruzkoa da. La Venus Hotentote-k (2003) Sarah Baartmanen bizitza aztertzen du. Sarah Baartman Khoikhoi emakume bat zen, eta XIX. mendeko Europan erakutsi zuten biluzik freak show-etan.

1994an, The President's Daughter argitaratu zuen, Sally Hemingsen historia jarraitzen zuen lana, bere alabaren bizitza kontatzean.^[5]

Poesia

Chase-Ribouden lehen poesia lana, From Memphis & Peking (1974), Toni Morrisonek argitaratu zuen eta kritika aldetik arrakasta handia lortu zuen. Bere poesia liburuak, Portrait of a Nude Woman as Cleopatra, (1987), Carl Sandburg Saria jaso zuen 1988an. 1994an, Chase-Riboudek Roman Egyptien argitaratu zuen, frantsesez idatzia. 2014an, Everytime a Knot is Undone, a God is Released: Collected and New Poems 1974–2011 argitaratu zuen.

Hautatutako lanak

Eskulturak

Last Supper (1958)
Bullfighter (1958)
Malcolm X (1970)
Why Did We Leave Zanibar (1971)^[6]
Confession for Myself (1973)
Cleopatra'sCape (1973)
Afrika Rising (1998)
Mao's Organ (2008)

Eleberriak

Sally Hemings: A Novel (1979). Paper-azalez berrargitaratua 2009an
Valide: A Novel of the Harem (1986). ISBN 978-0-688-04334-6
Echo of Lions (1989). ISBN 978-0-688-06407-5
The President's Daughter (1994). Paper-azalez berrargitaratua 2009an
Hottentot Venus: A Novel (2003). ISBN 978-0-385-50856-8

Poesia

From Memphis & Peking (1974). ISBN 978-0-394-48899-8
Portrait of a Nude Woman as Cleopatra (1987). ISBN 978-0-688-06403-7
Everytime a Knot is Undone, a God is Released (2014). ISBN 978-1-60980-594-4

Erreferentziak

↑ «ARTIST AND POET BARBARA CHASE-RIBOUD IN CONVERSATION WITH CLAUDIA RANKINE AND MARTA KUZMA: HONORARY LECTURE CELEBRATING YALE SCHOOL OF ART'S 150TH YEAR» Yale School of Art.
↑ «Imagining Sally Hemings» Frontline (WGBH educational foundation).
↑ «Barbara Chase-Riboud: The 1960s and 1970s @ Frieze New York» ArtfixDaily.
↑ «Barbara Chase-Riboud» African American Literature Book Club (AALBC.com, LLC).
↑ DNA Test Finds Evidence Of Jefferson Child by Slave. 1 de noviembre de 1998.
↑ Selz, Peter. (2009). «Retrospective: Reflections on Barbara Chase-Riboud» Callaloo (The Johns Hopkins University Press) 32: 879–881. doi:10.1353/cal.0.0488..

Kanpo estekak

The Art Blog
Decades in the Making
BCR's Malcolm X Steles Exhibit video YouTuben
Fred B. Adelson, "Barbara Chase-Riboud brings Malcolm X sculpa tures home", USA Today, 2013ko azaroaren 5a
Barbara Chase-Riboud, Stuart A taldean. Rose Library, Emory Unibertsitatea.
"American expat artist living in Paris France – Barbara Chase-Riboud", YouTube/Youtube-ren bideoa, 2010eko apirilaren 27a.

Datuak: Q2883927
Multimedia: Barbara Chase-Riboud / Q2883927

[1] «ARTIST AND POET BARBARA CHASE-RIBOUD IN CONVERSATION WITH CLAUDIA RANKINE AND MARTA KUZMA: HONORARY LECTURE CELEBRATING YALE SCHOOL OF ART'S 150TH YEAR» Yale School of Art.

[PBS-2] «Imagining Sally Hemings» Frontline (WGBH educational foundation).

[3] «Barbara Chase-Riboud: The 1960s and 1970s @ Frieze New York» ArtfixDaily.

[aalbc.com-4] «Barbara Chase-Riboud» African American Literature Book Club (AALBC.com, LLC).

[5] DNA Test Finds Evidence Of Jefferson Child by Slave. 1 de noviembre de 1998.

[6] Selz, Peter. (2009). «Retrospective: Reflections on Barbara Chase-Riboud» Callaloo (The Johns Hopkins University Press) 32: 879–881. doi:10.1353/cal.0.0488..

[1]

[2]

[3]

[4]

[5]

[6]