Stranded Deep

Stranded Deep
Распрацоўшчык	Beam Team Games
Выдавец	Beam Team Games
Даты выпуску	23 студзеня 2015, 21 красавіка 2020 і 23 красавіка 2020
Жанр	Сімулятар выжывання
Тэхнічныя даныя
Платформы	Windows, macOS, Linux, PlayStation 4, Xbox One
Гульнявы рухавік	Unity
Рэжым гульні	сінглплэер
Мовы інтэрфейсу	англійская, французская, італьянская мова, нямецкая, іспанская і руская
Носьбіт	Steam
Сістэмныя патрабаванні	Мін. патрабаванні: OS: Windows Vista ці вышэй CPU: 1.8 GHz; Intel dual-core ці вышэй RAM: 2 GB GPU: Intel HD 5000 VRAM: 512 MB Вольнае месца на вінчэстары: 1 GB Рэк. патрабаванні: OS: Windows 7 ці вышэй CPU: 1.8 GHz; Intel dual-core ці вышэй RAM: 4 GB GPU: NVIDIA GeForce GTX 600 ці AMD Radeon HD 7000 series VRAM: 2 GB Вольнае месца на вінчэстары: 1 GB
Кіраванне	клавіятура, мыш, джойсцік
Афіцыйны сайт

Stranded Deep (з англ. — «глыбока на ме́лі») — відэагульня у жанры выжывання, створаная аўстралійскай незалежнай камандай распрацоўшчыкаў Beam Team Games, першая відэагульня кампаніі. Гульня расказвае гісторыю персанажа, які перажыў авіякатастрофу на палёце над Ціхім акіянам, і часткова пераклікаецца з культавым фільмам «Выгнаннік» (англ.: Cast Away) 2000 года з Томам Хэнксам у галоўнай ролі.

Геймплэй

Дзеянне гульні адбываецца ў Ціхім акіяне, у моры Д’ябла. Гулец кіруе адзіным выжылым з самалёта, які пацярпеў крушэнне. Персанаж павінен самастойна шукаць рэсурсы для выжывання, даследаваць свет і пазбягаць небяспек, напрыклад нападаў акул і атрутных змей. У пачатку гульні персанаж аказваецца ў адкрытым моры сярод акул і павінен дабрацца да бяспечнага незаселенага вострава, дзе можа майстраваць прымітыўныя інструменты з камянёў і палак, шукаць ядомыя расліны, лавіць крабаў і рыбу. Свет гульні, у тым ліку астравы, рэшткі разбітых караблёў, якія знаходзяцца як на паверхні, так і пад вадой, і іншыя месцы генеруюцца працэдурным чынам.

Гульня не паказвае на экране элементаў візуальнага інтэрфейсу — інфармацыя пра стан здароўя, памер голаду і смагі прысутнічае на наручным гадзінніку персанажа, на які можна зірнуць у любы момант. Калі ў персанажа атрымаецца пражыць дастаткова доўга, ён можа пабудаваць не толькі трапічную вілу, але нават верталёт для перамяшчэння паміж астравамі. У ранніх версіях гульні стварэнне рэчаў і збудаванняў адбывалася не ў спецыяльным акне інтэрфейсу, а ў свеце гульні — дастаткова было размясціць рэсурсы на зямлі, і спецыяльны абразок паказваў, што з іх можна стварыць. Гэтая набліжаная да рэальнасці, але нязручная сістэма пазней была заменена на меню са спісамі рэсурсаў. У пазнейшых версіях гульні таксама з’явіліся навучанне і падказкі для гульца.